| KA ANAE KU O WAIPIO. (Kakauia o Geo. Pooloa.) E noho ana ma Waipio, Ewa, o Kaihuokapalai, ke kupunakane ame Malaekahana ke kaikuahine o Kai- huokapalai. He aliiwahine u'i o Malaekahana, ua hoohalikeia ka u'i nohea o na papalina o keia kaikamahine, me na opuu pua rose i mohala ae. Noho nui iho nei na moopuna me ko laua kupunakane, no kekahi manawa loihi ma ko lakou aina, aka nae i kekahi la, hoea mai la ka pilikia iloko o ko lakou noho ohana ana, o ia ka nele i ka i'a, a i aku la i ke kupunakane: "Ea, he kea maoli ko kakou pili- kia i ka i'a, ua nele loa ka hale nei i ka i'a, pehea la e loaa mai ai ka i'a ia kakou." A lohe ke kupunakane i kela mau olelo a kana moopuna, kauoha aku la oia ia Kaihuokapalai, e kii i ke- kahi mau mea ana i kuhikuhi aku ai, e lawe mai no ka mohai ana aku i ke akua. Ua hooko aku la ka moopuna i ke kauoha a kona kupunakane, aole no hoi i loihi, hoea ana no o Kaihuo- kapalai imua o kona kupunakane, a waiho aku la i na mea apau i kauohaia mai ai iaia o kii, a kaa aku la na hana ma ka aoao o ke kupuakane, me kona ike ole aku nae i na mea i hanaia. Moe nui iho Ia ma kela po, ahilu i ke ao ana ae ma ke kakahiaka o kekahi la mai, kahea aku la ke kupunakane ia Kaihuokapalai, e he- le mai imua ona, a haawi aku la he pohaku kuula i hanaia a kohu kino kane, a e kau ana hoi he pa- pale mahiole maluna o kona poo. "Auhea oe e Kaihuokapalai," i kamailio mai ai ke kupunakane, "e malama loa oe i keia pohaku kuula, i na manawa auanei apau au e makemake ai i ka i'a e loaa ana ia me ka hakalia ole." No kela kauoha a ke kupunakane, lawe mai la o Kaihuokapalai i ka pohaku kuula a malama; a he mea oiaio loa, ma ka la mua no o ka loaa ana mai o kela pohaku kuula, ua ku ka anae ma Waipio, Ewa, Oahu, ae nei, o ka mahina ia o Maraki. Ua hiki i na mea apau ke ike aku i ke ku mai o ka anae, nolaila ua holo aku la na kanaka maluna o na waa e hoopuni me ka upena, a i ka puni ana, huki no hoi i ka upena ahiki i ke kan ana iuka o lia aina; lawe ae la o Kaihuokapalai he mau wahi i'a kupono no na la- kou, kauoha aku la no hoi oia i na hoewaa ame ka poe huki upena, e lawe no i mau i'a kupono na la- kou, a o ke koena iho, e haawi i ka nui ame ka lehulehu o na kana- ka o Waipio, mai na wahine na kane ahiki aku i na kamalii. "E lawe oukou i ka i'a a ai, e haawi wale aku no hoi ia ha'i, aole e kuai, no ka mea he nele i'a ko kakou i kela mau la aku nei i hala, akahi nae a hoopauia ko kakou pi- likia," i hoakaka aku ai o Kaihuo- kapalai i kona manao imua o na ka- naka. Ua moa ae la no ke kanawai o ka oihana lawai'a, i na la mahope mai, he o ia mau no ke ku o ka anae, nolaila hele no na kanaka e hoopuni i ka upena, a huki ahiki i ka pae ana i kula. O ka hapa- lua o na anae i puni i ka upena, ua haawiia i na hoewaa ame ka poe huki upena. a o ke koena aku, ua hookauia maluna o