Ka Nupepa Kuokoa, Volume LXV, Number 45, 11 November 1926 — HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo [ARTICLE]

HE MOOLELO NO IVANE MIKAELE a i ole

He Moolelo Kahiko no Rusia i Piha me na Hana Koa a Hoopihoihoi Noonoo

Ivana ka mea nana i hoouna mai ia'u no keia wahi, mc kona oleio mai, maanei e loaa ai he home kupono no'u e noho ai, ahiki i kona hoea kino ana mai i kekahi la. Oia ponoi ka mea nana i hoopakele mai ia'u mailoko mai o ka halepaahao." "Akahi no a maopopo pono ia'u na mea apau, a o ia ka'u e olelo ae nei, o Ivana kekahi o na kanaka maikai, oluolu me ka piha lokomaikai/' i kamailio ae ai ke kaikamahine opio, me ke kulou ana hoi o kona poo ilalo, me lie mea la ke hoomanao la paha oia, i na hana maikai a Ivana ia laua. Ma kela wahi, ua hoea aku la ka huakai ma kekahi alanui pali, e pili kokoke ana i kekahi wahi kahawai uuku, nolaila hoakalea mai la ke kanaka alakai i kona manao ia Rurika, e pono iakou e hoomaha liilii malaila, no ka ai ana i ko lakou aina awakea, a no ka haawi ana no hoi kekahi i manawa no ko lakou mau holoholona e ai, a e ai weuweu ai, mamua o ka hoomau hou ana aku i ka lakou huakai imua. Ua hookahaha loa ia aku ka manao o ke kanaka alakai, i kona maopopo ana, eia ka o ka home a kana malihini i manao ai e hele aku ilaila e noho ai, o ka home hookahi no ia o ka wahine opio; nae oia i hoike māi i kekahi hoailona no kona hoohuoi, aia ka iini ame ka makemake iloko o kela mau mea no laua pakahi iho; aka ma na kumuhana okoa Ia no oia i kamailio mai ai no ka hoonanea ana i kona mau hoa. Ko ka hora hooieahi kela hoomaha ana o lakou, ua hoomaka aku la ka lakou hele ana, a he manawa pokole, ua pii aku la lakou ma ka aoao ikina o ke kuahiwi, a e iho ana no hoi ilalo © na awawa kuhoho, me ka lilo i hana nui ma ka aoao o Rurika, ka puliki ana i kona noho, no ka mea aole oia i maa i ka liele ana i na ala nihinihi, elike me keia, o kana wale no i maa, o ia ka holo ana maluna o ka lio, ma na kahua kaua palahalaha. Ma na hora o kela auwina la, he uuku loa na manawa a Rurika, i kamailio mai ai i ke kaikamahine opio, a aole no hoi he hookamailio wale aku o ke kaikamahine iaia, oiai nae o ka mea oiaio, ua piha laua pakahi me na noonoo like ole, a kela ame keia pakahi o laua i makemake ole ai e ike wale ia ae ka iaua meahuna. O ko lakou hoomau ia i lea hele ana ahiki i ka uhi ana mai 0 ka malu o ka po, ua hoea aku la lakou no kahi a ke kanaka alakai i olelo mai ai, malaila lakou e hoaumoe ai, no kela po. He awaiva uuku keia, i paluluia na aoao a ekolu e ka mauna, a hookahi wale no aoao hamama, a e kahe ana no hoi he wahi kahawai uuku iwaenakonu o ua awawa nei. Aia ma kekahi pali pohaku, he ana nui, i uhiia kona waha e na laauhihi, maloko o kela ana, i alakāi aku ai ke pailaka i kana mau malihini, me ka hohola ana aku i na huluhulu, no Mira e hiamoe ai, a noho mai la o Rurika ame kona kokoolua o ka \yahs o ke ana, malaila laua e hiamoe ai, me ka makaala mau aku i ko lakou mau holoholona, i hopaaia i na kumulaan. Elike no me ka