Ka Nupepa Kuokoa, Volume LXV, Number 31, 5 August 1926 — HE MOOLELO no KAMILA a i ole Na Ola Elua i Owiliia Iloko o na Wiliau o na Popilikia Mamuli o na Hana Pupuahulu [ARTICLE]

HE MOOLELO no KAMILA a i ole Na Ola Elua i Owiliia Iloko o na Wiliau o na Popilikia Mamuli o na Hana Pupuahulu

"Heaha mai auanei, tia hele au a hopohopo loa nou e Kalani. Aole paha he mea pono no kaua ka hoonohonoho hou ana iho maloko nei o keia hale, ua wela loa oloko nei o ka hale nou, « hoi kaua i ka hale; a kaua kakali ana no ko kaua kaa, ika ma kekahi kaa hoolimalima kaua e hoi aku ai." Aole ka hoi i pau ko kaua nanea ana, koi no oe i ka hoi, pela iho kaua e noho ai, ahiki i ka pau ana o ke keakal" Ua puni maoli no o Kalala i kela mau olelo hoolalau a Kalanl, me kona manaoio loa, no kela eha kahiko i loaa i ke kanaka opio, ke kumu i haikea ai kona helehelena, nolaila ia laua i noho hou aku ai, no ke koena aku o na hana keaka, aole he manao hopohopo iki i koe iloko o Kalala, no ke kulana o kana. aloha. I ka hoomaka hot\ ana o ke keaka, noi mai la o aKlani ia Kalala e hookuu aku iaia e hele nowaho o ka halekeaka e puhipaka ai, aka nae iaia i liuli hoi hou mai ai, he o ia mau no kela haikea o kona helehelena, a ia laua t huli hoi aku ai no ka hale, « puliki loa ana o Kalani i ka lima o Kalala o ia no oe o ka mea i hopohopo; no ke kaawale aku o kona kokoolua mai iaia aku. Mamua o ko laua hookaawale ana ma kela po, ua haawi aku la o Kalani he manawa loihi e honi ai ia Kalala, a na ia mea I hoopiha aku ia Kalala, a me ka hauoli loa, iaia i hoi aku s! e hiamoe, me kona noonoo ana iho, oia ke kaikamahine hauoli &ookahi maloko o ke kulanakauhale o Ladana. MOKUNA XXI. Ma keU hoea ana aleu o Kalani ame Kalala i ka hale, e *f* mai ana no o Teda maloko o ka rumi hookipa, a ia Kalala f htiH hoi aku ai noloko o kona rumi moe, a koe kokoolua wale ?!io la no na kanaka opio maloko o kela keena, ia wa i hookau mai ai o Teda i kona lima, ma na poohiwi o Kalani Elikona ā nina* mai !a: M Heaha ka pilikia i loaa ia oe e Kalani kuu hoaloha i keia p©r wahi ana me ka hakilo loa ana mai ma na maka o Kalanl. "Kohu ole hoi kau ninau, heaha auanei ka pilikia e loaa {a'u ?" i pane aku ai no hoi o Kalani Elikona, me ka hurta ana ! ka mea oiaio. "Mal hoao oe e Kalani e huna, no ka mea na kou helehelena ponoi no i kumakaia i ka meahuna iloko ou." "Alaila aia anei kekahi hiona ano e loa ma kuu helehelena?" *Aok paha kena he wahi hoailona uuku, aka ua like loa oe m« kekahi kanaka he umi hou ae makahiki, mamua o kou kahflco ! keia manawa." "Alaila manao no anei oe, ua hoomaopopo mai o Kalala i ko'u ano, no ka loli loa, mai kela ano mua ana i nana mai ai maluna o'u?" M Pehea auanei t nele ai kona ike ana mai i ke ano e o kou helehelena, elike no hoi me ia a'u e ike aku nei i kou ano." No kela pane a Teda, luliluli iho la o Kalani i kona poo, me ka noke ana iho i ka holoholo maloko o kela rumi hookipa no kekahi mau minuke, a iaia no paha ka ike, no ka nui loa ō ka ehaeha i loaa i kona noonoo, hoi okoa mai la oia, a noho !ho la maluna o kekahi noho, me ka palulu ana ae o na lima ma kona mau maka, a o ia ka Teda o ka ninau ana mai: "Aia kekahi mea ano nui