Ka Nupepa Kuokoa, Volume LXVI, Number 2, 13 January 1927 — HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo [ARTICLE]

HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo

Ina oe e hoao mai ana e nee imua, a i ole e hoani &e pihft i kau pahikaua, e lilo ana oe i kanaka make. Aole loa oe t pakele mai ia makou akul" 'Uwoki! Uwokil" i pane ae ai ke poo o ka oihana. makai, me kona hele a piha loa ike pihoihoi. "Ina oe e ki ana i kau pu panapana, o oe auanei ke komo ana iloko o ka pilikia, aolē o keia kanaka," alaila, lalau okoa mai la oia i ka lima o Pita| Bona, a hapai ae la iluna, no kona hopohopo, o ki i'o aku auanei kela kanaka i kana pu panapana. I kela hapaiia ana ae nae o ka lima o Pita Bona iluna, ua lilo aku la ka Rurika nana ana ilaila, a poina mai la kona noo* noo no na kanaka Rukini e ae elua, a i ka ike ana o kekahi o kela mau kanaka, ua nanea, loa ka lakou lawehala i ka nana ma kahi okoa, ua lele mai la oia e ku'i ia Rurika a hina aku la ke kauna opio ilalo. Aole no i eha o Rurika i kela ku'iia ana aku, aka 110 kona nanea loa, pela oia i hina ai ilalo, me ka hiki ole ke kupale iaia iho, a mamua o koha hoao ana ae e ku iluna ua paa iho la kona mau lima ame na wawae i ka hauhoaia i ke kaula, me ka hoopiha pu ia ana aku o kona waha me ka welu. "Akahi au a olelo ae, ua lanakila au maulna ou," i pane ae ai o Pita Bona, mahope iho o ka paa ana o Rurika i ka hauhoaia i ke kaula. "'Aole no he manao hoopilikia maoli iloko o*u ia oe e kuu hoaloha, aka ke hana wale nei no au i wahi e loaa mai ai he mau dala mahuahua ia'u me ka maalahi. "Ua nui ko'u hooikaika ana ma na hna apau, e loaa mai ke daia ia'u aole nae i lilo ia mau hooikaika ana, i kumu no'u e ; waiwai ai, aka he o ia mau no ko'u ilihune, a o keia paha auajnei ka manawa a'u e ike maoli ai i kekahi huina dala mahuaihua, no kou poo. Nolaila e Rurika, e pono oe e hele mai me ja'u, me kou hoala ole mai i kekahi ku-e ana." ! Aia mau no na noonoo maikai iloko o Rurika i kela manawa, ™e kona ike me ka maopopo loa, he mea makehewa walj; no kona hoao ana aku e ku-e i kela poe kanaka ma kekahi ano. Ina nei no ke kaawale o kona waha, aole i hoopihaia i ka welu, malia e hiki ana iaia ke uwa ae, a ke kahea aku i poe kokua mai iaia, aka nae, iloko o kela manawa hookahi, ke ike la no oia. aole no paha e loaa mai ana he niau kokua, no kona pono, oiai aia no ke kanaka o ke aupuni me kela poe, kahi i hele pu ai; nolaila ika hoala ana mai o ke kauna opio i kona noonoo maikai, hooholo iho la oia, he oi aku ka pono o kona noho malie loa ana, a e ae aku oia ē laweia e kēla poe, ma ke ano he pio. • Ia lakou i haalele ilio ai i ka hale, o ke poo o ka oihana makai mamua a o Fiodoa Rurika aku mahope, me ka paa ana 0 na kanaka elua ina kela ame keia lima, a mahope pono aku • lioi ke kapena o ka.moku. nolaila ua hiki ole maoli ia Rurika ke pakele mai kela poe mai, ina oia i manao e holo mahuka. Ma kekahi mau alanui ololi i laweia aku ai o Rurika ahiki 1 ka hoea ana 1 ka uwapo, alaila he ma'u okoa aku no ia wahi a lakou o ka hele ana, no ka hapalua mile paha, ua loaa aku la he waapa, ma ke