na moku kia- kahi liilii, a na kela mau moku, e lawe mai no ke kuai ana i Ula- koheo, ma ka aoao makai o ke ala- nui Moiwahine e pili pu ana me ke alanui Maunakea. O ko lakou noho hoi ia a hala ke- kahi manawa mahope mai, kupu ae la ka makemake iloko o Malaekaha- na, ke kaikuahine o Kaihuokapalai, e hele i ka makaikai, a o ia kana o ka olelo ana aku i ke kaikunane ame ke kupunakane o laua: "Ina olua e ae mai ana e hoo- kuu ia'u, alaila o ka hookoia ana ka hoi ia o kuu makemake, e hele i makaikai ia Oahu nei, pehea la ia i ko olua manao." "Heaha la hoi, he manao maikai no kena ou, nolaila ke ae aku nei maua e hele oe i ka makaikai." He wahine aholoa o Malaekahana, a he mama no hoi i ka hele, nola- ila iaia i haalele aku ai ia Waipio, ma kekahi la ae, pii pololei mai la oia a hoea i Honolulu nei, Mauna- lua, a huli ma kela aoao o na Koo- lau. Ua keia huakai makaikai, he nui na wahi a Malaekahana i hiamoe ei, o kona wahi hope nae i moe ai ma ka hale o ka Rev. Kekoa, ma Punaluu. Ma Punaluu i hookamaaina ai o Malaekahana me kolaila mau kupa, a i ka hala ana o kekahi manawa loihi, ua pili aloha maoli no oia me na kamaaina. Ma kekahi la, hoike mai la na kamaaina ia Malaekuhana, i ka meahou, o ia hoi e malama ana ke alii o Kahauokapaka, ke alii o na Koolau a elua he aha hula Hawaii Ena ka po ana iho, a e komo pu mai ana ke alii iloko o ka hula ana, oiai he makaukau oia ma kela hana. No ke ake e iko i na lealea o kela po, ua hele pu aku la o Ma- laekahana me na kamaaina no ka hale e malamaia ana ka hula ame ke oli. He oiaio, i ka wa o ka hoo- maka ana o ka hula ame ke oli, na komo pu o Kahauokapaka iloko o ka aha hula, a ua nui na wahine i hula pa mai me ia, aka no Ma- laekahana hoi, aole ona wahi mea a Hii iki, no ke kumu, aole no ona | ike i ka hula, o ke oli nae ka mea hiki iaia. No ke komo pu ole mai o Malae- kahana me na kamaaina ma ka hula ana, i hoomaka mai ai kekahi wa- hine e oli, ahiki i ka aumakua ana mai ia Malaekahana, nolaila hiki hou ole iho iaia nei ke noho malie, o kona hoomaka aku la no ia e oli. Na keia oli ana o Malaekahana, i komo ai ka manao hoohihi me ka makemake iloko o Kahauokapaka ia Malaekahana, a i hakalia no a hookuu ka hula ma kela po o ka lilo aku la no ia o ke kaikamahine o Waipio i ke alii o na Koolau a o ko laua hoao ao la no ia, elike me ka mare o kela au kahiko. Hoi aku la o Malaekahana me Kahauokapaka, a noho ma Kapa- ka, he aina nui keia o ka i'a; i ka hala ana o kekahi manawa ia laua malaila, ua nee aku la ko laua noho ana no Kawela ma Kahuku, aina lewa i ke kai. I ko laua noho ana ma kela aina ua ku a ma'i maoli o Malaekahana i kekahi la, mamuli o kona ai ana i ka ohiki moe one, a Kahauoka- paka o ka hele ana e lawai'a a hoi- hoi mai e hanai na kana wahine. No keia kumu, i noi okoa aku ai o Malaekahana i kana kano e hoo- kuu mai