Ka Nupepa Kuokoa, Volume LXV, Number 33, 19 August 1926 — POLOLEI KA HOOILI ANA I KE AHEWA. [ARTICLE]

POLOLEI KA HOOILI ANA I KE AHEWA.

O ka hooili ana a ka Loio Kuhina William B. Lymer i ke ahewa maluna o ka Meia Wilson ame n'a hoa Repubalika o ka papa o na lunakiai kulanakauhale, no ke kulana paonioni i ikeia iloko o ke aupuni kulanakauhale no na makahiki elua i kaahope aku nei, he hoaheWa pololei loa ia, e hiki ole ai i na mana koho baloka o Honolulu nei, ke alo ae mai ke komo pu ana aku iloko o ia ahewa hookahi ana. He mea oiaio loa ,o ke kapae ole ia ana o na mapao pili-kino, pela hoi ka paani pilitika, ma ka aoao o ka meia ame na hoa Repubalika o ka papa lunakiai, ma ka lakou lawelawe ana i na hana o ke aupuni kulanakauhale, o ke kahua iho la ia o ka pilīkia i ikeia iloko o na mahina aku nei i hala; mamuli o ka hooneleia ana o kekahi heluna mahuahua o na limahana me na liana; a e ole wale no, e komo okoa aku ke keena o ka loio \ruhina ame na hoa o ka papa komisina moohelu waiwai, e hooi kekahi haawina, no na hoolilo o ke aupuni kulanaKauhale, pel?. iho la i hoopakeleia ai ke aupuni, mai ka hookauia ana ae ma kekahi kulana kupilikii, e oili okoa mai ai na hopena inoino, mamuli o kela manao hoomaau o kekahi aoao i kekahi. He oiaio no hoi, elike ma na mea i hanaia, ua hoao maoli no ka meia e lawe ae i ka mana iloko o kona mau lima a oi aku mamua o ka ke kanawai i haawi mai ai; a no ia hana ma kona aoao, aole maluna o kekahi mea okoa aku na ahewa ana e pono ai ke hookauia aku, aka maluna ponoi no ona; pela pu hoi, e pakele ole ai na hoa o ka papa lunakiai, mai ka ili ana aku o na ahewa ana maluna o lakou, no ka lakou mahele i hana ai, no ka pilikia o ke aupuni. Aia wale no a kapaeia ae na manao pili-kino o kekalii ma* hele no kekahi, a kapae pu ia ae ke kalaiaina mahope, a kukulu mai 1 ka hana o ka lehulehu mamua, ma ke ano o lakou na haku maluna o na hana apau, a e lawelaweia aku kela mau hana, maluna o ke kahua o ka pono, ka pololei ame ka hoopiiimeaai ole, e ike auanei kakou i ka nohoalii mai o ke kuikahi, ame ka maluhia iloko o na lawelawe hana ana apau no ko ka lehulehu mau pono. Eia nae kakou ke hookokoke loa aku nei i na la e hooukaia ai ke kalaiaina me ka hahana loa e na aoao kalaiaina kuloko 0 kakou; o ke kauleo wale no a keia nupepa, a wahaolelo o ka lehulehu, e lilo na hemahema i lawelaweia e keia mau luna oihana ae la o ke aupuni kulanakauhale, i kumu e hooiia ae ai ko kakou makaala, ma ke koho ana aku i ka kakou mau moho; a e hoike i ko kakou mau ano kuokoa, ma ka nana ana 1 ke kanaka ma kona mau ano kuokoa, ma ka nana ana i ke kanaka ma kona mau ano kupono; a kapae aku i ka poe i hoike okoa mai i ko lakou kupono ole.