Ka Nupepa Kuokoa, Volume LXV, Number 44, 4 November 1926 — Page 4

EHA NUPEPA KUOKOA, HONOLULU, T. H. POAHA, NOVEMABA 4, 1926


	PAA HOU NA PAAHAO MAHUKA I KA HOPUIA Mahope o ka hele lanakila ana no na la elima, mai ko laua manawa o ka holo mahuka ana mailoko aku o ka pa o ka halepaahao mauka ae nei o Kalihi, i paa hou ae ai o Kini Die Gung Doo, he Korea ame John S. Andrade i ka hopuia ma ka Poalima aku la i hala. Ma ka hora umi-kumamalua me kanaha-kumamalima minuke, o ka po o ka Poaha a ao ae ka Poalima, i paa ai ke Korea mahuka i ka houpuia, e ka Makai Manuel Lopez, oiai kela Korea ame kekahi keiki Hawaii o M. Makia kona inoa, e kau ana maluna o kekahi kaa otomobile i aihueia e laua. Ma ka ulia pomaikai wale no i loaa ai ka ike i ka Makai Manuel Lopez no ke Korea mahuka, e kau ana maluna o kekahi kaa otomobile me M. Makia, ma ke alanui Moi Hema, o kona hoomaka aku la no ia e alualu i kana pio, a ma na alanui Bihopa me Moiwahine, i paa ai kela mau mea i ka hopuia eia, a laweia ae no ka Halewai. O ke kaa otomobile a kela mau mea e kau ana, he kaa i lawe aihueia mai e laua ma kekahi manawa	o ke ahiahi o kela la, he kaa oto- mobile no Kauka Lam o Waialae. No ka elua hoi o na paahao ma- huka oia o John S. Andrade, ua haawipio okoa ae no oia iaia iho, ma kela Poalima, mamuli o ke a'o a kona makuahine. Wahi a Andrade, ma kela Poa- lima walo no kona hoike ana aa imua o kona makuahine, ma kona home, a mamuli o ke a'o ana mai kona makuahine mai, no kana hana pono e hooko aku ai, pela oia i ukali mai ai mahope o ka makua- hine, no ka haawipio ana iaia iloko o na lima o na kanaka o ke aupuni. Ua holo mahuka kela mau paahao mailoko aku o kekahi lo'i laiki, mau- ka ae nei o Kalihi, ma ke Sabati mamua aku, a mai kela manawa mai ka noke ana o na kanaka o ke au- puni i ka hookolo mahope o ko laua mau meheu, ahiki wale no i ko laua loaa ana ma ka Poalima mai Mawaena o ka hora ehiku ame ka hapalua o ka hora ehiku, e ka po o ka Poalima aku la i hala, i komo aihue ia ae ai ka home. o John M. Silva, ma ke alanui Piikoi, mawaena o na alanui Beritania ame Young, a lilo aku i ka piko pauiole, ke huina o kanawalu-kumamalua dala ma ke dala pepa.


Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi— Ka Halawai Ana me na Hoao he nui— ke Kupaa i ke Aloha Hookahi— Ka Lanakila Ana i ka Manawa Hope. Alaila huna iho la oia i kona helehelena iluna o ka uluna e kau ana ke poo o kana aloha, a i ka ike ana iho o ke kauka e hoohaninini ana o Ora i na mapunawaimaka mai kona mau maka iho, a oiai oia pu iho la kekahi i komohia ke aloha i ka wahine opio, o kona nihi malie aku la no ia ahiki i ka puka ana iwaho, a hahai aku la ka makai nui ame ke kupakako iaia ailiki i ka haule ana ilalo. Aia maluna o ka oneki o kekahi nene aukai (mokuahi) he elua mau mea kino i ikeia mai e u ku ana ma kekahi auwina la laelae o ka mahina o Mei. O ke kanaka opio, he kanaka ui kulana kilakila kona a hie- hie ke nana aku, a o ka wahine e ku ana ma kona aoao, kana wahine hoi, no ka nui loa o kona u'i, he hana paakiki na ke- kahi ka hookaawale ana mai i kona mau maka mai iaia mai, e ake no a nana mau aku iaia i na manawa apau. "E kuu Ora aloha," wahi a Horeki Buruka o ka olelo ana ae me ka leo oluolu loa, "e holo ana kaua, a e hookaawale aku ana