Ka Nupepa Kuokoa, Volume LXV, Number 31, 5 August 1926 — E HOLO MOHO IO ANA MAUA. [ARTICLE]

E HOLO MOHO IO ANA MAUA.

Mr, Lunahooponopono, Aloha ka- i ua:—Ma kau wahaolelo o ka la 29 0 lulai, o ka mahina i hala aku la 0 keia makahiki, 1926, i ike iho ai maua i kou mānao, e pili ana i ko maua holo mai i mau moho mai ka Apana Elima mai, ma ka aoao Pemokarata, ke hooia aku nei maua i ka pololel o ia manao, a nolaila, ke pana'i aku nei maua 1 ko maua mahalo me ke aloha a nui loa ia oe. E oluolu oe e Mr. Lunahooponopono, e hoopuka hou aku ma kau wahaolelo i keia mau lalani manao, i ike mai ai na haku makaainana, i loaa ka mana koho baloka i ko maua moto penei: "E kakoo mau aku no maua i na mea apau e hoomauia aku ai ke ea o ka aina i ka. pono, a e ku-e aku i na mea ino apau e hoalaia mai nna. N WM. F. MOSSMAN, DAVID M. KUPIHEA.