| | HE MOOLELO NO IVANE MIKAELE a i ole He Moolelo Kahiko no Rusia i Piha me na
Hana Koa a Hoopihoihoi Noonoo "Aole e hiki ia'u ke hooko aku i kau noi i keia manawa, aka
e hoomanawanui oe hiki i ka hoi pono ana mai o ka ikaika i
kou kino, ia wa auanei au e hoike piha aku ai ia oe, i ka'u
mau mea apau i ike ai nona. Ua hoopakele mai au ia oe mai-
loko mai o ka make, a he hana nui na'u ka hoihoi hou ana
mai i ka ikaika iloko o kou kino, a o ia ka'u e olelo aku nei,
he mea pono e hoolohe loa oe i ka'u mau kauoha apau. E
hoomanao, ua noho aie oe i kou ola ana ia'u, a o ka'u wale no
e noi aku nei, o ia kou hoolohe ana mai ia'u!"
Ike aku la o Rurika i ke kuoo o ka helehelena o ke kauka,
e hiki ole ai iaia ke ku-e aku i kana mau kauoha, o ka pau ho-
nua wale iho i ano ia o kona manao hoouluhua, mamuli no hoi
kekahi o kona ike maoli ana iho no, ina oia e noho malie loa
ana, me ka hooko i na mea apau a ke kauka e kauoha mai ana
iaia, alaila e hikiwawe loa ana ka hoi hou mai o ka ikaika i
kona kino.
Haawiia mai la iaia he laau e ke kauka mahope iho o kela
kamailio ana o laua, a lawe pu ia mai la no hoi me kekahi mau
meaai, a oiai ua hele maoli ua o Rurika a pololi, hoomaka aku
la oia e ai me ka hoonuu maoli i na mea o ka haawiia ana mai
iaia, a i kona maona ana, o kona haule hou aku la no ia hia-
moe, me ka maikai o kona kino.
O ka hooluolu hoi ia o Rurika i ka hoamoe ahiki i kona ala
ana ae o ka mea mua loa iloko o kona noonoo, o ia no ka wai-
ho hou ana mai i kekahi mau ninau imua o ke kauka, no na
mea ana i makemake ai, o ka mea apiki nae, he wahi keiki ka
i hoounaia aku no ka nana ana iaia, aohe mea hiki i kela keiki
uuku ke hana mai, koe wale no ka luliluli ana o kona poo, me
ka hoopinana ana i kona mau poohiwi iluna.
O ka mea oiaio maoli nae, ua hoomamao loa ke kauka iaia
iho mai ka hookokoke ana mai no ka moe o ke kauna opio, o
hoouluhua aku no auanei o Rurika iaia, me na ninau lehulehu.
No na la eha kela waiho malie ana o Rurika me kona ike
hou ole i ke kauka, aka ma ka elima mai o na la, akahi no a
hoea aku ke kauka imua ona, a kauoha aku la iaia, e ala iluna
a e komo i kona mau lole.
Ua hoohauoli loa ia aku o Rurika, ma o kela mau olelo a
kona kauka, nolaila ala ae la oia iluna, komo iho la no hoi i
kona mau Iole, a i ka paa ana, hoomaka iho la oia e holoholo
liilii, a o ia ka ke kauka o ka pane ana mai:
"Aia hoi paha la, ua pii mahuahua ae kou kulana makai me
ka ikaika o kou kino, mamuli o kou hoolohe loa i ka'u kau-
oha," i pane mai ai ke kauka me kona nana ana mai maluna
o ke kino o ke kauna opio.
"Ae, ke ike nei au i ka ikaika maikai o kuu kino, pehea, e
loaa mai anei he lio no'u e kau ai, no ka hele ana i ka holo-
holo?"
"E loaa aku ana he lio ia oe, iloko o ka manawa kupono,
aka no keia la, he mea pono ia oe ke hele no ka hoomaamaa-
ana i kou wawae. E hele aku ana kaua i ka holoholo, a ma-
mua nae o ko kaua haalele ana iho i ka hale nei, e inu mua
aku oe i keia kiaha waina, he mea hoolana keia i ke koko.
Aia a hoi mai kaua, mai ka kaua huakai holoholo mai o ke-
ia la, malia ia wa e ike ai oe ia Ofa."
