Ka Nupepa Kuokoa, Volume LXV, Number 31, 5 August 1926 — E HAAWIIA NA MAHALO KIEKIE ANA. [ARTICLE]

E HAAWIIA NA MAHALO KIEKIE ANA.

Mamuli o ka hopuia ana o Kalani Kanehaku, e ke Kapena Mākaikiu John Kcllett, me ka ae okoa ana ae o kela kanaka opio, oia ka mea nana i hookani mai i ke kahea hoailona pauahi hoopunipuni, kela kahea pauahi, i make ma'uwale ai ka Makai George Macy, Jr., oiai oia e hooko ana i kana oihana, ua hoike mai ke Kapena Makaikiu John Kellett, i kona makaukau ame ke akamai ma ka hookolo ana i kekahi o na hihia pohihihi loa. Aole nae ma kela hihia wale no ka mahalo e haawiia aku ai iaia, aka ma ka noke ana kekahi i ka niele ia John Kamika, he keiki opio nana i puhi kolohe i kekahi mau hale i ke ahi ma ka po o ke Sabati iho nei, ahiki i kona ae okoa ana ae, aole vrale no, oia ka mea nana i puhi kolohe i kela mau hale i ke ahi, ua huai pu ae oia, i na hana puhi kolohe ana i lawelawe ai iloko o ua mahina i kaahope aku nei. Ma na hihia ano nui a pohihihi i ikeia o na manawa ae nei I hala, ua hoike mai ke Kapena Makaikiu John Kellett, i kona kupono me ka makaukau ma kana oihana; e mahaloia ai oia ame ka oihana makai o Honolulu nei. Mamuli o ka hoike okoa ana ae o Kalani Kanehaku, oia maoli no ka mea nana i hookani i ka hoike hoailona pauahi hoopunipuni, nana i hookau mai i ka make maluna o ka Makai G«orgc Macy, Jr., ka hewa i hoounaia aku ai oia no ka hoopaa ana maloko o ke kuU hoopololei o na keikikane, ahiki I kona oo ana ma ke kanawai, aole he hana paakiki ma ka aoao o ka oihana makai, ka hookolo ana aku mahope o ke ka* naka, nana 1 hoolako mai i ka waiona i kela keiki opio, e pono ai. e hookau pu ia aku maluna ona, na ahewa ana, no kona ku-e i ke kanawai; pela me kona lilo pu i mea paahana no ka hookau ana aku i ka poino maluna o ka makai, a i ka pilikia hoi maluna o Kanehaku. Piha kekahi mahele nui o na hoahanau o Kawaiahao i ka huhu, no ko lakou kapaia aku ma ka haiolelo a ko lakou kahu, no ka pili ike kumulaau fiku hua ole; malia paha ua kupono 10 no ko lakou huhu ana; aka he mea m'aikai no nae ka huipa. ke hoopapaia aku i kekahi manawa, he mea e loaa ai ka ike, aia kekahi mea oi aku, i makemakeia mai ai lakou, e hoikeike ae. Ina he" mau laau hua ole i'o na hoahanau o kela eka--lesia, alaila aole i kaawale ae ke kahu mai na ahewaia aku, no ka mea ua ili iho maluna ona ke ko'iko'i o ka lawelawe ana aku i na hana apau e pa hanen ia ae ai ka hua ana o na laau fiku o kona ekalesia. Oiai ke hookokoke mau mai nei ke kau koho baloka wae ?noho o kakou, ke hoeueu hou aku nei no keia pepa, i ka poe i hoopaa ole i ko lakou mau inoa i loaa ai ka pono koho i na moho, e hele koke ae e hoopaa i keia manawa, aole o ka waiho a ku haiki, o lilo auanei ka hoohemahema, i kumu e mihi ai mahope aku. Ua maopopo loa, ma o ka olelo hooholo a ka aha kiekie i hoopuka mai nei, ma ka hoohalahala a Jonah Kumalae, ua mana ole ka hookohuia ana ame ke aponoia ana o A. F. Clark, i hoa no ka papa lunakiai kulanakauhale, no ke kumu aole i loaa ka hapanui o na hoa o ka papa, no ke apono ana i kona hookohu; nolaila ua lilo kela hemahema a ka meia i hana ai, i kumu, e lilo ai oia i mea paaniia imua o Ben Hollinger ame kona piau hoa Repubalika; e waiwai ole ai ka hookohu hou ana mai i kekalii poe, no ka hoopiha ana i na makalua i waiho hakahaka o ka papa lunakiai i keia manawa, oiai aohe no'he loihi i koe e kakali aku ai o ke koho baloka hou no ia, no na hoa o ka papa. Iloko o na hana paani politika, he mea maikai no i ka Meia Wilson, ka maliu ana mai' i ke Komite kalana o kona aoao kalaiaina iho, ma na mea e pili ana i na hookphu oihana; aole nae pela ka mea i ikeia, ma ka halawai a ka papa lunakiai knlanakauhale o ka Poalua iho nei, ua hookohu ae oia i kana kanaka i makemake ai. no ke kulana lunanui o ka oihana wai me sua o ke kulanakauhale ma kahi o C. J. McCarthy, me ke apono ole mai nae o ka papa i kela hookohu oihana; aole hoi ī ke kanaka a ke komite kalana i makemake ai. Aole keia

he hoailona no ke kuikahi'o- na mana a elua, e hoea mai ai keia kuikahi ole i ka wa e lilo ai i hana pilikia. E akahele,_he wa kalaiaina aku keial O ka hookuu ana aku o ka aha kaapuni a ka Lunakanawai Parsons i ka Puuku D. L. Conkling-, mai kona hihia i hoopiia ae ai, o ia ka lawe i na dala o ka lehulehu, ma ke ano kolohe, mamuli o ka lokahi ole o na kiure maluna o kekahi|plelo hooholo, aole ia he kumu e pili ole ai ka hewa iaia; aka pela iho la i ake loa ai kekahi poe, na ka papa kiure e hoolohe mai ko lakou hihia, aole na ka mea hookahi.