po mamua aku, ke konane maikai o ka mahina, pela no ke kulana i ikeia ma keia po, aole he mau mea e hoopīlikiaia mai ai ka noonoo, nolaila, me na manao hauoli, no ka palekana, ua haule aku la ke kauna opio hooluolu; aia hoi iloko ona, na noonoo ano hou loa, ka mea ana i hoohiki paa. iho ai, aole oia e huli hoi hou aku i kona aina hanau, aka e hoOhala aku ana oia i ke koena o kona mau la i koe o ke ola ana maloko o ke kihapai o Edena, kahi auanei e ai aku ai i ka hua o ka laau i papaia, a e hoohihi ai oia i ka ono ame ka momona o ua hua nei. MOKUNA IX. Ma ke kakahiaka nui o kekahi la ae, hakalia no a pau ka laleou ai ana i kekahi mau meaai mama, o ka haalele iho la no ia o Rurika ma i keia wahi a hoomau aku la ko lakou alahele nomua. Me he mea la, ua lilo ka oluolu maikai o ka hiamoe ana, pela hoi ka loli ano e ana ae o ko Rurika noonoo, i kumu, nona e hoike okoa mai ai i kona hoihoi loa ma kela kakahiaka, no ka mea ia lakou o ka hoomaka ana aku e hele, ua hoomaka 1a no oia e kamailio me ka piha hoihoi, a ua pana'iia aku no hoi na pane apau ma ka aoao o ke kaikamahine opio, me ia ano hoihoi hookahi no. Ma ka helehelena o ke kaikamahine opio, pela pu hoi ma ke ano o kona leo aole a kaua mea e k amakāmaka heluhelu e hoohewahewa iho ai, no ka loaa ana o .kekahi mau mea nana 1 hoololi ae i kona kulana haka-nu o ka Ia aku mamua, a i keia kulana hou. Ua hele no hoi a na hora ō ke awakea, hoea aku la ka huakai a Rurika ma, no ka piko o kekahi puu kiekie, aia hoi ia RuTika i nana aku ai ilalo o kekahi awawa palahalaha, e waiho mai ana he kahawai akea, a aia hoi ma kona mau kapa, na kauhale e ku kaawale ana kekahi mai kekhi aku. "O ke Kauhale keia o Kamali, ka pahuhopu o kau huakai," i huli mai ai o Laiela e kamaiUo.ia Rurika, i ke kauna opio i kaohi mai ai i kona hoki, no ke kilohi pono ana aku i na hiona nani o ka w-aiho ana o ka aina. "O kahi kauhale o Kamali, a o kela hale e ku mai la, malalo pono iho o kela mau puu kinikini, e hoopuniia ana e na kumulaau uliuli, o ka home ia o kuu makuakane," i komo mai ai o Mira ma ka hoakaka ana imua o ka malihini i kona wahi i noho ai. "E wikiwiki aku ko kakou hele ana a lioea i ka hale, no ka mea ke hopohopo loa nei au, no ka lilo o kona ike ole ia'u, i kumu e hooi loa ia aku ai kona pilikia!" "E awiwi i'o aku ko kakou hele ana imuā/' i kokua mai ai o Rurīka i ka manao o ka wahine opio, pau ae Ia .no kona hoihoi no ka nana ana i na hiona nani o ka aina, hookahi mea nui iloko ona, o ia ka hana aku i na mea apau e hoomamaia ae ai ka manao kaumaha o Mira. Ua hoawiwi i'o aku la ka lakou hele ana imua, a iloko o ka hora hookahi aia hoi, ua hoea aku la lakou, mawaho pono o ka hale o Mira, e ku ana ma kapa o ka muliwai, hi mau anana loihi no nae mai ke kahawai aku, a e ku kaawale ana no hoi

