Ka Nupepa Kuokoa, Volume LXV, Number 31, 5 August 1926 — AOHE KANALUA I KOE NO KA HOOKOHU OIHANA [ARTICLE]

AOHE KANALUA I KOE NO KA HOOKOHU OIHANA

Mamuli o ka hoopuka ana mai nei o ka aha kiekie, i ka olelo hooholo, e pili ana i ka hoohalahala a Jonah Kumalae, e ku-e ana i ka olelo hooholo a ka Lunakanawai Kaapuni Par son?, o ia ke kakoo ana mai o ka aha kiekie, i ua olelo hooholo la a ka Lunakanawai Parsons, ua hoauheeia aku na manao kanalua apau, a ua hoopauia ae no hoi na pohihihi, no ke ku i ka mana ole, ke aponoia ana o Jonah Kumalae, i hoa no ka papa o na lunakiai; elike me ka moolelo, o kona hookohuia ana ame ke aponoia ana, malalo o na loina alakai a ka Meia \Vilson. < O ka hookohu ana i kekahi mea, i panihakahaka, no kekahi lioa o ka. papa lunakiai, he pono 13. a ke kanawai i haawi mai ai 1 ka meia; a ua kaa aku hoi ke ko'iko'i o ke apono ana i kela hookohu oihana maluna o ka hapanui o na hoa o ka papa. Ke hoakaka maopopo nei kela olelo hooholo a ka aha kiekie, o ka hoopaaia ana aku. maloko o ka moolelo o ka papa ua koho kekahi mau lunakiai, ma ka aoao ae, oiai nae aole kela mau lunakiai maloko o ka halawai a ka papa, i ka wa i kaheaia ai ko lakou mau inoa, ua lilo ia hana i mea mana ole; s o ke koho ana aku a kekahi o na lunakiai, e makemakeia ana r hoopiha no na wahi i hakahaka, no ke apono ana i ka hookohu oihana o kona kokoolua, oiai nae, aole i mana kona hookohuia ana elike ae la me ia maluna; ua pili ole ia koho ana i ka mana; a ua kuleana ole o Jonah Kumalae ame Kim Ak Ching, e paa i ko laua kulana i hookouhia aku ai he mau hoa no ka papa o na lunakiai. Ua kakooia ka olelo hooholo a ka Lunakanaweii Kaapuni Parsons ma na ano apau, nolaila aole he mea a ka lehulehu i koe e hoohewahewa iho ai, no kahi i kupono ai e hookauia aku na ahewa ana no keia hana hemahema. O tia inoa o Jonah Kumalae ame Kim Ak Ching, ka i kaualakoia aku iloko o na aha hookolokolo, me ka hoopukaia ana mai ona olelo hooholo e ku-e ana ia laua; e kaawale na ahewa ana aku a ka lehulehu e pono ai, mai ia laua ae, a e hookauia aku na ahewa kiekie ana maluna o ka Meia Wilson, me na hoa o ka papa i paa malalo o kana alakai hewa ana. Xo keia hemahema ko'iko'i loa i hanaia e ka meia, ame kekahi mau hana e ae ma kona aoao, nana i hoala mau mai i ka pioo iloko o ka papa o na lunakiai, he mea pono, e hoonohoia ae i kanaka oi aku o kona kupono, a makaukau, ka naauao ame ke kuokoa ma ke poo o ka hookele aupuni kulanakauhale.