Ka Nupepa Kuokoa, Volume LXVI, Number 2, 13 January 1927 — KA POMAIKAI O KA HANA HOOMAKAULII. [ARTICLE]

KA POMAIKAI O KA HANA HOOMAKAULII.

.Ma ka Poakahi iho nei, i weheia ae ai ke Kalapu Hoahu Karisimaka o ka 1927, o ka Banako o Bihopa Aa, a e mau ana ka hamama ana o kela kalapu no ka poe apau e makemake ana e lilo i mau lala, i kela ame keia la, ahiki i ka Poaono, ka h 22 o keia mahina no. O ka o ke kukuluia ana o keia kalapu, o ia no ka loaa ana he waihona no kela ame keia lala, ke hoea mai : na la kulaia iloko o ka mahina o Dekemaba. O ka poe apau i komo aku iloko o keia hoahu kan--imaka, o na makahiki aku nei i hala. ua ike maoli lakou i ka pomaikai kiekie loa, o ka lilo ana i mau lala no kela kalapu, a no keia kumu, i komo hou ae ai no lakou i mau lala no ke kalapu hoahu o keia makahiki. O ka poe liilii loa o ka lakou inau loaa o ka piile, ahiki aku \ ka poe me na uku mahina kiekie, ua like ko lakou ike ana i na pomaikai o keia hana hoahu iloko o kela kalapu; no ka mea mailoko mai o na kenikeni liilii a nunui paha a lakou i hookomo aku ai ma ke ano hoomakaulii, i ka hoea ana mai i na la kulaia Karisimaka ame Makahiki Hou, ua loaa maoli he mau huina dala mahuahua, a ua hoopauia aku kekahi mau pr līkia lehulehu; ua ukuia aku na aie, ua kuaiia aku a loaa mai na mea apau i makemakeia; a mai kela mau dala mai, i hookahuaia ai, na ha'na hoomakaulii oi ae, e laa ka wehe ana aku i mau moohelu hoahu kaokoa maloko o na banako, a i ole kuai aku paha i kekahi mau waiwai ano nui, ka mea hiki ole ke loaa, ina aole i komo iloko o ke kalapu hoahu Karisimaka. Heaha na kenikeni liilii e hookomoia ana iloko o keia kalapu hoahu, i kela ame keia pule, ke hoohalikelikeia ae, me na dala nunui, e lu wale ia nei no na makemake o ke kino, no na hana uhauha waiwai ole? Ke hoomaunauna wale nei kekahi heluna mahuahua o na kanaka i kekahi mahele o ko lctkou mau ukuhana no na mea waiwai ole i kela ame keia manawa, me ka loaa ole mai o ka pomaikai ma keia ano; a no ka hoopakele ana ae ia kakou na Hawaii, mai na hopena popilikia mai, pela keia pepa, i iini nui ai, e komb i mau lala no keia kalapu. Aole no ka poe i maa ma keia hana hoomakaulii, he hana paakiki no lakou ka lilo ole ana i mau lala no ke kalapu o keia makahiki; aka no ka poe i maa ole, a i nele maoli no ka noonoo ana ika pono ame ka pomaikai o ka hoomakaulii ana, no lakou maoli no ka manao nui o keia hoeueu ana. Elike me na hana apau, me ka liilii e hoomaka ai i kinohi pela no ka oiaio loa o keia kalapu hoahu karisimaka, no ka mea mailoko mai o na kenikeni liilii e hoahuia ana i kela ame keia pule, i ka piha o na pule he kanaha-kumamahiku, ua lilo maoli na mea i hoahuia, i huina mahuahua, no ka hoohana ana aku ma na alahele apau e hoopomaikaiia mai ai ka ohana, ma na ano lehulehu.