| HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo "Aole au e kaia i noke iho nei i ka nana ia oe, aole nae ou loaa iki akahi nae a hoomamaia mai ko'u noonoo, i ka ike ana aku la ia oe. Pehea ua maa anei oe i ka hele ana ma na ka- hua kaua?" ''Ae, ua kamaaina au i na kahua kaua," i pane aku ai no hoi o Rurika. "Iloko o na kaua au i komo ai, ua lilo anei oe he alakai no na kanaka he nui?" "Ae, he lehulehu ka'u mau kaua i hele ai, a owau ke alakai o kekahi mau pualikoa." "Ke maikai la kena pane au, nolaila e waiho aku ana au i ke alakai ana o kekahi poe kanaka he umi-kumamalima malalo ou, no ka lawe ana ae i ke kulana kupale ma ka aoao hema. "E pee oe me kou poe kanaka, ma kela kumulaau oliva e ku mai la malalo o ka puu, a ma kekahi aoao no hoi au, me ko'u poe kanaka e hakilo mai ai. E hookuu kakou i na ene- mi, e hele mai imua, a i ko lakou hoea ana mamua pono o ka hale nei, o ko oukou manawa ia e ki mai ai i ka oukou mau pu, pehea la ia i kou manao e Rurika?" "Ke apono aku la au i kena hoolala ana au, aka nae he mea pono, e hoakoakoa oe i kou poe kanaka apau i kahi hookahi me he mea la, o oukou wale iho la no ka poe o keia wahi, nola- ila i ka manawa a na enemi e kuhihewa ai aole he poe hou ae mawaho o oukou, o ko makou wa ia e lele mai ai maluna o na enemi, aole Ioa "o'u kanalua iki no ke kaa o ka lanakila ma ko kakou aoao." "Ua pono kela, e waiho mai oe na'u e nana aku i ke koena o ko makou poe kanaka, a iloko o ka manawa pono loa e oili mai ai makou, no ke kokua ana ia oukou." "Mai hopohopo iki oe no'u, e noloko aku ana au i na hana apau I kau iho ke ko'iko'i maluna o ko'u mau poohiwi. o ko'u hopohopo wale no, aole he mahina o keia po, a e hakaka ana kakou iloko o ka pouli." "Ae, ua ike no au aole he mahina o keia manawa." i hooia mai ai o Ofa, me ka luliluli ana iho o kona poo, "a ina e loaa aku ana ka ike i ko kakou mau enemi ua makaukau ka- kou ma ko kakou aoao, aole lakou e hoohakalia iho ana i ka lele ana mai maluna o kakou. ''Ina no ka loaa o kekahi wahi kupono no kakou e pee ai, no ka hookahaha ana aku i ko kakou mau. enemi, ina ua oi loa aku ko kakou maalahi, aole nae he wahi kupono, e loaa, nolaila e ku kakou ma ka aoao o ka kakou mau wahine ame na keiki a kakou, a e paio aku he alo a he alo me na enemi; a o ke Akua no auanei ka mea nana e kokua mai ia kakou. "Ua makaukau kou poe kanaka, aole a'u mau kauoha hou e haawi aku ai ia oe, koe wale no ka waiho ana aku i na hana apau iloko o kou mau lima, a e hoohana aku i na alahele apau e kaa ai ka palekana ma ko kakou aoao." "Pehea, o Aleba heaha kau mea e hana ana nona?" "Ua olelo mai nei oia, ua makaukau oia e kupale no kona lahui ame kona home; o ka'u i hooholo ai, o ia no ka hoonoho ana iaia iloko o ka halepule me na wahine ame na kamalu, e lilo ana oia i mea kokua ia kakou, ma kona ki ana mai i kana pu raifela imua o na enemi, ke hoea mai lakou ma- mua o ka halepule." "Ina pela ua pono, e kau i ko kakou mau maka maluna o ka halepule. a e hoomanao iho, o ke ola ame ka