hoi ma kekahi aina mamao mai kahi mai o na mea hookaumaha he nui ia oe. Ke ike aku la no anei oe i ka hoo- manao loa aku o na kapakai mai a kaua aku. "Ae, e kuu Horeki aloha, ke hele nei au a kaawale loa mai kahi mai o na popilikia he nui i kuu manawa i ike ai ua kaa aku au malalo o ka malu o kou mau lima aloha. No kela ka- pakai e kaawale loa aku ana ia ma'i a'u aku aka oiai au me oe, ua loaa ia'u he heleuma no kuu mau hauoli a pau. "Na ke Akua e kiai, e hoomalu a e hoopomaikai mau mai ia kaua." KA HOPENA HE MOOLELO — No — FOLORA RIKEKONA A i Ole KE KOMOLIMA MAKE POHIHIHI Ka Hoowalewaleia Ana — Ka Mare Malu Ana i ke Kanaka Malihini — Ka Holo Makai- kai Ana i Europa — Ka Mare Ana me Kanaka Okoa. MOKUNA 1— Ka Hoowalewaleia Ana Ame Kona Hopena. "E Folora, e pane mai a-no ua ae oe, a e hoohiki mua mai hoi imua ou'u!" "E Walaka he hoomaka'uka'u maoli no keia hana au ia'u ; aole au e ae aku ana!" "O, e kuu aloha hoi, e pono oe e ae mai. Aohe mea e ae a'u e hana aku ai o ko'u kakali wale aku no o ka loaa mai o kau pane. A ka la apopo e lawe aku ana ko kahuhanai ia oe i na aina mamao, a e hoomano iho oe, he manawa loihi loa e kakali aku ai mamua o ko kaua halawai hou ana, a e hoomao- popo ole ana ia'u na'u ana oe mamua o kou holo ana aku a na ka moana nui akea ana e oki ia kaua a kaawale. "E hoike mai i nei manawa, e kuu aloha, o oe ana ka'u wahine ma nei mua aku, alaila e loaa ana ia'u ka manaolana no kou lilo na'u, a e kakali aku ana au no kou hoi mai, a e hana pu aku ana no hoi i mea e pono ai ko kaua noho ana oiai oe ma ka aina mamao.' "E Walaka, no keaha ka manaolana ame ke kakali ole me ka manaoio ame ka hilinai piha mai i ka'u mau olelo oiaio loa, me ka hoopaa ole aku ia'u iho malalo o kekahi hoohiki?" "No ka mea hoi paha aohe makemake o ko kahuhanai owau kau kane, a e hoao mau mai ana oia ma na ano apau e hiki ole ai ia kaua ke hoohuiia, me kona nana ole i na olelo hoopaa a na makua o kaua i hana ai he mau makahiki lehulehu aku nei i hala, o ia hoi e mareia no kaua i ka wa pono." "Aole i piha ko'u mau makahiki i nei manawa, aole au i oo ma ke kanawai, he makahiki i koe alaila ia wa au e hana ai e like me ko u makemake, a ia manawa no hoi au e mare ai i ka'u mea e koho ai, ina paha o oe ia." "O, aole loa he hiki ia'u ke kakali, o ka makahiki hookahi e kakali aku ai no kou oo nei ua like ia me ke kenekulia i kuu manao. O aole hiki ia'u ke hoolohe aku i kau no ka mea ke hopohopo nui nei au no kou lilo aku i ke kanaka okoa a nele iho la hoi au. "He aloha no oe ia'u, pela kuu manaoio, aole anei pela, e ke aloha?" "Ua ike no oe, e Walaka, ua aloha au ia oe, a no keaha kou ninau mai ia ninau ia'u?" "No ko'u kanalua no hoi no keia hele aku ou i na aina e. Pehea la, he manao no anei kou, e mare me a'u mai kou mau la kamalii mai?" ''A'e; o ka oi aku i nei manawa," wahi aku a ka Folora pane. ''Ua maopopo mua keia mea ia oe, oia hoi, ina aole i make ko makuakane a haaleleia iho oe malalo o ka malama ana a Robaka Siva, ko kahuhanai, e hooko ana anei oia i kana hoo- hiki i hoopaa aku ai i kuu makuakane, e haawi mai ana ia oe na'u i kou wa e oo ai?" Nolaila me ka nana ole aku i ke ku-e o ko kahuhanai ia'u, a ma ka hoomaopopo aku i kona manao i nei manawa, ua paa kona manao e lawe ia oe i kahi mamao loa