| | | | | | | | | | | |
| | |
| | NUPEPA KUOKOA, HONOLULU, T. H. POAHA, IANUARI 20, 1927 ELIMA | |
| | |
| | | | | | | HE $2100 NA HOOPAI I KAUIA MAI E KA AHA NO NA HIHIA WAIONA He $2100 ka hoopai kanono a ka aha federala a ka Lunakanawai Wil- liam Rawlins, o ke kau ana mai ma-luna o ka poe hakihaki kanawai waiona ma ka Poakahi nei a hookahi oia poe haihai kanawai i hoounaia aku i ka halepaahao no eono mahina. Mahope iho o ka ae ana ae o Toyokichi Yamashita, he Kepani hana waiona i hopuia ai ma Waimanalo ma ka la 9 o Dekemaba i hala e ke kokua Akena hookapu waiona George Bruns, ua kauia mai la ka hoopai o $500 maluna ona no ka loaa ana aku o ka waiona malalo o kona malu; he $500 no ka loaa ana aku o na meahana waiona malalo o kona malu, a no ka hana ana i ka waiona he hoopai paahao o eono mahina ka i kauia mai maluna ona. No James Akina, he kanaka kuai lei a he kuai waimomona hoi kekahi hana ana maloko o kekahi wahi rumi ma kahi kokoke i ka Paka Aaia, a i hoopiiia ae ai no ke kuai waiona ma ka la 23 o Dekemaba, ua ao ae oia i kona hewa a ua kauia mai ka hoopai kanono $500 ma- luna ona me na koina pu o ka aha. No Able Lino i paa ae ai i ka hopuia i kona manawa e hoao ana e lawe aku eono paina omole bia iluna o ka moku lawe ukana Victorious ma ka la 28 o Dekemaba, a ma kana o ka hoakaka ana ae imua o ka aha he makana ka ia mau omole bia i ke poo wiliki oluna o ka moku, a i hoopaapaa ai oia me na makai o ka halekukeawa ma kona manawa i hopuia ai, he HOO kona hoopai me na koina o ka aha. No N. Higa i hopuia ai ma ka la 10 o Dekemaba ma kona hale ma Kamoiliili he eono mau galani okolehao malalo o kona malu, a i malamaka oia ia mau galani okolehao maloko o kona hale ma ke ano he laau lapaau, wahi ana imua o ka Lunakanawai Rawlins, he $500 kona hoopai o ke kauia ana mai me na koina o ka aha. HAAWI KA AHA KIEKIE I KA PONO MA KA AOAO O KA MEA HOOPII Ma ka hihia hoohalahala a Josephine Wilson, ma o kona kahu hanai la W. E. Bal, e kue ana ia J. H. Kunewa, ka Lunahelu a ohi au-iau o ke kalana o Maui, ua haawi ae ka aha kiekie i ka pono o kana olelo hooholo ma ka aoao o ka mea hoopii, he hihia i hoohalahalaia mai i ka aha kiekie e ku-e ana i ka olelo hooholo a ka aha apana o Maui, ka aha nana i haawi i ka pono ma ka aoao o ka lunahelu a luna ohi auhau o Maui. Ua kapae ae ka aha kiekie i ka olelo hooholo i hoohalahalaia mai ai a ua a'oia aku ka lunakanawai apana e hookomo ma ka olelo o ka aha i olelo hooholo e haawi ana i ka pono ma ka aoao o ka mea hoopii. Na ke Kokua Lunakanawai Kiekie Parsons i kakau i ka manao kanawai o ka aha kiekie a ua kokuaia ae me ka lokahi e ka Lunakanawai Kiekie Perry ame ke Kokua Lunakanawai Banks. O ka mea hoopii ma keia hihia oia o Josephine Wilson oia kekahi o na hooilina i ka waiwai, e loi ana e hoihoi hou ia aku ka huina o $1.60 i ohi hewa ia me ke ku-e i ke kanawai e ka luna auhau. Ma ka halahala mai ai ka