make o ka kakou mau mea aloha e noho mai la maloko o kela hale, aia ia maluna o kakou." wahi a Rurika, iaia i hoomaka aku ai e kaha, no ka hele ana aku no kahi o kona poe kanaka e akoa- koa mai ana. "Aole loa e kaawale ae ko'u mau maka, mai kela halepule mai, no ka mea aia maloko olaila ka'u wahine ame ka maua mau keiki eha, a no ko lakou pono i papaluaia ae ai ka uilani o ko'u manao, e hana aku no ko lakou pono, ame ko lakou lanakila." Aia ka pouli ke uhi holookoa la maluna o ka aina, iloko no nae o ia pouli, i hoea aku ai o Rurika imua o kona poe kanaka he umi-kumamalima, a alakai aku Ia ia lakou no kahi o ke ku- mulaau oliva, he wahi maikai loa kela, no ka mea he ahuwale omua o ka halepule ke nanaia mai, e hiki ole ai nae i na wahi okoa aku, ke ike mai iamua. Me kekahi mau olelo hoolana, i kamailio aku ai o Rurika i kona poe kanaka, a o kana mea i ike, o ia no ka hoohiki paa ana mai o kela poe imua ona. ua makaukau lakou e ku aku e paio imua o na enemi, ahiki i ke kanaka hope loa, ina ia no ko lakou lanakila a no ka haulehia paha. Ia Rurika no nae e noke ana i ke kamailio i kona poe ka- naka, ua hooho ae la kekahi mea, i ka i ana mai: "Ke lohe nei au i ke pahupahu o na kapuai o na lio he nui, me he mea la aia lakou ke iho mai la mailuna mai o ka puu," wahi ana, oiai ke hoolono la no oia, ma ka hoopili ana i kona pepeiao iluna o ka honua. Huli like aku la ka nana ana a na mea apau iuka, kahi o ka puu e ku mai ana, aole nae o lakou ike aku i kinohi, aka i ka hala ana o kekahi mau minuke lehulehu o ko lakou hoomau ana i ka nana akahi no a ikeia aku ka maaloalo o na poo lehu- lehu, iloko o ka pouli, oiai no nae aole no i kokoke mai ia la- kou nei. "O kela ka poe a maua i ike ai i keia la, me he mea la he nui maoli kela poe kanaka e hele mai nei," i pane ae ai o Rurika, i ke kanaka e ku ana ma kona aoao. "O ke ano mau iho la ia o kela poe ke hele mai, no ka hoo- poino ana aku i kekahi poe, aole o lakou hele liilii; a o ka mea oiaio no ea, he poe kanaka kela, i loaa ole ka manao haawipio iloko o lakou, aka e paio ana lakou ina no ka lanakila a no ka make paha." Ke lohe maopopo loa ia aku la ke pahupahu mai o na ka- puai lio, pela hoi me na leo hauwalaau o na kanaka oiai ke | kokoke loa mai la ua poe nei. Hele pololei mai la lakou, a loaa ka hale mua loa, o ia ka hale o Aleba, ku iho la malaila, me he mea la, e nana ana paha ua poe kanaka nei, ina he poe kekahi maloko o kela hale. No ka manawa pokole wale no kela hamau ana o ke pahu- pahu kapuai wawae lio, alaila lohe hou ia aku la ke pahupahu me he mea la he heluna nui maoli o na lio, ma kahi o ka ha- neri ka nui, a nee aku ana no kekahi hale okoa aku, a mai ke- la hale aku, no ka ekolu o na hale. No kekahi manawa loihi, aole he lohe hou ia aku o ke pahu- pahu mai o na kapuai o na lio, koe wale no na leo hauwalaau o na kanaka, me he mea la e noke nui ana i ke kukakuka no ka lakou mea e hana mai ai. Iloko nae o ka nanea o Rurika ma, ike aku la lakou i ka a ana ae o ke ahi mai kekahi hale