poo o ka uwapo, me hookahi kanaka e noho ana e kiai. Aole he poeleele loa i kela manawa, mamuli paha hoi ke- ! kahi o ka maa o na maka 0 ke kauna opio i ka nana ana iloko ; o ka pouli ? nolaila me kahi malamalama uuku, i hiki ai iaia ke hoomaopopo aku, o ke kanaka e kiai ana i ka waapa, he luina moku oia, a he Rukini hoi kona lahui. Me ka hoopau manawa ole iho, hookauia aku la o Rurika Imaluna o ka waapa, alaila haawi ae la ke kapena moku i ke j aloha i ke poo o ka oihana makai, o ka huli hoi mai la no ia o ke kanaka o ke aupuni no ke kulanakauhale, a kau aku la no (hoi ke kapena me kona mau hoa maluna 0 ka waapk. ' Ke noho malie loa la o Rtirika maluna oka waapa, me ko- ! r>a hoolohe ole ae i ka walaau o ka poe na lakou oia e lawepio nei, aia wale no kona poo ilalo kahi i kulou ai, i kau a mea o ke kaumalia ame ka ehaeha o kona noonoo, a mailoko ae o kona nanea, i lohe ae ai oia i kekahi mau leo walaau, a i ke aea ana ae O kona poo iluna, eia ka aia ko lakou waapa ma ka aoao o kekahi moku. "Ua hoea mai la kakou no ko'u moku nei, nolaila e ku ae īluna, a ē pii aku noluna o ka oneki," i pane mai ai ke Kapena Pita Bona me ka leo kuoo, me ka paa pu ana iho o kekahi lima, ma ka poohiwi o ke kanaka opio. Ke ike la 110 nae ua kapena nei, aole e hiki ia Rurika ke pane aku, oiai ua piha kona waha i ka welu, a o ia kana o ka !pane hou ana mai: "E hoomanawanui oe pela, ahiki i kou kau ana aku iluna o ka oneki, ia wa e weheia ai ka welu mai kou waha aku." Weheweheia ae la na kaula i hauhoaia ai na lima o Rurika, alaila alakaiia aku la oia no kahi o ke alapii e lewalewa ana ma ka aoao o ka moku, a i kona hoea ana aku noluna o ka oneki, ua pane mai la ke Kapena Bona: i **E wehe ana au ika welu i hoopihaia ai ko waha, a ina e hoao ana oe e uwa, a e kahea ae paha i kekahi mau kokua nou, e ike ana oe, i kou mihi me ka walania loa no ia hana." Kunokunou aku la o Rurika i kona poo, e hoike aku ana, aole oia e ku e ana i ka makemake o kela kapena, nolaila ua weheia ae la ka welu mai kona waha ae, me ka nafta ana aku 0 Rurika ma kela ame keia Avahi o ka moku. Hookalii ana mea e ike la.o ia no ka # akoakoa ana mai o na luina moku apau noluna o ka oneki, a ma ke ano o lakou mau mea e kamailio ana mawaena o lakou iho, ua hiki loa ia Rurika ke ike aku, ua maopopo mua i kela poe kanaka, na mea • e pili ana iaia iho, a pela hoi ke kumu o kona laweia ana aku no kela moku. ' No kekahi manawa kela noho hamau loa ana 0 Rurika, me ka pane leo ole, a no ka hiki ole paha iaia ke uumi hou iho i kekahi mea ano nui loa ana i ake ai e ike, kamailio okoa ae la oia, i.ka i ana mai: 1 "Auhea oe e Kapena Pita Bona, he hookahi a'u mea i ma- ! I kemake ai e ninau aku ia oe, a e oluolu hoi oe e pane mai me :!ka oiaio loa." Mamua aku o ko'u loaa ana ia oe ame kou mau kanaka maloko o ka rumi o ka hale hoōkipa, ua. hoea mua no anei oe maloko o kela rumi ?"» "Ae ua hoea mua aku au, no ka huli ana no ia oe, aoie nae oe i loaa aku ia makou." "Ke maikai la kena pane au, a pehea he mea anei kekahi i loaa aku ia oe maloko o kela runii." "Pehea aole anei oe i ike i kekahi wahine opio?"