mea hoopii, hihia ua haawi ia i ka pono o kana olelo hooholo ma ka aoao o ka luna auhau Kunewa, a no ia kumu i hoohalahalaia mai ai ka mea hoopii, he kaikamahine oo ole a o kekahi o na hooilina he 10, ia olelo hooholo a ka aha apana i ka aha kiekie. Ma kekahi hapa o ka olelo hooholo a ka aha kiekie e hoakaka ana ia penei: "Malalo o ka hoakaka o ka Pauku 1331 o na Kanawai i Hooponopono Hou ia o Hawaii o ia 1925, i ika wa o kekahi kuleana i mahele ole ia o kekahi hoa-aina iloko o ka waiwaipaa e nohoia ana eia ame kona mau hoa-aina ma ke ano o ko lakou home wale no ia hona ka waiwaiio o $1500 a i ole emi iho paha, aohe auhau e hiki ke ohiia i ku i ke kanawai maluna o ia kuleana i oleloia." PAKELE NA OLA O KEKAHI POE MA KA MANAWA O KA HOOKUI ANA O NA KAA Ma ka apua walo no ka pakele ana o na ola o kekahi poe lehulehu mai ka mako mai ma ka po o ka Poaono o ka pule aku la i hala, ma ka manawa o kekahi kaa nui Hud- son e kalaiwaia ana e Robert Ka- mai i hookui mai ai me kekahi kaa oto Chevrolet e kalaiwaia ana e Manuel Baptista ma ke kihi o na | alanui Moi ame Puowaina. O Bapt- ista ka mea i loaa kekahi mau eha ma kona wawae a ma kona lima, a o James Ah Kim hoi, he keiki o 11 makahiki, kekahi o na ohua maluna o ke Kamai kaa ka mea i eha ma kekahi mau wahi o kona kino. Ma ka Baptista hoakaka ua holo mai kona kaa a ku ma ke kihi o na alanui Moi ame Puowaina, a iaia i hoomaka mai ai e holo a e hoohui ae i kona kaa no ka holo ana ma ke alanui Moi, a i ka aneane ana e hiki iwaena o ke alanui o ka wa ia i hookuiia mai ai e ke kaa e kalai- waia ana e Kamai. No ka ikaika loa o ka hookuiia ana mai ua poino ka noho ame ka aoao o kona kaa a ua kauoia aku no aneane he 25 kapuai mai kahi aku i hookuiia mai ai. No ko Kamai kaa he liilii Ioa na poino. Ma ka Kamai hoakaka imua o ka makai ma kahi ka o ka 20 mile ka mama holo o kona kaa ma kela manawa i hookui ai. Aohe o Kamai i eha, a pela me ke kaika- mahaine e kau pu ana me Baptista. HAALELE MAI O DAVID KA-LI SR, I KEIA OLA ANA. Ma ka hora umi-kumamalua o ka auwina la o ka Poalua aku nei o ka pule i hala, i haalele mai ai o Mr. David Ka-li, Sr., kekahi o na kanaka kamaaina o keia kulanakau- hale i keia ola ana ma kona home ma ka Helu 1529 Chung Hoon Lane, mahope o ke kaama'i ana no kekahi mau la loihi. He kanaka o David Ka-li i noho iloko o ka oihana makai no kekahi mau makahiki a i kona hala ana aku la oia kekahi wiliki o Kawa ae nei. Ma ka hora ehiku o ke ahiahi Poaono mai i weheia ae ai kona kino ma ka Halekupapau o Silva, a ma ka hora ekolu o ka auwina la Sabati ae, i malamaia ai kona ana- ina haipule, a mahope iho i laweia aku ai kona kino wailua no ka mo- kuahi Claudine no ka hoihoi loa ia ana aku no kona onehanau ma Kona elike me kana kauoha. He lala o David Ka-li no ka Aha- hui Kamehameha a ua akoakoa ae na lala apau o ka Ahahui Kameha- meha ma ka Halekupapau o Silva ma ke ahiahi Poaono no ke