i kumu no kaua e kaawale ai, oiai nae, ma ka mea oiaio loa na'u oe, mamuli o ka olelo hoopaa a na makua o kaua, o keia noi a'u ia oe he hooko wale ana aku no ia i na makemake o na makuakane o kaua a i mea e hoopau loa ia ae ai ka noonoo hou ana no keia mea, no na manawa apau, o ia au e noi aku nei e hoohiki mua mai oe i nei manawa na'u ana oe mamua o ko hele ana aku i kahi	Aohe a Folora pane no keia mau olelo a Walaka. Ilalo wale no kona mau maka e kulou la, me ka pii o ka ula ohelohelo ma kona mau papalina, he ula hoi e hoike okoa ae ana no i ka mea huna iloko o kona puuwai. Malalo iho o kekahi papai i uluia e na meaulu hihi, ma kahi mamao mai ka hale nui a nani mai, nona na puoa ame ka puka uwahi e oeoe ana i ka lewa maluna ae o na kumulaau ohia, paina ame ka oka, he mau kumulaau i kanuia he mau kenekulia mamua aku e kekahi kaukaualii Pelekane, ke kupunakane o Robaka Siva, ke kahu hanai o Folora, a o ka ona hoi nona ia mau aina nui e ulu ana o na kumulaau huaai like ole, a e holo ana hoi he mau haneri o na bipi, na lio ame na dia. Ua hihiia ia papai a laua e noho ana e na loke, na honekakala ame na pua aala like ole e ae he nui, a he wahi oluolu maoli no ka hoonanea ana, oiai, o kekahi ia o na kakahiaka malaelae a nani o ka makalii, ua pakui mai ia mau mea i ka hoonui ana i na manao hauoli iloko o na opio. He kanaka ui o Walaka ka opio, — ka averike kiekie nei no,— he nani kona oiwi, — he pololei ke kino aohe oohu, — a he apiipii kona lauoho ehuehu,— he laula ka lae, he uliuli na onohimaka me ka ikaika; he maikai ke kulana o ka ihu a he uliuli a hinuhinu kona umiumi. I ka manawa mua no a kekahi e ike aku ai iaia, e ike koke aku ana no iaia he kanaka ui e ku ai no i ka mahaloia, no ka mea, aohe puu aohe kee ma na ano apau, a he ui no hoi e nele ole ai ka momoni o ka haae o kekahi mau kaikamahine opio. Hookahi mea ume nui aku i ka noonoo o ka poe iaia oia kona oluolu, ka waipahe ka haahaa a akahai o kona ano ame ka maikai o kana mau olelo, a i na opio e u noho hoolai ana aia maluna o kona kokoolua ka hialaai mau o kona noonoo me ka hoihoi mau o kona helehelena, e hoike ae ana i ka meahuna iloko o kona puuwai. A eia nae, i kekahi e hakilo pono aku ai i ka helehelena o ke kanaka opio, aohe lamalama maikai o kona mau maka, he hiohiona a kekahi e hiki ai no ke hoohuoi aku he meahuna ka ke kanaka opio i kaumaha ai, a i ole ua nui loa paha ka inu ana a ke kanaka opio i ka waina i ka po mamua aku ; o ka haalulu o kona mau lima oiai oia e mili wale ana no i na pua honekakala iloko o kona lima ka mea nana e hooiaio mai ia hoohuoi ana. Ma kona lae a ma kona waha he hiohiona e hoike mai ana no kona hiki ole e hoomanawanui no ka hoike maopopo ole mai o ke kaikamahine e noho ana ma kona aoao i kana olelo hooholo maopopo no ko laua mare, a maloko ona he uhane i hiki ole ke hoomanawanui ke ku-eia mai kona mau makemake. pilalahi wale no kahi kino he ui a nohea nae kona helehelena; pilalahi wale no kahi kino he ui e nohea nae kona helehelena; he onaona na maka. He ehupala loa kona oho elike me na lopi gula, a ua puia ae a paa maluna o kona poo me he mea la o kona kalaunu ia, ua hoopaaia ae me kekahi mau kui omau gula ame kala. He uliuli kona mau onohimaka, aka nae, iaia i aea ae ai iluna a nana ae la i na