Ka Nupepa Kuokoa, Volume LXV, Number 31, 5 August 1926 — Page 5

	maemae ame ka mahaloia e na mea apau. He opiopio ma kona nanaina he kanaka makua nae ma na hoopono- pono lahui, kekahi o na hoa ano nui loa iloko o ka hale ahaolelo o ka lehulehu, a pela pu hoi me kona mau hoapaahana apau maloko o ka hale olalo. Mamuli o ia mau ano maikai, oluolu ua lokahi ae la na hoa apau e hookau aku i kela hanohano nui, he kulana ano pilikia apuepue no kekahi mea i loaa ole ka naauao, ka ike, ka hilinai ia aku e na hoa o ka hale; aka, me ke kanalua ole ua lokahi ae la na mea apau e hoo- kau aku i kela hanohano maluna ona i mea malama i ke dala. Nolaila, ma na mea apau i hoaka- kaia ae nei maluna, he mea pono no i na mana koho apau o Hawaii Komohana e haawi hou i ka oukou mau kakoo ana no keia inoa, Hon. L. Wishard. He mea maikai i ka maka ka ike ana i na mea maemae, a pela hoi me na mea e hauoli ai ka naau, ka ike ana ame ka lohe ana e malama me ka hoomaopopo ana i na mua apau no ka pono. Ina nei no ka hoi hou ae o ka Mea Hanohano Hon. L. Wishard i keia Kau ae o 1927, ke hauoli piha nei keia mana koho no ka ike aku iaia a lululima pu aku me ia, me ka haawi pu ana no hoi i na mana koho, o Hawaii Komohana i ka ma- halo piha nui loa. Ua hanau oia maloko o keia Te- ritore, a ua mare oia i kekahi ui kuonoono o Kohala Akau, Hawaii, nona kela inoa kaulana Union Mill; Puehuehu. He kanaka, kupono loa maoli e hiki ai e haawi aku ka lehulehu i na kakoo hou ana nona. E kikoo aku i na mea mamua, ua lawa me ke aloha nui ia oe e Solomon Hanohano, Owau no, DAVID K. MALUHIA. KO CHARLES HORSWILL HELE ANA NO, AOLE I HOI HOU MAI. I ko makou hoapaahana iloko o Kristo Mrs. Alice Kaainoa Hors- will, luuluu wale hoi e! Oiai ua pauaho mai o Charles Hors- will kau mea aloha he kane i keia ola ana ma ka la 19 o Iune, M. H. 1926, i hala aku la, ka la hoi i oluolu ai i ka Mea Mana Loa ke kii ana mai a lawe aku i Kana o ka uhane, a waiho iho la i kau o ke kino puanuanu i mea hooma- nao nau iloko o keia ola honua ana. Ua hoi aku la ka lepo i ka lepo, ka palaho i ka palaho, ua pio ke kukui, ka hale a ke aloha, ka makamaka, a ka moe e kipa mai ai e. Aloha wale! Ua hele o Charley, a o kona hele aua no ia, aole oia i hoi hou mai. Ua haalele iho la i na iwi o kona mau iwi ame na io o kona mau io, ka mea nani a makamae hoi a ka Mea Mana Loa i haawi mai ai i ke kane, he wahine, i hoapili, i hoaku- ka a i hoa ohumuhumu a i hoa e kaana pu ai i na inoa ame na na popilikia, a i olo i hoa e luaka- ha ai iloko o na luhiehu o ka po- maikai ame ka nohona oluolu o keia ola ana; a ke kanaka hoi e i iho ai nona ka paa oluna a nona ka paa olalo. Ua pau iona ike ana i ka mala- malama o ka la i ka mea mehana pau kona hoomaopopo ana i ka pa kolonahe ana mai a na aheahe lau makani ma kona mau papalina. Ua pau ka nohoalii ana o na ea waia- nuhea o keia ola ana, iloko o kona wahi pauku kino. Ua pau kona pili hou ana, ua pau kona kukakuka pu ana, ua pau kona ohumuhumu pu ana, ua pau kona kaana pu ana me oe i na inea ame na popilikia, ame kona luakaha pu ana me oe iloko o ka pomaikai ame ka nohona oluolu o keia ola ana. Ua hala aku la o Charley ma kahi a ka Makua Lani i hoomakaukau ai no- na a no kakou apau