e ku ana i kahi mamao loa, i ukaliia aku e ka elua o ke ahi, i kuniia aku, i kekahi hale ma kahi kokoke mai, a iloko o ka manawa pokole loa, ua kaulu- wela ka lewa lani i ka malamalama, me ka hoopihaia ana o kela awawa, me ka uwahi, o ia no oe o ka pele e kahe ana ilo- ko o ke kahawai. Me ka malamalama o kekahi iluna o ka lewa, a maloko o ke awawa holookoa, i loaa aku ai ka ike i na enemi, i ka hoomoana o na kanaka o kela kauhale mamua pono o ka halepule, ia ma- nawa i hoomaka ae ai ua poe nei, e uwa me ka leo nui, kau ae la maluna o ko lakou mau lio, a hoomaka mai la e holo imua iloko nae o ia manawa hookahi, i haawi ae ai o Ofa i ke kau- oha i kona poe kanaka e ki i ka lakou mau pu rafela. He nui o na enemi i ku aku i ka poka, a haule mailuna mai o ko lakou mau lio, ua nui no nae ka poe i koe aku, me ka hoomau ana mai no i ka holo ana imua; aia no hoi na kanaka o Ofa ke hoomau aku la i ke ki ana i ka lakou mau pu; me ka nui o na lio o na enemi i pau i ka make, aole no nae ia he kumu e kuha'u aku ai na enemi ihope, aka nee mai la no la- kou imua, no ka hakaka ana he alo a he alo. No kela ike ana mai o Rurika ma, i ke kulana kupilikii o ko lakou aoao, haawi ae la oia i ke kauoha i kona poe kanaka, e ki i ka lakou mau pu, he oiaio, ua hoemiia mai ka heluna o na enemi, me ka nui aku no nae o ka poe o lakou i koe. Ua hookahaha loa ia aku ka manao o na enemi, no kela ike ana mai, he puulu hou aku kekahi, mawaho o ka puulu mua a lakou i kuhihewa ai, o ko lakou mau enemi wale no ia, a oiai he poe kanaka koa kela me ka maka'u ole. ua hoomau mai la no lakou i ka hakaka ana, aia no hoi o Rurika ame Ofa ke ku la ma kekahi aoao aku, a iloko o kela ame keia mana- wa, ke emi liilii mau mai la ko lakou heluna, me he mea la, o ka hapalua o na enemi, o ka nui ia o na kanaka i koe ma ko lakou aoao. "E hoi kakou noloko o ka halepule e noho ai!' i pane ae ai o Rurika ia Ofa, iaia i ike aku ai i ka nee mau mai o na ene- mi imua. "O kela wale no ka hana pono ma ko kakou aoao,'' i pane aku ai no hoi o Ofa, me ka haawi ana aku i ke kauoha i kona poe kanaka kakaikahi i koe e imi aku i wahi no lakou e pa- lekana ai. Ua uhi hou ia la ka pouli iloko o kela manawa maluna o ka aina, no ka mea ua pau ka a ana a ke ahi i na hale elua i puhiia ai e na enemi, nolaila ua emi hope aku la na enemi, a ua lilo kela emi ana aku o na enemi ihope, i kumu e maalahi ai ko Rurika ma komo ana aku noloko o ka halepule me kona mau hoa. Me kahi malamalama liilii loa nae, mai na pauku laau i koe e a ia la e ke ahi, o na hale i puhiia ai, ua hiki ke ikeia aku na neemi ma kahi mamao, e akoakoa ana i kahi hookahi, a ma ka hauwalaau no hoi o ko lakou mau leo, i hiki ai ke hoo- maopopoia aku, ko lakou wahi e puuluulu ana, me he mea la e noke ana i ka hoolaia, no ke ano a lakou e lele kaua hou mai ai maluna o Rurika ma MOKUNA XII. Ma kela komo ana aku o Rurika ame Ofa noloko o ka hale- pule, ua hiki ia laua ke ike aku, ma ka malamalama o ke kukui e a mai ana, i ka hele o na wahine ame na