loa, nana i hoano-e i kou helehelena e kuu hoaloha, e pono ai oia e hoike mai ia'u. Heaha keia pilikia i loaa ia oe e Kalani?" me ka hoopilikia maoli ia aku o ko Teda noonoo no ke kulana o kona hoaloha. "He nan? hoi ia ke koi hoomano mai nei oe e Teda e hoike aku au i ke kumu o ka pilikia i loaa ia'u, nolaila e hooko aku ana au i kau noi, o ia keia: "O kela wahine hana keaka, i kapa iaia iho ma ka inoa o Adele Keka, aole oia he wahine okoa aku, aka o kuu wahine mare no ia. Ua ike pono aku nei au iaia i keia po maloko o ka halekeaka." ''Auwe no ka hoi el E Kalani, ua opulepuleia anei oe?" "No na hora elua a ekolu i kaahope aku nei, ua hoala maoli tnai no au i kena ninau hookahi, au e olelo mai la, me kuu manao, ua opulepuleia paha au, o ka mea apiki hae, he o ia mau no ka. maikai o ko'u noonoo, elike no me keia a kaua e kamailio nei," alaila noke okoa ae la o Kalani i ka akaaka. "Ke olelo mai nei oe, ua ike pono aku nei oe i kela wahine hana keaka, ma ke ano o ko wahine mare la, aole anei pela? Malia paha ua kuhihewa oe, mamuli wale no o ka kulike loa 0 ka helehelena o kela wahine me ko wahine mare, pela oe i manao ai, oia Jcela," wahi a Teda, me kona īke ana iho, i ka nui maoli o ka ehaeha ame ke kaumaha e kau aku atja maluna o Kalala, ke loaa aku ka ike ia|a, eia no ke ola nei ka wawahine mare mua a Kalani, a ua hiki ole e hookoia ka mare maluna o laua. "Ua noonoo no au elike me kena au e kaniaiUo mai nei, ma fca nlia laki wale no i kulike !oa ai ka helehelena o kela wahine me kuu wahine mare, aka nae i wahi e !oaa maoli ai ia'u ka mea oiaio loa; i ka wa i hoomaka hou ai ka poe hana keaka, 1 ka lakou hana, noi aku la au ia Kalala e hookuu mai, e hele au e puhipaka. "Aole nae no ke puhipaka ka'u mea i makemake ai e kaawale mai iaia mai aka, i hiki ai ia'u ke hoouna aku i kekahi leka i kela wahine no ka ninau ana aku iaia, ina paha e ae mai j ana oia e kamailio pu me a'u; o kana pane, o ia no keia ma- j luna o keia pepa," alaila haawi aku la oia h« wahi apana pepai po ka heluhelu ana iho g I

" "Aole loa o'u wahi kanalua iki i koe no kela wahine. I ka manawa no i kau aku ai ka ike a ko'u mau maka maluna ona, a 16he pono hoi i kona leo, akahi no a loaa niai ka ike ia'u, o kela wahine ka mea nana i hoouna mai i na tikiki ia Kalala, no kona ike, e ukali pu aku ana au ia Kalala no ka nana ana i na hanakeaka ma keia po." Hoomahola ae la o Teda i ka apana pepa a Kalani i haawi aku ai iaia, a hoomaka iho la e heluhelu, a penei na manao o kela pepa: , :'No kou makemake e ike ia'u ea, e loaa no au ma ko'u home ma ka hora eha o ka auwina la o ka la apopo.—KAMILA ELIKONA." "Me he mea la ma ka'u koho wale no, o kela wahine i make ai, a i manaoia ai, o Kamila, o ke kaikaina ia o Kamila nona ka inoa o Haliaka Panila, aka nae i wahi 'e hookote ai kekahi manao i hoolalaia e Kamila, ua kapa aku la oia i kona inoa maluna o kona kaikaina, a hoike ae la maloko o ka nupepa ua make oia. O ka makemake ana nae o kela wahine e hana pela, aole he mea hiki ia'u ke olelo ae, koe wale no o na lani ka i ike i na mea apau. "No'u iho, e hele kino aku ana au e hui pu me kela wahine, ma ka manawa ana i hoakaka mai nei maloko o kena