iaia e hele o hui pu me kona kaikunane me Kaihuokapalai, no ka haawi ana mai i i'a na laua. Aole he au'a ana a Kahauokapa- ka i kana wahine, aka haawi aku la no oia i kona ae, nolaila ma ke- kahi la ae, haalele aku la o Malae- kahana ia Kawela, a huli hoi mai la no Waipio, kahi o kona kaikunane ame ko laua kupunakane e noho ana. Ia hoea ana mai o Malaekahana, na lilo kela hui pu ana me kona kaikunane ame ke kupunakane o laua, i hui ana iloko o ka hauoli, oiai ua loihi ka nalowale ana, akahi no a ike hou kekahi i kekahi. "E, he huakai ano nui hoi keia au o ka hoea ana mai nei?" i ninau aku ai o Kaihuokapalai ia Malae- kahana, mahope o ko laua nanea ana o laua wale no ma kekahi manawa o ke ahiahi ana" iho. "Hookahi no manao nui o ka'u huakai i hoea mai la, i kii mai nei au i'a na'u, no ka mea he pi- likia ka noho ana o ka huli Koolau aku nei." "He nui ka i'a maloo e waiho mai la, e lawe oe elike me ka mea hiki." "Aole au e lawe i kekahi i'a, he kaumaha ke hapai, a he loa no hoi ke alahele, ina paha ma ke kai ae no hoi ka i'a e hele ai, a mauka no hoi au o ka aina, o hele ai, pehea la ia e kuu kaikunane." "Ina hoi ha pela ua pono, o ka'u kauoha wale no nae ia oe, mai hia- moe oe ma kekahi mau wahi." Haawi aku la o Malaekahana i kona ae, nolaila ma kekahi la ae no, haalele aku la oia ia Waipio, a pii mai la no Honolulu nei, ma Kuli- ouou, i hiamoe mua loa ai oia ma ka po ana iho. Aa ae ma kekahi la mai, hoomau no ka hele ana imua, a hiamoe hou ma Kailua, Koo- laupoko, a o ka moe ekolu ana ma Makua, Koolauloa, a hoea loa no Kawela, ma kekahi la ae a hui pu me Kahauokapaka ko kane ma Ka- wela. Ma kela la no a Malaekahana i hoea ai no Kawela, o ka la no ia i ikeia ai ka anae o Waipio e lana ana ma Kawela, aole ma ia wahi wale no, aka ma na wahi no apau ana i hiamoe ai; nolaila ma na Ia mahope mai, hookahi hana a na kanaka, o ka noke i ka lawai'a. Ua aneane e piha ka eiwa maka- hiki, o ka noho paa ana o ka anae ku ma Waipio nei, akahi no a hele elike ae la me ia maluna, he hapa wale no nae, mamuli o ke noi ana mai o Malaekahana i kona kaiku- nane. I ka anae o holo la no na Koo- lau, mamuli o ka mana o ke kuula a Kaihuokapalai, aia no na moku kiakahi ame Kapena Mahiai me kona waapa mokuahi, ke halihali la i ka anae i Honolulu nei e kuai ai, ma ka makeke. Kupanaha no paha ko kakou mau moolelo kahiko, aole nae keia he mea haku wale no, aka he mea oiaio loa keia i ikeia, i kela au aku la i hala. HOOKAHI WALE NO BALO- KA O JARRETT MA NIIHAU Elike no me ke kau boho baloka wae moho i hala aku nei ma ka la 2 o Okatoba, ka huliamahi o na mana koho baloka o Niihau no Vic- tor Kaleoaloha Houston, pela no ka mea i ikeia ma ke koho baloka lau- la o ka la elua iho nei o keia ma- hina, i ka manawa i loaa mai ai ka hoike koho baloka no kela moku- puni. Mailoko mai o na mana koho he