kamalii, a piha loa i ka maka'u, aia hoi ma ko lakou mau helehelena, na hoailona apau o ka weliweli, e kukuli ana kekahi poe iluna o ka papa- hele, a e namunamu ana ko lakou mau lehelehe, i na huapule i ke Akua, no ka hoopakele ae ia lakou mai ka make mai. I ka manawa hoi a Mira o ka ike ana mai i ke komo ana aku o Rurika iloko o ka halepule, holo mai Ia oia imua, me na li- ma e pahola mai ana imua o kana aloha, a ninau mai la: "Ua palekana anei kakou?" wahi ana me ka hookau okoa ana mai i kona lima maluna o na poohiwi o Rurika. "Aole kakou i kapele, a aole no hoi kakou i pio; no keia ma- nawa, ua emi aku ko kakou mau enemi, a ke kukakuka mai la paha lakou, no ka lakou mau mea e hana mai ai, a i komo mai la makou iloko nei o ka halepule, no ka hoomaha liilii ana. E ku aku ana au e paio imua o na enemi ahiki i ke kanaka hope loa, a ina ia he kumu no'u e make ai, ua makaukau au e hele aku iloko o ka luakupapa'u, me ka haawipio ole." "Ina he make ke kau mai ana maluna o kakou, alaila ke hooia aku nei au imua ou e Rurika, owau pu kekahi e ukali aku iloko o ka make me oe," i pane mai ai no hoi o Mira, me ke apo okoa ana mai ma ka a-i o ke kauna opio. "E hoolana i ka manao e kuu Mira, aia no he manaolana nui no ko kakou palekana, no ka mea ua like keia halepule, me kekahi pakaua ikaika loa." Iloko o keia manawa a Rurika e kamailio pu ana me Mira, ua oili mai la kekahi wahine e hii ana he bebe uuku loa iloko o kona mau lima, hele pololei ae la oia a loaa o Ofa, eia ka o kana wahine no kela, a ninau aku la ina paha ua eha kana kane, a i ka hoole ana aku o Ofa, aole oia i eha, ua haawi ae la ua wahine nei i kona leo hoomaikai i ke Akua, me ka uwalo pu ana mai imua o Ofa, ina paha he mea kekahi ma ko lakou aoao e hana aku ai, i wahi e hoopilikia hou ole mai ai na ene- mi ia lakou. "Aole o'u wahi kanalua iki, ina e hooko aku ana kakou, ma ka haawi ana i na mea apau a ko kakou mau enemi e noi mai ai, e hookuu mai ana lakou ia kakou me ka hoopilikia ole mai, aka no ko kakou makemake ole e hana aku pela, o ke kumu ia o ko kakou ka ana aku a paio me lakou." "Pehea, aia no anei he manaolana iloko ou, no ke kaa o ka lanakila ma ko kakou aoao? E hoike mai oe i ka mea oiaio loa?" No kela ninau a kana wahine, ua noho hamau loa iho la o Ofa me ka pane ole aku, no ka mea ke ike Ia no oia iloko iho ona, i ka lilo i hana paakiki ma ko lakou aoao, ka paio ana aku me na enemi, no ke kaa mai o ka lanakila ia lakou, a no kona noho hamau loa hoi, ua pane hou mai la no ka wahine, i ka ninau ana mai: "He ehia ka nui o na kanaka ma ka aoao o ko kakou mau enemi i koe i keia manawa?" | "Ma ka'u koho wale aku no aia paha ma kahi o ke Kanakolu, a i ole he kanaha paha." "A ehia hoi ka nui o ko kakou poe kanaka i koe?" "He poe kakaikahi wale no ko kakou i koe, o ka hapalua paha o ka huina nui o ko kakou mau enemi. Ina ua like ka nui o ko kakou poe kanaka me ko na enemi, ina ua hoike koke aku no au ia oe i ka mea oiaio loa i keia manawa, no ke kaa o ka lanakila ma ko kakou