ma kela ao laelae maha mau loa no; malaila e noho pu ai oia me na puali anela o ke Akua Kiekie Loa, e hosana pu ana iloko o ia ao, ia ao aku, a i ke ao pau ole. Mamuli o ko Charley hele loa ana, ua kau iho la maluna ou e ka ma- kuahine hoomanawanui ke koikoi o ka hoomanao mau ana nona, a oiai, o Kona makemake wale no ke ha- naia, nolaila, ke hooholoia nei pe- nei: O makou kou mau hoapaahana iloko o na hana maikai a ko kakou Haku aloha iloko o ka Ekalesia, Kula Sabati ame na C. E., o Wai- oli Huiia, ma o ko makou mau ko- mite la, ke komo aku nei me oe e ka makuahine ame ka ohana, e auamo pu i na haawina o ka eha- eha; a na ke aloha ame ka loko- maikai o ko kakou Haku aloha o Iesu Kristo e hoomama mai i ko kakou mau luuluu. O makou no kou mau hoapaaha- na iloko o ka Ekalesia, Kula Sa- bati ame C. E. o Waioli Huiia, ma o ko makou mau komite la. HENRY W. WAIAU, Haiolelo, Ekalesia POKA KANEHE, Kahu, Kula Sabati. J. M. KEONE. Peresidena, C. E Waioli, Hanalei, Kauai. NU IOKA, Iulai 22— He umi poe i make a he kanaha a oi aka i eha i ka manawa o ke kaa bus e Iawe ana i ka poe makaikai o Burukeline i kahuli ai ma kahi o ke alanui e a'e aku ai i ke alanui kaaahi, ma kahi kokoke mai ia nei i keia la.	UA AE IA KE KUAILO. E Mr. Lunahooponopono o ka Nu- pepa Kuokoa, Aloha a nui: — Mamu- li o ke noi e kuailoia ka haina o ka nane, nolaila, e hoikeia aka aua la i ka poe huli nane, ame ka poe heluhelu o ka Nupepa Kuokoa. Eia no ka nane: Heaha ka laau hele pu me ke ka- uaka i loaa i ke ahe a ku makani. Ua kukuluia hoi ka nane iloko o kekahi mele hula penei: Ko leo ka'u i lohe aku nei, Ma ke kelepona hui ai kaua, Na ka uwila i lawe mai nei, A loaa i ke ahe a ka makani. Nolaila, ua kukuluia ka nane ilo- ka o keia lalani mele hope; iloko wale no o ia lalani mele, e loaa ai ka haina o ka nane. Haina o ka laau i ke ahe a ka makani. LAAU O-PE-A WAA; o ia ka laau e o ana i ka pe'a waa a mohala pono ka pe'a aia a pa ka makani, alaila loaa keia laau, a o na laau la ka laau hele pu me ke kanaka; oiai ua loaa i na kane ia mea he opea. Me ka poo huli nano, ame ka poe heluhelu o ke Kuokoa; me na keiki hoonohohua, ame ka Lunahoopono- pono ka welina. 2. P. K. KAWAIKAUMAIIKA- MAKAOKAOPUA, Napoopoo, Hawaii. HE NANE Mr. Lunahooponopono o ka Nupe- pa Kuokoa, Aloha oe: — E oluolu oe e hookomo iho ma kahi kaawale o kekahi kolamu o ka hiwahiwa a kana i keia nane hoonanea hou a ka poe huli nane, ame ka poe helu- helu o ka Nupepa Kuokoa: Penei ua nane hookalakupua nei: Mahele 1. Owau no ka alepa ame ka omega, ke kumu ame ka welau. Owau ka oi maluna o na meaulu apau o ka honua, aole mea nana e pa'i kuu poo. Mahele 2. Owau no ia, hele au i ka nui, ka loa, ame ka laula. Mahele 3. Pololi oukou hanai aku au i ka ai. Makewai oukou. hoo- hainu aku au. Owai au i ka mahele mua. Owai au i ka mahele elua. Owai au i ka mahele ekolu? Owai kuu inoa piha? E loaa no au ia oukou ma ka ma- hele mua; ke hoomaopopo oukou i ko kaona o ka olelo. Ina aole oukou e hoomaopopo i ke kaona, aole Ioa e loaa iki ana ia oukou a elemakule. O ka mea e loaa ai o keia nane, me ke kulike me na we- hewehe i ka Lunahooponopono, e loaa no ka Nupepa Kuokoa haawi wale o hookahi makahiki; ame hoo- kahi dala lima