kanaha-kumamalua, he kanaha-ku- mamakahi o lakou i koho ia Hous- ton, a he hookahi wale no i koho ia Jarrett, e hoike mai ana keia hopena, no ke kupaa o ke Demo- karata hookahi, mahope o kana mo- ho, me ka naua ole, i ke koho ana o na mana koho e ae ia Houston. Ua ukali aku ka mahele o Haiku, ma Maui, i ka mokupuni o Niihau, ma ka hulimahi ana o na mana koho ia Houston walo no, no ka mea o na baloka i kohoia no na moho elele lahui, ma keia mahole, he kanakolu-kumamahiku baloka no Houston, a aole hoi he baloka no Jarrett; nolaila ua kaa ke eo i keia mahele, ma ke koho pololei ana i ka moho elele Iahui ma ka aoao Repubalika. | KA HAPAI MAU MEA O KA HOIKE ANA I KO NU IOKA POE NO KE TERITORE NEI (Leka Kuikawa i ka Advertiser) NEW YORK CITY, Oct. 27.— Ma- hope o ka haawi ana aku i na bona no na hana hou o ke Teritore o Ha- waii o $1,805,000 ka waiwaiio i ku- aiia ma kekahi manawa kokoke i hala eku nei no ke kumukuai kiekie loa i hookaaia no kekahi mau bona i hoopukaia, $103.19, ua haalele mai o Henry C. Hapai, ka puuku teri- tore ianei i koia auwina la no Ho- nolulu. Ua ukali pu ia mai oia e kana wa- hine, ka mua loa o kana huakai no Nu loka nei. O ka eha iho la keia o ka Hapai huakai i Nu Ioka nei no ko kuai ana i na bona Hawaii. Ua hoea mai oia ame Mrs. Hapai i Nu Ioka nei ma ka la 2 o Okatoba, a ma ka Hokele McAlpin laua i no- ho ai. Ma ka la 10 o Novemaba ko laua la o haalele mai ai ia Ka- palakiko maluna o ka mokuahi Ma- ui, ka moku lawehae o ka laina mo- kuahi Matson, no Honolulu. Ua hoike mua ia mai o Hapai ia- nei ka nui o na iona kopaa e loaa ana ia Hawaii i ka 1926, ma kana koho aia ma kahi o 785,000 tona, a no kona waiwaiio ma ke dala e ane- ane aku ana i ko $64,000,00. No ke oo halakahiki o keia makali iki he 8,500,000 pahu, wahi ana, a o ka wai- waiio he $35,000,000. NA DALA HOAHU MA KA BANAKO O na dala i hoahuia maloko o ka banako no ka 1926 he $67,851,393.05; no ka 1925 he $60,809,715.97. O na huahelu o ka 1926 ke kiekie loa ma ka moolelo o Hawaii. O ko koena dala maoli ma ke ke- ena puuku a ma na banako ma ka pau ana o ka makahiki ma ka la 30 o Iune he $10,427,839.23, ka hua- helu kiekie loa ma ka moolelo o ke teritore ke hoohalikeia me $6,255,394 i ka 1925. O ka waiwaiio i auhauia o na wai- wai maloko o ke teritore ua pii ae mai ka $293,104,297 a i ka $392,782,- 113 i ka 1926. No na loaa i huiia o na banako ame na hui kahu malama waiwai o Hawaii he huina nui o $81,- 078,958.78 i ka 1926 e ku-e ana i ka huina o $73,630,993.74 i ka 1925 ma- luna o kekahi kumuwaiwai o $4,- 100,000. O na huina kumuwaiwai i hoo- kaaia e na hui Hawaii i ka 1926 he $262,181,298, a no ka 1925 he $260,- 871,298. Aole ma ke kulana puuku wale no hala ka hoike ana ae o ke Konela Ioka, aka ma ke ano he ilamuku ki- naiahi pu kekahi no Hawaii, a ua hui a hana pu o Hapai me Fogarty, ka