" ' ' ■ ' »•-. r- « •'.>. i--'i «... mai ka hapanui mai o na kauhale e ae. Hakalia no a ku na hoki o lakou mawaho o ka hale, o ka lele koke iho la no ia o Mira mailuna aku o kona hoki, a holo aku Ia noloko o ka hale, oiai hoi o Rurika i kii aku ai i ka hoki e hoopaa, a i ka hala ana o kekahi mau minuke o kona hooponopono ana aku i na holoholona, komo aku la oia iloko o ka hale. 0 ka hiona mua loa i halawai mai me ka ike a kona mau maka, o ia no kekahi elemakule e noho ana ma ka aoao o kekahi moe haahaa, a e apo aku ana hoi na lima palupalu o Mira ma kona a-i. Ua hala kona mau la o ke kanaka ikaika, he kulana nawaliwali kona, a ua hele no hoi kona lauoho a keokeo, aka nae ma kona mau ano ke nana aku, me he - mea la oia kekahi o na kanaka ikaika, i kona mau la opio. "O oe mai Ia ka ia e kuu Mira!" i lohe aku ai o Rurika, i ka pane ana mai o ke kanaka elemakule i kana kaikamahine, "ua lilo na hora lehulehu o ko'u ike ole ana ia oe, i kumu hoonawaliwali loa mai i ko'u kino, a ua koho maoli iho no au, ina no ko'u ike hou ole ia oe; alaila ua hoohikiwawe loa ia aku ko'u iho ana iloko o ka luakupapau." "E hoolana i ka manao e kuu makuakane, no ka mea ua huli hou mai la au imua ou, me ke ola kino maikai, me ko'u hoopilikia ole ia mai. Na keia kanaka i hoopakele ia'u/* alaila huli mai la oia imua o Rurika, me ka hoomau ana ae no i kana kamailio ana: "O keia kuu makuakane a'u i hoike aku ai ia oe a ke ike pu mai la no oe, ua pololei na mea a'u o ka hoike ana aku imua ou, ua lilo ko'u kaawale ana mai iaia akii, i kumu e hoemiia mai ai ka ikaika o kona kino." • Ua nawaliwali loa ka makuakane o Mira, e hiki ole ai iaia ke eu ae iluna no ka haawi ana mai i kona aloha i ka kakou koa opio, aka haawi mai la nae oia i kona lima, no ke aloha ana, a me na waimaka e kihe'ahe'a ana ma kona mau papalina, pane mai la oia i keia mau olelo : "Na ke Akua e hoomaikai mai ia oe e ke kanaka opio, no ka mea au i hana ai. Aole i maopopo ia oe, ka nui ame ka makamae o keia waiwai au i hoihoi mai la imua o'u. Ina aole oia i hoihoi hou ia mai nei imua o'U, he mea maopopo loa, iloko o ka imo ana a ka maka, ua pio ke kukui o ke ola iloko o'u; .aka hoi he nani ia ua hoi hou mai la oia imua o'u, ke paa nei kuu manao, e loaa hou ana ka ikaika ame ke ola iloko o kuu kino." Ma kela wahi o na olelo a ke kanaka elemakule i kamailio mai ai, komo aku la o Lafela iloko o ka hale. Ua ike pinepine 110 o Lafela ia Aleba, koe nae ko laua kamaaina ana kekahi i kekahi, a o ia ka Mira o ka pane ana aku imua o kona makuakane: "Oia nei pu kekahi i komo mai ma ka hoopakele ana i kuu ola me ke Kauna Rurika. "Eia ihea ke Kauna Rurika? M wahi a ke!»kanaka elemakule ma ke ano puiwa. "Owau ka mea au i ninau mai la," i pane aku ai o Rurika } no ka hoakaka ana i wahi e hoopauia ae ai ka pohihihi o ke kanaka elemakule. "Alaila no keia wahi anei kau huakai? Owau anei kau i hele mai nei'e huli?" "Ae, na kekahi hoaloha o'u, na Ivana i kuhikuhi mai nei i kou wahi e loaa ai." "Ua pono, ua pololei kau huli ana mai la a loaa au ia oe; nolaila he malihini keia na kaua e Mira, ua maopopo anei ia oe ia mea?" j "Ae, ua maopopo ia'u he malihini oia na kaua, no ka mea ua kamailio mai oia i kona moolelo ia'u ma keia alahele mai nei a makou." j Nana pono