Lalau aku la o Rurika i ke kiaha waina a ke kauka o ka haa-
wi ana mai iaia, a inu ae la, o ko laua haalele like iho la no ia
i ka hale a hele aku la e holoholo. Ua ikaika maikai maoli na
wawae o Rurika, pela hoi me kona kino, ame na lima.
Hele aku la laua a hoea no kekahi wahi oneanea, ku iho la
o Rurika, a nana aku la no kahi i ku ai o ka halepule, aole ona
ike aku i kela hale malaila, aka o ka lehu ke waiho mai ana
ame kekahi mau kua nunui o na laau i pau ole i ke ahi i ka a
holookoa ia ke waiho mai ana, no ka hoike ana mai i ke akea,
he kahua kela i hoomanaia ai ke Akua e na kanaka.
Mai kahi ae o ka halepule i ku ai, i kaholo aku ai ka Ru-
rika nana ana, ahiki iloko o ke awawa, aia hoi ma kela ame
keia aoao, na hoailona a ka mea luku e waiho mai ana.
O na kauhale keia o na kanaka, kahi i nohoalii ai ka hauoli,
ka maluhia ame ka oluolu, he mau puulehu ke ahu mokaki
mai ana, e na wahi keia i uluia e na mauu uliuli, ame na pua
o na laa^ makanahelehele, he mau moepuu lakou apau, no ke
ahi weliweli a ka poe hoopoino.
Mailoko mai o na hale he iwakalua o na kanaka maloko o
kela awawa, he eha wale no mau hale i koe, i puhi ole ia i ke
ahi, o ka nui aku, ua lilo i mau puulehu.
Ke ku la o Rurika, me ke kalele ana maluna o ka lima o kona
kokoolua, oiai hoi kona mau maka, e nana aku ana i kekahi
hiona ku i ka manaonao, a no kekahi manawa loihi, aole e hiki
iaia ke hoopuka mai i hookahi huaolelo, aka no ka ike aku o
ke kauka i ke kaumaha maoli o Rurika, akahi no oia a pane
aku:
"He ku maoli i ka manaonao ka hopena i hookauia mai ma-
luna o keia wahi kauhale uuku."
"Aole o ka manaonao wale no ka mea a'u e hoomaopopo
aku nei, aka o ke kaumaha ame ka ehaeha pu o ka noonoo," i
pane mai ai no hoi o Rurika. "O e hoike mai oe i na mea
apau a'u i maopopo ole ai! Owai o ko kakou poe kanaka, ka
i hoopakeleia mai ka make mai?"
"Mailoko mai o ka nui o ko kakou poe kanaka, he eono wa-
le no i hookoeia mai ko lakou mau ola, e lilo i mau hoike ike-
maka, no ka hooneoneoia ana o ko lakou mau home, a ke wai-
ho mai nei kekahi o lakou, iloko o na haawina kupilikii loa,"
"Eia ihea o Aleba?"
"Ua pau kana hana ma ka honua nei, ua hoi aku oia i kahi
e ike ole ai i na inea o ke ola ana. Ua kau mai ka make ma-
luna o Aleba oiai oia maloko o ka halepule, a i ka hemo ana
mai o na wahine iwaho, ua hapai pu mai lakou i kona kino.
Ua elemakule maoli no oia, a aole no he nui o kona mau la i
koe e ola aku ai, nolaila ua make oia no ka elemakule ame ka
nawaliwali." | Ua lilo kela nuhou kaumaha a ke kauka i hoike mai ai i ku-
mu e hoohamama aku ai ke kauna Rurika, me ka hiki koke ole
iaia ke kamailio mai, oiai ua hele kona uhane a piha i ka eha-
eha me ke kaumaha aka i ka mama ana ae nae, o kana mau
hoomanao ana no kela elemakule lokomaikai, ia wa i hoea mai
ai, i ka mea ano nui loa ana i ake ai e ike, ma ka ninau ana
aku:
"Eia ihea o Mira?'