hope ilamuku maloko o ia kula- nakauhale ma ka mea e pili ana ia kulana hana. HE MAU NINAU KANI KOHA! E Mr. Lunahooponopono, Aloha a nui: — Ina he kolamu kaawale ke- kahi o ka hiwahiwa a ka lahui, e hookomo iho oe ma ia wahi; i keia mau ninau hoonanea, a hooulu i ka noonoo o ke poo. Ninau 1. Ekolu ano moku; mo- ku kiakolu, moku kialua, moku kia- kahi. $10, no ka moku kiakolu, $1, no ka moku kialua, $16 o ke dala no ha moku kiakahi. Uu like no ka nui o na moku me na dala; hookahi 100 moku, a hookahi no 100 dala. Eia ka ninau. Ehia moku kiakolu, no ka moku kialua, a ehia moku kiakahi. Ehia dala o na moku kia- kolu, kialua a kiakahi. Ninau 2. E ku ana au malalo o kekahi kumulaau ohai; e nanea ana i ka olu a ka makani Eka ka makani kaulana o kuu aina; ike aku la au i ka mokuahi Hawaii e hookomo mai ana i ke awa o Keala- kekua; o ka mamao mai kuu wahi e ku ana ahiki i ka mokuahi Ha- waii, eha (4) mile; kani mai la ke oeoe. Ehia sekona mahope o ka puka ana ae o ka mahu e loheia ai ke oeoe, ina he 82' ka mehana. Ninau 3. Haule mai la kekahi kanaka mai ka mokulele mai a wai- ho ana ma ke kahua o Aala Paka, he 32 sekona, i haule ai i Aala Paka. Ehia kapuai ko kiekie o ka mokulele. Ninau 4. Ku'i ka hekili, ne-i ke ola'i, olapa ka uwila ma ke kula- nakauhale o Honolulu, a hala na sekona 9, haule mai Ia ka ua. Ina ua hoomaka ka ua e haule i ka ma- nawa i olapa ai ka uwila heaha ke kiekie o ke ao panopano? O ka mea e loaa ana na haina o keia mau ninau helu, ame na wehe- wehe i kulike mo na wehewehe i ka Lunahooponopono, o loaa no na dala makana elua. Me na keiki hoonohohua ka ano- ai, a o ke aloha nui pau ole me ka Lunahooponopono. 2. P. K. KAWAIKAUMAIIKA- MAKAOKAOPUA. Napoopoo, Hawaii. KE KUAI NEI O MR. GEO. KE- KOA AH NEE I KA PIPI MAKEPONO LOA. Eia o Mr. George Kekoa Ah Nee, ke kuai nei i ka pipi me ka make- pono, ma ka Makeke Kulanakau- hale, a no ka pomaikai o na Hawaii i loaa ole ia lakou ka ike, no keia mea, pela oia i makemake ai, e hele ae lakou ma ka makeke kula- nakauhale, ma ke alanui Maunakea. E loaa ana na pipi hou o na mo- kupuni malaila, elike no mo na pipi hou e kuaiia nei ma na makeke e ae, o ka like ole wale no, he oluolu iho ke kumukuai a Mr. Kekoa Ah Nee, e kuai nei, i ko na makeke e ae. E loaa ana no na pipi mai Nu Kilani mai ma keia makeke, pola na i'o hipa ame na pipi keiki palu- palu, a ma ka olelo pokole ana ae, aia ma kona makeke, na mea apau a ka manao e makemake ai, no ka hoolako ana i na home, me na i'o holoholona maikai loa me ka make- pono pu. | E APONOIA ANA HE KANAWAI APANA HOU O na apana no na hale oihana a mau hale hokele a hookumuia ana malalo o ke kanawai hou a e aponoia ana e ka papa o na lunakiai ma ka heluhelu ekahi ana ma ka Poalua nei, he mea pono e loaa mal ke apo- no ana a ka ekolu-hapaha o ka poe no lakou na apana aina e pili