Ka Nupepa Kuokoa, Volume LXV, Number 36, 9 September 1926 — HAINA NANE. [ARTICLE]

HAINA NANE.

Mr. Lunahooponopono o ke Kuokx>a, Aloha pumehana kaua:—E oluolu hoi oe ina he wahi kaawale kekahi o ka hiwahiwa a ka lahui no 'u hoi ia wahi rumi, no ka haina n?ne a ke keiki o ka pa!i kapu o Keoua, a he hookalakupua hoi ma kekahi ano; a he umi ka manawa e poohina ai, ina aole e hoomaopopo i ke knona o ka Kukulu iho (a ua keiki nei i ka nane ana penei: Owau no ka alepa ame ka omega; ke kumu ame ka welau o ka mahele mua. Owau no ia, hele au i ka nui ka loa, ame ka laula. Pololi oukou hanai aku au i ka ai, makewai oukou hoohainu aku I au. Owai au i ka mahele 1, 2, ame j 3? Owai kuu inoa pihal I ka mahele mua no e loaa ai ka i inoa piha ua eueu nei ka pali kapu j 0 Kooua. Ina nae e hoomaopopo i ke kaona o ka olelo. ] Ke hoamaopopo nei au, a ke hooiaio aku nei no hoi o ka haina keia e naka hnalulu ai na keiki o olua, a he wahi hooheno aiia hoi penoi. « Ke komo kino *na o Hina a Keawe, haalulu wai neki i ka ua nui. Nolaila eia ka'u haina e pili pono ai ka la i papaenaona; me ka hoohewahewa ole o ua keiki nei o Kona kai malino, a o ka aina hanau hoi o maua. Haina, ALOHA. Penei ka'u weehe ana: 0 ka alepa ame ka omega o ia no ka hua mua o ka pi-a-pa ame ka liope, a nolaila aoie i-'o he mea nana e pa'i ke poo o A. Ke hoakaka nei ka mahele 2. Owau no ia, pololei io no, o A no ka hua mua, a o A no ka hua hope, i kulike me ka haina e kau ae la maluna; ua hele io keia haina i ka nui, ka loa ame ka laula o ka honua a ko kakou Haku i olelo mai ai: .h Ifw w mai ai: O ke aloha ko'u makemake, aole ka mohai. Ke hoakaka hou nei ka mahele 3, pololi oukou hanai aku au i ka ai, makewai oukou hoohainu aku au; nolaila o ha ka mea nana i hanai 1 ka ai, a i hooinu hoi i ka wai. Nolaila, hookahe aku la ka wai maluna o ka Ha, a kapaia he hawai; i ke kahe ana o ka wai ma!una o k,i ha, a holo aku la a komo iloko o na lo 'i kalo ame na lo'i laiki, a nolaila, aole io ana e pololi ua ai i ka ao, a ua inu hoi i ka wai. 1 ia hoohui ana i keia mau mahele' 3, loaa io ka inoa paha o ua keiki nei o ka pali kapu o Keoua. Me ka lana o ka manao he haina keia i kupono loa. Me oe e ka lunahooponopono ke alolia nui loa ame ou mau keiki o ka papapa'i ko 'u welina. Owau no me ka haahaa. HUALALAI BOY. Kalaupapa, Molokai. E umi ana ou poonina ana, no ka mea, aole ou hoomaopopo poiio i ke kaona o ka olelo o ka nane ua pili paewa loa mai la kau haina ame na wehewehe ana. Huli hou ia mai!—L. H.