No kekahi mau minuke, aole i pane koke mai ke kauka i
kela ninau, aka nana pono loa mai la oia ma ka helehelena
o ke kanaka opio, a iaia no paha ka ike, aole he pilikia iki o
kona hoike ana mai i ka mea oiaio, e pili ana ia Mira, hoike
mai la i ka mea oiaio:
"Ua laweia aku oia ame na kaikamahine e ae e na kanaka
powa o Hatukai, kela poe kanaka na lakou i hooneoneo iho i
ko kakou wahi kauhale uuku, a i hookau mai hoi i ke kau-
maha ame ka pilihua maluna o ka poe i hoopakeleia ae ko la-
kou mau ola.'
"Auwe no ka hoi e, ma ke ola ana o kuu Akua, e aloha mai
ia'u!" i noke okoa ae ai o Rurika i ka uwe kuwo, me ka hoo-
poina ana i na mea apau e hoopuni ana laia, hookahi mea nui
iloko o kela manawa o ia ke aloha kupouli no kana Mira.
"Auhea oe e kuu hoaloha maikai, e hoopau oe i kou manao
kaumaha!"
"Uwoki, mai hoao oe e kamailio hou mai ia'u i keia ma-
nawa! O e kuu Mira, ka mea hookahi a kuu puuwai i aloha
ai, aka ua ua hala aku nei oe no kahi e hiki hou ole ai ia'u
ke ike aku i kou helehelena, ua oi aku ka pono o ko'u make
ana, mamua o ke ola ana aku iloko o ka hoehaehaia ame ke
kaumaha!" alaila palulu ae la o Rurika i kona mau lima ma
na maka, hookahi hana o ka noke i ka uwe haalo'ulo'u.
Ua hookuu aku la no ke kauka ia Rurika e uwe, ahiki i ka
hala ana o kekahi mau minuke, ia wa oia i hoomaka hou mai
ai e kamailio, no ka hoomalielie ana i ka manao ehaeha o ke
kanaka opio.
"Aole anei he manao koa ame ka manaolana i koe iloko ou
e kuu kauna maikai?" me ka hopu okoa ana mai i kekahi
lima o ke kanaka opio a pa aaku la iloko o kona poholima.
lima o ke kanaka opio a paa aku la iloko o kona poholima.
Kaili ino aku la o Rudirka i kona lima mai ka paa ana a ke
kauka, me ka hapai ana ae maluna o kou poo, a hoopuka ae la
i keia mau olelo: (
"No ka manao koa ame ka manaolana, eia me a'u ka ika-
ika i oi aku i ka ikaika o kekahi kino kanaka, no ka mea eia
me a'u ka anela o ka make kahi i noho pu ai, no ka hookau
ana aku i ka hoopa'i weliweli maluna o ka poe na lakou i ka-
ili aku i kuu Mira. O e kuu Mira aloha!"
Ua hoopaia aku ka uhane o ke kauka mamuli o na ano ana
i ike mai ai maluna o Rurika a iaia i nana ae ai ma kela ame
keia aoao a ike aku la i ka waiho mai o na hoailona hoomae-
waewa o na hana luku wale a na enemi, me he mea la, e ko-
kua like mai ana kela mau hiona, i ka haawina kaumaha o ka
ehaeha i kau aku maluna o Rurika, a oiai nae he kanaka ke ka-
uka, i oi aku kona ike, no ka mea pono e hana aku ai, aole oia
ihoolanakila i ka manao kaumaha maluna o kona noonoo mai-
kai, a o ia kana o ka pane hou ana mai:
"Auhea oe e kuu Kauna Rurika, e uwalo aku ana au imua
ou, e maliu iki mai i ka'u mau hoakaka imua ou. He oiaio loa
ua maopopo ia'u ka nui o ka ehaeha i loaa i kou uhane, ua
maopopo pu no hoi ia'u ke kau ana mai o kekahi haawina ko'i-
ko'i loa o ke kaumaha maluna ou; iloko nae o ia mau haa-
wina apau, aole no i kailiia aku na manaolana mai ia oe aku, no
ka pono o Mira."
"Aia no anei kekahi manaolana no ka pono o kuu Mira?" i
pane koke mai ai o Rurika, me ka paa ana mai i kekahi lima o
ke kauka. "Heaha ka maawe kaula e hiki ai i kuu uhane ke
hopu aku?"
"Hookahi wale no maawe kaula a'u e olelo aku nei imua ou,
o ia ka manaolana, a e hoolohe mai oe. Eia no o Mira ke ola
mai nei, aole oia i make, ua aihue wale ia aku no oia ma ke ano
limanui, e ko kakou poe enemi, a malia ua kuai hooliloia aku
paha i keia manawa, aole nae he mea i maopopo ia kakou, oiai
aole i ukaliia aku kela poe kolohe."
