Ka Nupepa Kuokoa, Volume LXV, Number 43, 28 October 1926 — HE LEKA HAMAMA I NA KANAKA O HAWAII NEI [ARTICLE+ILLUSTRATION]

HE LEKA HAMAMA I NA KANAKA O HAWAII NEI

Me ke aloha ia oukou! Mailoko lilo mai o kuu. puuwai i puapua'i ae ai ka hoomaikai nui no ke aloha luaole a oukou i pahola mai ai imua o'u apuni keia mau mekupuni. kuu aina aloha, ilo* ko o na pule hahana o na hāna ka'aiaina a'u i hoohaia ai me ka loaa o ka pomaikai o ka hui kino ana me ka hapanui o oukou. Ua piha loa au ka manao mahalo no ka loaa ana ia'u o ka ikaika nn 1 " \ huakai kaahele ame ka hana O k:» , hanwi k mai i ka ikaika i lee kino, a ua hinaiia mai kuu uhane e ko oukou aloha nui. O kuu aloha no Hawaii nei, ua like ia me ko'u hapa, me ke koko o kuu makuahine Ilawaii. O kuu aloha no ko kakou lahūikanaka nui, i lilo ai o Hav/aii nei i hapa, a'u i noho hana aku ai me ka pauaho ole no aneane kanakolu makahiki, ua like ia me ko'u hapa me ke koko o kuu makuakane, ka mea i haawi holookoa aku i kona ola ana no kela hana. He nui ka mea a kela hana i hsawi mai ai ia'u. Aole ma ka puka-a-maka maoli ana ae, aka ma ke ano he kahu malama no na kanaka o keia aina. ka poe na lakou i uku i ko'u hoonaauaoia ana ma ke Kula A'o Kaua Moana ma Annapolis, a i uku hoi i ko'u ukuhana mahope mai nei. I pana'i no keia kokua ua ike iho au i ko'u noho aie e pono ai au e hoike ae i ko'u makaukau elike me na kalena i loaa ia'u, a elike auanei me ka nee ana aku o na makahiki imua malia o hooiia ae ko'u kupono. O oukou ke kuleana i na hopena o keia a'oia ana. A no ke kumu elike me ia i nanaia mai ai e kekahi poe—■ a pela no hoi au i nana aku ai—he a'oia aua ia e oi ae ka waiwai e hooliloia no ko oukou pomaikai, ma o ka hana la a oukou i makemake ai e lawelaweia ma Wakinekona, ua konoia mai au e waiho aku ia'u iho ma ke ano he Elele na oukou i ka Ahaolelo Lahui. Ua hoomaopopo au i ke ko'iko'i nui o keia hana, a ua makaukau au e auamo ia mea me ka ikaika apau ame ka manao makee iloko o'u Pehea nae ke ko'iko'i o ka hana a ko oukou Elele, ua oi ae ke ko'iko'i o ka oukou hana, no ka mea ma o ko oukou mana pilipaa la e hiki ai ia oukou ke koho iaia. Ua noho au ma na aina lehulehu kahi i loaa ole ai i na kane ame na wahine kela mana, nolaila, pela au i nana aku ai ia mea ma ke ano he pono makamae loa a e hoohanaia ai me ka piha pono ine ka naauao, ame ka hiipoi. Ua maopopo no ia'u ua ike oukou i ka mea iloko o kuu puuwai, i ko'u olelo ana aku imua o oukou, iloko o ke]a ame keia hora mahope iho o ko'u waiho ana aku īau iho no keia hana ko'iko'i hou, me he mea la ua pa ou aku ia u ka lima palupalu o kuu makuahine e apo mai'ana i ko'u lima, a e kau mai ana hoi ka.lima nui, lokomaikai o kuu makuakane maluna o kuu poohiwi. Ua lohe aku au—a i ole e lohe aku ana paha—i ko laua leo kokua. O ka mea ia nana i hoolana ae ia'u a i hookomo mai ī ka ikaika iloko o'u. kela ano no i ko laua wa e ola ana—a e hana mau aku ai. Me ke aloha, VICTOR KALEOALOHA HOUSTON.