palapala ma kona home." . Aole o Teda i pane koke mai, aka i ka hala anl he mau minuke, akahi no a loaa iaia kekahi mea e kamailio mai ma ka pane ana mai: "Heaha kau mea i manao ai e hana aku no Kalala?" "Aole i maopopo ia'u ka mea e hana aku ai, koe wale no keia, ina o Kamila i'o kela wahine hana keaka, alaila hookahi no alahele a'u'e noonoo nei, o ia ko'u hookaawale ia'u iho mai ia Kalala mai, a i hoike aku no au ia oe e kuu hoaloha ea, he keu aku a ka mea ehaeha o ka noonoo, ke hoea mai i ka minuke, e okiia ae ai ke kaula o ko maua aloha, a moku, e ka pahi o ka lokoino." Me na waimaka e kihe'ahe'a ana ma kona mau papalina, i holoi ae ai o Kalani i kona mau maka, a me ka leo ha'uha'u uwe, i kamailio mai ai oia imua o kona hoaloha:

"Aole e hiki ia'u ke ku aku imua o kuu Kalaia aloha, a hoike aku iaia ua pau kona nana ana mai maluna o'u, ma ke ano he kane hoopalau nana, a pela hoi oia he wahine hoopalau na'u. Ua oi aku ke ko'iko'i o keia haawina i kau mai maluna o'u mamua o ka mea hiki ia'u ke hoomanawanui. Hookahi a'u mea e noonoo nei, o ia no ko'u haalele ana iho i keia home, ma keia po, a i ole ma ke kakahiaka paha o ka la apopo, aka mamua o kuu hele ana aku no kahi i maopopo ole ia'u, e hoike aku ana au i na mea apau imua o kuu makuahine, a e kakau ana hoi au i kekahi leka na Kalala, maloko olaila e ike iho ai oia i ke kumu, e hiki ole ai ia'u ke hoomau hou aku i ka nōho ana maanei nei. "O, ena Lani! E hoopakele ae oe i keia'kaikamahine opio, mai ka lilo ana o kona ola ana i luahi no ka'u mau. hana hemahema, ame na hana epa kolohe a ka wahine a'u i mare aku ai." "Pehea, aole anei he oi loa aku ka pono, e hoikeia aku na mea oiaio ia Kalaka i keia manawa, mamua o kona noho pouliuli ana, a maloko o ka leka oia e ike iho ai i na mea apau ?" "Aole e hiki ia'u ke hana pela. O ko'u noonoo ae, no ka nui o na ehaeha e kau aku ana maluna ona, o ka mea ia nana e hooulupuni mai i kuu noonoo a kohu kanaka pupule au ke nanaia mai." "Alaila ihea oe e hele aku ai, ke haalele mai ia makou?" "Ihea aku auanei, e hoi aku ana iloko o kela ano kahiko o ke ola ana; aka 1 hoike aku ,nae au ia oe e kuu hoaloha, aole loa he mana ma ka honua nei, nana e hookikina mai ia'u, e lawe mai i keia wahine, a kapa aku iaia he wahine mare na'u aole loa. Ua lawa kona halihali ana mai i na hana hoohilahila maluna o ka inoa o kuu ohana, a'u e ae ole aku ai, e lawe mai iaia he wahine na'u." "Ma ka'u mau mea i lohe ai no keia wahine, ua malama mau oia i kona kulana, mai kela manawa mai o kona hoea ana mai i Ladana nei, a ua kaawale loa oia mai na hana mai e hapalaia ai kona inoa maikai, a o ka mea wale no e ku-e ana iaia, o ia ka nui o na kanaka e hoopiha mau nei i kona hale, aole nae no kela wahine ia hewa aka no ka hoopipili wale aku ng> o na kanaka iaia, mamuli o ko lakou hoohihi i ka u'i o kona helehelena. "Ma nehinei koke aku la no, i lohe aku ai au i ke kamailio āna ae o Hanale Gale e pili ana no kela wahine, no ka hauleI hia ana o ka Haku Rosetona i ke aloha nona, a ua ku' a hoohihi maoli kela kanaka iaia, a ma ka nana aku me he mea la, e hoea mai ana i ka manawa e mareia aku ai laua." "Ua lilo ka helehelena u'i o kela wahine, i mea