"Heaha ka hoi ke kumu o ka hele ole ana aku o kekahi poe
o kakou e huli i ka mea oiaio?"
"Hookahi no kumu nui i hookolo ole ia aku ai kela poe ko-
lohe, ua nele kakou i na kanaka ikaika ma ko kakou aoao.
Owau hookahi wale no ka mea i waihoia mai, me ka hoopilikia
ole ia, mamuli o ke ano o ka'u oihana. Ma ka manawa e hoo-
ukaia ana ke kaua e na aoao a elua me ka hahana loa, e kokua
ana au i kekahi poe o kakou i kukonukonu ko lakou mau po-
ino, a i ka ike ana mai o na enemi i ka'u hana, ua hoopakele
mai la lakou ia'u, no ke kokua ana aku i ka poe iloko o ka pili-
kia. Nolaila e ike mai oe e Rurika, aohe mea kupono e hahai
aku ai mahope o kela poe ino!"
"Alaila ua laweia aku kuu Mira me ka limaikaika, me ka
hiki ole iaia ke kupale nona iho," i pane hou ae ai o Rurika,
me kona hookahe ana mai i kona mau waimaka. "Ke hoo-
manao nei au, i ka hoao ana mai o kekahi kanaka nui, e hoo-
kau i kona lima maluna o kuu Mira, ua hahau aku la aa iaia
i kuu pahikaua a hina oia ilalo a make loa, o kela ka pau ana
o ko'u ike, a haalele mai la ka ikaika i kuu kino. O e Mira,
e Mira hoi!"
"He mau la kakaikahi wale no koe, e loaa hou ana i kou
mau lima ka ikaika wikani, a o ia ka'u i olelo mua aku nei ia
oe, aia maluna o ka manaolana e pono ai ia oe ke kalele no
ka pono o Mira.
"Mai nana aku oe maluna o Mira, ma ke ano, ua pau kou
ike hou ana iaia, aole pela, aka e nana aku iaia, ma ke ano eia
no oia ke ola mai nei, a ua hoopuniia oia e na poino ame na
pilikia, a e lilo auanei oe i hoopakele nona.
"Elike me ka'u i hoike mua aku nei ia oe, e kau aku i kou
manaolana no na haawina pomaikai e hoea mai ana, pela no
au e hoakaka hou aku nei no ka'u mau mea i ike a i kamaaina
ai, no na wahi e kuaiia ai na wahine ma ke kulanakauhale o
Tureke.
"Ma kahi o na kaikamahine opio u'i o ko lakou mau helehe-
lena, ina he uwe wale no ka lakou hana, a hoihoi ole paha i ke
kaa aku malalo o kekahi mea e makemake mai ana iaia, aole
e kuaiia ana kela mau kaikamahine, aka e malamaia ana lakou
no kekahi mau mahina loihi, aia no a hoike mai kela mau kai-
kamahine i ko lakou hoihoi, me ka makemake paha e kaa aku
malalo o ka poe e makemake mai ana ia lakou, alaila lilo ke-
la mau kaikamahine."
"Alaila ma kou manao, ua laweia anei kela kaikamahine
no Konakinopela, ke kulanakauhale poo o Tureke?"
"Aole o'u wahi kanalua iki no ia mea."
"Ina o ka mea oiaio Ioa ia au e hoike mai la, alaila aia kuu
Mira malalo o ka malu o kekahi kanaka Tureke i keia mana-
wa,"
'"Aole o'u manao pela," wahi a ke kauka me ke kui'o. "Ma | ko'u kamaaina i na kanaka Tureke, he poe kanaka makemake
kela i na kaikamahine opio huapala, a e uku ana lakou i na ku-
mukuai pipii loa i wahi e loaa aku ai kela mau kaikamahine
ia lakou, aka nae hookahi mea ano aui ma kela kuai ana, e
komo ka manao aloha me ka hoolohe i na kaikamahine opio,
no kela poe Tureke, ina aole pela, alaila pehea ka u'i ame ka
huapala o kekahi kaikamahine, aole loa lakou e lawe aku
ana iaia i wahine na lakou. E hele koke oe i Konakinopela i
keia manawa, a e loaa no, auanei o Mira ia oe malaila l"
"Ua maopopo loa no anei ia oe, ua laweia aku kuu Mira no
kela kulanakauhale?"