koko- ke ana ma kahi he 400 kapuai ka mamao mai na palena aku o na apana i manaoia no ia mau hale. O ka bila no ke kanawai hou ua apo- noia e ke komite waiwai me kana halawai o ka noho ana ma ka Poa- kahi nei. E hoakaka pu ana maloko o ia bila o na apana kahi e kukuluia aku ana kekahi hale halawai he mea pono no e loaa ka aeia mai e ka ekolu-hapaha o ka poe ona aina e pili kokoke mai ana. Ke hoolala mai nei ke Komisina Hoolala Kulanakauhale i na wahi o na apana hou i manaoia no ke ku- kulu ana aku i mau halekuai a i mau hokele hou paha, aka nae o ke apono hope loa ana na ka papa luna- kiai. He kono na ke komite waiwai o ka papa lunakiai i ka meia i kohoia ame na hoa o ka papa lunakiai hou i kohoia no ka akoakoa ana ae ma ka halawai i malamaia ma ka Poa- kahi nei, a ua aponoia ia koho ma o ka hiki ana ao o Arnold, ka meia i kohoia amo kekahi mau hoa o ka papa hou, ke Dr. D. Y. Chang ame Fred Wright, a koe kekahi mau hoa hou e ae o ka papa aolo i hiki ae, a na hoopaa ae nae lakou ia lakou iho no ka hoea ana ae ma kekahi halawai ma nei mua aku mamua ae o ka la 1 o Ianuari, 1927. APONOIA KA HOOLOLI Mahope iho o ke kakau ana o ka Meia Wilson i kona inoa ma ka hoo- loli kanawai o ka apana o Kaimuki ma ka Poakahi nei, ua komo mai he noi mai na kanaka mai e noho nei ma ka Apana Paka Bingham e hoo- loliia ka manawa a lakou e hookaa mai ai i ko lakou mau auhau. Ma ka la Sabati iho nei e hookaaia ai ka auhau, aka nae, mamua aku nei ma ka la 7 o Ianuari i hookaaia ai, a e noi mai ana lakou i mau la loko- maikai o 30. Ua apono ke komite i keia noi a ua hookomoia ao he hoololi kanawai ma ka halawai a ka papa o ka Poalua nei. He noi mai ka Loio James L. Coke ae e hoihoi hou aku ka papa iaia i ka huina o $16.00 i laweia mai iaia aku me ia ku-e no ona no ka auhau laikini loio, mamuli o ka rula ana a ka aha kiekie ua ku-e i ke kumu- kanawai ko kanawai a ka papa lu- nakiai i kau ai o pili ana i ka auhau laikini maluna o ua loio. E OHI I NA AUHAU LAIKINI No ka ohi ana i na auhau laikini mai na loio a mai na kanaka mai e lawelawe mai nei i na oihana hana akamai mawaho ae o na oihana au- puni, o ka loio kulanakauhale ke ka- uohaia ae ana e hoomaka i ka hoo- pii ana i ka poo i uku ole ae i na auhau ina he mea pono ia e hanaia. O ka lono e hoakaka ana no ko James H. Fiddes, ke kakauolelo a ke komite waiwai, oia ka lunahoohana o ka oihana wai no ko koena aku o ka makahiki, ua aponoia ae ia lono, he mea oloA^ o ke komite. O ka lunahoohana o ka oihana wai Russel V. Roberts, ua hala aku oia no ka aina makua, he pule aku nei i hala me kona noi ole mai a aeia aku e holo. NA KUHINIA ONO O KOLOA. Ma ka la 17 o ka mahina aku la i hala, i haawi ae ai o Mr. ame Mrs. Kapa Moses, he wahi paina komo hale, hoomanao pu no hoi no ka lana keiki hanai, Daniel Kapa Moses. He nui na ono i hoomakaukauia maluna