nana e piepiele ai imua o na kanaka o ke kulana hanohano," i pane ae ai o Kalani, me ka hoopinana pu ana ae i kona mau lehelehe iluna, a mamua o kona pane hou ana aku i mau olelo, ua weheia mai la ka puka o ka rumi, a kiei mai la ke poo o Kalala iloko, me ke ku koke ana ae o Kalani iluna, a pane mai la: "E hele ana nae pāha oe i ka holoholo ea?" wahi ana me ka hele ana mai e hui pu me Kalala. "Ae, e hele aku ana nae paha oe i ka holoholo ea?" wahi kakou; a pehea o<oe ana anei kekahi e hele pu mai me maua?" "E hele aku ana no au, he wahi okoa no ka'u i manao ai; nolaila ua maikai Kela manao ou, e hele* i ka holoholo, he mea ia e loaa mai ai ke ola kino maikai ia oe. Ma ko'u manao, aole i kupono o Ladana nei nou, aia no kou wahi kupono e hoohala ai i kou mau la ma Kanuka Hale," alaila huli ae la oia imua o Teda a hoomau aku la i ke kamailio ana: "Ia makou e hele aku ai i ka holoholo i keia la, e loaa ana he manawa nui nou e nanea ai me Galaki, o oliia wale no i ka hale nei, aohe mea nana e hokai wale mai i ka olua nanea ana. Ma kela wahi o na kamailio mawaena o na opio, ua ku ae la o Teda ame Kalani iluna, a ukali mai la mahope o Kalala, no kahi o ke kaa e ku aku ana, a kokua pu aku la na keonimana ma ka hookau ana ia Kalala ame ka Lede Elikona iluna 0 ke kaa. I ka hala ana aku o kela mau wahine ma ka laua huakai holoholo, ku aku Ia na kanaka opio e nana ia laua, ahiki i ke leaawale loa tna, ia wa i huli hoi mai ai laua no ka hale, a o ia ka Teda o ka i ana aku imua o Kalani: ' "Aole anei oe i manao, he mea maikai ko'u hele pu ana aku me oe i keia la, no ka hui pu ana me ko wahine mare?" "Aole o'u makemake e hooluhi wale ia oe e Teda, e hookuu mai oe owau hookahi no ke hele ae e ike i kela U-ahine. Ma ka'u hoohalikelike iho, me he mea la, ua like loa au me kekahi kanaka e hanu ana i na ea oluolu e hoomakaukau ana no kona komo ana aku maloko o kekahi wahi i piha i na ea polopolona; no ia kumu la ea, ā no kekahi mau kumu lehulehu e ae no hoi, pela au e manao nei, lole he mea pon9 ia'u ke lawe pu aku 1«

Kuikuilima pu aku la na hoaloha elua ahiki i kahi o ka puka pa, a o ia ka Teda o ka pane ana ae: \ "Auhea oe e kuu hoaloha kahiko, kē kaumaha loa nei au no ka pilikia i kau mai maluna ou, aka nae o ka olelo hoolana wale no imua ou, e hoomanawanui, a mailoko mai auanei o ka hoomanawanui, e oili mai ai he mea no kakou apau e hauoli ai," \\jahi ana me ka haalulu o kona leo, e hoike okoa mai ana i ke kaumaha maoli o kona noonoo, no kona hoaloha. "Me na manao mahalo he nui ia oe e Tcdal" i hoike okoa aku ai o Kalani i kona manao hoomaikai ia Teda, me ka i hou ana aku: "E makaala loa oe i kuu makuahine ame Kalala, oiai au e kaawale aku ana mai ia laua aku, a e hana aku oe i na mea apau e hoohauoliia āi ko laua manao." Ma kela wahi o ka laua mau kamailio, i hookaawale ae ai na hoaloha elua, me ka hele ana aku o Kalani Elikona no kekalii aoao o ke alanui, a ku aku la no hoi o Teda e nana iaia. No kekahi mau kaina wawae helu wale no kela hele ana aku o Kalani, kahea aku la oia i kekahi kaa, e kii mai iaia, o kona kau aku la no ia, a holo Jfku la no kona alahele, a huli hoi mai la no hōi o Teda noloko o ka hale.

