Ka Nupepa Kuokoa, Volume LXVI, Number 3, 20 January 1927 — MALAMAIA KA POKA MUA LOA O KA HOOKAHULI AUPUNI MOI [ARTICLE]

MALAMAIA KA POKA MUA LOA O KA HOOKAHULI AUPUNI MOI

Ma ka Poakahi iho nei, ka la 17 0 keia mahina, i piha ai na makahiki he kanakolu-kumamaha, o ka hookahuliia ana o ke aupuni moi o Hawaii nei, a ma kela Poakahi, i waiho ae ai o Kauka C. B. Wood, malalo o ka malama ana a ka hale waiho buke o ke aupuni, i ka poka pu panapana mua loa i kiia, 1 kekahi makai o Leialoha ka inoa. Ma ke ano ulia wale no, ka ike ana o Kauka C. B. Wood i kela poka, iloko o kekahi mau la aku nei i hala, iaia e hoomaemae ano i leona keena kauka. Maloko o kekahi pabti uuku, i poina loa kona hoomanao aqo no kela poka, ua loaa aku la iaia keia poka, me na hoakaka i kakauia mawaho, nolaila i mea e lilo ai kela poka, i mea hoomanao no kekahi hana ano nui loa i laweia, pela oia i waiho ae ai malalo o ka malama ana a ka hale waiho buke *o ke aupuni, ka hale o na mea kahiko o na ano like ole e malamaia mai nei. O ka pu panapana, i kiia ai kela poka, ua hoihoiia a'ku maloko o ka hale waiho buke e Kenerala John H. Sopa i ka makahiki koke aku nei no i hala. | Ma ka moolelo no na hana hookahuli aupuni i lawelaweia, iloko o kanakolu-kumamaha makahiki ae nei i hala, ua hookahua mua ia kela hana, ma ka la 14 o ka mahina o lanuari, 1893, ma ka manawa a ka Moiwahine Liliuokalani, i makemake ai e kukala mai i kumu kanawai hou no kona aupuni. TTa ku-eia nae kela manao o ka mioiwahine « konā aha kuhina, a mai I kela manawa mai, i kohoia ai kekahi komite o na makaainana, no ka malama ana i ka maluhio. Ua hoonnaia kekahi kaa, malalo ke alakai ana a Kapena Qood | no ka halekuai o E. O. Hall & Son, no ka ht)opiha ana i na 'pu ame na poka, a lawe aku no ka holekoa; oiai nae kela kaa e holo ana, ma ke alahele e hoea aku ai i ka hale|koa, i paaia mai ai kela kaa e kekahi makai, me kona puhi ana ae , i ka ulili, a i k«la manawa i kiia aku ai ka pu panapana e Kapena Good, a ku kela makai o Leialoha ka inoa ma k»na poohiwi. O ua poka la i kiia ai i ka Makai Leialoha, a i weheia ai e Kauka C. B. Wood a hemo, o ia kela o ka waihoia ana ae malalo o ka malu o ka hale waiho buke o ke aupuni, i I mea hoomanao, no na hanauna o aku-