"Aohe a'u wahine hookahi i ike maloko o ke kulanakauhale i keia po." ē "Pehea aole anei i ike ke poo o ka oihana niakai i kekahi wahine ?" "O kona ike ame kona ike ole i kekahi wahine, ua pohihihi loa au ia mea oiai aole oia i kamailio iki mai e pili ana no kekahi %Vahine. Owai keia wahine au e ake mai nei e ike?" "Aole no he mea ano nui e pili ana iaia, a oiai ua pane mai la no oe i ka'u mau ninau apau me ka maikai, aole au e hoopilikia hou aku ana ia oe, nolaila e lawe aku oe ia'u no kekahi walii kupono, no ka hooluolu ana aku no keia koena ,po." Mc kona hoonui olelo ole mai, lalau aku la o Kapena Bona i kekahi ipukukuihelepo, e waiho ana mawaho o ka hale kuhoe, a iho aku la nolalo o ka moku, me ka paa pu ana i ka lima o Rurika. Alakai aku Ia ke Kapena Bona i kana lawehalā a hoea no kēkahi wahi keena uuku, e pili kokoke ana i ka lua ukana, he wahi hoahu pe'a ame na kapolena, a i ka hemo ana aku o ka puka i ka weheia, huli ae la ua kapena nei imua o Rurika, a kamailio aku la: Maloko nei oe o keia rumi e hooluolu ai, a ina oe t noho malie ana me ka hoala ole mai i kekahi pilikia, aole 110 oe e hoopilikia wale ia aku. Ke kaumaha loa nei au no kou kaa ana mai he pio na'u, aka nae aole e liiki ia'u ke alo ae, i ka lawe ana mai ia oe, no ka mea ina aole au e hana ana pela, e loaa mai ana no oe i kekahi mea okoa aku, a e paa ana no oe i ka hopuia, a he hana naaupo loa no'u, ka haalele aku i ka manu i maopopo loa ke poliolo mai iloko o ko'ii mau lima." Me ka hoala ole aku i kekahi mau ku-e ana, komo aku la 0 Rurika maloko o kela keena uuku, me ke paniia ana mai o ka puka a paa, o kona haule aku la no ia maluna o na pe'a kahiko e ahu mokaki mai ana. No kekahi manawa loihi aole e hiki i kona mau lihilihi ke upo'i iho, no ka mea kau mai la imua ona na hoomanao ana no ka hopena poino e hoea mai ana maluna ona, a kau pu mai la no hoi na hoonianao aloha ana no Mira kana aloha. MOKUNA XXII. Iloko o ka pule hookahi, mai kela manawa mai o ke kau ana o Rurika maluna o ka moku 0 Kapena Pita Bona, ua hoea hou aku la oia no ke kulanakauhale o Rusia. Ua hoolele mua ia oia ma Odesa, me kona hoopaaia ana maloko o ka halepaahao ma kela wahi ahiki i ka wa e haalele mai ai kekahi moku no Rusia, o kona hookauia no ia maluna o kela moku. Maloko o kekahi keena paahao haahaa, i hoopaaia aku ai ua o Rurika oiai e kakali ana 0 ka hoea mai o kekahi moku, nana e lawe aku iaia no Rusia, a oiai he elua mau puka liakahaka i hanaia maluna ae o ka puka o kona keena, ua nui maoli ke ea oluolu e komo iloko, aole hoi he polopolona a kawa*u elike tne ka nanaina ke ikeia aku mawaho nei. Ma ka auwina la o ka ekolu o na la o ko Rurika noho ana maloko o ka halepaahao, ua lohe aku la oia i kekahi mau kapuai wawae 1 ka nehe mai ma ke alanui e moe pololei ana no ka puka o knoa keena paahao, a iloko o na minuke helu wale no, ua weheia mai la ka puka. Aole kela o ka manawa e laweia mai ai na meaai, a ke ha'oha'o la o Rurika, i ke ano o lea hana i hoea aku ai.ka luna o ,ka halepaahao e ike iaia. I ka hamama ana ae o ka puka, kiei aku la ka luna paahao iloko, a iaia no paha ka ike, aia no ka paahao iloko kahi i noho