Ka Nupepa Kuokoa, Volume LXV, Number 33, 19 August 1926 — ELUA MAU KANAKA I MAKE I KA WAIPUILANI MA NU IOKA [ARTICLE]

ELUA MAU KANAKA I MAKE I KA WAIPUILANI MA NU IOKA

E hoakaka ana kekahi meahou o ka loaa ana mai ka Associated Press mai o ka Poakahi nei no ka make ana o kekahi mau kanaka elua, ka nalowale honua ana o kekahi kanaka okoa aku, ame ka elia ana o elua mau kanaka, ka ulaaia ana o na kumulaau a hina ilalo ame ka hoohioloia ana o kekahi mau hale e kekahi waipuilani ikaika o ka nee ana mai ke Kaikuono mai o Long Island ma ka hora 9 o ka po Sabati i hala, a ua lilo ia waipuilani i mea hoopoino i na wahi e 'pili ana i ke kapakai no ka hapalua*" mile ka loa. O keia ka mua loa o na poino i ikeia mamuli o ka waipuilani ma ka moolelo o ke ae.