"Aole i maopopo ia'u, aka o ko'u manao koho wale no keia.
O kekahi kaikamahine u'i, elike me Mira, aole he mau wahi
e ae e laweia ai, no ke kulanakauhale poo wale no, kahi o na
kanaka waiwai a nui o ke dala i noho ai."
"Ina aia i'o oia ma kela kulanakauhale, a ua hookomoia aku
maloko o na wahi e kuaiia ai na kaikamahine opio, heaha ka'u
mea e hana aku ai?"
"E hoao oe ma na ano apau i wahi nona e kaawale mai ai
mailoko mai o kela wahi."
"Elike me ka oiaio loa o ke kau ana o na lani maluna ae o
kuu poo, pela no ka oiaio loa a'u e hoohiki nei, ma ka Ia apo-
po, e haalele iho ai au i keia wahi, no ka huli ana aku ahiki
i ka loaa ana o kuu Mira aloha!" i hooho ae ai ua o Rurika,
me ke kowaliwali ana i kona mau lima iluna o ka lewa.
"Mai pupuahulu loa oe e kuu hoaloha i ka hoopuka ana i
na manao o kena ano, no ka mea aole i loaa ia oe ka ikaika
kupono, e haalele iho ai i keia wahi no kau huakai, ma ka
la apopo.
"Ina he makemake kou e hoopakele ia Mira alaila o ka hana
mua loa, oia no ka hoomanawanui ana a loaa ka ikaika maikai
i kou kino, a ma kekahi olelo ana ae hoi, e hoopakele mua oe
ia oe iho, a mahope e hoopakele aku ai ia ha'i."
Ike iho la o Rurika i ka pololei o na hoakaka a kona kauka,
nolaila aole oia i paku'iku'i olelo hou aku, aka nana aku la no
oia i na wahi i hooneoneoia e na enemi koloino, a oiai ua lawa
ae la no ko laua hele holoholo ana, huli hoi like mai la laua
no ka home o Ofa.
Ia laua o ka hoea ana mai i ka hale, ua ala ae o Ofa mai-
luna mai o ka moe, a e noho ana no hoi kana wahine ma ka
aoao o ka moe, a ma na hiohiona apau ke nana aku, ua kaa no
ke ko'iko'i o ka hooikaika ana e loaa ka oluolu ia Oia, malu-
na o kana wahine, i makee nui i ke ola o kana kane.
I kela komo ana aku o ke kauka me Rurika noloko o ka
rumi e moe ana o Ofa, haawi mai la ka mea ma'i i kona lima
no ke aloha ana i ke kauna opio, aia hoi maluna o ka helehele-
na o kela kanaka, ka manao aloha kui'o no ke kauna opio, aka
o ka oi loa aku nae o kona aloha, no kona poe kanaka, i lilo
i luahi na ka make, mamuli o na hana lokoino a na enemi.
No kela noke loa o Ofa i ka uwe, huki aku Ia ke kauka i ke
Kauna Rurika, no kahi kaawale aku, a hawanawana mai la ia-
ia, aole he mea pono ka hoala ana mai i na kamailio maluna o
na kumuhana, e hooiia aku ai ke kaumaha maluna o Ola, no-
laila ia holoi ana ae o Ofa i kona mau waimaka, ua hoohala
iho la oia me Rurika ma ke kamailio ana maluna o na kumu-
hana okoa loa, a no ka maluhiluhi o ka mea ma'i hookuu okoa
aku la o Rurika iaia a hoi mai la noloko o kona rumi iho, a
pule aku la i ke Akua, e haawi mai oia i ka oluolu i kela ka-
naka, a e haawi pu mai hoi iaia nei, i na kokua mailuna mai, no ka holomua o kana huakai imi ia Mira.
MOKUNA XV. No na la eha kela hoomanawanui ana o Rurika, o kona
hookuuia mai e ke kauka akahi no a loaa mai ka hoike iaia, no
kona makaukau, e hele ma kana huakai imi i kana aloha.