o ko pakaukau, o ia iho keia; poi uouo kaohi puu, puaa laulau me ka niu, puaa kaluakele na io nenue momona, wana, loli maloo, loli maka, opihi, limu, pipipi oma, uala, meaono waimomona, a pola wale aku. Ua ai a lawa, ua inu a kena, o na ono i paholaia mai imua o ka lehu-lehu, uwoki oe e mama ana na wawae o Hanale i ka holo; oiai ua loaa pono aku la ia Keoni Bulu, a huli hoi aku la kela ame keia me lahi puolo. Nolaila ke kalokalo ae nei keia makapeni, e hooloihi no i na Ii o ke kamaiki, a kau i ka pua aneane, a pela pu no hoi kona mau makua ia haawina hookahi, i mau no kela eat heavy. He wahi paina no ka Mr. ame Mrs. Henry G. Spalding, ma ka la hoopau kaua, no ka laua kaikama- hine, aohe nele ka nui na ono ma ia la, ono ino no hoi kahi ice cream. Eia ka Ahahui Kaumualii Order of Kamehameha, ke liuliu hoomakaukau nei, no ka hooikeike nui o malamaia ana ma Lihue, mai ka la 6 o Novemaba ahiki i ka la 13 o ia ka palena pau. He nui na ma kana e haawiia ana, o ia hoi na kaa otomobile like ole, a pela na hoi me kekahi mau makana e a e loaa ana i ka mea e laki ana. Nolaila eia ka wa e Kauai o Manokalanipo, o ike ai i keia ni ali mea ano hou, o ka akahi walo ni keia, a malamaia kekahi mea 4 keia ano ma Kauai nei; aole ma mua mai. "Kamehameha Carnival," Nolaila e naue e ike kumaka aoe ka lohe pepeiao, i keia mau po'il o Halalii, o ikeia kakou hoa kanaka, o kipa hewa ke aloha, i ke B^ he ilio hoi ia, o kakou hoa kanaka hoi keia, pupuu a hoolei Ioa, e iAi ka pule ia Hakalau. O keia mau mea hoikeike ap^i malalo o ka hooponopono ana a Mr. Eddie Fernandez, ame ka Ahah; i Kaumualii, Order of Kamehameha. Ohohia mau no na halawai kumau ka waha i na pola kope, a na keiki o ka Uanoe o Koloa. He halawai kuikawa ma ka la 23 i hala, no ka noonoo ana i na mea e pili ana, no ka hoikeike Carnival nui e hoea mai ana i keia mahina, Novemaba | NA MARE. J. C. Thompson ia Matilda K. Vida, Sept. 22. James E. Haworth ia Jeanette Naukana, Oct. 3. Gabriel Pakalamana ia Ana Gan- dall, Oct. 21. J . W. K. Peahi ia Ellen Mitchell, Oct. 22. Nicholas David ia Roseline Con- trades, Oct. 23. Joseph Rodrigues ia Rosalie Ka- paona, Oct. 23. J. L. Acrugges ia Mary Kaloa, Oct. 25. Abraham K. Kahili ia Daisy Laau, Oct. 30. George Kailiwai ia Violet Nahinu, Nov. 1. Adam Byrd ia Edith Pate, Nov. 3, Wm. H. Halbroon ia Lily Moss- man, Nov. 4. Wong Tai ia Kealoha Lipano, Nov. 4, Hung Keong Lum ia Elizabeth Wright, Nov. 4. NA HANAU Na Alexander Karrattti ame Ma- bel Pau he keikikane, Sept. 29. Na George Brown ame Julia Ka- wai he kaikamahine, Oct. 3. Na Daniel Kalau ame Helen Mer- seburg he keikikane, Oct. 3. Na Chas. G. Hopkins ame M. M. Fernandez he kaikamahine, Oct. 5. Na Samuel M. Saffrey ame Miulan Ahu he kaikamahine, Oct. 22. Na Antone Tavares ame Maryann Keumi he kaikamahine, Oct. 27. Na Thos. R. Vrandenburg