Ka Nupepa Kuokoa, Volume LXVI, Number 2, 13 January 1927 — IKEIA KA AIHUE ILOKO O KA RUMI MA KA WANAAO A LILO AKU KE DALA ME KA HUIHUI [ARTICLE]

IKEIA KA AIHUE ILOKO O KA RUMI MA KA WANAAO A LILO AKU KE DALA ME KA HUIHUI KI

Komoia ka. rumimoe o Frederick J. Lowrey, ka peresidena a lunahoohana o ka Hui Lui ame Kuke ma ka hora 3 o ka wanaao Poaha o ka pule i hala aku la, a i ala o Mr. Lowrey i ka nakeke o ka ume o kana pahuku, a iaia i lele iho ai mailuna aku o kona moe no ka hoao ana e hopu i ke kanaka komohewa, ua holo aku la nae ka aihue a nalowale iloko o ka pouli. I ka huli ana aku i kahi o ka aihue i komo mai ai ua loaa aku la iaia ka ike ma ka pou o ka lanai ka pii ana mai o ka aihue a komo mai la iloko o ka rumimoe ma ka papahele elua o ka hale a o kekahi puka aniani e hamama ana. O na waiwai i loaa i ka piko pau iole a i laweia aku eia he mau wahi kenikeni liilii me kekahi huihui ki, iloko na dala o ka bila buke kahi i waiho ai, elike me ka Mr. Lowrey o ka hoike ana ae i ka oihana makai. O ka home o Mr. Lowrey o ia kekahi o na hale nani maloko o Honolulu, e ku nei ma ke kihi o na alanui Vitoria ame Lunalilo. No ka minamina loa o Mr. Lowrey i ka buke bila ame ka huihui-ki o keia hoolaha malalo nei kana o ka haawi ana mai i ka Advertiser no ka hoolahaia ae: "Ina ua pau ka makemake o ke kanaka nana i lawe aku kuu dala ame ka huihui-ki mailoko aku o kuu hale e hoihoi ae ia mau mea i ke keena o ka hale o Lewers & Cooke Ltd., e loaa aku ana ka hoomaikaiia. F. J. Lowrey. Aohe pane i loaa ae no ka hoolaha elike me ia ma ka lono hope loa i loaa ae.