He oiaio ua maikai loa o Rurika i kela manawa, ua loaa ka
ikaika i kona kino, e pilikia ole ai oia ma kona alahele kuahiwi.
Iloko o kela mau la ana e kakali ana o ka ikaika maikai o
kona kino, ua hele ua o Rurika no ka home o Aleba, o kela
kekahi o na hale i hookoeia e na enemi, aole i puhiia i ke ahi,
a ua loaa aku no iaia kana mau dala apau ma kana wahi o
ka huna ana, aka no na waiwai e ae oloko o kela home, ua pau
i ka laweia e ka poe kolohe,
Me kana mau dala gula, o ka loaa ana mai la, i kakali al o
Rurika, ahiki i kona manawa e hele ai ma kana huakai, me
kona lawe ole i kekahi mea kuhikuhi iaia, no kona manao, ua
hiki no iaia ke hoomaopopo i kela alahele hookahi ana i hele
mai ai, me kona alakai me Lafela.
"Alaila ua paa loa anei kou manao e haalele iho i keia wahi
no ka huli ana aku ia Mira?" i ninau aku ai o Ofa ia Rurika,
oiai ke kauna opio i ku ae ai iluna, no ka haalele ana iho ia Ofa.
Ae, aole e hiki ia'u ke noho hou iho ma keia wahi, no ka
mea ua ike no oe i ke kumu."
"Ae, ua maopopo ia'u na mea apau, a ke minamina loa nei
au no ka hiki ole ia'u ke hele pu me oe ma keia huakai au; aka
hookahi nae mea hiki ia'u ke hana aku, oiai kaua e noho kaa-
wale ana, o ia no ko'u pule mau ana i ke Akua, e kokua nui
no ka holopono o kau mau hooikaika ana no ka pono ame ka
palekana o Mira.
"Aole au he kaula, aka me he mea la aia kekahi mea e hoike
okoa mai ana ia'u, e holomua ana no keia huakai au, a e loaa
aku ana o Mira ia oe me ka hoopilikia ole ia ma kekahi ano."
He oiaio, aole o Ofa he kaula, aka nae o kana mau olelo i
kamailio mai ai ia Rurika, ua lilo ia i mea hoolana loa mai i ka
manao o ke kauna opio ahiki i ka hoauhee loa ia ana aku o
na manao hopohopo mailoko aku ona,
I ka hoea ana mai i ka manawa e haalele mai ai o Rurika
i kona mau hoa o ka noho ana o kela aina, o kekahi ia o na
manawa kaumaha loa mawaena ona ame Ofa, me ko laua hoo-
kahe maoli ana i na waimaka o ke aloha kui'o o kekahi no ke-
kahi, a iloko o na olelo hoolana no ka hooloihiia aku o ko laua
mau la o ke ola ana, pela hoi ka holomua o ka Rurika huakai,
ua hookaawale ae la na hoaloha, a hele aku la o Rurika ma
kana huakai hele.
Ua ukali pu aku ke kauka ia Rurika ma kana huakai ahiki
i ke komo ana iloko o ka naele o ka ululaau, malaila i huli hoi
hou mai ai oia ihope, a hookuu hookahi aku la ia Rurika, ma-
luna o kona hoki; me ke kauka'i ana o ke kanaka opio i kona
palekana, maluna o kana pu raifela ame kana pahikaua.
No ka manawa hope loa nae, i huli mai ai ka Rurika nana
ana i ka waiho lahalaha aku o ke awawa, ana i hoolilo ai i ho-
me kona no na mahina loihi, a kulu okoa iho la kona mau wai-
maka o ke aloha, iaia i hoopuka ae ai i ka inoa o Aleba ame ka
poe apau i ukali aku me ia iloko o ka make, a mamuli no hoi
kekahi o ke ala ana mai o na hoomanao ana iloko ona no Mi-
rara kana aloha.
Me na manao aloha kui'o, no na hoaloha na lakou i hookipa
aku iaia ma kela awawa, a i hoolilo hoi i na la p kona noho
iana ma kela aina malihini i mau la no ka maha
aoe ka hauoli, haawi ae la ua o Rurika he mau leo pule | hoomaikai i ke Akua, me ke kalokalo pu ana ae, e loaa iaia ka
palekana ma kana huakai hele, alaila hoomau aku Ia oia i ka
hele ana nomua.