mai la o Aleba maluna o ka helehelena o ke kauna opio no kekahi manawa, alaila huli aku la kona alo i ka paia, no ka mea ua hele maoli oia a nawaliwali; a ua lilo nae kona nawaliwali i kumu no Mira e hoopoina ae ai i na mea apau, a hele koke aku la oia e hoomakaukau i kekahi mau meāai na kona makuakane, aole no hoi i loihi, hoea mai la oia me ke pola ti ame kekahi mau meaai mama, a oiai ua hele maoli o Aleba a pololi hoomaka iho Ia oia e ai i kela mau mea me ka hoonuu maoli. 1 ka maona ana o kona makuakane, hele aku la oia e hoomakaukau i kekahi mau meaai na na malihini, a i ka makaukau ana, kahea mai Ia ia Rurika ame Lafela e hele aku e ai, a ia laua i noho iho ai ma ka aoao o ke pakaukau i hoi hou aku ai o Mira rto ka ana i kona makuakane. Ma ke ahiahi o kela la, ua haalele iho la o Lafela ke kanaka alakai i kahi kauhale o Kamali; ua au'a mai no o Rurika ame Mira iaia, e noho a kekahi la ae, aole nae ona ae iki, 110 ke kumu, ua makemake loa oia e hoea koke no Maimai, a oiai he konane maikai ka mahina o ka po; ua hauoli 4oa oia e hoi i ka po, ka manawa oluolu no kona mau holoholona. Uku aku la o Rurika, i kekahi mau dala mahuahua, 110 ka lawe ana mai o Lafela iaia ahiki i kela wahi, a o ia ka Lafela i pane mai ai: "Aole no he loihi o ka manawa au e kakali ai, e halawai hou ana no kaua, oiai e hele mau mai āna no au no keia wahi, ma ke ano o ka'u oihana. No kela kanaka i make ia kaua na'u e nana aku i ko lakou mau kino, aole au mea e hopohopo ai. | "O'ke aloha no kou, a hui hou aku kaua i ka wa-pono, a ina aole e loaa ana ia oe he hauoli, ma ka noho ana malalo o ka malumalu o na kaupoku o keia home, alaila ua kuhihewa ka'u mau mea i hoomaopopo aku ai no kou ano, ame ke ano o ka waiiine opio a kaua i hoopakele'ai, a i hoihoi mai ai irtiua o ke alo o kona makuakane. Ua hoopukaia mai na olelo maluna ae e Lafela, me ka minoaka ma kona mau papalina, a ke Kauna Rurika no nae e hoohewahewa ole mai la i ka manao maoli o na olelo a kona alakai, a mamua nae o ka loaa ana he manawa iaia e pane mai ai, ua kaha e mai la o Lafela hele no kahi o ke alanui. No kekahi manawa pokole ko Rurika ku ana e nana i kona alakai, ahiki i ke kaawale loa ana mai iaia aku, ua hoi hou mai la oia noloko o ka hale, aia hoi e noho ana no o Mira ma ka aoao o ka moe, me ka paa ana o kekahi lima maluna o ka umauma o kona makuakane, a ma ka lae hoi kekahi lima, a ua hiamoe nae o Aleha. Hele pololei aku la ke Kauna Rurika a noho iho la ma ka aoao o Mira, a ia wa i huli mai at ke kaikamahine opio me ka helehelena kaumaha, a kamailio mai la i kana malihini, me ka leo malie loa: "Ke ike nei au i ka nui maoli o ka ma'i maluna o kuu makuakane, a ua hele kona kino a nawaliwali maoli. He malie loa kona hanu ana, a aole hoi he maikai o ka pana o kona puuwai. Ma ko u manao, he oi ae e loaa kekahi mea nana e kokua mai iaia, mamua o ke kauka'i ana i ka kaua mēa' e hana aku ai no kona palekana. Aia ma kekahi wahi mamao mai keia home aku, kekahi kanaka au i kaniaaina no kona.makaukau, ma ka haawi an?

