Ka Nupepa Kuokoa, Volume LXV, Number 36, 9 September 1926 — UA MAE E KA PUA O KA ILINA MRS. LILINOE HANA PETER PEDRO, UA HALA. [ARTICLE]

UA MAE E KA PUA O KA ILINA MRS. LILINOE HANA PETER PEDRO, UA HALA.

Mr. Solomon Hanohano, Lunahooponopono o ka Nupepa Kuokoa, Aloha oe:—E ae oluolu mai ia'u no'u kauwahi rumi kaawale, o ka kaua milimili a ka lehulehu. Kaomi ke aloha pee maloko haina e ka waimaka hanini mawaho, luuluu wale hoi-e! Huna na maka la nalo. Auwe kuu wahine kuu hoapili e! E na kini makamaka o kuu mea aloha mai ka hikina a ka la ma Kumukahi, ahiki i ka welona olu a ka la i Lehua; e kuhi ana au e ia no la i kuu poli kuu lei he wakine, eia ka ua, hala mao minamina wale au! O ka mea i hanauia e ka wahine, he hapa kona mau la, ua piha i na popilikia he nui. Ua mae e ka pua o ka ilina o Mrs. Lilinoe Hana | Peter Pedro. Olelo mai ka Haku, ua pau aku la! Ua hanauia kuu mea aloha i ka la 16 o Feberuari, A. D. 1871 ma Kaunakakai, Molokai; o Mrs. Kailialii kona luaui makuahine no Puna, Hawaii. Ia Paiea e kua laau ana kuahaua i na makaainana e pii i ke kuahiwi e oki laau (ala) o ia ka iliahi, pela i loaa ai ka inoa o ka mama o ka'u wahine i aloha nui ia, o Mr. Kaleipahula oia kona makuakane no Kipahulu, Maui. Kaua o Paiea i ka mokupuni o Maui, mahuka keia mau kanaka, a noho i Kalae Molokai. He ono kuu wahine i ka, i'a alalaua, loaa hoi ka ono, pii ka luai me ke ano-e a maule, aole i ai a moe wale aku la oia! I ka ike nae a ke kauka Oday he wai iloko o ka puuwai, ke kumu pilikia loa, hoole ke kauka, aole ana laau o kela ano ma'i, ma ka pila kikoo nui mai hoi kau o ke ope! Kekahi mea kamahao i kuhihewaia he like me ka ua pouli o ka nuku o Nuuanu; eia ka he uahi-a Pele; malie paha ua ike no ka poe o ka po i ko lakou pilikana. Kuu wahine aloha! Ua mareia maua e Rev. John Kekipi Maia, Feberuari 18, 1913; a naha iho la ka pakeke ma ka luawai ma Honuakaha Oahu, kahi i awaiauluia maua. Ua ili iho maluna o makou pakahi ka ohana, na manao pilihua. Ua oluolu i ka haku mea hale ke kikoo ana mai i kana o ka uhane, a lilo i Puna i ke au a ka hewahewa. Ua haalele mai kuu wahine ia'u he haawina ko'iko'i loa keia i ili iho me ke keiki a maua, na kaikamahine, na moopuna ame na makamaka ame na hoaloha ame na hunona. Puanuanu ka home ua hele oe i kakahiaka nui Poakolu la 1, o Septemaba hora 6, makahiki 1926, ma ka home ma Kalihi. He hoomaikai i na hoaloha o kuu wahine me ka lakou mau poke pua makana no lakou na inoa, Mr. ame Mrs. Makainai, Mr. ame Mrs. Manuel K. Richard, Mr. ame Mrs. Mendiola, Mr. ame Mrs. Bryd, Mr. ame Mrs. Joseph Smith, Mr. ame Mrs. John Lopez. Ka lani kuu home e maha mau ai, Pokole paa ole kuu noho maanei, Ua malamaia he anaina haipule ma ka hale kupapau, e kona kaikunane Rev. Albert K. Poonika, ma ka hora 3 p. m., hoolewaia no Makiki, ma ka lua ka hope o na hana haipule. E iehova ua hewa io, e lesu e kala mai, ka Uhane Hemolele, e hoola mai i keia anaina hoolewa, Amene. Me ka mahalo a nui loa ia oe e Mr. Solomon Hanohano ame na keiki o kou papapa'i. Owau iho no me ka luuluu. PETER PEDRO, me ka Ohana. Ilaniwai St. Honolulu.

OMAHA, Neb., Sept.3—Ua uwa *e ke Kanikela Amerika William Coreormn na Bonlogne, Palani "Huro ®o ka hookapu waiona", a ua pekip» a« ika ina *na nialihini a komo p® »o Miss OertTude Ederle, mt k* manawa o ka pau ana o km a« ana a Miss Edlerle ma ke Kowa Enelani, ua makemakeia oia e ka W. C. T. TT. o ke kalana o (Omaha) e hoi maL