Ka Nupepa Kuokoa, Volume LXV, Number 44, 4 November 1926 — KA ELELE LAHUI VICTOR KALEOALOHA HOUSTON [ARTICLE]

KA ELELE LAHUI VICTOR KALEOALOHA HOUSTON

Mahope iho o ka hooukaia ana o kekahi paio kalaiaina hahaiia loa, e na aoao kalaiaina kuloko o kakou, he paio i hoohanaia ai na ike kalaiaina o kela anie keia aoao pakahi, i'oili pulelo mai ai o-Victor Kaleoaloha Houston, he moho lanakila ma ka Poalua aku la i hala, no ke kulana elele lahui i Wakinekona na Hawaii nei. O ka lanakila i loaa ia Victor Kaleoaloha Houston, he lanaleila ia aole wale no mamuli o na kakoo i haawiia aku iaia, e ka poe i hooikaika no kona kohoia i elele lahui na Hawaii =>nei, i Wakinekona, aka he lanakila i oili ae, mamuli no o kana hooikaika kii>o ana, ka mea nana i ume aku i na manao *nahalo a hoohihi o na mana koho o Hawaii nei, ma ke ano iie kanaka oia, aole wale no i oi ae kona makaukau, a i kupono no ke kulana elele lahui; aka i pipilipaa kona noonoo, no Hawaii nei ame kona kulana holomua. Iloko o kona malihini iloko o na hana kalaiaina, kona malihini pu i na makaainana koho baloka apuni o Hawaii nei, ua 'lawe ae o Victor Kaleoaloha Houston, i ke ko'iko i o ka lilo anā i mea paahae ma ka aoao Repubalika, a ku aku imua o ka lehulehu, me ke koa ame ka maka'u ole, e uwalo ana imua o lakou, maluna o na loina kalaiaina naauao. j Iloko o kana mau haiolelo kalaiaina apau i haawi ai ma kela ame keia wahi, ua kapae ae oia, i na olelo kipehi i kona hoa paio ame kona aoao kalaiaina, aka nae, ua hoikeike mai oia i na hana i lawelawe mau ia, a i hookahuaia ai na loina kalaiaina Deniokarata, ka mea nana i hookaakaa ae i na maka 0 ka' poe o Hawaii net a ike pono aku lakou, aia iloko o Ka' leoaloha Houston, ka manaolana, no ka loaa mai ia Hawaii nei, o na pono oi ae, i loaa ole i keia manawa. O ka hiki ana ia Victor Kaleoaloha Houston, ke hoohaule aku ia Wm. P. Jarrett, ka elele lahui Demokarata i kohoia no elua kau aku nei i hala, ka hana hiki ole ia John H. Wise ame Philip Rice, ke hoohaule iaia, ma ka pahu -baloka, mamuli 0' ko laua kamaaina ame ka niakaukau mamua o Jarrett, ua hoike maoli mai no oia, aole wale no, maluna o na kahua kaua moana. imua o kona mau enemi, i loaa ai iaia ka makaukau, no ka hoopio ana aku ia lakou, aka ua hiki pu no iaia ke ulupa aku i kona mau enemi kalaiaina, maluna o na kahua kaua kalaiaina naauao. Ua lanakila o Houston maluna o Jarrettf, mamuli o ke koho tnaoli ana no o ka hapanui o na mana koho baloka o Hawaii nei, aole paha.no ko lakou hoowahawaha ia Jarrett, aole pela, aka no ko lakou manaoio ana, ua oi aku ko Hotiston kupono, ka makaukau ame ka naauao, e ku aku ai a "e hana no Hawaii nei ma Wakinekona, ma na ninau apau i -pili ia Hawaii nei, ka mea hiki ole ia Jarrett ke hana, a ke maiiaoio nei keia pepa, e ike ana no ko Hawaii mau makaainana, i ka naauao o ka lakou koho ana i keia elele hou 'mai Hawaii aku nei, i ka ahaolelo lahui ma Wakinekona. He mea minamina paha ke olelo ae ma kekahi ano, ka puka hou ole ana o Jarrett i elele lahui, he mea hiki ole nae ia ke alo ae, no ka mea ke ko nei ke au o na hana kalaiaina iluna, a ua hiki mai hoi ka manāwa a ka lehulehu, i makemake ai, 1 kekahi Repubalika makaukau, e hoouna aku i .Wakinekona, me ka manaoio, ma ona la, e oi ae ai ke kupaleia o na pono o Hāwaii nei. Ma ka aoao o ke Kuokoa, ke hoomaikai aki) nei iā i ka aoao Kepubalika, no ka haavi ana i ko lakou ikaika lokahi, e kakoo ! ka moho elele lahui, ma ko lakou aoao kalaiaina ponoi iho, a o ka lanakila i loaa ia Victor Kaleoaloha Houston, he lānakila ia, no ka poe i makee i ko lakou kulana holomua iloko nei o ka aina, o ka lanakila oi loa aku nae, no ka aoao Repukalika, e pono ai e hiipoi mau ia keia lanakila, ma na kau koho baloka e hoea mai ana.