No umi minuke paha kela holo ana aku o ke kaa, ua hoea aku la mawaho o ka puka o ka hale, a na kekahi kauwa lawelawe i kii mai e wehe i ka puka, hookomo aku la iaia iloko o ka rutni hookipa, a o ia ka ke kauwa o ka pane ana mai iaia nei: • aku la o Kalani no ka hale e iioho ana o Kamila, a iaia i lele aku ai ilalo mailuna aku o ke kaa, hookuu mai la no oia i kela kaa, e hoi me kona kauoha ole mai, e kii hou aku iaia. Me na kaina wawae mama, i hele aku ai o Kalani, a kikeke "E kakali malie iho oe pela, ahiki i ka hoea ana mai o kuu hakuwahine, ua maopopo mua no iaia e hoea mai ana oe." Me kela mau olelo hikimua o ka hoolauna, panee mai la ke kauwa i kekahi noho imua o Kalani, a noho iho Ia no hoi ka haku opio, ilalo, aia wale no nae ke kaunui ana aku a kona noonoo, o ka ike ia Kami!a ka wahine hana keaka. He nui na mea nani oloko o ka nimi hookipa, me he mea ia, ua hoonani maoli ia no kela rumi, mamuli o ko Kalani hoea aku, heaha nae ia mau nani apau, aole ilaila ka noonooj 0 ke kanaka opio, nolaila ua makrhewa no na hooikaika ma ka aoao o Kamila, e hoonani i naie, a ua hoomauna» una wale ia aku hoi kekahi mau dala mahuahua me ka waiwai ole. No na minuke elima paha kela noho ana o Kalani e kakali, aia hoi, lohe aku la oia i ka nehe mai o na kapuai wawae, me ka owe pu o ka lole silika iluna o k amoena veleveka, a iaia ka owe pu .o ka lole silika iluna o ka moena veleveka, a iaia hoi, ike aku la oia ia Kamila e hele mai ana, ua kahiko no hoi ua wahine nei iaia iho a paihi, o ia no oe o ka moku kalepa i hele a pohu pono na pe'a i ka makani. Hele mai la ua wahine nei, a kaa pono ae la mamua o kahi a Kalani e ku ana iluna, alaila kaa e mai la ma kona aoao ke kamailio ana: I "Ke hoomaikai aku nei au ia oe, no kou lioea ana mai nei, 1 ka manawa a'u i hoike aku ai ma ka'u leka ia oe i ka po nei." Aole o Kalani i pane aku, aka haawi aku la oia i kana kunou ana, 'a o ia ka Kamila, i kamailio hou mai ai: "E oluolu oe e noho iho ilalo," wahi ana me ke kuhikuhi ana ae i ka noho, a iloko no hoi o ia manawa hookahi, i noho iho ai oia ilalo, me ka nana ana mai ma ka helehelena o Kalani, me he mea la, e hoike okoa mai ana kona mau ano, no ke ]s:aa ana o ka lanakila ma kona aoao. "I kauoha aku nei au ia oe e noho iho ilalo ea, i kohukohu ai ka kaua kamailio ana," i kamailio hou mai ai o Kamila me ka hoao ana ae e minoaka, me he mea la, ua hauoli loa oia i kela halawai hou ana o laua. "Mahope iho o ko kaua kaawale ana no kekahi manawa loihi, aia he mau mea lehulehu a ke kane ame kana wahine e hoike ae ai kekahi i kekahi." "Ke lokahi aku nei ko'u manao me kou ma ia wahi, he nui i'o na mea a kaua e kamailio