aoao, a oiai he uuku loa ko kakou poe kanaka, nolaila ua kanalua au i ke kaa o ka lanakila ia kakou." "Ina o kena ka mea pololei au e hoakaka mai nei ia'u ea, alaila he mea pono loa e hui pu aku oe me ke alakai o kela poe kanaka, a kukakuka pu me lakou me ka maikai, malia ma ka hana ana pela, e hoopakelei ae ai ka kakou poe keiki. "E haawi aku ia lakou i ko kakou mau waiwai, a e waiho mai i ka kakou poe keiki. E hele koke oe e kukakuka me lakou, mamua o ka hoouka hou ia ana o ke kaua e na aoao a elua!" Me kela mau olelo kui'o mai ka wahine aku, kulou mai la o Ofa e honi i kana wahine, ame ka laua keiki uuku, o kona huli aku la no ia hele no kahi o ka puka o ka halepule, no ka hooko ana aku i ka manao o kana wahine. o ia ka hele ana e kukakuka me na enemi, no ko lakou nei haawi aku i ko lakou mau waiwai, a e hoopauia ke kaua mawaena o na aoao a elua. Aia no o Rurika ke ku la ma ka aoao o Mira, a ua lohe mai oia i na olelo apau i kamailioia mawaena o Ofa ame kana wahine, me kona komo hokai ole mai, ma ka laua mea i hooholo ai. a i ka hala ana mai nae o Ofa, ia wa i kamailio aku ai o Mira, i ka i ana aku: "Eia ihea ko kakou manaolana i keia manawa no ka palekana?" "Hookahi wale no o kakou manaolana i koe, aia ma ka lokomaikai o ke Akua, Oia wale no ka i ike, i ka mea maikai no kakou. Eia o Aleba ihea, aole o'u ike aku iaia?" "Eia no oia maloko nei o ka halepule i keia manawa! Ma kela wa o ka hoomaka ana o ke kaua, ua maule oia, i kau a mea o ka pihoihoi, a ua hoihoi mai makou iaia iloko nei, a me ka nui o ka makou hana i hooikaika ai, i pohala ae ai oia, me ka nawaliwali no nae o kona kino, a'u e hopohopo loa nei, no ka loaa hou o ka ikaika iaia." Ma kela wahi o na kamailio mawaena o Rurika ame Mira, ua kauluwela hou ae la ka lewa i ka malamalama, a he ula pu wale no ia o ke awawa ke nana aku mai kekahi aoao a i kekahi, o ke kumu o keia malamalama, o ia no ke puhi hou ia ana aku o kekahi mau hale o na kamaaina o kela awawa i ke ahi e na enemi. Puhee ae la na mea apau mailoko mai o ka halepule no ke kahua mamua aku o ka puka, a ma ka helu ana i ka nui o ka poe i koe mai ko lakou mau ola, he umikumamaha lakou. Me na olelo hoolana i kona puulu, me ke kauoha pu ana aku ia lakou e ku me ka makaukau ame ka makaala, haalele iho la o Ofa i ka halepule,no ka hele ana aku e huli pu me na enemi. Ua ikeia mai, la ka oili ana aku o Ofa, e na enemi, oiai ua like kela manawa me ka wa ao, hele pololei aku la oia a hoea imua o na enemi e akoakoa ana ma kahi hookahi, a ia wa i pane mai ai ke alakai o kela puulu, he alii no oia no kela lahai kanaka, i ka i ana mai. "Heaha mai nei kau, a heaha kou makemake?'' i poha mai ai ka leo o ke alakai o kela poe. 