ku-uwaki ana, a no ko komo ana ma kona hoolewa. HAINA NANE. Mr. Lunahooponopono o ke Kuo- koa, Aloha Happy New Year kaua: —Eia hou no au ke noi aku nei i kou oluolu, ina he wahi rumi kaa- wale kekahi o ka hiwahiwa a ka lahui ka Nupepa Kuokoa; no'u ia rumi, no ka hoike ana ae i ka haina o ka nane a ke keiki o ka pali kapu o Keoua, no ke kolu o ka manawa, ka nane hoi nana e hoopuhili nei ka noonoo o na olohe huli nane, mai Hawaii, a ka palena o na moku ma- lia, o ka'u haina hope keia e ma- loo ai na iwi o Hua i ka la. Alia nae hoi, pela iho a puka aku, a ike iho oe. Mahele 1. — Owau no ka alepa ame ka omega, ke kumu me ka welau owau ka oi maluna o na meaulu apau o ka honua, aole mea nana e pa'i kuu po. Mahele 2.— Owau no ia, hele au i ka nui, ka loa ame ka laula. Mahele 3. pololi oukou hanai aku au i ka ai, makewai hoohainu aku au. Owai au i ka mahele mua. Haina, Mu'o. Owai au i ka mahele elua. Ha- ina, Lau. Owai au i ka mahele ekolu. Ha- ina, Niu. Owai kuu inoa piha ke huiia. Haina, MUOLAUNIU. Wehewehe ana. Ma ka hapa ho- pe o ka mahele 1 penei, owau ka oi maluna o na meaulu apau o ka honua, aole mea nana e pa'i kuu poo. Mu'o no ka mea o ka mu'o ka mea puka mua o na meaulu apau o ka honua, aole mea mamua o na. Elua, owau no ia, hele i ka nui, ka loa, ka laula, Lau no ka mea ua pii ae ka Mu'o me kona owili HOOLAHA HALE O NA ALII O HAWAII (Ahahui Poo) E malamaia ana ka halawai ku- mau o ka (Ahahui Poo) o ka Hale o Na Alii o Hawaii, ma ka Moose Hall i keia Poalima, Ianuari 21 1927, ma ka hora 7:00 p. m. Ma ke kauoha a ka Iku Hai, LOUISE AKEO, Iku Kau. 6446— Jan. 20. HOOLAHA I KA POE PAA AIE Oiai ua hookohu pono ia mai ka mea noua ka inoa malalo iho nei i kahu no ka poe paa aie ame ka poe paa mahele o ka Heeia Agricul- tural Company, Limited, he Hui Ha- waii, i hoopauia ma ke kauoha a ka Puuku o ke Teritore o Hawaii ma ka la 16 o Dekemaba, 1926, ma keia ke haawi aku nei i ka hoolaha i ka poe paa aie apau o ka hui i oleloia e waiho mai i ka lakou mau koi iaia, ke Kahu i oleloia, ma kona wahi lawelawe oihana ma ka Helu 120 Alanui Moi Hema, Honolulu, iloko o kanaiwa (90) la mai ka la aku o ka hoopuka mua ia ana o keia hoolaha o hoole mau Ioa ia aku auanei. HAWAIIAN TRUST CO., LTD. Kahu no ka poe paa aie ame ka poe paa mahele no ka Heeia Agri- cultural Company, Limited. Prosser, Anderson & Marx, Na Loio no ke Kahu i oleloia, 507 Hale Stangenwald, Honolulu, T. H. | | | | | | | | |
| | | | | | a mohala hele i ka nui, ka loa, me ka laula. Ua kapa ia, ia he lau. Ekolu pololi hanai aku au i ka ai, makewai hoohainu aku au. Niu, no ka mea he ai, he wai, iloko o ka niu. Nolaila, o neia mau mahele apau ekolu ke huiio a hookahi Muolauniu. Me ka lana o ka manao e loaa ana kahi puolo o ka New Year o ka 1927. Me na keiki o kou papapa'i ko'u welina ame oe e Mr. Lunahoopono- pono ke aloha makahiki hou. Ko'u a mau, L. K. P. KA EHUKAI O PALE MANO. Ua hoi puolo io oe, no ka mea ua weluwelu liilii mai la ka paa o ka pali kapu o Keoua i kau owili kiana pauda. Ua hele mai la kau haina a pili pono ka la i Papaena- ena. Hoounaia mai kou inoa polo- lei i ka lunahooponopono a ke Kuo- koa, aia hoi e loaa mai ka makana, alaila paneeia aku ko nupepa haawi wale!