luhi. E pono ka poe huli nane, e hoo- maopopo i ke kaona o ka nane. Aia ilaila e loaa ai ka haina o keia nane. Ina aole oukou e hoo- maopopo ana, e loaa ana na poo- hina he umi. Me ka poe heluhelu o ka Nupe- pa Kuokoa ame na poe huli nane kuu welina; a o kuu aloha pau ole me na keiki hoonohohua, ame ka Lunahooponopono. Z. P. K. KAWAIKAUMAIIKA- MAKAOKAOPUA. Napoopoo, Kona Hema, Hawaii. HAINA NANE. Mr. Solomon Hanohano, Aloha kaua: — E oluolu kou hanohano e hookomo hou iho i ka haina o ka nane a ke kaikamahine o ka ua Komaliu, o ia hoi keia: Ka mahele mua poele ka honua, ka mahele elua malamalama i ka lani i ka hoohuiia ana o ka ma- hele mua me ka mahele hope loa mai ka welelau lima, he pepe loa iluna ke alo, owai kuu inoa piha? Haina. BAIBALA HEMOLELE ka inoa piha, o hoike ana i ka euanelio o ka Haku, i ka poe e hele ana ' '-iiopule, i na wa apau, o ia k: 'm nane a ko kaika- mahiiie ulia Me oe e Mr. Solomon Hanohano ko'u aloha me na keiki hoonohohua kepau kou welina. Owau iho no, KEIKI O HAUPU. Aole mai la ia o ka haina, huli hou ia mai! — L. H. HE MEA MAIKAI KA MARE NO NA MEA APAU. Ua hipuu paa loa ia ae ma ka berita maemae o ka mare e S. D. Nuuhiwa o Mr. Kanae J., ame Mrs. Paea J. Kamahalo ma ke ahiahi Poa- kolu, Iulai 28, hora 4, ma ka home o Mr. L. Kaaimanu, a o kekahi ho- ike no ia o keia mare ame Mr. Moses Aalona. Ke hoike nei ka meakakau, o ka paamare ame na hoike he poe keiki hanau no keia no ka aina, mai ka wai o Waipuhi, Hauula, a ka muli- wai o Waiono, Punaluu, no olua e ka paamare keia leo a'o o ia hoi e malama pono olua i ka berita a olua i aelike ai imua o ke Akua, a e malama pu i ko olua mau inoa. Ike i ka paamare ka ohana ame na hoaloha, a pau ia, ua makaukau mua ka papaaina no na moho ha- koko Hanale ame Keoni Bulu, a o Hanale no ka i eha, no ka nui no o na meaai, ka poi uouo kaohi puu o Kawaiiliahi, ka laiki loloa i hui pu ia me ka moa, na poke wana momona, na omole waimomona, na pa meaono, ua ai a lawa, ua inu a ko'u ka puu i ka wai a ka naulu S. W. KAUHI Puheemiki, Koolauloa, Oahu.	MAKEMAKE IA KA KA- LAPU REPUBALIKA E KOHO IMAU KOMITE KALANA Ua hoopuka ae nei ke komite ku- waena teritore o ka aoao Repubali- ka, he kahea pili oihana, i na ka- apu Repubalika apuni o Oahu nei, o ia hoi, na kalapu o ka apana eha ame elima no ka wae ana ae ame ke koho ana aku i na komite kalana i kulike ai me na rula alakai o ka aoao. Malalo o kela kahea pili oihana e koi ana ia i na kalapu Repuba- lika apau o na apana eha ame eli- ma, o ke kulanakauhale a kalana o Honolulu nei e malama ae i ha- lawai ma ke ahiahi o keia Poaha, Augate 5, e hoomaka ana ma ka hapalua o ka hora ehiku, a pau ma ka hapalua o ka hora ewalu. O ka hana i makemakeia ai ma kela halawai, o ia no ka waiho ana ae o na kalapu, i na inoa o na ko- mite kalana, a ma ka Poaono, Au- gate 14, o ka manawa ia e koho baloka ia ai o kela mau inoa, ma na kalapu he mau inoa lehulehu i waihoia ae, e hoomaka ana kela ba- loka, ma ka hora elua o ka auwina la, a pau ma ka hora ewalu o ke ahiahi. PEPEHIIA KA MEIA AME KONA OHANA A MAKE MALOKO O MEKIKO MEKIKO Iulai 27— O ka make mua mamuli o ka limaikaika ana ma ka hakaka mawaena o ke au- puni ame ka Hoomana Kakolika, uaua hoikeia mai ianei