Ka Nupepa Kuokoa, Volume LXVI, Number 2, 13 January 1927 — PAA AE I NA AKENA HOOKAPU WAIONA KEKAHI IPUHAO PUHI RAMA NUI MA PALOLO [ARTICLE]

PAA AE I NA AKENA HOOKAPU WAIONA KEKAHI IPUHAO PUHI RAMA NUI MA PALOLO

Mauka ae nei o ke Awawa o Palolo i kaa aku ai i na akena hookapu waiona federala kekahi ipuhao puhi rama nui i ike ol© ia kekahi ipuhao nui elike me ia mamua nia ka Poaha o ka pule aku ia i hala, ma ka manawa o na akena o ka hoea ana aku i ka hale o T. Hayashi a paa oia i ka hopuia \me na 010 rania ame na mea puhi rama apau, a hapukuia ae a ku ana i ka aupuni federala. Ua loaa aku i na. akena he mau pahu rama i hoaawaawaia 600 galhookahi ipuhao puhi rama 100 me 28 mau galani okolehao i makaukau no ka hooliloia aku, a mawaho ae o keia aneane elua tona laiki, kopna, uala, huita, hope ame ka ianahu. Ma ka manawa a na akena i hiki aku ai aohe o Hayashi i kue mai, a ua laweia mai oia malalo o ka hoomalu ana a ka Hope Ilamuku Lifteo. Maluna o na kaa kalaka ame na kaa otomobile i laweia mai ai ia mau waiwai kue kanawai ahiki i ke keena o ke poo Akena Barrett. E puhi rama ana no ka kela Kepani ma ka manawa a na akena i hiki aku ai, ina paha i loaa mna ka ike i kela Kepani ua holo mua oia, aka no ka nanea loa ua like oia me ka ohiki iloko oka iua. O kahi ka o kela hale o Hayashi i ku ai aia mahope aku o ka hale wawahi pohaku o Palolo, a ua hoopuniia ia wahi hale mamua o ke komoia ana aku oloko e na makai a e a mai ana no ka ke kapuahi, a no ka aneane ka elua pule i hala ka hoohanaia ana o kela ipuhao puhi rama. 0 na akena i hele pu me ka Hope Ilamuku Liftee ma keia hopu ana, oia o William Stetzer, Raymond Davis, M. Overpeck. Nui ka ka mahalo o ke Poo Akena Barrett i kona mau hope no keia hana a kona mau kanaka, a oia pu ka kekahi i kokua i na kanaka ona ma ka hoohikihiki ana i na 010 rama ame ka ipuhao puhi rama ahiki i ke komo ana iloko o ka rumi. Pio ke ahi ma kekahi wahi, lalapa mai no ma kekahi wahi.