Ka Nupepa Kuokoa, Volume LXV, Number 48, 2 December 1926 — PAA HOU HE PAAHAO MAHUKA I KA HOPUIA [ARTICLE]

PAA HOU HE PAAHAO MAHUKA I KA HOPUIA

Ma ka hapalua o ka hora eono, o ke kakahiaka o ka Poalua o ka pule aku nei i hala, i paa hou ae ai he paahao holo mahnka i ka hopuia, nona ka inoa o.Joe Pereira, ma Paia, Maui, ia Joe Botoilho ame Sam Makepa, elike mo kekahi meahou o ka hoounaia ana mai Maui mai, no Honolulu nei. Ua holo mahuka kela paahao mailuna aku o ke kaa kalaka o na paa hao nta Paia. Mamuli o aa manao hoohuoi, aia no ka paaliao mahuka maloko o kela aj>ana kahi i pee ai, ua hoea aku la o Bateilho ame Makepa no kekahi halē, me ka noho ana o Makepa maAua o ka hale'e kiai ai, a hele aku la kona kokoo.lua, no ka nana ana mahope o ka hale. Aole he iko kanaka ia aku maloko o ka hale, o ke ala nae o ke kope ka laua i honi, aka ma ka nana ana aku nae malalo o kela hale, ua ike aku la o Boteilho i ka noho mai o kapaahao, a mo ka waha o ka pu panapana, i kauohaia aku ai oia e puka mai iwaho, o kona: paa no ia i ka hopuia, a laweia aku no kahi hoopaa o na lawehala.