Ua hele no hoi a poeleele loa, hoea aku la oia no kahi hoo-
maha ma kana huakai hele. Mahope o kona lawe ana aku e
hoopaa i kona hoki, ma kahi nui o ka mauu me ka wehewehe
ana ae i ka noho, hoi mai la oia ma kekahi wahi kupono, a
hoomakaukau iho la i wahi nona e hooluolu ai no kela po. me
kona ai ana i kekahi mau meaai mama, ana o ka paa pu ana
mai me ia.
Hakalia no a wehewehe ae kaiao, o kona ala ae la no ia hau-
hoa i ka noho o kona hoki, a hoomau aku la i ka hele ana imua.
Ma keia wahi aku, iaia e pii la nouka o ke kuahiwi, he oi
aku ka maalahi o ke alahele. he malaelae maoli, aole he po-
hihihi e like me kana i koho wale ai, a hele no hoi ahiki i ke
ahiahi o kela la, hoea aku la oia no kela wahi ana i hoomaha
ai me Lafela, ma ke kumu o kekahi awawa uuku, kela wahi i
loaa ai o Mira iaia.
Ma kela wahi, i hoomaha hou ai ua o Rurika, aole no kona
manao maoli e hiamoe malaila, aka no ka pouliuli, aole he
mahina ma kela po, nolaila he hana pohihihi loa kona hoaano
ana aku e hele i ka po, ma kela aina malihini.
Hakalia no nae a wehe mai ke alaula o ka malamalama ma
kekahi la ae, o ke kau hou ae la no ia o ke kauna opio maluna
o kona hoki, a hoomau aku la ka hele ana nomua, ma kela ala-
hele hookahi no ana e hoomaopopo loa la i kona hele pu ana
mai me kona alakai me Lafela.
Ua hele no hoi a kani ka aina awakea, hoea aku la oia no
Maimai, a o ka noonoo mua loa o ka oili ana ae iloko ona,
o ia no kona hele e huli ia Lafela.
Mahope o kona ai ana i kekahi mau meaai, maloko o ka hale
hookipa. ua hoomaka aku la oia e hele huli ia Lafela aole no
kela he hana maalahi, aka nae iloko o ka hora hookahi, ua loaa
aku la iaia ke kanaka alakai, a hoi like mai la laua no ka hale
hookipa a Rurika i hoolimalima aku ai i kekahi rumi nona e
noho ai malaila.
Oiai maloko o kela hale hookipa, i hoomaka aku ai o Rurika
e hoike i ka moolelo ku i ke aloha, o ka lukuia ana o na kanaka
o kahi kauhale ana i noho ai, pela hoi ka laweia ana mai o
na kaikamahine opio, me ka limaikaika e ka poe pakaha, a o
ia ka Lafela o ka pane ana mai:
"Ua maopopo ia'u keia mau mea apau au e hoike mai nei.
a ua ike au i ka puulu o kela poe kanaka ame ka lakou mau
hana. He hookahi pule a lakou i noho ai ma Maimai nei,
mamua o ka lilo ana aku o ka lakou mau waiwai kalepa."
"Perea, ua ike no anei oe ia Mira?"
"Aole au i ike iaia, aka nae aole no o'u kanalua iki o Mira
pu kekahi me kela poe, no ka mea ua lohe au i ke kamailio
o kekahi wahine, o ka poe i laweia mai e kuai, aia he hookahi
kaikamahine u'i Ioa iwaena o lakou."
"Malia paha, ua maopopo ia oe, a i ole ua lohe mai paha oe,
ina ua lilo o Mira i ke kuaiia?"
"Aole a'u mea i maopopo, aka nae e hiki ana no ke hoo-
pauia ka kaua pohihihi, ke hele ae kaua e ninau i ka ona o
ka hale hookipa, oiai oia kekahi i hoea aku no kahi l kuaiia
ai na kaikamahine, Pehea e kahea ae anei au iaia?"
"Ae, e kahea aku oe i ka ona o ka hale hookipa e hele mai,
ua hele au a makemake loa e ike, heaha la ka hopena i kau aku
maluna o Mira."