maka o ke kanaka opio he helehelena kona o ka mea i piha i ke kaumaha, mahope o kona noho hamau ana no kekahi manawa loihi, a he ano hoi o ka mea ua inaina loko ke hoike maoli mai ana ma kona helehelena. Iaia i nana ae ai iluna, me he mea la e pane ae ana no ka ke kanaka opio mau olelo iaia, ninau iho la ke kanaka opio: "Pehea? Heaha ana kau pane?" "Ae, ua maopopo ia'u aohe o Mr. Siva i apono ia oe o oe ka'u kane e mare ai, a ua ike au ua pono kana ku-e ana i kou hoopilipili mau mai ia'u; no Mr. Siva he oluolu mau oia ia'u, no ia kumu aohe ona makemake e kamailio mai e lilo ai ia i mea no'u e ehaeha ai, nolaila o kona makemake mau ka'u e hooko aku i mea nona e ehaeha ole ai." "He oiaio ia au i olelo mai la, he oluolu mau oia ia oe, aka aole anei ou ike aku i ke kumu? He kaikamahine koikoi kana kaikamahine hanai, Miss Folora Rikekona, oiai he hooilina wahine oia no kekahi hapa miliona nolaila, e noonoo iho oe, aole e nele ana kona pulama mau ia oe, no ka mea he manaolana mau kona, iloko o kekahi o keia mau la aku e hapuku ana oia ia mau dala iloko o ka pahuhao waiho dala o kona ohana ma o kou mare ana aku i kekahi ohana ona ana e hoolaia mai la no kou hui ana aku maloko o Kelemania he mau mahina kakaikahi mai keia manawa aku." "O, e Walaka no hoi, e pehea la i loaa ai kena manao ia oe?" i nee ae ai o Folora i ka akaaka. "Aole hiki ia'u ke mare aku ia Sanale Siva, he mau makahiki lehulehu loa kona oo i ko'u. Ke kaumaha nei au no kou kapa aku i kela kanaka he ili papaawela elemakule ; a eia no hoi kekahi, aole anei oe i lohe mai nei i kuu hoohiki ana aku nei imua ou o oe no ka'u kane e mare aku ana, no ka hooko ana i na makemake o na makuakane o kaua, na mea na laua i hoopaa mua ia kaua kekahi na kekahi i kuu wa e oo ai?" "Mare me a'u?" wahi o ka ninau a ke kanaka opio, me ka ula ma kona lae a ma kona mau papalina. "Ae hoi, ke hoomanao nei no au i kau i olelo mai nei e mare mai ana oe ia'u i kuu manawa e hoi mai ai, aka nae, he mea ike ole ia aku nae ia ua ike oe." '"Ae, ua olelo aku nei au ia oe pela, aka, he kanalua nui no nae ko'u no kou hoi mai, a ke makau honua nei no au e lilo aku ana oe i mea aloha na kekahi mea okoa a'u i ike ole aku ai." "Alaila, aohe ou manaoio i ka'u, aohe no hoi ou hilinai maluna o'u, oia ka mea maopopo loa, i olelo ae ai o Folora me ka nanakee ana ae iluna ia Walaka. "Alaila e uku mai ana oe i kuu hanohano me kekahi aloha hoopunipuni mamuli o kou kanalua i ko'u kupaa nou." "Ina pela, e huikala mai oe ia'u, e kuu aloha," i noi ae ai ke kanaka i lupeaia e ke aloha me ka hoohaahaa iaia iho; "a no keaha no hoi oe e haawi ole mai nei i kou ae mua no keia makemake hookahi wale no o kuu puuwai? Aole ia he mea hewa o kou haawi mai ia oe iho na'u he mau mahina ka mamao o ka piha ana o kou mau makahiki, ka manawa a kaua i hoolala ai no ko kaua hoohuiia." "Ia manawa e maopopo loa ai kaua ua lilo kekahi na kekahi, a ua hiki hoi ia kaua ke uumi ia meahuna ia kaua iho no aohe mea e ike mai ana, ina no kou hoi mai, a ina hoi e mau loa ana ka hoole o ko kahuhanai." "la manawa o ka kaua hana wale no o ka hoike aku i ko kaua palapala mare a hoike ae ia kaua i ko ke ao. O e Folora hoi, mai hoole mai oe i keia manao o'u! Malia paha ua hupo loa au ma keia manao ana, aka nae i ka'u noonoo iho me he mea la kekahi mea e olelo mai nei ia'u, ina e hookuu aku ana au ia oe e hele me kou hoopaa ole ia na'u, e lilo ana oe mai a'u aku. E kuu aloha, e ae mai oe e mare mua kaua i keia po mamua o kou hele ana aku, pehea la ia?" "E Walaka, aole hiki ia'u ke aa a hana aku ia hana mamuli o ko'u manao iho, ua ike oe ia mea," i hawanawana mai ai ke kaikamahine, me ka nana ae iluna iaia.	