i kuu makuakane, alaila e hele ae au e kii i kela kanaka, e hele mai, e nana, i ka mea pono e hana aku ai no ka mea iloko o ke kulana nawaliwali." I kinohi, ua hoike aku o Rurika i kona manao, no ka oi loa aku o ka pono, oia ka mea nana e kii i ke kanAka i makemakeia e hele mai e nana i ka mea ma i aka nae, no ka paakiki loa no o Mira oia ke hele, a hui pu iho no hoi kekahi me ka ike ana o Rurika, he oi aku ka hikiwawe ina o Mira ke hele, mamua ona, hooholo like iho la laua, e noho io o Rurika e kiai ia Aleba, a o Mira ke hele ma kela miJsiona hoopakele. • Puka like mai la na opio' nowaho o ka hale, a i ke kau ana ae o Mira maluna o kona hoki, huli hoi aku la o Rurika noloko o ka hale, me kona lawe koke ana ae i kona kulana kiai, ma ka aoao o ka moe, me kona hoonioni ole aku ia Aleba. No na minuke paha he iwakalua kela noho malie ana o Ru* rika kiai i ke kanaka ma'i ua ala mai k o Aleba, me ka nana ana mai maluna o ke kauna opio a i mai la: "Eia o Mira ihea e nalowale nei?" wahi ana me ka hoao ana ae e nana ialoko o ka rumi, no kana kaikamahine. "Ua hala aku oia no ke kii ana i kekahi kauka, e hele mai e nana i kou ma*i," wahi a Rurika, me ka uwai ana aku i kona noho a pili' kokoke loa i ka aoao o ka moe. "Pela i'o~ka oia i nalowale ai, a-oia no ka mea i ike, i ka hana pono no'u. Ma ka 'po nei, ma keia manawa, iuka au 0 ke kuahiwi, he ikaika nae ko'u kino ia manawa. "He mea oiaio no ia, aka i keia manawa he kino ma'i, nolaila o ka hoea mai'o kekahi kauka, o ka manaolana wale no ia, no ka hiki iaia ke laA-elāwe mai i na mea apau e auhee aku ai ka pilikia mai ia oe aku.' "Ae, ua hiki wawe lja hoea ana mai o keia pilikia maluna o'u, a malia ina ne|io ki hoea mai o ke kauka, e hiki ana 'iaia ke haawi mai | w no .ka hooikaika ana ae i ko'u kino." " M :,' •*[. r . Me kela mau i kainailioia mai e Aleba,. upo'i iho la kona mau noho hamau loa. aia hoi o Rurika ke hakilo mai kd kula'na o ka mea ma'i, a o kana mea e hoomaopopo mai :ia r , o ia no ka nui o kona hanii ana, me ka oni hoi o na lima i kekahi, manawa, a i kekahi manawa no hoi, e lohe okoa aku 'ana oia i .ka leo nunulu. tla ma'ii no kela moe hoololo ana o Aleba, alaila kaakaa hou ae la koiia miu maka, a huli mai la nana ia Rurika me ka pane ana mai: . "Ua hoakaka mai nei oe i kekahi mea e pili Ivana, ua ike nae paha oe iaia ea?" wahi ana me ka leo malie loa. "Ae, ua ike au iaia mamua o kuu haalele ana aku ia Rusia," 1 pane Iku ai no hoi o Rurika, me kona haupu koke ana mai, no ka lo'aa o ka ike iaia no ko Ivana mau ano mai ia Aleba aku. V ; \ . "Pehea h'e maikai no anei ke ola o kona kino, ia oe o ka haālele ana aku iaia?" "Ae, he maikai kona ola kino ma na ano apau." "Pehea he holomua anei kona noho ana?" "Ke pohihihi loa nei au i ke ano o kau ninau." _ "No .kona holomua ma kana lawelawe oihana ana, ka manao o ka'u ninau." "Ma ia wahi, ua noho pouliuli loa au, no ka mea aole i maopopo ia'u ke ano o kana oihana, koe wale no, he .kauwa laweiawe aku oia malalo o ke Keikialii Menikopa." "Alaila aole oia i hoakaka mai ia oe i kana oihana, ke nele la kou maopopo, elike me kau e hoakaka mai nei ia'u." "No ka nui ole o ka manawa, pela i hiki ole ai iaia ke