No keia mau olelo a Rurika, ua kaheaia aku la ka haku o ka
hale hookipa, aole no hoi i loihi ko laua kakali ana, oili mai
la kekahi kanaka kino momona, a na kona mau ano ke nana
aku, he kanaka makemake mau kela ina meaai maikai ame ka
waiona, oiai ua hele maoli kona kino a momona.
"I kaheaia aku nei oe e Hama e hele mai, no ka pane ana i
kekahi ninau nana i hoopohihihi loa mai i ko maua noonoo,"
i hoomaka ae ai o Lafela e kamailio. "Pehea o oe anei kekahi
i hoea aku ma kahi i kuaiia ai na wahine opio e na kanaka
Hatukai he pule ae nei i hala?"
"Ae, owau kekahi mea i hoea aku ma kahi kuai, a ua ike
au i ka hooliloia ana aku o na wahine opio apau, a koe hookahi
aole i lilo."
"He hookahi anei mea i lilo ole i ke kuaiia?" i ninau ae ai
o Rurika me ka hiki ole iaia ke uumi iho i kona pihoihoi no
kona koho maoli ana iho no o Mira kela kaikamahine opio i
koe aole i kuaiia.
"Ae, ua ike au me kuu mau maka ponoi, aole i kuaiia kela
kaikamahine a lilo i kekahi mea," wahi a ka ona O ka hale
hookipa, me ka luliluli ana ae o kona poo.
"No kela kaikamahine, o kela ka helu ekahi o ka u'i a'u i
ike ai, me he anela la kona hoa e kohu ai, a ua like aku hoi
kona maemae me ka maemae o ke kaikamahine a ke kaula
me Fatima.
"E noke mau ana kela kaikamahine i ka uwe i na manawa
apau, iloko o ka olioli, ame ka himeni o ka nui ae o na wahine,
aole nae ia i lilo i kumu nona e komo pu ai iloko o na hauoli
ana; o ka mua loa kela o na kaikamahine a'u i ike ai, i kona
kaumaha maoli, me ka ehaeha no kona hooliloia aku ma ke
kuai.
"Iloko o ka noke aku o na wahine e ae, i ka haanui imua
ona, no na hauoli, e kakali mai la ia lakou. maloko o na home,
o na kankaaaaaaaa r,Fn' shrdl cmfw shrdlu etaoi shrd fwww
o na kanaka waiwai, ua lilo ia mau olelo, i mea hoolohe ole ia
mai, no kela kumu, aohe mea makemake e kuai iaia, no ko la-
kou makemake ole, e lilo kona kaa ana aku malalo o kekahi
o kela poe, i mea hoopilikia a hookaumaha mau i ka noonoo o
ka wahine opio.
"Ke ole au e kuhihewa, o Mira aku la kela kaikamahine I"
i hooho ae ai o Rurika, me ka paa ana ae i kona mau lima i
kahi hookahi. "He ehuehu nae paha kona lauoho ea?"
"Ae, he ehuehu kona mau lauoho, a he alohilohi hoi kona
mau maka."
"O Mira kela kaikamahine aole he mea okoa aku, a he u'i
i'o kela kaikamahine elike me ia au e hoakaka mai nei imua
o maua. Aole anei oia i lilo i ke kuaiia?"
"Ma kela la a'u e kamailio nei aole ola i lilo ma ke kuai, aka
he elima la mahope mai, ua hooliloia aku la oia i kekahi kana-
ka kalepa o ka haalele koke ana iho ia Maimai nei, ma kekahi
la ae no, maluna o kona moku."
No keia mau hoakaka a ka ona o ka hale hookipi, pau ho-
nua wale iho la no ko Rurika manaolana, me ka puili ana ae
i kona mau lima maluna o ke poo, me ka hooho ana, me ka
leo o ka mea iloko o ke kaumaha ame ka ehaeha?
"Ua lilo anei kuu Mira i ke kuaiia, a ua hala aku oia no kahi
i maopopo ole ia'u ke huli aku ia oe?"
"Ua loaa no anei ia oe ka inoa o kela kanaka kalepa nana i
kuai a lilo o Mira iaia?" i kaa mai ai ma ka aoao o Lafela ka
niele ana i ka ona o ka hale hookipa.
"Aole i loaa kona inoa ia'u, aka nae ma ka'u mea e hoomao-
popo nei, he kanaka Tureke oia."
(Aole i pau.) | |