Ka Nupepa Kuokoa, Volume LXVI, Number 3, 20 January 1927 — PILI OLE KA HEWA I KE PAILAKA NO KA ULIA I LOAA [ARTICLE]

PILI OLE KA HEWA I KE PAILAKA NO KA ULIA I LOAA

Mahope iho o ka hoolohe ana i na mea oiaio i waihoia ae imua o ka papa komiaina o na uwapo, no ke ano o ka ulia poino, i loaa ai i ka uwapo, mamuli o ka hooku 'iia ana aku e ka mokuahi Aorangi, he mau pule ae nei i hala, i hooholo ae ai kela papa, aole i pili kekahi ahewa ana no kela poino, maluna o Kapena E. H. Parker, ke pailaka, nana e hoopuka ana i ka mokuahi mailoko aku nei o ke awa, ma ka manawa i loaa ai kela ulia. Ma ka manao o ka papa komiaina o na uwapo, ma ka haiawai i malamai ae ai ma ka Poakolu o ka pule aku la i hala, ua ili holookoa aku na ahewa ana maluna o na aliimoku ponoi o ka mokuahi Aorangi. Ma ka hoakaka a Kapena Parker, no ke an o o ka loaa ana o ka pilikia i ka uwapo aole i kaokoa ae na kauoha ana i haawi ai, no ke ano o ka hooholo anai kela mokuahi, mai na kauoha mai, i haawiia i na moknahi apau, mamua aku me ka loaa ola 0 kekahi ulia. O ka pilikia nui wahi ana, ma ka manawa i haawiia ai ke kauoha, no ka hoohoio ana i ka mokuahi imua, ua kuemi hope aku la ia, ahiki 1 ka hooku'i ana i ka uwao; o ke kumu, o'ka enekini, i hoohanaia no ka hooholo ana i ka mokuahi imua, ua pololei kona hoohanaia ana, aka 0 ka elua o na enekiuij ua hoopaaia. |he hapa wale no nae keia no ke kumu i loaa ai o kela pilikia, o ke kumu nui loa, o ia no ka hoike ole ana mai o ke aliimoku, i hoonohoia no ka nana ana mahope o ka moku, 1 kekahi hoailona no ka poino, no ka mea aole e hiki i ke Pailaka' Parker, oiai oia e ku ana mamua o ka moku, me ke kapena o kela moku-1 ahi ke ike mai, ina paha ua kaa- j wale ka mokuahi mai ka uwapo aku, a i ole ua pili loa paha. Ina ka he hoailona kekahi o ka pilikia i haawiia ae e ke aliimoku i hoonohoia mahope o ka moku, ina ua haawiia ka hoailona i na enekini apau, no ka hooholo ana i ka moku imua, ma kela ano, aole loa e loaa kekahi poino. Ma ka hoakaka a Kapena Paka, ke pailaka nana i hoopuka i kela mokuahi, aole i iii mai ke ko'iko'i o ka loaa ana o ka pilikia i ka uwapo maluna ona, a ua manaoio oia, o kela hookahi no ka manao iloko o ke Kapena Crawford o ka Aorangi, no ka mea ina ua pili kekahi hewa iaia, alaila he mea maopopo loa, e kauohaia mai ana oia e hookaawale mai kona wahi e ku ana, a kaa maoli aku ka hookele ana i ka mokuahi, malalo o kona kapena ponoi, aole nae pela, ua hoomauia aku no kona hookeie ana i kela mokuahi, ahiki i ka puka ana iwaho o ka nuku o ke awa.