hoakaka piha. mai i na mea apau e pili ana iaia ame kaiia oihana, a malia'o hiki ia oe ke hoike mai ia'u nona. Hookahi wale no a'u mea i ike. o ia kona hookuu aria ae ia'u mailoko mai o ka halepaahao, a mawaho ae olaila, he hoaloha kahiko oia no kuu makuakane. Heaha ka mea hiki ia oe ke hoike mai ia'u e pili ana iaia?" I'Pehea, aole anei i hoike mai o Ivana ia oe, i kona manawa e hoea mai ai no keia wahi?" i ninau hou mai ai o Aleba, me : kona hoike' ole mai i ka mea a ke kanaka opio i ake aku ai e lohe mai iaia mai. "O kana wale no i olelo mai ai, he manawa wale no nona e hoea mai ai, malia paha he mau makahiki, a i ole he mau maI hina helu wale no, oia hookahi Avale no ka i ike, i ka manawa ! pololei loa. "Aole oe i pane mai nei i ka u ninau; he mea oiaio loa ua nui kau niau mea i ike a i maopopo no Ivana, e hoike mai.oe i kau ike e pili ana i kela kanaka." "Aohe a'u mea e hoike aku ai ia oe nona, mawaho ae o kau mau mea apau i maopopo i keia manawa, koe wale no nae keia, o Ivana kekahi o ha kanaka maikai loa, a'oiai nae he kulana kauwa lawelawe kona kulana e nanaia' aku nei e na kapaka, o ka mea oiaio loa nae, koko kiekeie, me kjL oi.a'e o ka maemae ke holo Ia iloko o koiia kino, imua o o ke Akua, mamua o ke ko£o e "holo la iloko o ka' Emepcra Nikola, ka mea e noho hoomalu'la maluna o kona'aina hanau. "E hoolilo oe i keia hale i home nou, a ua hiki ia o.e ke noho maanei elike me ka loihi au i makemake ai. " Aia hoi a loaa ka ikaika kupono ia'u,-aiaila lawe aku au e hoomakaikai ia oe, ma na wahi apau e nohoia ana e na kanaka, i loaa aku ai na ike ia oe, i ke ano o ke ola ana o na kanaka maanei nei a .pela hōi me ka lakou mau hana e pono a.i'ko lakqu noho ana." Ke hoomaopopo la o Rurika, i ka hoomanawanui maōli o Aleba i ke kamailio ana mai i na olelo maluna ae, nolaila. hooholo iho la oia, aole e hoouluhua aku i ka nōonoo o kela kanaka, ma ka noke ana aku iaia i ka niele, i na mea ana i ake nui ai e ike; a ina no paha i noke aku oia i ke koi hoomano, aole no ia he kumu, e hookoia- ai kona iini, no ka mea i kela manawa, ua huli hoi mai la o Mira me ke kauka. Elike no me ko Mira ano mau, o kona makuakane wale no ka mea nui iloko o kona noonoo,-hakalia no a lele oia mailuna iho o kona hoki, holo aku la a komo iloko o ka hale, aia hoi ke kauka mahope koke aku ona, me ka noho ana iho o Mira ma ka aoao o ka moe, a noho iho la no hoi ke kauka, maluna o kekahi noho i paneeia mai imua ona. "Aole no he ikaika loa o ka ma'i maluna o u," i pane mai ai o Aleba, iaia i ike mai ai i ke kauka. Me kona kamailio ole aku nae, hoomaka iho la ke kauka e nana i ka pana-ma kekahi lima o ke kanaka ma'i, a hoopili iho la no hoi i kona pepeiao maluna o ka umauma, a i ka hala ana o kekahi mau minuke, o kona nana ana i ka mea ma'i, ku aē la oia iluna, me ka hookaawale anā aku ma kahi mamao mal ka moe aku, a wehe ae la i kekahi paiki liilii ana o ka paa pu ana mai me ia. "E waiho ana au i kekahi laau nou, aka o ka mea nui wale no, o ia ka malama ana i kou kino me ka makaala loa. He kulana nawaliwali maoli kou e Aleba, a me ka makaala wale no oe e palekana ai, a e hala ana no hoi kekahi ma'u la mahua-