— L. H. HAINA NANE. Mr. Solomon Hanohano; Aloha ha- pe Nuia kaua: — E oluolu oe e hoike | ae i ka'u haina o ka nane a ke kai- kamahine o ka ua Komaliu, e olelo ana: Pouli i ka honua, malamalama i ka lani, a he kohu bebe ka uwe wale. Haina. AKAAKAI MAHINA. Peneia ka wehewehe ana: Kanuia ke akaakai iloko o ka lepo, he pouli ia i ka honua. Hapa elua o ka nane e olelo ana malama- lama i ka lani, haina mahina, aia ka mahina i ka lani me kona ma- lamalama. . Ina e huiia ka hapanuia me ka hapa elua, loaa ka inoa piha. Aka- akai Mahina, a olelo hou ia, he ko- hu bebe ka uwe wale, no ka nana iho no o na maka i ka wa e lomi ai i ke akaakai, pii ae la ka wela i na maka, he kulu mai hoi kau o na waimaka uwe ka opua. Loaa pono aku la paha ke kaika- mahine o ka ua Komaliu i ke keiki o ka Uanoe o kuu aina! Owau iho me ka welina, POKAPAHU O HAUPULANI. Ua loaa pono i'o mai la ka haina pololei o ka nane ia oe. Hoounaia mai ka inoa pololei i keia keena, aia hoi a waihoia mai ka makana alaila paneeia aku! — L. H. | | | | | | | | |
| | | | | | | HOONANEA NO KA MANAWA. Kaao No Pikoiakaalala (Hoopukaia e J . K. Mokumaio) MOKUNA 1. O Alala ka makuakane, o Ko'u- ko'u ka makuahine, o Iole, o Opea- pea na kaikuahine o Pikoiakaalala, he mau mua laua ma ka hanau ana no Pikoiakaalala. He mau makuo iole keia ame na keiki, a he kanaka kekahi ano o lakou; maloko o keia kaao e mao- popo ai. O Wailua i Kauai ka aina hanau o Pikoiakaalala, hapai o Ko'uko'u a hanau, oia o lolo he kaikamahine, hapai hou a hanau o Ope'ape'a, he kaikamahine, hanaiia laua a nui ho- lo i Oahu nei. Hoao laua me na kane kaukaualii koikoi ai ahupuaa o Oahu nei. Ia wa e alii ana o Kaulamawaho me kana wahine o Kekakapuoma- luihi no Oahu nei. No ko laua haa- lele ana ia Kauai a holo i Oahu nei, ke ole laua i ka hanau ana o Pikoi- kaalala, ko laua pokiikane. A ha- li mai laua, hapai o Koukou ko la- kou makuahine ia Pikoiakaalala, a hanau he keikikane, hanaiia a nui, a pii kona kino me ka maikai o ka helehelena, o ka lauoho nae he ano hulu iole. Iloko o ia wa he mea mau i na kanaka na keiki ka akoakoa ma ka- hi hookahi o Wailua e lealea ai, e makaikai no na mea e hanaia ana. Ia lakou e uwa ana me ka hoo- kanikani pihe no ka olioli, komo aku la keia leo ma na pepeiao o Pikoiakaalala, alaila ninau oia i ko- na makuakane ia Alala: "E Alala, heaha keia leo e uwa nei o kai o Wailua nei!" "He olohu," wahi a Alala. "Pehea ia mea!" wahi a Pikoi- akaalala. "Penei; olohu iho la, na mea elua a oi ka olohu a kekahi, uwa ae la, kani ka pihe, o ia kela leo au e lohe la." I aku o Pikoiakaalala: "E iho o nana," wahi