ai; ia wa i emi mai ai oia ihope, me ke kamailio ana aku i kekahi mea okoa, a he manawa pokole mahope mai, 'komo ana no kekahi kanaka malihini kino nui, a pani hou ia aku la ka puka e ka luna paahao, a noho kokoolua wale aku la no laua maloko. "Auhea oe e ke Kauna Rurika," i hoomaka aku ai ke kanaka malihini e kamailio, a loaa koke aku Ia no ka ike ia Rurika, no kona kamaaina mua ana i keia kanaka, "e loaa ana oe ia'u maloko nei o keia keena paahao'." Me kona pane koke ole mai, lele mai la o Rurika imua, me ka hopu ana mai i ka lima o ka malihini, alaila pane ae la: "Auwe! Aole ka oe he mea e aku, 0 oe 110 o Ivana Mikaele kuu hoaloha maikai loa!" "Ae, owau no keia o Ivana e kuu kauna ir\aikai," i panai aku ai no hoi o Ivana, me kona noke loa ana iho i ka puliki 1 na lima o Rurika, me ka hoao pu ana 110 hoi e uumi i kona manao aloha. "Ae, owau no keia o kou lioaloha, a no ka elua o ka manawa 1 hoea hou mai ai au e ike ia oe maloko o ka halepaahao." "I hoea hou mai nei anei oe no ka hookuu lanakila. ana ae ia'u?" "Aole, no ka mea aole he mana i loaa ia'u i keia manawa e hana aku ai pela. Pehea oe i hoea mai ai iloko nei o keia halepaahao?" "Heaha mai auanei kau, ua ikeia au e kekahi poe kanaka luina ame ke kapena o kekahi moku, i kamaaina mua ia'u, a na lakou au i hopu, no ko lakou makemake e loaa aku ka uku makana i kauia ai e ke aupuni maluna o kuu poo." "Alaila heaha ka hana a kela poe kanaka ma keia wahi?" "Aole ma keia wahi au i paa ai i ka hopuia, aka maloko 0 ke kulanakauhale o Konakinopela." "Auwe no ka hoi e. Heaha kau hana o ka hoea ana ma kela kulanakauhale?" "Auhea oe e Ivana kuu hoaloha maikai, he moolelo ku i ka ehaeha ka'u e hoike aku ana ia oe, pela au i hoea ai no kela kulanakauhale," alaila palulu okoa ae la o Rurika i kona helehelena, me ka hele okoa ana aku o Ivana, a noho iho la ma ka jaoao 0 ke kauna opio, alaila kamailio mai la me ka leo oluolu I loa: "Ke makemake nei au e lohe i kou moolelo," wahi a Ivana j me ka liookau ana aku 1 kekahi lima, maluna o ka poohiwi o I Rurika, a nana pono loa aku la hoi ma kona mau maka, me ka pane hou ana aku: "Ua hele anei oe no kahi kauhale o Kamali, elike me ka'u kauoha ia oe?" "Ae, ua hele au no kela kauhale elike me kau kuhikuhi." "Pehea ua loaa anei o Aleba ame Mira ia oe malaila?" "Ae aka e ke Akua e aloha mai ia'u!" me ka hiki hou ole ia Rurika ke hoomau mai i kana kamailio ana. "O e hoike mai ia'u i kau moolelo!" "Ae, e hoike aku ana au ia oe i na mea apau, a mai hooili mai i kekahi ahewa ana maluna o'u, no ka mea ua hana aku au i na mea apau elike nie ka'u ike ai he pono a he pololei." No kekahi mau minuke, aole e hiki ia Rurika, ke kamailio mai i kana moolelo, aka ke hooikaika la oia, e hoauhee aku i kona mau manao kaumaha, no Mira ame kona makuakane, a iaia no paha ka ike, ua mama kon mau manao luuluu me ka ehaeha, hoomaka mai la 01'a e kamailio, elike me ia a kaua e ka makamaka heluhelu i ike mua ai, ma keia moolelo. | Hoomaka aku la oia e hoakaka i ka loaa mua loa ana o Mira ' iaia, malalo o puu, iuka o ke kuahiwi, me kona kaili ana mai