ame Cecilia Kalawela he kaikamahine Nov. 4. Na John Kele ame Mary Lucas he keikikane, Nov. 15. NA MARE Frances Kupihea Zablan, ma ka Home o na keikikane, Oct. 28. Kauahi, ma ka halema'i Moiwa- hine, Oct. 28. John, Pau Karratti ma Kawaia- hao, Oct. 31. Lionel Pahia ma Honolulu, Oct. 31. Joseph Kaaiohelo Kauai ma ka halema'i Kepani, Oct. 31. Lahela Waiwaiole, ma alanui Kula, Nov. 1. Edward Swan Leialoha ma ka Home hanai bebe Robinson, Nov. 2. Albert Pauahi ma ke alanui Hall, Nov. 3. Samuel Kikaha ma ka Halema'i Moiowahine, Nov. 5. Robert E. K. Beddow, ma alanui Moiwahine, Nov. 5. Julia Kelii Pupuka ma Punaluu, Nov. 6. Peke Kawaa ma ka Home Luna- lilo, Nov. 6. Kalani Umi Austin, ma Kalihi- uka, Nov. 7. E hoomaka ana mai keia Poakahi ae, Nov. 15 ahiki i ka la 20, e hoo- kaawaleia ana kela pule i mau la, no ka haawi ana o ka lehulehu, i na kokua manawale'a, no na home ame na wahi lehulehu, i kaa ai na na makaainana o Hawaii nei, ke kokua ana aku ia lakou, elike mu ka mea maa i hana mau ia i kela Ame keia makahiki i kaahope aku nei. KA LA KANU LAAU O ka poe apau e makemake ana i mau kumulaau malumalu a hoo- nani pa no ka la Kanu Laau, Nov- emaba 19, e waiho ae i na noi i ka Hale Kanu Laau o ke aupuni ma ke Alanui Moi, ma ka leka Pahu 3319 P. O., a i ole ma ke kipa ana ae mamua a i ole ma ka la 17 o Nov- emaba. O na laau e haawiia mai ana mai ka Hale Kanu Laau mai o ke Aupuni no ka mokupuni wale no o Oahu. E loaa aku ana i kela ame keia mea noi he 24 mau kawowo laau no ke kanu ana, a o keia ma- lalo nei na inoa o na laau kawowo e loaa aku ana: Golden Shower, Pink Shower, Pink and White Shower, Yellow Poinci- ana, Jacaranda, African Tulip Tree, Mahoney Tree, Monkey Pod, St. Thomas Tree, White Flowering Bau- hinia, Purple Flowering Bauhinia, Silk Oak, Hawaii Holy or mas Tree, Lemon Gum, Swamp Mahogany Sugi Japan Cedar, Cooke Pine, Inga, Ironwood, Highland Ironwood, Dry land Ironwood. No ka mokupuni o Hawaii e hoo- lakoia aku ana ka poe makemake laau mai ka Hale Kanu Laau aku ma Hilo— o L. W. Bryan ka mea ma lama ia hale kanu laau. No ka mokupuni o Maui ame Mo- lokai o hoolakoia mai ana kolaila poe mai ka hale kanu laau mai m Haiku, o James Lindsay, ka mea malama ia hale kana laau. No ka mokupuni o Kauai e hoo- lakoia aku ana kolaila poe mai i hale kanu laau aku ma Kalaheo, Joe Rita Jr., ka mea malama ia ha kanu laau. No ka poe o ka mokupuni o Oahu e makemake ana i mau kumulaau e noi ae ma ka leka ia David Haughs ka mea malama i ka hale kanu laau o ke aupuni ma ke alanui Moi, a i ole kipa ae no i ka hale kanu laau. la 6, ahiki i ka Ia 13. Ua lawa keia mau ono, ke honi aku nei au i ke ala o ke kope, a na hoahanau o Koloa, me ka Lu- nahooponopono ka mahalo nui, ame na keiki oniu hua kepau ko'u we- lina pau ole. Me ka haahaa, PETER KAMANO, SR. P pu Beach, Koloa, Kauai. | |