a Alala. A hala keia la, uwa hou ka pihe, kokolo hou ka leo a lohe o Pikoia- kaalala. Ninau hou ia Alala, o ka lia ia: "Heaha keia uwa hou o W!" "He pahee; pahee iho la a holo loa aku la ka pahee a kekahi uwa M u." "E iho au," pela aku o Pikoi- akaalala. Hoole mai o Alala: "Aole oe e iho." Uwa hou ka pihe o kai, o ke kolu ia, ninau hou ia Alala: "Heaha keia leo hou e uwa nei!" Hai mai Ia o Alala: "He koieie I ka haki wai ana, penei ke ano he wahi papa pokole i hanaia a maikai, lawe a kahi o ka waikahe e ili ana me he ale la o ka moana ke opu .-A a haki aku, ilaila e lana malie ^pi me ke kauaheahe, a o ka mea a Alaaa ana peia me ka lilo ole i ka -mi, o ia kela pihe e uwa mai la." "E iho au!" pela aku o Pikoia- kaalala ia Alala. "Ae." Hana iho la o Alala i koieie na Pipoiakaalala a hookuu aku la e iho i kai o Wailua, i kahi I na kanaka e piha ana. Akiki o Pikoiakaalala me kana koieie, nana mai la na mea apau iaia nei me ka haohao. Mahope ola- Hu, kiola na mea apau i ka lakou koieie i ka wai (o ia ka muliwai o Wailua.) o Pikoiakaalala kekahi i Inoia i kana koieie, oi loa aku la ka maikai o ke kau aheahe o kana koieie mamua o ka na keiki apau. Nolaila huahua lakou iaia nei me ka opu kekeue. Lalau kekahi ke- iki i ka Pokoiakaalala koieie a ki- ola i kahi kahe ikaika o ka wai, a kahe aku la ka wai me ka ikaika Ioa, lilo aku la ke koieie a hui me ke kai. Mahope o ke kiola ana i ke koi- eie, lele aku la o Pikoiakaalala ma kahi o ke koieie, i haule ai, a lilo aku la keia i ka moana ma ka ika- ika o ka wai po a ao ao a po i ka moana pae i Oahu nei. Ma ke awa o Kou nei kona pae ana a noho iho la ma ka aeone, he olulo ke ano, no ka mea ua pololi i ka make a ka ai ame ka i'a. No Na Kaikuahine. E noho ana laua me ka laua mau kane koikoi ai ahupuaa, aia malalo o laua, he kanaka malama waiwai o Kauakahi ka inoa. Hele aku la o Kauakahi ma kahi a Pikoiakaa- lala e moe ana, ninau iho la: "Ma- hea mai oe!" "Mai ke kai mai nei," pela aku o Pikoiakaalala. "E hoi kaua i ka hale," pela aku o Kauakahi. Ahiki laua i ka hale, olelo aku la o Kauakahi ia Iole ame Opeapea na kaikuahine o Pikoiakaalala: "He keiki ka'u eia la loaa aku nei ia'u e moe ana ma ka aeone; nolaila la- we mai nei au i ka hale nei e noho ai me a'u. Ninau aku la o Iole me Opeapea U Pikoiakaalala: "Maihea mai oe. Owai kou aina hanau ame na ma- kua. I aku o Pikoiakaalala: "O Wailua i Kauai ko'u aina hanau, o Alala ko'u makuakane, o Ko'uko'u ko'u makuahine." A lohe o Iole ame Peapea i keia olelo a Pikoiakaalala, maopopo ia -Lpa he kaikunane pokii keia no U^m ma ka loaa ana o ka inoa o na makua. Lele aku la laua uwe, akai aku la i ka pili ana ia Pikoia- kaalala. O ka laua mau kane aia i ka ma- kiai me na kanaka, hoouna aku la la-a ia Kauakahi e kii, me ka olelo aku ua hiki mai ke laua kaikoele. | Ahiki o Kauakahi, olelo aku la: "I kauoha mai nei na'lii wahine ia olua e hoi olua i ka hale, ua