Ka Nupepa Kuokoa, Volume LXV, Number 36, 9 September 1926 — O IA MAU NO NA KUHINIA ONO O KOLOA. [ARTICLE]

O IA MAU NO NA KUHINIA ONO O KOLOA.

He wahi paina hoolaulea, ka na hoahanau Kaumualii o Koloa, ma Kuhio Paka i ka la 22 o ka mahina i hala, ua hiki ae malaila kekahi mau hoahanau, mai Waimea, Lihue Kawaihau, ame Hanalei mai. ' Malaila pu mai no ka hope luna . auhau o Kawaihau, Mr. N. Hoopii ame kana kihei-pili, pela pu no hoi |me ka lunapaahao o Lihue, Mr. | Kalei Montgomery, ame kana huluhulu moe kehau, kahi i haupa ai j i na kohi kelekele a ka puukohi. No ] ka ono wale mai no i na io nenue ame na io wana momona o Koloa; | aohe hoi a ka puaa, he meaai mau ia i na wa apau. Ma keia paina ekolu. puaa, poi, nenue, wana, a pela wale aku, ua ai a lawa i na ono o Koloa, a kaanini ana ke alo 'o Hanale i ka paia, i ua loaa pono aku la ia Kes)ni Bulu, a ua hoi wahi puolo no na ko-a-uka. Eia no ke alalauwa ke ku nei ma ! Kukuiula i keia mau la, e piha mau ' ana na kakahiaka ame na ahiahi apau i na lahui like ole, ua ola ka maka pehu i'a o ka lehuleliu. I Koloa nei iho la o 'Mrs. Daisy Kimokeo, kahi i hoohala ai x i ke- | kahi mau la me kona mama, a liuli hoi aku la no i ka huikaulua o ke I kaona, ma ke Kilauea o ka pule i hala. ! Ua hala aku la no Howolulu o Mrs. Abbie Mahu, no ka hui pu ana me kona wahi kihei pili, oia nei ke kaikamahine laeula o Po'ipu i ke paeaea poopaa, hala ole ka lawe ana, a hu ae la ka aka o ka poe. Halawai iho la me ka hoahanau Mr. B. N. Kahalepuna ame Mr. Geo. Beka, kela kiai naue ole o ka hale mana hooko o ke aupuni, ka mea nana i hoopahu'a aku i kela poe powa aihue i kela makahiki aku nei i hala. He o ia mau no ka nunul X) na kino o keia mau kanaka i ka ni mau i na ono o ke kaona. A huli hoi aku la no ma ke Kilauea o ka Poalua nei. Ua lawa keia mau wahi i'o wana momona, moni loa mai ka haae o i ko Peter haanui wale iho no, me ka Lunahooponopono ka mahalo nui, me na keiki oniuhua kepau ko'u adieu. Owau no jne ka haahaa, PETER KAMANO, SR. Poipu Beach, Kolo&.