i ke kaikamahine o.pio/mai ka malu mai o na kanaka ino, pela kona pepehi ana i kela poe kanaka a make, pela hoi kona hoea ana aku no Kamaīi, a liui pu me Aleha, ka loohia ana o kela kanaka i ka ma'i, ame kona n-.ho ana ma kela home, no kekahi manawa loihi, ahiki i kona haulehia okoa ana i ke aloha no Mira, pela no hoi me ke aloha ana mai-o kela kaikamahine iaia, ame ko laua hoopaa ana ia laua iho, e lilo i kaite a i wahine ma ka berita mare. Mai kela 'wahi aku o kana moolelo, hoakaka aku la Ua o Rurika, i ka hoea ana mai o na kanaka ino, a hooukaia he kaua mawaena o kela poe ame Rurika ma, ke puhiia ana 0 na kauhale i ke ahi, pela lioi me ka lanakila ana o na enemi maluna 0 lakou nei, ka.make ana o Aleba ame 'ke kupouli aiia o kona noonoo maloko o ka halepule. Hoakaka pu mai la oia no kona loaa ana i kekahi ma'i ikaika loa, ame ka hopena i kau aku maluna o Mira, a ma kela wahi o kana moolelo, aole e hiki iaia ke hoomau hou aku, aka noke okoa iho la oia i ka uwe.'me ka walania maoli o ka naau. "E hoomau aku i kau moolelo!" i .pane -mai ai o Ivana me ka paa ana mai ma ka Kma, o ke kauna opio. "E lioike mai ia'u no Mira!" Elike nie ke koi a īvana iaia, pela no o Rurika i hoakaka mai ai no kona lioea ana i ke kulanakauliale o Tureke, ame na mea 1 hanaia malaila, a iaia i hooki iho ai i kana kainailio ana, noke okoa a:ku la oia i ka uwe. "Pehea, manao no anei oe, ua hoihoi hou ia aku o Mira no ka hale o Selima?" "Aole he mea i maopopo ia'u, aka nae ma ka'u koho w<(Te aku no, me he mea la, ua loaa hou oia i kekahi poe, a ua hoihoiia no ka hale o kela kanaka nana i kuai iaia." 1 "Me he mea la, ua kulike aku la ko'u manao me kou, a he keu aku maoli a ka nui o ka pilikia!" "He pilikia mai hoi kau a koe aku!" me ka hoomau ana aku no o Rurika i ka uwe, a nona hoi ka uwe, ua komo pu mai la 0 Ivana, ma ka hookahe ana i kona mau waimaka, me ka hoo* j ho pu ana ae i keia maū huaolelo: ' "O, e Mira, e Mira! O oe wale no ke keiki maikai hookahi a'u i ike, aohe ou lua e loaa ai," alaila palulu ae la o Aleba 1 na maka me kona mau lima, me ka hoike okoa ana mai, i ka nui maoli o kona kaumaha me ka ehaeha pu. "Ke ike aku nei au i ka nui maoli o kou aloha ia Mira e Ivana!" i kamailio mai ai o Rurika. me ka hookahaha loa ia o kona noonoo, no keia kulana o Ivana. "Elike me ko'u aloha ia'u iho,*pela iiq ka oiaio loa o kuu aloha iaia." "Alaila heaha kana mea i kamailio aku ai ia oe e pili ana no'u ?" "Hookahi no ana mea ano nui loa ā'u e hoomanao nei, o ia kona mahalo ia oe, no ka nui o kou oluolu, ame kou lokomaikai, a ua aloha maoli no oia ia oe me kona uhane apau." "Ae, ua ike no au i kona aloha ia'u, a pehea nae e hiki iaia ke alo ae, no ka mea owau Ho kona makuakane ponoi, a he kaikamahine oia na'u." | "Auwe, e kuhihewa ana ka hoi au o Aleba kona makuakane!" "Aole, o kona kupunakane ia, ka makuaka'ne o kona makuahine, ka mea a'u i lawe mai. ai.i wahine na'u." "Pehea, ua maopopo no anei ia Mira keia mea?" "Ae, ua maopopo no iaia kona mau makua." 