i keia la e ke kanaka kakau meahou no ka Nupepa Aguas Calientes o ka Nu- pepa Nniversal Graphico, ka mea nana i hoike mai no ka liia ana o ka Meia Humberto Cervantes o Nochistan, Mokuaina o Zacatecas, ka mea nana i pepehi i kekahi ka- hunapule Kakolika o ia wahi, ma ke ki ana iaia i ka pu alaila kauoha aku la no kona hopuia. Ua loaa mai he lono kelekalapa mai ia Aguas Calients mai he mea kakau meahou no no ka Nupepa EI Universal, malalo o ka ona hoo- kahi elike me ka Nupepa Nnver- sal Graphico e olelo ana au nouia ka Meia a make me ka pohaku e kekahi puulu kanaka huhu a maho- pe pepehi aku la i na lala apau e ka ohana o ka meia, no ka pepehi ana a make ke kahunapule Kako- lika. O keia mau lono nae a elua aohe i hooiaioia mai. O ka Akibihopa o Mekiko, ka Rev. Moray Del Rio, ua maule oia no ka pau o ke aho maloko o ka halepule ma ka la aku i nehinei ilo- ko o na hora ikiiki o ka hana mai oia e hooiaio ana i na palapala o na keiki i bapetizoia 5000. DAVID PAOO Jelling me EDWIN KEKUKU He mau opio kual, huli aina; ha- na palapala kuai, maraki, kuai a paa moraki, a he Noteri no ka lehu- lehu. E ui ae ia laua. Rumi Helu 8. Hocking Bldg. Kihi o na Alanui Moi me Nuuanu Kelepona 3212 Pahu Leka J. K. Nakookoo Noteri-Lunahooia, kakau i na pa- lapala apau, huli aina pohihihi, ake- na hoolilo a kuai aina, hooponopono i na like ole. Hikiwawe na hana Oluolu ka auhau. Loaa no— Keena Kakauolelo Kalana o Honolulu. 1 — mo. HOOLAHA KUAI O NA HOOLI- MALIMA AUPUNI. Ma keia ke haawiia aku nei ka hoolaha akea ma ka hora 10:00 a. m., Poalima, Sepatemaba 3, 1926 ma ke keena o ka Hope-akena, Mr. J. M. Lydgate, Hale Kalana, Lihue Kauai, malaila e kuai hoolilo ia aku ai ma ke kudala akea, i ka mea koho kiekie loa malalo o na manao o ka Pauku 73 o ke Kanawai Ku mu o Hawaii a o na Kanawai Hoo ponopono Hou ia o Hawaii 1925 na Hoolimalima Laula o na apau: Aupuni mahope ae nei penei: 1. Apana 39, na Apana Kanu La iki ame Kula o Hanapepe, Ha- napepe, Kona, Kauai, nona ka iliaina o 4. eka, oi aku a emi mai paha; uku hoolimalima haahaa, $40.00 o ka makahiki e uku hapa-makahiki mua ia. 2. Apana 1, Kuea S, na Apana Taona o Kapaa, Kapaa, Kauai nona ka iliaina o 7,560 kapu ai kuea, oi aku a emi mai paha uku hoolimalima haahaa, $25.- 00 o ka makahiki, e uku hapa makahiki mua ia. E kaa na hoolimalima e hooliloia aku ana malalo o na kumu aelike apau ame na kulana o na Hoolima- lima Laula Aupuni i hoopukaia e ke Keena o ke Komisina o na Aina Aupuni. E kaa ke kuai maluna ae malalo o na kulana mahope ae nei penei: A. Manawa o na Hoolimalima: 15 makahiki pakahi, mai Sepate- maba 3, 1926 aku. B. E uku ka mea e lilo ai ma ka haule ana o ka hamare i ka uku hoolimalima o na mahina mua eono, hui pu me na hoo lilo apau o ka hoolaha ana ame na kaki e ae apau i pili i ka hoomakaukau ame ka hoopuka- ia ana o na hoolimalima i ole- loia. No ka hoakaka aku i koe e ninau ae ma ke Keena o ka Hope-akena Mr. J. M. Lydgate, Hale Kalana Lihue, Kauai, a i ole ma ke Keena o ke Komisina o na Aina Aupuni, Honolulu, kahi o ke kii palapala aina o na aina e hoolimalimaia aku ana ame ke ano o ka Hoolimalima Laula Aupuni e waiho nei a e ikeia ai. Hanaia ma Honolulu, maloko o ke Keena o ke Komisina o na Aina