'I hele mai la au no ka ninau ana aku i ka oukou mea i makemake ai; pela hoi ka hana ma ko makou aoao, i wahi no ou-kou e hoopilikia hou ole mai ai ia makou?" "Eia no ka makou i hooholo ai, e lawe makou i ka makou mau mea apau i makemake ai, a o ke koena iho, o ka oukou ia, ke hookoia keia makemake, aole a makou hoopilikia hou ana aku maluna o oukou." "E haawi no makou ia oukou, i ka makou mau holoholona ame ko makou mau waiwai e ae; a e haawi pu aku no hoi makou i na dala apau e waiho nei malalo o ko makou malu, aole anei ua oi loa aku keia mea, mamua o ke kupono, no ko oukou waiho malie ana mai ia makou?" "No ko oukou mau holoholona, aole o makou makemake, aka no na lio maikai o oukou, pela hoi me na kaikamahine huapala. o ka makou mau mea ia i makemake ai, e loaa mai ia makou me ka maikai." "Aole anei he mea e ae a makou e hana aku ai, i wahi e waiho malie mai ai oukou ia makou, me ka hoopilikia ole mai ?" "Aole loa, o kela wale no a'u i hoike aku la ia oe." "Ina o ka pane ia ma ko oukou aoao ea, alaila e kii ae i na mea a oukou i makemake ai, a lawe aku mahope iho o ka make ana o na makuakane, o na kaikamahine opiopio," wahi a Oia, me kona huli hoi koke ana mai no kahi o kona poe e kakali aku ana, o ka lohe i ka nuhou mai ko lakou poo mai. I kela hoea ana aku o Ofa no ka halepule, hoike aku la oia i ka hopena o kona hui kukakuka ana me na enemi, a ia wa i hoopiha koke ia aku ai o Rurika me ka manao uilani o ka inaina ame ka huhu, lalau iho ola i kana pahikaua a kowaliwali ae la iluna o ka lewa, me ka hoopuka ana mai i keia mau olelo: "He nani ia, ua lohe pu ae nei no kakou apau i ka manao o ko kakou mau enemi, ke hoopaa nei au ia'u iho e paio aku imua o kela poe ahiki i k'e kanaka hope loa. Ke hoohiki paa nei au ma ka inoa o ke Akua, aole e hehi na wawae o ko kakou mau enemi maloko nei o keia halepule, koe wale no, a hele mai lakou, maluna o ko kakou mau kino make." "Ua maikai kena manao hoakaka ou e Rurika, aka i lohe na mea apau ea, ua paa loa ka manao o ko kakou mau enemi, ma luna o na mea a lakou i hooholo ai, ua hiki nae, e ike ana lakou, o kakou pu no kekahi poe paa o ko kakou manao, ma ka ae ole ana aku i ka lakou mau kumu koi. "E ku me ka makaukau, a e makaala i ka oukou mau pu, a mai hoomaunauna wale i na poka!" No ka manawa pokole wale no kela kakali ana, o ka hoomaka hou o ke kaua ana mawaena o na aoao a elua, aia hoi, ua hoomalamalama hou ia ae la ka lewa, me ka maopopo loa o na enemi, e kau aha maluna o ko lakou mau lio. Helu aku la o Ofa i ko lakou nui, aia ma kahi o ke kanaha-kumamakolu, oiai nae he umi-kumamaha wale no ka nui o ka poe ma ko lakou nei aoao i koe, mai ka make mai. Me na leo uwa o ka piha inaina, i hoomaka mai a! na enemi e holo imua maluna o ko lakou mau lio, ke hoopololei aku nei hoi o Rurika ma i ka lakou mau pu, imua o na enemi, a i ka mahine ana ae o ka uwahi pauda, aia hoi, e ahu mokaki mai ana kekahi poe o na enemi iluna o ka honua, eia nae no ke koena aku o ka poe i ku ole i na poka, ua mau mai la no ko lakou holo ana no kahi o ka puka o ka halepule. Ua kono okoa ia aku o Rurika ma, e hoi mai iloko o ka halepule, me ke kahea okoa ana ae o Rurika me ka leo nui: | loaa ia kakou maloko olaila, mamua o ka paio ana aku me na enemi mawaho nei," wahi ana ia Ofa, me ke kupale ana no nae iaia iho mai na enemi