puka mai ko olua kaikoeke mai Kauai mai, e kalua puaa ame ka ai." Ia wa, makaukau na mea apau ahiki i ka hale, kalua ka puaa me ka ai, kaha hele aku la o Pikoiakaalala, a puka aku la i kahi o na lii o Oahu nei e noho ana ahiki oia, e pili ana na'lii i ka pana iole. O na'lii o Kaulamawaho ke kane, o Kekakapuomaluihi ka wahine, e pili ana laua i na waiwai. O Mainele ka ke kane pana iole a o ka wahinealii aole ana pana iole nolaila, olelo hooioi o Pikoiakaalala imua o Mainele, penei; "He mea liilii wale no ia mea, aole ia he mea nalowale." Lohe ke'liiwahine i keia olelo a Pikoiakaalala, kahea mai la e hele aku a kokoke, ahiki oia, ninau mai ke'liiwahine: "Ina he ike oe i ka pana iole, alaila o oe ka'u pana iole, a e pili ko'u waiwai mahope ou, a e pana olua o Mainele," a holo ko laua olelo ana, pili na waiwai. No Mainele, he kanaka kaukaualii oia, a he kanaka akamai loa ma ka pana iole, ana wale no ke eo ke pili, he umi iole e ku i kana pua hookahi, i ika pana hookahi ana. No ka pili ana pili ke 'liikane i kona waiwai mahope o Mainele, pili hoi ke 'liiwahine i kona waiwai mahope o Pikoiakaalala, a mau na pili. Ina e ku na iole he umi i ka pua i ka pana hookahi ana, alaila eo ka waiwai, ina emi i ka eiwa iole o ka pana hookahi ana, aole e eo pela na aoao elua. Ia wa pana o Mainele, ku he umi iole i ka pana hookahi ana, kanikani-pihe ka aha e nana ana, "Eo ia Mainele, Eo ia Mainele." Olelo aku o Pikoiakaalala, me ka hoonaukiuki ia Mainele: "Hawawa. E pono no paha ke ku ma ke kino. o ka iole he aha. nui; ka i ka umiumi o ka iole e pana ai aka la hoi ke akamai, aole ka." "Olelo mai la o Mainele: "Keiki hoopunipuni oe. Mai ko'u la i pana iole ai ahiki i keia la, aole au i ike i kekahi kanaka e pana ana ma ka umiumi o ka iole." No ko hoopaapaa loihi, pili hou no ke ku i ka umiumi o ka iole. Mahope o keia pili hou ana pana o Pikoiakaalala. Aole iole he mehameha wale no ia nahelehele; pule o Pikoiakaalala; o ia kana kalo kalo. Ma keia wahi e ikeia ai, he ano kino iole na makua ame na kaikamahine o Pikoiakaalala. Ka Pule Ana. Aia la o Pikoiakaalala, I hanauia e Ko 'uko 'u, O Alala ka makuakane, O Ko 'uko 'u ka makuahine, O Kikoo o ka po, E kikoo aku ana au ia oe, Ia Uluku, ia Ululono, O Kaulamawaho he alii, O Kekakapuomaluihi, O Kau la hooholoia mai, Aia la aia la, Aia ka iole i ka hua o ka aweo, I ke kumu o ka aweoweo, I ka lau o ka aweoweo, Aweoweo ula i ka la, I moe i ke pili o Kuahuia nei la, Moe, moe mai la ka iole, A hoi mai la i ka iki. I ka pau ana o keia pule paha a ua keiki aiwaiwa nei, ikeia aku Ia ka mano iole. (Aole i pau.) KUU KAIKAMAHINE ALOHA MISS ALICE KAWAILELEO- HIILAWE CHOY FAT, UA HALA. Mr. Lunahooponopono o ka Nu- pepa Kuokoa aloha Hape Nuia ka- ua: — E oluolu mai oe ina he wahi rumi kaawale kekahi no ka'u wahi puolo waimaka e kau ae la maluna, a nana hoi ia e hii hele aku i ike mai ai na hoaloha ame ka ohana apau mai