ai kekahi i kekahi, aka ke lana nei kuu manao aole e hoopauia ana kekahi manawa loihi loa, e kaua ma ke kamailio ana i keia la," i pane aku ai no hoi o Kalani. Hoopinana ae la o Kamila i kona mau poohiwi iluna, me ka noke pu ana ae i ka akaaka me ka leo nui, a i mai la: "Heaha ke kumu o kou manao ana e hoopokoleia mai ka kaua kamailio ana, i keia la. Ua kaokoa loa kou ano mai ke ano mai oka hapanui ona kanaka i halawai mai me a'u. No kela poe kanaka, ina no ko lakou hoea mpi no kuu hale nei, aole o lakou makemake e hoi koke, ahiki i ko'u olelo okoa ana aku ia lakou, e hookuu mai oiai ua nui ka'u mau hana i makemake ai e hele aku e hooko, aka nou hoi, aole ka ou makemake e loihi ka manawa e nanea pu ai me a'u." "Aole au i hoea mai nei imua ou, no ka.'hoopau manawa wale ana no maL na olelo o keia ano, aole loa; aka i hoea mai nei au, no ko'u makemake e paneia mai kekahi mau mea nana i hoopohihihi i kuu noonoo." "Pela i'o ka hoi! Heaha keia mea nana i hoopohihihi aku i kou noonoo?" "Heaha mai auanei, ke ano hoi o kau, mau hana?" "Ea ke hookahaha loa mai nei oe i ko'u manao; o ka hapa hea o ka'u mau hana, kau e koi mai nei e hoakaka aku au ?" me ka noke okoa ana ae o # Kamila i ka akaaka. "Aole no kou ike ole i ke ano o kau mau hana, ke kumu o kou ninau ana mai la e hoike aku au, aole pela, aka no ka haakei maoli 'no o kou noonoo, i wahi nae e hoopokoleia ai ka kaua mau olelo, me ka hoopau ole ia o ka manawa, e hoolohe mai oe: . "Mahope iho o kuu heluhelu ana maloko o ka nupepa i ka moolelo o kou make ana ma Kalona, me ka hooiaioia ana mai o kela moolelo, mamuli o ko'u hui kino ana me ka Rev, Farela ame kana wahine, na mea no laua ka home i make ai oe, a ua ike hoi ko'u mau maka ponoi, i ka he kupapa'u i waiho ai ke kino make o Kamila a ua heluhelu i kou inoa % i kakauia maluna o ka papa pohaku kiahoomanao; pehea iho la la i loaa mai ai oe ia'u ma keia wahi?" "Aole au i makemake e hoonui olelo wale aku imua ou, a penei no ka mea oaiio loa, o Haliaka ka mea i make ai, a o Kamila ka mea e ola nei. "E ninau mai ana paha oe ia'u i ke kumu o ka hoikeia ana ae maloko o ka nupepa, o Kamila ka i make, aole o Haliaka, aole kela he hana pohihihi, no ka mea e ike mai no oe, aole loa e hiki ia'u ke ola aku, ma ke ano he wahine i nakiikiiia ma na kanawai o ka aina malalo o ka berita mare, me kekahi kanaka i hiki ole ke malama i kana wahine; nolaila i ko'u ike ana, o kela ka manawa maikai loa, pela au i hoololi ae ai i ko maua mau inoa. "Ua loaa ka ike ia'u, ina e kaawale mai ana au, mai ka ikeia ana mai he wahine nau, filaila ua hiki ia'u ke imi aku i ko'u poma%ai ma ka hgnua nei ©e ka mpalahi loa.