'Ma ka Mira mea i kanhailio mai ai ia'u o Aleba no kona makuakane." "Aole maluna ona na ahewaia, no kana mea i hoike mai ai ia oe," i kaliamaka mai o Ivana i na olelo a Rurika. "Ma keia wahi, he mea pono ia'u ke hoakaka aku ia Joe, i wahi e hoopauia ae ai kou pohihihi.He mau makahiki lehulehu ae nei i hala, ua hele aku la au no Kasia, no ka imi ana i kekahi home. He kanaka wahine-make au ia manawa, o ko'u hoomoe ana aku no ia i ka'u wahine opio iloko o ka luakupapau, o keia ke kumu o ko'u makemake ana, e kaawale loa aku ko'u home, mai kahi aku o ko'u lahui kanaka ponoi. Ma kela huakai imi i home hou, ua hookipaia aku la au, maloko o ka home o Aleba, he kanaka hahai hololiolona. He kaikamahine opiopio ka keia kanaka o Mira no ka inoa, a mahope o ka noho ana ma kela home no kekahi manawa, ua lawe mai ila au iaia, i panihakahaka ma kahi o kuu wahine i make. "No na makahiki he umi-kumamalua ka maua noho pu ana iloko o ka hauoli, a iloko o keia mau makahiki o ko maua noho mare ana, hookahi no a maua keiki he kaikamahine, ua kulike loa no na ano o kona makuahine me ia, a ua kapa aku no maua i ka inoa o kona makuahine maluna ona. Mahope o ka make ana aku o kuu wahine, ka makuahine hoi o kuu Mira, ua hele aku la au no Azofa, a ilaiia i halawai ai au me ke Kauna Keoni Kalikini, a mai iaia mai, i loaa ai ia'u ka ike, no kekahi mau mea lehulehu, a o ke kumu hoi o ko'u hooholo ana i ko'u manao, e hele no Rusia. "Ua waiho aku la au-i kuu kaikamahine malalo o ka malu 0 Aleba, a ua koi aku la au ia Mira, e hoohiki mai oia imua o'u, e kapa aku oia ia Aleba he makuakane nona, oiai au e kaawale ana ma ka aina mamao. "Ua hele aku no au e ike ia laua, i kekahi manawa mahope mai, aka ma keia hope aku nae, aole e hiki ia'u ke kiei hou aku 1 ka home a makou i noho ai a kamaaina, a aole hoi e ike hou i ko laua mau helehelena." "Pehea oe i papa aku ai ia Mira, i ke kapa ana mai ia oe he makuakane nona, oiai oe i kaawale aku ai i kahi mamao?" "Aole no au i papa maoli aku iaia, aole e kapa hou mai ia*u he makuakane nona, aka o ka mea oiaio no ea, ua noi aku au iaia, e npna aku ia Aleba ma ke ano o kona makuakane ia, i oiai au e kaawale ana mai iaia mai. O ko'u kumu o ke koi ana aku iaia e hana pelā malalo no ia o na mea maa i ka laN welawe mau ia ma kela ainā, o ia hoi, o na kaikamahine aole] 0 lakou mau makuakane aole no hoi lie mau makuahine, e haawiia ana lakou i mau wahine na kekahi poe, e ke kaukaualii,j e hoomalu ana maluna o kela kauhale, a he mau kumu okoa ae no kekahi." "īa'u o ka hoike ana aku imua o Mira, o oe ka mea nana 1 kauoha ia'u e hele aku no kahi kauhale o Kamali, ua mai la oia i ko'u inoa, pehea i loaa ai iaia ko'u inoa?" "I ka manawa hope loa a'u i hele aku ai e ike ia laua, ua kamailio aku au e pili ana ia oe, a me he mea la, pela oia i manāo ai, o oe ua kanaka la a'u i hoakaka aku ai i kou ano, ame kou inoa. Ma kela wahi o na kamalio mawaena o Ivana ame Rurika, ku ae la o īvana iluna, me ka noke ana iho i ka holoholo, aia hoi o Rurika ke hakilo pono mai la, me kona kahaha i ke ano o keia kanaka. , Ua pau ka uwe ana o Ivana i kela manawa, ua auhee aku hoi na hoailona o ke kaumaha mai kona helehelena aku, aka nae i kela ame keia manawa, e nui iho ana kona tianu, a e ka ana no hoi kona mau lima, a iaia i hele mai ai a ku iho la iwaena o ke keena paahao, hooho ae la oia i keia mau olelo:

