Ka Nupepa Kuokoa, Volume LXV, Number 31, 5 August 1926 — KO OHARLES HORSWILL HELE ANA NO, AOLE I HOI HOU MAI. [ARTICLE]

KO OHARLES HORSWILL HELE ANA NO, AOLE I HOI HOU MAI.

I ko makou hoapaahana iloko o Kristo Mrs. Aliee Kaainoa Horswill, luuluu wale hoi e! Oiai ua pauaho mai o Charlcs Horswill kau mea aloha he kane i keia ola. ana ma ka la 19 o luno, M. H. 1926, i ha'la aku la, ka la lu»i i oluolu ai i ka Mea Mana Loa ke kil ana mai a lawe aku i Kana o ka uhane, a waiho iho la i kau 0 ke kino puanuanu i mea hoomanao nau iloko o keia ola honua ana. Ua hoi aku la ka lepo i ka lepo, ka palaho i ka palaho, ua pio ke kukui, ke hale a ke aloha, ka makamaka, a ka a moe e kipa mai ai e. Aloha wale! Ua hele o bharley, a o kona hele aaa no ia, aole oia i hoi hou mai. Ua haalele iho la i na iwi o kona mau iwi ame na io o kona mau io, mea nani a makamae lioi a ka Mea Mana Loa i haawi mai ai i ke kane, he wahine, i hoapili, i hoakuka a i hoa ohumuhumu a i hoa e kaana pu ai i na inea ame na na popilikia, a i 010 i hoa e luakaha ai iloko o na luhieliu © ka pomaikai ame ka nohona oluolu o keia ola ana; a ke kanaka hoi e 1 iho ai nona ka paa oluna a nona ka paa olalo. Ua pau kona ike aua- i ka malainalama o ka la i ka mea mehan!?. pau kona hoomaopopo ana i ka pa kolonahe ana mai a ua aheaho la,u makani ma kona mau papalina. Ua pau ka nohoalii ana o na ea waianuhea o keia ola ana, iloko o kona wahi pauku kino. Ua pau kona pili hou ana, ua pau kona kukakuka pu rfna, ua pau kona ohumuliumu pu ana, ua pau kona kaana pu ana me oe i na inea ame na popilikia, ame kona luakaha pu ana me oe iloko o ka pomaikai ame ka nohona oluolu o keia ola ana. Ua aku la o Charley ma kahi a ka Makua Lani i hoomakaukau ai nona a no kakou apau ma kela ao laelae malia mau toa no; 'malaila e noho pu ai oia me na puali anela 0 ke Akua Kiekie Loa, e hosana pu ana iloko o ia ao, ia ao aku, a 1 ke ao pau ole. Mamuli o ko Charley hele loa ana, ua kau iho la maluna on e ka makuahine hoomanawanui ke koikoi o ka hoomanao mau ana nona, a oiai, o Kbna makemake wale no ke hanaia, nolaila, ke hooholoia nei penei: O makou . kou mau hoapaahana iloko o na hana maikai a ko kakou Haku aloha iloko o ka .Ekalesia, Kula Saba(i ame n* C. E., o Waioli Huiia, ma o ko makou mau komite la, ke koiao aku nei me oe e ka makuahine amo ka ohana, e auamo pu i na haawina o ka ehaeha; a na ke alolia ame ka lokomaikai o ko kakou Haku aloha o lesu Kristo e hoomama mai i ko I kakou mau luuluu. 0 makou no kou mau hoapaahana iloko o "ka Ekaleaia, Kula Sabati ame C. E. o Waioli Huiia, ma 0 ko makou mau komite la. HENRY W. WAIAU, HaioleK», Ekalesia POKA KANEHE, Kahu, Kula Sabati. J. M. KEONE. Peresidena, C. F Waioli, Hanalei, Kauai. +++ —. NU lOKA, lulai 22—He umi poe 1 make a he kanaha a oi aku i eha i ka manawa o ke kaa bus e lawe ana i ka poe makaikai o Burukeline i kahuli ai ma kahi x) ke alanui e a'e aku ai i ke alanui kaaahi, ma kahi kokoke mai ia nei i keia la.