mai, e lele mai la. maluna ona. I kela ame keia manawa, ke nee mau mai la na enemi imua, me ke kuemi mau ana mai o Ofa ame Rurika ihope, a ia laua i hoea ai no na anuu o ke alapii o ka halepule, ua komo aku ko laua mau hoa iloko o ka halepule, me ka maopopo ole nae, ina paha ua eha kekahi poe o lakou. He iwakalua ka nui o na enemi i koe, e paio mai la me la- ua nei i ka wa e loaa aku ai kekahi o na enemi i ka pahikaua a Ofa a i ole i ka Rurika pahikaua paha, e haule aku ana kela mea iluna o ka honua, aka e paa mai ana nae kona makalua i kekahi mea okoa. I ka manawa i ike mai ai ke alakai o na enemi, i ke ku hoo- kahi aku o Ofa ame Rurika ma kekahi aoao, kahea mai la oia me ka leo nui i ka i ana mai: "E haawipio mai! Aole anei ou minamina i kou ola!" Aohe a Ofa pane, no ka mea ke ike la oia, o na kaikamahine opio, ka luahi ke haawipio aku oia, nolaila hapai ae la oia i kana pahikaua a kiekie iluna, a hahau aku la maluna o kekahi o na enemi; a oiai ua loaa aku la kela mea i kana pahi- kaua a hina ilalo, ua holo mai la nae ka nui aku o kela poe a komo ana iloko o ka puka o ka halepule, me ka hiki hou ole ia Ofa, ke hoohana i kana pahikaua, no ka mea aole he ikaika i koe iloko o kona kino. Ma ke komo ana aku nae o na enemi noloko o ka halepu- le, ua loaa aku la ke poo o Rurika, i ka hauna laau a kekahi o na enemi, he hauna laau, e hina ai oia ilalo, ina he nawali- wali kona kino, aka ua hikaka wale aku la no oia a pili ika paia, me ka puliki ana mai o kekahi mau lima ma kona a-i, a i nana ae paha kona hana, eia ka o Mira, me kona hooho ana ae: "O, aole he manaolana i koe, ua kailiia aku ke ola, ke aloha ame ka hauoli mai ia'u aku, no ka mea ke ike nei au i ko'u ma- ule e Mira." Aia no ke paa la ka pahikaua iloko o ko Rurika lima, aole nae e hiki iaia ke hoohana aku i kela pahikaua, no ka mea ke emi mau mai la ka ikaika o kona kino. Me kela kulana nawaliwali nae i loaa ia Rurika, ua lele iho la o Mira maluna ona, me ka hoopoina ana i na pilikia ame na poino, e kau mai ana maluna ona, aia wale no kona noonoo nui maluna o ke kanaka a kona puuwai i aloha ai, a o ia kana o ka pane ana iho: "E hele pu no au me oe i ka make! Ina no kou make, a no kou ola aku paha, aole loa e hiki i kela poe kanaka ke kii mai a kaili ia'u mai ia oe mai, aole loa. Ua eha no oe e kuu aloha, aole no nae he eha nui loa !" Mamua nae o ka loaa ana he manawa kupono ia Rurika, e pane ae ai i na olelo a Mira iaia, ua hookau mai la kekahi o na enemi i kona mau lima ma na poohiwi o Mira me ka pane ana mai: "Aha, laki maoli ka hoi au ia oe e keia kaikamahine huapa- la!" wahi ana me ka hoao ana aku e huki ia Mira mai ka puliki ana ia Rurika. "Mai wikiwiki loa oe i ka olelo ana pela," i pane mai ai o Ru- rika, me ka hookomoia ana aku o ka ikaika hou iloko o kona mau aahuki, hapai ae la oia i kana pahikaua iluna, a hahau aku la maluna o kona enemi, me ka hina ana aku o kela ka- naka iluna o ka papahele, eia nae o kela kahi ikaika uuku i koe ia Rurika, no ka mea hakalia no a hina