| "E h'oohioloia ka hale o Sēlima e pono ail" alaila leha ae la kona mau maka iluna, a puana hou ae la i keia mau huaI olelo: "I\la ke ola ana oke Akua oka lani, ina Ua hoopilikm aku 0 Selima i kuu loaikamahine ma kekahi ano, e hookahēia no kona koko, no ia hana. E hookolo aku ana au mahope o kela kanaka, ina no ia he mea no'u e kahiko ai iloko o ka lole o ka iliohae. Heaha na e kela mea e nakeke mai la mawaho?" Hakalia no a pau kela kamailio ana mai a lVana, o ka wa 110 ia i loheia āku ai ke kani ana mai o kekahi pukuniahi. me ka hoonaueueia o na paia o ka halepaahao, a he itrau piikuniahi hou ka i iikali aku mahope o kela pu mamua, tne kte lioonaueueia ana o ke kulanakauhale lioiookoa, a o ia ka Rurika, 1 ninau ae ai: "Ea, heaha ka manao o kela mau pukuniahi i kani mai nei?' > "Ma kuu ola ana, eia ka cmepera ianei i keia manawa, o na pukuniahi hoailona kela no ka cmeperal" "Alaila ua hoea mai nei anei ka'Ehiepera Nikola no Odtsa nei?" i pane ae ai no hoi o Rtirika me ka piha kahaha. "O ka kaiia hoi ia e lohe ae la i'ke kani o na pnklmiahi, aole he mea e ae nona kela mau pu, 'lio ka emepera \Va!e iio." "Ina ua hoea i'o mai ka etnepera i Odesa nei, alaila aote'hc manaolana no ko'u palekana !*' walii a Riirika me ka tiiartfeo!lana poho. "Ua manao hoi au e hiki ana la ia'u ke pafctle ma kekahi ano, mamua o ko'u hoea ana aku no ke kulanakauhale o Rusi'a." "Mai hoopau i kou mati manaolana, tna!!a ahi kokui ma kahi kokoke ia oe, nolaila e kau aku i koti mau maka i iia mauna, mailaila no na koktta e hoea mai ai. Oiai ke ola iloko oke kino, pela no ka mau ana oka manaohma. Ua lawa paha keia hui ana o kanii, e haalele ana au ia oe, no ka mea he pono ia'u e ike aku i ka emepera, alaila holo loa aku no Kohakihopela." "Ke i hou aku nei au ia oe e hoolana i kou manao. a e kau aku i kou manaolana no ka wa e halawai hou ai 'kaua, a i hoike aku no au ia oe ea, ua kamaaina slu i ka Emepera Nikola, a ua hiki ia'u ke hana aku i kekahi mau mea nou e pono ai." Hakalia no apau kela mau olelo i ke kaftiailioia mai e Ivana, haawi mai la oia i kona aloha hope, a oili aku !a iwaho o ke keena paahao, a iaia i hele aku ai no kahi e oili aku ai iwiho, lohe aku la o Rurika, i ke kamailio o Ivana me ka lunapaahao, a mahope aku o kela manawa, lohe hou aku la oia i ka nakeke o ka laka ame ke ki, a pau aku la kona lohe hou aiia i na olelo. e hoike mai ana, tia hala aku o Ivaha, no kahi i maopopo o!c iaia nei. Ma kela noho hookahi ana iho o Rurika, ua ntii mkoli katia mau mea e noonoo ai, me kona hoomaopopo ana iho, ua loaa kekahi kokua hou tio ka pono o Mira ma o Ivana la, a ua hoomama iki ia mai ko Rurika mau manao kaumaha ma kekahi ano, aka nae no ka hiki iaia ke pakele mailoko aku o ka halepaahao, o kekahi kela o na ninau ko'iko'i loa. MOKUNA XXIII. Ma ke kakahiaka nui ana ae, ma kekalii la mal, mahope o ka hele ana aku o Ivana e ike ia Rurika maloko o ka halepla* hao, ua hookah&hā loa ia ke kauna opio, i ke komo aiia alen 0 ka lunapaahao iloko, a hoala aku la iaia mai kona hiamoe mai. "He keu aku maoli ka hoi ka maikai o kou hiamoe aua!" i kamailiō aku ai ka lunapaahao, no kona ike ana aku, aole