ka la hiki ma Kumukahi a ka welona a ka la i Lehua. Ua hanauia kuu leialoha i ka la 7 o Oct. 1907, he 19 makahiki a oi kona ola ana me ka nui o kana mau hana maikai. Ua noho hana aia me kona mau haku haole no ka imi ana i loaa kona pono, no ka hoomau ana i ka imi ana i ka naauao no 14 makahiki ana i noho hana ai. Komo i ke kula kiekie o Hilo, a ua puka pono mai oia me ka loaa mai o kona palapala hookuu, a no ka nawaliwali o kona ola kino, ua holo mai i Honolulu nei no ka imi ana i ke ala, me ka manao mua ole ia, he mau pilikia, ua poho wale ka manaolana, oiai ma ka la 29 o Dec. halawai me ka ulia, o ia ka hoo- kuiia ana o ke kaa ana e kau ana me kekahi kaa okoa, ka mea nana i hoopokole i kona ola ana a haa- lele mai ia'u kona mama ame kona mau hanaumua ame kona mau pokii, e uwe paiauma aka iona. Kuu kaikamahine hoomanawanui he mea nui au ka makua ame ka ohana iaia a hele aku aia i ke ala o na mea apau. I kona mau la o ola ana, he nui kona mau hoaloha, a i kona mana- wa hopo loa, ua hele mai lakou e iko iaia mo ka lakou mau makana pua me na kuluwaimaka o ke aloha no kuu lei, a pela pu mo kekahi o kona pakii i kona hana ana i ke- kahi mea maikai i kahi e waiho ai o kona kino; nolaila ke haawi aku nei au i na hoomaikai nui i na mea apau i akoakoa mai i ka manawa hope, a na ko kakou Akua ma ka | | | | | | | | |
| KUU KANE ALOHA MR. JOHN AHOTAU SAMOA, UA HALA. Mr. Lunahooponopono o ke Kuokoa, Aloha nu:—E oluolu mai e hookomo iho ma kahi kaawale o kau hiwahiwa ka Nupepa Kuokoa i keia poomanao e kau ae la maluna, i ike mai ai na ohana ame na hoaloha apau o kuu kane aloha Mr. John Ahotau Samoa, e noho ana ma ka la hiki ma Kumukahi, a ka welona a ka la i Lehua. Ma ka la 28, o Dec. 1926, i kii palanehe mai ai ka anela o ka make i ka hanu ola o kuu mea aloha he kane, a lawe aku la i kaua o ka uhane a waiho iho la i ke kino puanuanu na'u e paiauma aku ma ke ia ao. Ua haalele iho oia ia'u i kana wahine ame ka moopuna a maua ame ka ohana no apau, e noho u aku nona. Ua hanauia kuu kane aloha ma ka aina Samoa. I ka umi-kumamalua o kona mau makahiki, ua hoea mai la oia no Hawaii nei, i ka manawa o Lunalilo ke alii. Mai ia manawa mai ahiki i kona haalele ana mai la i keia ola ana, aole loa oia i hoi hou aku no kona aina hanau. No kona mau makua ame ka nui o kona mau makahiki, aohe mea maopopo, ma ke koho aku aia paha ma kahi o ke kanahiku a oi iki pa- ha emi mai paha. Ua noho hana oia me ka oihana makai o Honolulu nei ma ko ano he makai no kekahi mau makahiki, i kona mau la opio, a o ka hope o kana wahi hana a haule aku la ma Puuloa. Ua hoohuiia maua ma ka berita maemae o ka mare e ka Rev. Robert Ahuna. Ua piha ia maua ka makahiki o ka noho pu ana me na pule keu. Ma ke ano nui ke hoike ae he ulia; me ka moeuhane mua ole ke hookokoke mai nei ka pilikia iaia. Ma ka hora 3 p. m., o ka auwina la Poalua, iloko o ka nanea o ka poe hana apau ma ko lakou