o ka ikaika kupono o leou kiho, eiike me na & dKu «e. * # ♦'O, aole he ikaika o ko'u ma'i elike paha nie kau e mfnto nei, a me he mea la, ua hiki loa ia'u.ke haalele iho i ko'u wahi moe, iloko o na la helu wale no." Pahola ae la ka minoaka rtia na papalina o ke kauki, a i aku la. "E hoolohe loa oe i ka'u kauoha, o ia no ka mklam» loa i kou kino, malia e hooi loa ia aku ana ka loihi o kou mau la e ola ai, mamua o makou apau/' alaila pahola ae la ka minoaka ma na papalina o ke kauka. Me kela mau olelo ae la, ninini iho la oia i kekahi omole laau a haawi mai. la ia Mira me na kuhikuhi, no ke ano e haawi ai i kona makuakane, alaila haawi mai la no .hoi he mau olēlo hoolana ia Rurika, o kona oili aku la no ia nowaho <v ka hale, no kahi o kona lio e ku mai ana. Ua ukali aku la nae o Rurika mahope o ke kauka nowaho 6 ka hale, a mamua o ke kau ana ae o ke kauka maluna o leon» lio, ua ninau mua aku la o Rurika iaia, i ka i ana aku: "E hoike maoli mai oe i kou manao imua o'u no kau iWe « pili ana i ke kulana oiaio loa o A\eba?'' Ua puka ae ka mahina a kiekie i kela manawa, a ma k«f' malamaiama, o ka mahina \ ike mai ai kt kauka \ ka na o ka kakou koa opio, me kona paku'iku'i olelo ole mai nae, aka pane mai la: , "Xo kau ninau ea, o ka mea oiaio maoli, e pohala ae ana , no o Alcba mai kona ma'i pilikia mai, aka elike nae me kont kulana elemakule, aole no he loihi loa o kona mau la i koe e ola aku ai, o ka pau no <ia o kana mau hana maanei, a pau no hoi ka ike ana i na inea - ame na kaumaha. Aole nae e hiki. ia'u ke hoike pololei aku i ka nui o kona mau la i koe e ola aku ai, koe wale no nae keia, he mau Ta pokole loa, he mau mahina kakaikahi wale 110 paha,, a i ole, he mau mahina Ipihi paha; ma ke ano wale no o kona malamaia ana aku, e loihi ai koni ola ana, a e pokole ai'paha. E hōea hou mai ana no au no ka ike ana iaia, ina aole ma ka la apopo, alaila i kela la aku ; nolaila e hooiana i ka manao, a niai hōokaumaha I" I ka hala ana aku o ke kauka, komo hou aku la o Rurika noloko o ka hale, me' kōna ala ana aku me Mira. ahiki i ke kani ana o ka hora eiwa ma kela po, ia manawa i hoakaka aku ai' 0 Rurika i kona manao imua o Mira, no ko laua ku kiai no ka pono o ka mea ma'i. I kinohi, ua hoole loa o Mira, no kona makemake ole, e' komo pu aku- o Rurika, ma ke kiai ana i kona makuakane, aka mahope mai, akahi no oia a ae mai, e hoi oia e hiamoē, a e ku kiai aku o Rurika, ahiki i ka hora umi-kumamalua o kela po, alaila kii aku oia e hoala ia Mira, no ka hoomau ana aku 1 ke kjai ana. He ekolu no īnau rumi maloko o kela hale, o ka ekolu na« 0 na rumi, malaila e hoahuia ai na lako halii ame na kapa moe, ua hookaawaleia ae la kela nimi no Rurika, a no kekahi mau rumi hou ae elua, hookahi no Mira, a o ka rumi no hoi e waiho ana o Aleba. 