"Ua maopopo ia'u, he uuku loa kc aloha o ka'u kane no'a, e lilo ole ai ko'ti make ana i mea ano nui iaia; a aole no hoi he mea hookahi ma Kalona i maopopo ia'u, nolaila ua holopono loa ka'u mau mea apau i hana ai no ka hoeloli ana i ko'u inoa no Ilaliaka kuu kaikaina. Penei na mea oiAio e pili ana ia maua: / "O Haliaka ame a'u, o maua wale no na oh;ta i hoopakele- j/k ia na ola mai kekahi moku ili mai, a o Haliaka nae o mai:lij&r ka i kukonukonu loa kona poino, me ka hoike 4 0 ke kauka i kona manao, aole e poliala ae ana o kona kulana kupouli mai ahiki i kona make ana. "Oiai au ame Haliaka e waiho ana maluna o ko moe, aole he poe okoa ae iloko o ka rumi, ua wehe le la *i* . 1 kiiu komo mare, a hookōmo aku la ma kona manamanihma, a i ka wa i komo mai ai o Mrs. Fareia mahope mai, hoike aku la au iaia, o Kamila Elikona ka inoa o kuu kaikaina. "Ua maopopo no ia'u, o kela leekahi hana hoopunipuni ino loa a'u, eia nae, ina no ka make ole o Haliaka, alaila e hiki ana no ia'u ke koi aku iaia, e huna maua i ka mea a'u i hana ai, aole no oia e hoole mai ana, oiai o maua no ka i ike i ke ano o ko niaua ola ana. ♦ "Ua make aku la nae o Haliaka, aole i ola mai, nolaila ua make akt» oia malalo o ka inoa o»Kami!a Elikona, a kaawale mai la au, me he mea la aole i paa malalo o ka hauhoaia i na kaula o ka berita mare; pela iho la oe i pulapuia ai, a o hookahi wale no ka mea kuleana ia'u, aole o kt nui tmt ka lehulehu ae o na kanaka. "I # hoike aku au ia oe ea, ua holopono loa ka'u mau mea apau i hoolala ai, a ua oi aku kuu hauoli e noho nei, malalo oka inoa Aelele Keka, manma o kela inoa Kamila Elikona." Ua kamailioia mai kela mau olelo īnaluna ae me ke kui'o loa e Kamila, me he mea la, aole he wahi hopohopo iki iloko ona, no kona ahewaia aku e Kalani Elikona; aka i ka hooki ana iho nae o kana mau olelo i kamailio mai ai, noke iho la oia 1 ka' akaaka a o ia ka Kalani o ke kamailio ana mai: "O kena moolelo au i kamailio jnai nei no kau mau mea i hana ai, o kekahi ia o na moolelo, aneane hiki ole i kekahi poe okoa aku ke hoohalike mai me kau mau mea i hana ai. E ae mai ana anei oe ia'u e ninau aku i ke kumu o kou hauoli no kou hoikeike ana mai um i moolelo ia'u, a pela hoi kou hoike okoa ana mai ia oe fho rmraC o'u?" "He nui a lehulehu wale na kumu maikai o ko'u hana ana pela," wahi a Kamila, me ka noke liou ana ae i ka akaaka. "O kekahi o kela mau kum{i, malia paha no kuu makemaka e hoopakele ia oe, mai ke komo ana aku iloko o ka pilikim» o ia kou hopuia mai no ka mare lehulehu. "Ina aole no kela kumu, alaila malia paha no kuu makemake e loaa ia'u ka inoa hanohano ka Lede Elikona; aka no keia kumu hope ea, i hoike aku no au i kuu manao oiaio.loa, aole a« i makemake e ikeia mai ma ka inoa ka I.ede Elikona, aole loa," me kona haka pono ana aku ma na maka o Kalaui. No na minuke elua paha kt noho hamau ana iho o Kamila, alaila hoomaka liou aku la t kamailio: "O kela wahine opio, o ka hele pu ana ae me oe t ka nana keaka ma ka po nei, a« e noho pu mai aria no hoi me oe, ilpko 0 ka pahu, o ka wahine nae paha ia au i manao ai e lawe mai 1 panihakahaka ma ko'u makalua ea?" "E waiho ioa aku i kela wahine opio mawaho o kau mau j mea i makemake ai e kamailio mai ia'u 1" i pane mai ai o Kalani, me ka hele a haikea 0 