kona enemi ilalo, o ka haule aku la no ia o ka pahikaua mai kona lima aku. "O e Rurika, e Rurika, aole oe e make!'' i uwe okoa ae ai o Mira, me ka puliki ana aku i kana aloha. Aole nae e hiki ia Rurika ke pane mai i hookahi huaolelo, ke pinapina'i -la kona hanu, ke ano o ka poe uuku loa o ka ikaika i koe iloko o ko lakou kino, a iloko o na sekona pokole wale no, ua pouli pu ae la kona noonoo, aohe mea hiki iaia ke hoomaopopo aku. . Ua pono nae kela pouli ana o ka noonoo o Rurika, no ka mea ua hoopakeleia ae oia, mai na haawina ehaeha mai, ame ke kaumaha, ina nei no kona lohe aku i na leo uwe kapalili o ke kumakena o na wahine ame na keiki. MOKUNA XIII Ma keia po hookahi, a na kanaka ino o Hatukai i hoea mai ai no ka hoopoino ana i na kanaka o kahi kauhale o Kamali, me ke puhi ana i ko lakou mau home i ke ahi, o ka po hoo- kahi no ia o kekahi hana ano nui i ikeia ma ke kulanakauhale poo o Rusia, he hana hoi, i pili mai i keia moolelo, e hiki ole ai ke kapaeia. Aia hoi maloko o kekahi wahi rumi uuku, ma ka halealii o ke Keikialii Alekana Menikopa, e noho ana o Ivana Mika- ele, mamua pono o kekahi pakaukau uuku, Aia maluna o kela pakaukau na palapala he nui, a ke nana aku ia Ivana, ua nui maoli kana hana. ma ka heluhelu ana i na manao oloko o kela mau palapala, pela hoi ka hoonoho- noho ana ia lakou, elike me kana i manao ai he kupono. Aia kela manawa a Ivana e nana nei i na palapala, i na ho- ra o ke aumoe, ke haule la hoi na pakaua me ka ikaika, k ke pa mai la ka makani hu'ihu'i, e haehae ana i ka lewa, me he pilikua la, e hookau ana i na hana pakaha maluna o na mea hanu ola apau, iloko nae o ka haluku mawaho o ka hale, me he mea la, aole he lohe aku o Ivana ia mau mea, oiai aia wale no kona noonoo maluna o na palapala e waiho mokaki la imua o kona alo. Me na manao hialaai loa. o Ivana e nana la i kela mau pala- pala, me ka hoonohonoho ana ia lakou ma na ano ana i ma- nao ai, a i kela. ame keia manawa e unuhi mau ae ana oia i kana uwaki no ka nana ana i ka manawa, o ka hele hoi ia ahi- ki i ka pau loa ana o na palapala i ka nanaia eia, nana hope iho la oia i kana uwaki eia ka aia oia i na hora o ke aumoe e ala la. Iaia no ka ike ua holopono kana mau mea apau i hoolaia ai, hoi aku la oia a noho iho la ma ka puka o ka rumi uuku, he manawa pokole wale no mahope iho lohe aku la oia i ke pahupahu kapuai wawae ma ka hale malalo, aole i loihi iho, lohe aku la oia i kela pahupahu ma na anuu o ke alapii no ka hale maluna, a o ka hope loa no hoi, o ia kona lohe ana aku i ke kikeke ana mai o kekahi mea mawaho o ka puka o ka rumi ana e noho aku nei ala. Ku ae la o Ivana iluna, me ke kii ana mai e wehe i ka pu- ka, a komo aku Ia kekahi kanaka kino loihi iloko, a iaia i wehe ae ai i kona kuka koloka. nui, ame. kona papale-kapu, eia ka aole he mea e ae, aka o ka Emepera Nikola no ia o Rusia. "He keu aku ka hoi ka ua o keia po," i pana ae ai ka Eme- pera Nikola, iaia i wehe ae ai i kona papale-kapu, a waiho aku Ia maluna o kekahi noho. (Aole i pau.) | |