| | HALA KUU WAHINE HOOPONO NANI WALE KA HAULEHIA
ANA O NA HAIPULE. E kuu Solomon Hanohano, ke kapena hooni o ka Nupepa Kuokoa; Aloha kaua: — E ae mai hoi kou olu-i ka'u puolo waimaka hoowalania puuwai ma na kolamu o ka kaua hiwahiwa, a nana hoi ia e hiilani aku i ike mai ai na kini makamaka ame na hoaloha o kuu wahine aloha i hala. Mrs. Lahapa Poepoe, LUCY KEAOHULILANI POEPOE mai ai ka moana-kai o Hoaluea i ka hikina a ka la ma Haehae, a hoea i Kaula i ka mole olu o Lehua, ka muli o na moku, ka palena o na kai ewalu o Hawaii, mai ka hulikua a ka huli-lau o na pe'a o ka aina. Ae; ua lawe o Lehua i ka la kolili i ka ilikai, lilo kuu hoapili i ka ehukai olalo. Kulukulu kahi kuu waimaka i ka hana a ke aloha, eha niniau ka pua koai'e. Ua eha ka-nahele o Wai-ka! E huna iho ana au i ke aloha e pee e nalo maloko haina ka waimaka hanini mawaho, ike wale ia mai no i ka uwe ana. Nawai hoi e ole ke aloha, a aloha wale ia ka hoi o Kaunuohua he wahi puu wale no, aiwa loa aku paha koia, o ka hoa puili o ka hanu e moe pono ole ai ka po. Auwe! ka ike nei au i ka mea awahia ame ka luuluu,— -" 'u ka ame ka ohana o kaua e paiauma aku nou ma keia aoao o ka muliwai eleele koo-u o ka make. Ua hala! Ua newa!! Ua kuu ka luhi!!! Ua niau palanehe aku la i ke ala maawe-iki ko'iula a ke kuukuu, i ka moe makahiki moe kau a hooilo mo Niolopua. Aia aku la paha oe i ke apa 'pa -nuu i ke apapa-Iani, i ka paredaiso ke kolu o na lani, ka home nani o na haipule. Aloha wale kuu wahine kuu hoapili o ka hana a ka Haku. Pomai-kai ka poe i moe iloko o Kristo, a i aahu i ka inoa o Kristo, e ola pu lakou me Ia i Kona hiki hou ana mai ma ko au Milenio, a e hoomalu pu i ka honua no hookahi tausani makahiki. 1 Tes. 4: 16; Hoik. 20;4, 6. O keia ka poe e loaa ana ka nani i-ele5eiiela (nani o ka la) o ka Makua ame ke Keiki, 1 Kor 15: 40-41 A o ka poe i hoomaewaewa i ka inoa o Kristo a komo iloko o na ekalesia i kapaia me na inoa hoolauwili a kanaka — no Apolo makou —no Paulo makou — no Sana Ana-ru — no Kalawina — no Katolika — a pela apau, o lakou ka poe Ane-Kristo hilinai i ka ikaika kanaka ka mea nona ka hanu ma ka puka ihu, a kiola i ka inoa nani o Kristo ka mea i poniia e ka Makua i hoola-panai no na kanaka, a i haa-wiia ka mana apau ma ka lani a ma ka honua e kukulu i ka ekalesia o ke Akua. Oia ka i olelo mai: ''E kukulu ana au i kuu Ekalesia" (Ekalesia o Kristo) Mat 16: 18. A e noho pu kona uhaue me ia ekalesia, aole me na ekalesia hoolauwili a kanaka, Hoomana Penetekota, Hoomanao Naauao, Hoomana Holy Roller, a pela aku, o ka lakou mau hana pono, aole loa ia e hiki ke hoola ia lakou ma ke ala mua ana o ka poe haipule. (Hoikeana 20:5-8), a elike no hoi me Kana i olelo hoopaa ai, "***ma kahi e haawai ai na mea elua a ekolu paha na ko'u inoa, malaila hoi au iwaena pu me lakou", Mat. 18:20: 1. Kor 1: 12-13; 3: 4,11. Ua haalele mai kua pua pine uma. uma ia'u ma ka malu-aka o ka po ka Poalima, Nov . la 26, hora 9:45, na ka Haukapila Moiwahine, a hoi aku la e hoomaha no ke kakali ana no na makahiki pokole i koe a hoea hou mai o Kristo e noho pu me na haipule ma Ziona, kahi e loaa ai ka manaolana o ka poe manaoio i ka euanelio o na la hope, i lilo i hoailona no ua la nui weliweli la o ka Haku, ma ka ha'iia ana la no hookahi hanauna (ha'iia A. D. 1830). Mat. 24:14. (Oih. 1: 9-11). A e lilo no ia euanelio i hae no ka houluulu ana o ke Akua i Kona poe kanaka ma na kulanakauhale puuhonua elua. O ka poe i Amerika, e nee lakou i Ziona: a o ka poe kokoke i Europa e holo lakou no Ierusalema ma Palesetina. Mat. 24: 31. Mar. 13: 27. Isaia 2: 2-3; 11: 11-13; Mika 4: 1-2;Ieremia 31: 6-9; Ezek. 20: 34, 40-41. E kukuluia i Halelaa no ka Haku, Malaki 3: 1-4. Ua hiolani aku la oia no ka home honua puanuanu ma ka ilina o Makiki, ma ka auwina la Poakahi, Nov . la 29, me ka manaolana no ke ola hou o ka poe make elike me Kristo i ala hou ai. Aole ma ka mana aole ma ka ikaika aka, ma kuu uhane," wa- | hi a Iehova o na kaua.— Zekaria 4: 6. Owau ka i ike hope iaia me na lunakahiko o ka ekalesia ana i no ho hoahanau ai, me ka mahamaha o ka hauoli. Maluna ona ka hele helena mahiehie minoaka e heka ana, me he mea la, aole oia i loohia i kekahi ma'i nawaliwali. Ua kamailio mai no oia me ka leo waliwali maopopo. Aole nae i hoehaeha mai i ka manao o kana kane. Eia ka, e wehe mai ana oia i ka pili hooko-o aloko, a na'u ame ka moopuna a maua i lei ai, a i hii ai i ka poli, e paiauma aku nona me na waimaka helelei e kuewa hele nei i ke ala. Lihaliha wale hoi! Ua hanauia o Lucy Lahapa Keaohulilani Poepoe ma Waiea, Kona, Hema, Hawaii, ma ka la 28 o Okatoba, 1880, mai na puhaka mai o Makalaau ka me Kahiwahiwa w. O Haliaka w, ka mua, a o Mele aku wahine a Rev. Kaulili, a oia aku ka okolu ame Kaleimakalii ka hope loa. Ua hala mua no kona mau hoahanau i ka aina moeuhane o maka- maka ole, a oia aku la no hoi ka panina hope ma ke ala o haalele wale i Puna na hoaloha i kauhale a ke aloha ole. A koe iho la he kaikunane i hua na ke a'o oia o McDonald Lukehiwa, ke keiki a Kahiwahiwa kona makuahine me Lukehiwa ke kane mua, ame kana kaikamahine e ola nei oia o Kalei Makalii McDonald. He kaikamahine o Kahiwahiwa na Kalei Makalii mua me Palea k, a no ua Kahiwahiwa la ka inoa e hea nei maluna o ka moopuna ana i luhi ai e noho nei ma ke Kula Priory oia o Miss Bertha Kahiwahiwa Liftee (Ah Lip). A na Kaaihele hoi, kaikamahine a Nahinu ke kaikaina o Palea me kana wahine o Paaluhi, mare i ke kane Pake oia o Keoni Liftee (John Lip), hanau o Keoni Liftee he mahi laiki no Waikapu, Maui, ame Samuel Liftee, e noho hana nei no ka Halemai Pupule, ka luaui makuakane o Samuel Liftee, Jr. Lale Liftee (Mrs. Ordenstein), Emaline Hauola Liftee, (Mrs. Chas. E. King) ame Alexander Keaulana Liftee, e noho hana nei me ka Ilamuku Amerika. Ua awaiauluia maua iloko o ka hipuu polona maemae o ka mare e Lunakahiko G. J. Waller o ka Eka-lesia o Iesu Kristo o ka Poe Hoano o na La Hope Kei i Hoonohonoho Hou ia, ma ka la 28 o Feberuari 1916. He mea nui oia na ka makua ame ka nui o ka ohana, a he lei hiwahiwa hoi na ke kupuna. He nui no hoi au a he lei a-i no ke kupuna mai ke aweawe ula alii mai o Kamehameha I, ka i noho wahine hoao ia Kauhilanimaka, hanau o Kanekapolei Kahiwa he alii kapu. He hiwahiwa a he hiilei na Kalamaku-i-ke-ao. Hanai kapu ia i Pakaalana, i na pali hulilua o Waipio ame ka wailele-huna o Hiilawe. Noho kane ia Kahaaualani he Waipio no, hanau o Kaa hiki Kalamaku-i-ke-ao kuu kupuna kane; hanau mai o Honu Ululani kupunawahine o Palmer Wood ma, hanau o Kipikane kupunawahine o