kona mau papalina. "He mea hiki anei ia ke hanaia? Ke kanalua loa nei au no ka hiki ia kaua ke kapae loa i ka noonoo ana i kekahi mea e pili ana iaia. Ke kaumaha nei au, no kou noonoo ana, aole i kupono ia'u ke hoopuka ae i kona inoa ma keia kukakuka ana o kaua." "Heaha auanei kau e kaualako mai ai i kela kaikamahine iloko oko kaua pilikia ponoi iho? Heaha auanei kana hewt i hana mai ai ia oe, e lioao ai oe, e kamailio ae i keka-hi mau mea e hoehaehaia aku ai kona rfoonoo?" "Ke ninau mai nei oe ia'u 110 ka hewa a kela kaikainahine i hana mai ai, a eia ka pane: Aole anei, ua kaili aku oia ike aloha o kuu kane a lilo iaia, a ua kokoke loa oia e lawe ae i kona kulana ma ko'u wahi ko ka wahine mare?" l "Aole a kaua kamailio hou ana no keia kumuhana, no ka mea aole e hookoia ana na mea apau i hoolalaia mawaena ona ame a'u, ua paū ae la no i keia manawa." "Heaha iho la hoi ka mea e pau ai?" wahi a Kamila me ka leo malie me ke kuoo nae, ka mea nana i hookahaha aku i ka manao o Kalani. "Aia a lohe oe i ka'u mau mea apau i makemake ai e hoakaka aku imua ou, ia wa auanei e ike maoli iho ai no oe, aole he kumu, e hoopauia ai ka mare mawaena ou ame ko wahine i aloha ai. Pehea ua nui nae paha kou aloha no kela wahine opio ea?' 1 Aole a Kalana pane no kela ninau, aka nae ua hiki no ia Kamila ke ike mai, ma na maka o Kalani, ua hele kona 'poowai a piha, i ke aloha no Kalala, a o ia ka Kamila o ka i okoa ana mai: "Aole au i makemake e lohe i kau pane, ua hiki ia'u ke heluhelu aku i kou puuwai. He wahine huapala kela, he u'i •kona, e hiki ole ai i kekahi mea elike me kou ano ke kupaa I iho imua ona, elike no hoi me kou hihia wale ana mai no i ka umiumi, ia oe i ike ai ia'u, i ka lihilihi maka wale no, hiu a wela, e kala mai nae oe i keia mau olelo hookolohe kohu ole. | "Ma ko'u manao maoli ea, ua kupono loa e lawe mai oe i kela wahine opio i wahine mare nau no ka mea, ma ka'u mau mea i lohe mai ai, ua waiho mai kou makuakane, 1 kona inoa ' maluna ou, aka no kona mau waiwai, ua holo aku ia maluna [0 kela kaikamahine; pela au i olelo mua aē nei, ua kupono | i'o e hookoia ka mare mawaena o olua. ' "Auhea nae oe, he manao ka'u i makemake ai e waiho aku imua ou, a ina e apono mai ana oe, oka pau ae la no o na manao hopohopo, a e hookoia aku na mea apau elike me ia i Koolalaia ai nou ame kela wahine opio. | "Ua hookomo like ia kaua a elua iloko oka pilikia mamuli o ko kaua paa ana iloko o ka berita o ka mare, e hiki ole ai ke hookaawaleia kekahi mai kekahi aku, o ka make wale no, a i ole, malalo paha o na kanawai o ka aina. "O ka hookomo aku i kekahi hoopii oki mare imua o na aha hookolokolo, o kela ka mea hope loa a'u e hana ai; a o ko'u koi akii i ko'u kuleana o ka wahine mare, aole loa he wahi noonoo iki o kela ano iloko o'u, e hana aku pela; aka e loaa he hoōponopono maikai ana mawaena 0 kakou a ekolu, e loaa like ai ka manao hauoli ia kakou pakahi. 1 "He mea makehewa ka hoao ana e hoala mai i na mea e mokuahana ai i keia manawa, aka e lilo kaua i mau hoaloha, me he mea la, o ia mau no kela manao maikai o kaua pakahi kekahi no kekahi. Aole he mea hookahi e ola nei ooe wale no, ka i ike o Adele Keka a o Kamila Elikona, hookahi no kino nona kela mau inoa, e waiwai ole ai ka hoike ana ae i ke akea. (Aole i pau.)