Ka Nupepa Kuokoa, Volume LXV, Number 36, 9 September 1926 — PUHIIA E KA MAKANI NA KANAKA EHA MALUNA O KA WAA [ARTICLE]

PUHIIA E KA MAKANI NA KANAKA EHA MALUNA O KA WAA

E Mr. Solomon Hanohano:—E oluolu hoi <oe e hookomo iho ma ka kaua hiwahiwa, ina he wahi rumi kaawale, no kela wahi poo manao e kau ae la maluna. Ma ka ln 21 o Augate i ka Poaono, ua hele aku la keia poe kanaka, oia o J<ohn Moku ka mea nona ka waa, o Moses Kaina, George Wilhelm ame Joe Kepilino, e hoau i ia waa hou o John Mahi i ke kai ma Ukumehame. I ka hapalua o ka hora eono paha, a hora ehiku paha o ke ahialii ua* kau aku nei keia poe eha ; no lakou na inoa maluna ao Ja, maluna o ka waa no ka lawai'a aname ka noho no, o na kaikuahine o John Mahi, ame ka wāhine iuka o ka ainn, me ka nana aku no o ka lana mai o ua waa nei. Mamuli o ke aki ole o ka i'a, ua huki lakou i ka heleuma, a" nee hou aku la he wahi ok'oa, peia ka nee liilii ana, i ka eha o ko lakou nee ana, ua puhiia lakou e ka makani, me ka paa ole o ka heleuma ilalo, hoomaka mai la o Moses Kaina e haawi i ka hoailona me ke kukui flash light, a hoomaka mai la no hoi o George Wilhelm e hokio, peia ko lakou puhiia ana e ka makani, a kaalo ae la lakou ma Molokini, ekolu o lakou i loaa i ke anu, a koe o Moses Kaina, oia ka mea ahonui o lakou, ua ku kiai oia ia lakou iho. Ke ninau ae la kona mau hoa pehea he ike aku no oe i ka ainn, pane n'o hoi o Moses Kaina, eia kakou mawaena o Kahoolawe me !>&• nai. I ka hora ewalu kela puhiia ana 0 lakou e ka makani. I lea ike ana o ke kaikuaana o Mahi i ka hoailona o ke kukui ua holo mai la oia i Wailuku i ka Makai ; Nui Clem Crowell i ka lohe ana o ka makai nui, i nft mea apau, ua kii aku la oia ia Sam Lindsay, ame Willie Dutro, hoomaka aku la lakou no ka holo ana i Lahaina, no ka ni'oku o ka poe Kepani lawaia, ua nele no ka mea, he po kau pua ia no na Kepani, ua holo loa aku la lakou no Honolua, no ka moku o David Fleming, ua kau aku la lakou a holo mai la no Lahaina no ka moku manuwa ,U. S. S. Widgeon, hui me ko kapena ha'i aku la ka makai nui i na mea apau, ua ae mai la ke kapena; olelo aku la no nae ka makai nui ina loaa ia oe haawi ae oe i ka hoailona, ia manawa hookauia mai la o Willie Dutro maluna o ka moku manua, liala mai la ka- makai nui Sam Lindsay ame Jim Mahi ma Lanai.? Hoi mai lakou a Laliaina kali aku la i ka Sampan o ka makai 'nui 1 ka hora eha o ka wanaao, pii ana ka makai nui iluna o ka U. S. S. Widgeon, ua hele a pulu i ke kai. I ka hora umi-kumamalua haalele Ika moku manua ia Lahaina, holo ' mai la ia no Kahoolawe, i ke kokoke ana ae e kani ka hora elua o ka wanaao, ike mai la lakou i keia kuikui, a o Willie Dutro ka i olelo aku i ke kapena, aia ua poe nei, ia manawa hooleleia aku la na kukui mao a maanei, i ke kani a"na o ka hora elua ua pili mai la ka moku ma ka aoao o ka waa, hookau mua ia aku la o Joe Kepilino, George Wilhelm, John Mahi, Moses Kaina ka hope loa i kau mai ai iluna o ka moku.

Ua haawi a"ku la maleou i ko makou mahalo kiekie nui loa i ka' makai nui no kona hoomanawanui ana e huli ia makou iloko o kela ino nui ame ke kapena moku. j I ka hapalua o ka hora eono, hoea aku la. makou no ko makou home, me ka hoomaikai pu i ka Haku, no kona hoouna ana ae i mau lima kokua no ke kii ana ae ia makou. Me ka aloha ia oe e Solonvon Hanohano, ame ka 'mahalo i na keiki hoonohohua o kou papapa'i. Owau iho no, me ka haahaa. KEKAHI MEA I HOOPAKELEIA