o Rurika i ala mailuna mai o kona wahi moe. "Heaha auanei, he liiaa wale no ka'u hana i keia po, a eia no ko'u hiamoe ana, a ua wanaao iho nei, pela i hiki ole ai ia'u ke ala koke i keia kakahiaka." He nu hou ka'u i hele mai la e hoike mai ana ia oe, o ua nuhou la o ia 110 keia. Eia ka Emepera Nikola 1 Odesa nei, a ua makemake oia e ike ia oe, nolaila nau no ia e koho iho, ina paha he mea ia nou e pono ai, a aole paha." Ke kunana la o Rurika, me ka maopopo ole o kona hopena, hoala mai la oia i na hoomanao ana, no kela hopuia ana ona, a hoopaaia maloko o ka halepaahao, pela hoi kona pakele ana mailoko mai o ka halepaahao, ame kona ki ana i kekahi poe koa a make; nolaila 'aole he maopopo iki o kana mea e hana aku ai, aka nae no ka hooko ana aku i ka makemake o Nikola he mea pono iaia ke ku aku imua ona, ina no ia no kona lanakila, a no kona poino paha. "Pehea, e ae mai ana anei oe, e haawi i manawa no'u e kahi ai i ka umiumi, a e holoi ai i ko'u mau maka, mamua o kt ku ana aku imua o ka emepera?" "Ae, ua hiki ia oe ke kahi i kou umiumi, ke awiwi mai no hoi oe," alaila lawe aku la ka lunapaahao i kana lawehala no kekahi rumi uuku, malaila o Rurika i kahi iho ai i kona umiumi, me ka hoomaemae ana iaia. No ka hapaha hora paha kela kakali ana o ka lunapaahao, ua makaukau iho la o Rurika, o ka laweia aku la no ia o ke kauna opio, nowaho o ka halepaahao a kaa aku !a malalo o' ka malu o kekahi poe koa, e kakali mai ana o kona hoea aku. o kona laweia aku la no ia, no kekahi hale pohaku, aole no he mamao loa mai ka halepaahao aku. Ma ka puka o kela hale pohaku, e ku ana kekahi koa kiai,a iaia i ike mai ai i ka lawehala, ua hoouna aku la oia i kekahi mea e.pii no ka halemaluna, a i ka hoea hou ana mai o leela koa, kauohaia mai la o Rurika, e pii aku oia no kt papahele elua. Ia Rurika i hoea aku ai maloko o kekahi keena nui, aia maloko olaila he elua mau aliikoa e noho ana, hooka*uluaia o Rurika'maloko o kela keena no kekahi mau minuke, alaila waihoia aku la oia malalo o ka malu o kekahi mau koa elua, a lawe hou ia aku la no kekahi hale hou aku maluna. īa lakou o ka hoea ana aku mawaho o kekahi puka, e kiaha ana e na koa elua, ua komo aku 1a lakou nei iloko o ktkahi rumi nui akea, me ko Rurika hele ana mawaena o na Voa, aia hoi na aliikoa lehulehu, e nonoho ana maluna o ko lakou mau noho, ma ka aoao o na pakaukau, me ko lakou noke ana i ke kakau. Mamua o, kekahi pakaukau nui, e holoholo ana ka Emepcra Nikola, me ke kulou o kona poo ilalo, aka iaia nae i lohe mai ai i kela komo ana aku o na koa me ka laua lawehala, ua huli mai la oia kahi a Rurika ma e hele aku ana, me ka pane ana ae o kekahi aliikoā: E ka Mea Mahaloia, eia ka lawehala au i makemake a? e laweia mai imua ou," walii ana me kona kulou ana mai imua o ka Emepera Nikola. "Ae, ke ike aku nei au iaia;" i pane ae ai no hpi ka Emepera Nikola, me ka leo, o kekahi kanaka e kauia ai ka weli, me ka haka pono ana mai hoi kana nana ana maluna O lee kauna opio, ka mea nana i kono mai ia Rurika, e nana ilnna o ka papahele, no ka hiki ole iaia ke hoao aku e hoaano imua o ke kanaka a ko Rusia holookoa i weliweli loa ai. (Aole i pau )