1 ' . Ma kela lioi ana aku o Mira e hiamoe maloko 0 kona rumi t noho iho Ia o Rurika e kiai ma ka aoao o ka moe o Aleba, a aole oia i hoi iki e hooluolu, a i ole hoala aku paha ia Mira e ku kiai, ahiki vale.no i ke ao ana ae ma kekahi kakahi&ka mai. Aole he lulumi mai o ka makehiamoe ma na maka o ke kauna opio ma kela po ahiki wale 110 i ke ao ana, o ke kumu, he nui na mea iloko o kona noonoo, o ia no kona alakaiia ana mai ahiki i kona hoea ana iloko o kela home, ana i moeuhane m'ua ole ai, pela iho la ka kekahi alahele i hoolalaia no kon* ola ana aku. Iloko hoi o ko Mira nanea i ka hiamoe, a mailoko ae o kona puiwa hikilele i ala ae ai oia a nana aku la iwaho o ki puka aniani, eia ka ua loa ua wehe ae ka pewa o ke ao. , Hele mai la oia me ka huhu ana aku ia Rurika. no ke kii ole ana aku e hoala iaia mai kona hiamoe mai; minoaka wale mai la no nae o Rurika me ka olelo ana mai, ua hiki no iaia ke kiai pakahi, me kona makemake e haawi mai i manawa nui kupono.no ka wahine opio e hooluolu ai, me ka hoopilikia ole ia aku. : MOKUNA X. ' ' No ka mahina hookahi kela noho ana o ke Kauna Rurika maloko o kona home hou, ua maikai loa ae la o Aleba, me ka hiki iaia ke kau iluna o ka lio, me ke kokuaia aku no nae e kekahi mea, ahiki i ke kau ana iluna o ka noho. a i kekahi la, ia Rurjka i kokua aku ai ia Aleba ahiki i kona kau ana iluna 0 ka lio, pane ae la ua elemakule nei i ke kaiina opio: "Aole loa.au i maa mai kinohi.mai 0 ko'u noho ana ma keia wahi, na kekahi mea au e kokua mai ma ke kau ana.iluna o ko'u lio. Me he mea la ua nui maoli ko'u ma'i, i kau mai ai keia haawina nawaliwali maluna o'u." "Aole keia he wahi ma'i uuku i loaa ia oe, aka he ma'i koiko'i loa ia, a ma ka lokomaikai wale no o na lani, i palekana mai ai oe. O ka'u kauoha wale no ia oe, o ia ka malama ana 1 ka hoomanawanui, malia he manawa no ma keia hope aku, e hoi mai no ka ikaika maikai iloko o kou kino. E noho mali6 loa oe maluna o kou noho, a e hookuu aku i ka lio, e hele ma kau mau wahi apau e makemake ai." "Aole e loaa hou iā'u ka ikaika elike me na la aku nei i hala, aole loa, no ka mea ke ike nei au, i ke emi inau mai o ko'ii ikaika 1 kela ame keia manawa. Ke noho nei au maluna o ke kua o ka lio, 110 ka mea ua 'niaa au i ka noho ana pela. a ua kokua mai ko'u mau lima ame na wawae, ma na ano apiu |e haule ole aku ai au ilalo, aka i ka pau ana o ka hiki i kuu mau lima ke paa hou iho, o ka hoea ana mai ia i ko'u hopena. "O, aole he loihi o ko'u mau 1a i koe e ola aku a»; oka iini hookahi wale no iloko o'u, o ia ko'u ola ana aku, ahiki i kuu ike hou ana ia Ivana, a ke pule mau nei au i.ke Akua, e hoea ; koke mai oia, mamua o ka upo'i ana iho o kuu mau maka, no i ka manawa hope loa." ! Iloko o kela mau mahina oka noho ana o Rurika maloko o I kona home hou, ua pipili aku kona noOnoo no Aleba mamul! I o kona ike, i na ano maikai n\e ka oluolu iloko o kela kanaka. |iaia; a ua komohia pu aku no hoi kela ano hoohihi hookahi | iloko o Aleba no Rurika. [ I kekahi la, oiai ka makuakane e noho hookahi ant me kan* kaikamahine, ua kaawale aku o Rurika mailoko aku o ka hale, kamailio mai la o Alcba i ka i ana mai: "Auhea oe e Mira kau kajkamahine," wahi ana me lea leo haaluīu, me ke kau ana niai' i kona lima akau maluna o ka poohiwi o kana kaikamahine, "e kuhihewa ana au, aole U he mea a kuu aloha e kau aku ai .ma ka honua nei, mawaho ae ou; no Rurika, mi ko'u ike, ua kupono kela aloha iaia. Hoowale no nae a'u mea e minamitia nui nei. o ia ka pulam» ole aku 0 ka emepera i na kanaka kilakila o keia ano, me he mau pohaku momi makamae lda la maloko o kekahi wahi ho* and." i pau.)