Kamuela Paka. Na Kaahiki me Ka luhia w, hanau o Malie Keliiwahine Kualaau, noho kane ia G Waiau Poepoe, hanau o Gulstan Olopananui-akea Kalamaku-i-ke-ao Poepoe ma Kohala, Hawaii. Ua malamaia ka berita laahia o ka mare mawaena o maua me ka maemae ahiki i kona hala wale ana aku la. A mamuli o kona manaoio ole i ka euanelio pukalua a ka poe Moremona o Uta, — hookahi he mare le-hulehu — hookahi aohe mare lehule-hu — e ku-e ana i ka euanelio hookahi wahine a Iesu i a'o mai ai (Mareko 10:4-8.), ame ke a'o a ka Buke a Moremona, nolaila ua lilo oia i hoahanau no ka ekalesia oiaio o ke Akua i kukuluia e Kristo ma Kona inoa me na lunaolelo he 12, na kanahiku, na kaula na lunakahiko, na kahuna, na ku-mu, ame na diakona, a pela aku, elike me ka Kristo hoonohonoho ana i kinohi. (Mat 10; Luka 10; Epeso 4:11-12, etc.) O Kristo ke poo o ka Ekalesia, he Kaula Oia, (Oih. 3:22), nolaila aole ona manaoio i ka Ekalesia Katolika ma ke a'o ana he Pope ke poo o ka ekalesia, e ku-e ana ia Kristo ame kana hoonohonoho ana i na luna; a no ka Ekalesia Poahiku (Seventh Day Advence) hoi, o ka manaoio Sabati Kanawai kahiko wale no, a hoole i ka Ekalesia me Kristo ka Haku o ke Sabati. Aka, o ka la o ka Haku i alahou mai ai mai ka make mai, ua oi aku ia mamua o ke Sabati o ka poe Iseraela wale no. O Iesu Kristo ka Hoolapanai o na kanaka, ina aole Oia i alahou mai ka make mai, ua lilo ka euanelio i mea ole, a mau no ka nohona make o na kanaka. Aka, o Kristo ka Logou, ke Keiki a ke Akua, ma Ona la i hanaia ai n mea apau. Oia ka Haku o ke Sabati. Ua malama pu Oia me Kana poe haumana i ka la i ola hou mai ai. Ua launa pu ka Uhane Hemolele ma ia la o ka Penetekota. (Ioane 20:9.26. Oih. 2:1-4; 20:7; 16. Hoik 1:10. Puk. 12:16. Oih. 23: 39-40). O keia ka la o ka Haku (Dominika), ke Sabati Kristiano, he Sabati no ka poe apau e manaoio ana i ka euanelio, aole no ka poe Iseraela wale no elike me ke kanawai kahiko. O ke kanawai ame ke Sabati mua, ua pau ia ma ka make ana o Kristo. — Kolosa 3:14-16. Heb. | 8:710; 10:9. lsaia 1:13. Hosea 2:16. Ieremia 31:31-33. Roma 10:4. Ua manaoio oia o ka wa hope loa keia e ha'i ia ai ka euanelio no hookahi hanauna, a o ka hora 11 hoi elike me ka olelonane a Iesu ma Mat. 20:1-14. Luka 20:9-15. O ka haku pawaina, oia no ke Akua. O ka pawaina, o ia ke ao nei. O ka wa kakahiaka i hoounaia ai na paahana, o ia ka wa ia Adamu. Na ke Akua ponoi i koho iaia i kaula i mea a'o i ka pono. O ke kolu o ka hora, o ia o Noa ke Kaula, ua ke Akua no i koho iaia i mea hoola i ka hoolaupa'i kanaka mahope o ke kai a Kahinalii. O ka eono o ka hora, oia o Mose; na ke Akua no i koho iaia i Kaula no ka paaua ana no Kona poe kanaka, o ka Iseraela. O ka eiwa o ka hora oia o Kristo, ka mea i lawe i Kaula (Oih. 3:22), o ke Akua no ka i olelo mai, "O Ka'u keiki pu-' ' ''. e ho''-'-" ouluni ' '- " (E nana Luka 20:13-15.). A o ke kaula hope loa i ka 11 o ka hora no ka wa hope e ha'iia ai ka euanelio o ke Akua mai ka anela mai no ka houluulu ana i ko ke Akua poe kanaka; oia o Iosepa Kamika. Hoik. 14:6. Zekaria 2:3-6. Na ka mamo a Iosepa e houluulu na kanaka — Kanawailua 33:17. (E nana moolelo o Iosepa Kamika — Na ke Akua ponoi oia i koho, a i kauoha e kukulu i ka Ekalesia o Iesu Kristo ma ka la 6 o Aperila 1830. Ua hoohiwahiwa