mau wahi o ka hana, aio hoi ua haule mai la ka hao maluna ona, a hina aku la oia ilalo, Ua kaheaia na kokua a hoihoiia aku la kona kino no ka haukapila o Puuloa. Ua nui na poino i loaa ma kona kino. Ia'u e noho ana me ka nanea, aia hoi kani ana ke kelepona ua pilikia o papa, ke manao nei o kahi pilikia no hoi a lohe ae, eia ka aole ua kukonukonu loa ka pilikia, ma ka hora 7:30 p. m., kani hou ana ke kelepona e holo koke aku no ka haukapila o Puuloa. Ua hookoia aku ia kauoha a ke kauka; ua holo aku la au me kuu pokii ame na keiki a maua no ka haukapila, a ike aku la i ua kano nei a'u me na ehaeha he nui, na ka waimaka no o hele, hiki ole ke paa iho. Kahea iho la au iaia a ninau iho la pehea oe? Pane ae la kela sore. Aloha ka leo o kuu kane i ka pane ana mai e hoala ae olua ia'u iluna. Hooikaika ae la no oia e ala ae aole nae he hiki. Apo ae la kona mau lima ma kuu a-i. Auwe kuu ehaeha ke hoomanao ae iaia. Ma ka hora 9 p. m., i haalele aku ai maua iaia a huli hoi mai la me ka naau kaumaha amo ka ehaeha no ko maua home ma Palama Lane. I ka hoea ana ma ka home kani hou ana no ke kelepona ua haule. Ma ka hora 10 p. m., o kela po poina ole i pili ihi ai kona mau maka a waiho iho la i ka ukana nui he aloha, e hoona ae ana i ko aloha pehea la ia e pau ai. Aloha kuu papa heleloa ka makua hoi o kuu home. Ua hemahema au aole iho nei oe! Ma ka Poakolu ae, i hoihoiia mai ai kona kino no kahi waiho kuo o Bothwick a ma ka Poaha ae, i hoomoeia aku ai kona kino wailua ma ka ilina o Kawaiahao. Na ka Luna Mr. Jas. Hakuole ame kona kokoolua ame ka papa himeni o Ka- palama i malama ae i kona anaina haipule ma kahi o Bothwick a ma ka lua. He makua kuu kane aloha no na mea apau. He oluolu, he heahea, lokomaikai ame na ano maikai no apau ma ka noho home ana ame na mea like no apou. Ua pili ia ka hana a ke Akua e maua me ke aloha, a pela no hoi ka hana a ko kakou Hoku aloha, e hookipa mai ana oia i na hana maikai apau, ma kona home. He oluolu, he aloha oiaio ia'u nei ame ka ohana no apau. Elike no me kana. mau hana maikai apau i hana mai ai ia'u, pela no ka nui o ko'u aloha nona. Aloha kuu papa heleloa! E hoomaikaiia ke Akua, ua ana mai no Oia i na la o kou ola ana ma ka honua nei. Nana no i haawi mai a Nano no i lawe aku. Ke haawi pu aku nei i na hoo- maika ana i ka poe apau i haawi mai i na makana pua no ka hoohiwahiwa ana i ke kino wailua o kuu kane aloha, ame ka poo apau i komo pu mai me a'u iloko o ko'u mau la o ke kaumaha, ame ka ehaeha; a na ke Akua mana loa e hoomaikai mai ia kakou pakahi apau loa, i ka hoomaikai oi ae. Ko hoomaikai pu aku nei i ka Lunahooponopono ame na keiki hoonohohua o kou keena pa'i. Owau iho no kana wahine iloko o ke kaumaha. MRS. ALICE SAMOA. | | |
| | |
| | |
| | lani e kokua ia kakou apau. Ke hooki nei au maanei, MRS. K. CHUN FAT, MRS. ALICE KEPOO. Honolulu, Jan. 11. 1927. | | |
| | |
| | |
| | |
| | | | | | | | | | | |