Ka Nupepa Kuokoa, Volume LXVI, Number 2, 13 January 1927 — KA PILIKIA O KA HANA KALAIAINA. [ARTICLE]

KA PILIKIA O KA HANA KALAIAINA.

Ma ka lawe ana ae o ka Makai Nui David L. Desha, i ka hooponopono ana i ka oihana makai o Honolulu nei, ma ka la 3 iho nei o keia mahina, ua lilo i mea kamailio nui ia iwaena o ko ke kulanakauhale nei poe, mai na Repubalika a na Demokarata, kona hoopau ana aku i na hope makai nui, i paa loihi i ko lakou matf kulana, a hookohu aku la i poe hou ma ko lakou mau wahi. O ka Hope Makai Nui Julius W. Asch, kekahi hope makai nui 1 paa i kona kulana no ka manawa o umi-kumamawalu makahiki, i minamina nui ia e ka lehulehu o ka poe i nana aku iaia, ma ke ano, oia kekahi o na kanaka kahiko me ka hooko pono i kana mau hana, elike me ka makemake o ke kanawai; aka ma ke kalaiaina nae. aole e lilo ke kahiko a kupono paha o kekahi inea. i kumu nona e hoomauia aku ai ma kekahi kulana.