mau oia ma ka hele pu ana ma na wahi haiolelo euanelio me kana kane, me ka hapai mau ana iaia. He hauoli oia i ka hui launa pu me na hoahanau o ka. hi ekalesia uuku o ke Akua, me ka iini nui e loaa i kona mau hoa Ha-waii ka euanelio e ola ai. Aka, he haiki ka puka, he ololi ke ala e hiki ai i ke ola mau loa, kakai. kahi wale ka poe hele malaila. Aloha ino! Aloha kuu wahine hoapili o ka hana a ka Haku, e pili mau ai o ke kula loa o Kalihilihi o Laumania, ua pau kou luhi ana. Aolo au hiipoi hou ana me na hoahanau aloha. Aole hoi na hoolaulea hauoli o kahi halau uuku o Ko-ula. Aohe mau launa hou ana me na hoa paahana o ka pono i ka lihikai o Waikiki. Ua hee pakika aku la oe i ka nalu kakala o Kalehuawehe i Kawehewehe — wehe i ka pili, pau ka lau. lima pu ana me na kini lei lipoa onaona o ka ehukai. Aloha ino kuu wahine; a hiki mai ko aloha e uwe no au. Aia aku la paha oe i ke kui lei lehua o Pinaonao me na hala hoonaona o Haimoeipo, i lei no ko a-i, e kilohi ana hoi ia Kalahiki i kahi wai awili kai o Piikea me ka wai malu Iau loulu o Puu, ia wai auau a Keaohulilani me na lani alii poai moku. Aloha Waiea ke onehanau o ko kino, o ko kino ku kilakila ka'u i ike e kaha ana i ka nalu o Mahunui. Le'a wale ka helena a ka wahine i kai o Kona, o Haliimoa i Hulihee; o Kauhako, o Kiilae i Kailua, inu i ka wai-ku'i hone a Kekela, auau i ka wai o Kapuai. Auwe! o ko aloha ka i hiki mai, apakau i kuu nui kino. Hiki mai ko aloha, e uwe no au! Aloha kuu wahine hoomanawanui hii mailani ia'u iloko o ka nawali wali no na la loihi. He mea ehaeha ia na'u ke hoomanao ae. Aole oia i kaniuhu, aole i pakike a kunuku nu, aka, ua hoomanawanui mau oia me ka haawi mau ana mai ia'u na huaolelo wainohia hoohauoli puuwai. O kana kauoha hope ia'u, "I hele au i ka haukapila, a pau kuu aho; nana ae oe i ka moopuna a kaua ia Kahiwahiwa." He nui uo kana mau hana hoouluhua, aka, ua aloha hoi au iaia, i ka mea a'u i luhi ai." Aloha wale! E Kona Kai Opua i ka Ia'i, opua hinano i ka malie, me ke Kai Malino a Ehu, ua hala o Lahapa Ke aohulilani Poepoe. Ua pau oia, ua kuu ka luhi! Aole oia e kilohi hou i ka nani o ke kai maokioki. Auwe, Aloha ino!! Eia aku Ia paha oia i ka pali kahea kanaka o Pokaa, i hoa ha'iha'i lauolelo pu nona me ke kupinai. E walea ana paha i ka olu o kahi wai punawai o Puhau. O ka hele no ia huli hoi hou ole mai. E Lucy Keaohulilani — e, ke uwe holu nei o Emaline Hauola ame ka ohana ia oe, a pola hoi me na hoa luhi o ka hana a ka Haku. Aloha ino kuu hoapili. Auwe! ua eha au, mamuli o ko leo. He 46 ka nui o kona mau makahiki me 29 la ma keia ao mauleule, a hoi aku la e hoomaha me ka Makua Lani. Pomaikai wale ke kauwa hoopono. Ke haawi nei au i na hoomaikai nui i na hoaloha ame na makamaka i awaiaulu pu mai ma kona hua-kai hope, pela hoi me na makana pua nani i pawehiia nona. O ka malu pu o ka Haku me na haipule aloha o ka Ekalesia o Iesu Kristo Hoonohonoho Hou ia o ka Poe Hoano o na La Hope Nei, ame o'u mau hoa paahana o ka Hui Pai Advertiser Na ka Haku e hoomama mai ia'u mai na luuluu mai no kuu mea aloha. Me ka mahalo nui i ke Kapena ke Kuokoa ame na keiki limahei ka papapa'i. E aloha auanei. Na ke kane i hooneleia i ka hoa pili. GULSTAN OLOPANA-NUI-AKEA KALAMAKU-I-KE-AO POEPOE. Honolulu, Dec. 6, 1926. | |