"Ina e waiho mai oe i na hana apau na'u e hana aku, ke aa nei au e pale aku i na mea akeakea mai a pau nou; maluna iho o ko'u hokua ke koikoi o na ahewa ia ana apau; ua pau mua ka'u mau hana i manao ai i ka hoolalaia o ka hooko wale aku no ka hana i koe. "E Walaka, ke noi aku nei au ia oe mai koikoi hou mai oe ia'u no ko kaua mare kokeia, no ka mea, e lilo ana ia meahu- na i mea hoolilo i ka'u huakai i mea hoopilikia a hoowaia mai ia'u, e lilo ana ia i mea hookaumaha i kuu noonoo i ka ao ame ke po; aole e loaa iki ana i hookahi minuke maluhia iloko o ko'u noonoo, a elike ania au me kekahi kaikamahine pupule i houlalaia; o ka hauoli aole e ike ana ko'u uhane ia mea, oiai nae, o ka huakai a'u e holo aku ana he huakai ia no ka hauoli, aole no kekahi mea hookaumaha noonoo." Pinana ae la ka lehelehe luna o ke kanaka opio, he hana i ahuwale ae ai kona mau niho aiai me kekahi minoaka ku ole i ka hoihoi ia, a i mai la: "A pehea ana au? Pehea ana ka mea pili ia'u i haaleleia iho mahope nei, no hookahi makahiki holookoa oiai oe e kaa- hele ana mai kekahi wahi a i kekahi wai, me kou ike aku i na mea kamahao o ke ao? Pehea ana ko'u mau la i hoehaehaia ame na po i lapu mau ia, aole e na akua lapu, aka, e ka makau no kou lilo aku i ke kanaka okoa a nele iho la au?" E noonoo iho oe!" "Aole au e lilo ana; elike ana ko'u kupaa me ka oiaio mau ma kela aoao o ka moana akea me nei, aohe au mea e makau iho ai, o ke kali hoomanawanui wale no a hoi mai au." "O kau paha ia e manao la, aka nae, aole oe i ike aku i na hoowalewale mamua o kou alahele, a no ka mea, e ike aku ana oe i na nani like ole a ina makemake like ole e hiki ole ai oe ke kupaa no hookahi minuke. "O ke kaikamahine e hiki ole ana ke kupaa i kekahi hoo- walewale a e mau ka oiaio o kona manao i ke kanaka ana i aloha ai, aole ia kaikamahine e lilo ana i mea waiwai no ia mea ana i aloha ai," i pane aku ai o Folora. "He maikai no ia, mau olelo a pau ke hoolohe aku, he ma- nao koho wale aku, no nae ia, o ka'u e makemake nei i keia manawa, e hooiaioia kou aloha no'u ma kou ae ana mai e ma- re mua ia kaua. E Folora, aole hiki ia'u ke hookuu aku ia oe e hele ke ae ole mai oe, aole loa au e hookuu aku ana ia oe!" "Ua poina loa oe ma ka manawa au i kamailio mai la; aole oe i noonoo iho he kahuhanai kou, ka mea i kuleana ia'u ma ke kino, o kona ka leo mana maluna o'u, aole ko kekahi mea okoa ae," i pane ae ai o Folora. "He oiaio ia mau olelo au, aka, e kuu Folora, e pono oe e ae mai, a ke hamohamo hoomaikai la hoi ua o Walaka i ka lauoho o Folora, me ka hoomau o kana nana ana ma ka helehelena. Ua ku a nanea maoli o Folora i ka Walaka hamohamo aku i kona oho, ke apo pu mai iloko i kona mau lima, me ka huai mau aku i na olelo ono loa, e lilo ai ka nalo i paina awakea no ka Nananana. "He aloha io no anei kou, e Walaka ia'u?" i ninau ae ai o Folora ua auhee aku la ka helehelena makau a pihoihoi ia ma-nawa, a ua hoi iho la kona noonoo a lana malie me he wai la; nawai hoi e ole ka maliu o ka hapa hamohamo a hoomalimali la hoi anei kela a kana mai; pau aku la ke pi, ka maua, ka makona i ke auhee, a noho alii iho la ka minoaka hoomahie luna ua olu loko iaia ia manawa. "A pehea la ka, he nui ko'u aloha ia oe, a ua lilo maoli no oe i mea na'u e hoomana aku ai. O oe ana ka'u wahine i hoohikiia, aole anei pela? A e lilo ana oe na'u, a na'u, a na'u wale no, pela ana anei?" "I ka manawa o ko makuakane e aneane loa ana e makeua olelo aku no anei oe iaia e mare ana oe i ke keikikane a kona hoaloha kahiko?" "Ae, ua olelo aku au iaia owau ana kau wahine, ina— ina e ike like ana kaua i ke aloha o kekahi i kekahi; pela aku au iaia," oia ka Folora o ka pane ana ae. "A pehea, he aloha io no anei oe ia'u? Aohe mea e ae la ma keia ao akea au e oi aku ai ke aloha mamua o'u ke ike iho oe i ka oiaio o ia mea?" i pane ae ai ke kanaka opio, me ka mau no o ka lima o Folora iloko o kona, a ke hoomau la no hoi kona mau maka i ka nana i ko Folora helehelena. "E Walaka, no ka hoike ana aku i ka mea oiaio loa ia oe ea, aole hookahi mea e ae ma keia ao a'u i aloha ai, o oe wale no." Ina pela alaila ua lilo oe na'u, a ke hoao nei kaua i nei minuke; nani ia ua haawi mai la oe ia oe iho na'u ana oe aole aole na kekahi mea okoa aku," wahi a Walaka me. ka hoihoi o na maka. "Ae; ua hoohiki au e mare me oe i ka manawa e oo ai au ma ke kanawai, aole mamua ae." "Alaila ua lilo kau hoohiki i mea hooiaio no ko kaua hoopalau a ma ka olelo ana ae hoi, na'u ana oe, e Folora, aole anei?" "Ae pela ko'u manao:" "Ina pela, no keaha la hoi kou ae ole mai i ka'u e noi aku nei e mare ia kaua i keia po mamua o. kou holo ana aku me ko kahuhanai i na aina e. E hoike mai e Folora i kou manao i nei manawa o ka pau no ia o ko'u koikoi hou ana aku ia oe. Eia me a'u i nei manawa ka palapala ae mare a no kekahi mau la lehulehu i hala aku nei ka paa ana iloko o ka pakeke o kuu kuka, a ua pau mua hoi ia'u i ka hoomakaukauia na hana a pau no ko kaua hoohuiia ae ma ka mare, koe wale no kou ae mai e mare kaua. "He wahi hana liilii wale no keia a'u e noi aku nei ia oe a i nui i kou ulolohi mai; i ka minuke e lio ai oe na'u ua hiki ia oe ke hele aku ma kela a ma keia wahi au e makemake ai, me ko'u aua a nukunuku ole iho no ia hele ou." "He mea oiaio anei ia au i olelo mai nei no kekahi mau la lehulehu aku nei i hala ka loaa ana o ka palapala mare ia oe?'' i ninau ae ai o Folora me kona piha loa i ke kahaha. "Ae; ua hiki ole ia'u ke hoomanawanui, no ka mea, mai kela manawa mua mai au i olelo mai ai e holo aku ana pe me ko kahuhanai i ka aina e, mai ia manawa mai ka pono ole o ko'u manao, no ka mea, o kou holo aku no paha auanei ia a mare aku i ke kane a ko kahuhanai e hoomoe mai ai a o ko'u ku ana iho la ia i kahi o ka hoaa ame ka hoka pu. "Mai kela manawa mai aohe maha iki iloko o ko'u noonoo ahiki i kou ae maopopo ana mai e mare mua kaua mamua o kou holo ana aku, ua nonoi aku au ia oe mamua no na manawa lehulehu, e hoopaneenee mau ana no nae oe ahiki i nei manawa. "E Folora, kuu aloha, ua pau mua ia'u i ka hoolalaia na mea apau no ko kaua mare, a e ae mai oe e mareia kaua i nei po no me ka hoohakalia ole hou aku. (Aole i pau)