Ka Nupepa Kuokoa, Volume LXVI, Number 3, 20 January 1927 — HAALELE MAI O DAVID KA-LI SR, I KEIA OLA ANA. [ARTICLE]

HAALELE MAI O DAVID KA-LI SR, I KEIA OLA ANA.

Ma ka hora umi-kumamalua o ka auwina la o ka Poalua aku nei o ka pule i hala, i haalele mai ai o Mr. David Ka-li, Sr., kekahi *> na kanaka kamaaina o keia kulanakauhale i keia ola ana ma kona home ma ka Helu 1529 Chung Hoon Lane, mahope o ke kaama'i ana no kekahi mau la loihi. He kanaka o David Ka-Ii i noho iloko o ka oihana makai no kekahi mau makahiki a i kona hala ana aku la oia kekahi wiliki o Kawa ae nei. Ma ka hora ehiku o ke ahiahi Poaono mai i weheia ae ai kona [kino ma ka Halekupapau o Silva, a ma ka hora ekolu » ka auwina la Babati ae, i malamaia ai kona anaina haipule, a mahope iho i laweia aku ai kona kino wailua no ka mokuahi Claudine no ka hoihoi loa ia ana aku no kona onehanau ma Kona elike me kana kauoha. He lala o David Ka-li no ka Ahahui Kamehameha a ua akoakoa ae na lala apau o ka.Ahahui Kamehameha ma ka Halekupapau o Silva ma ke ahiahi Poaono no ke ku-uwaki ana, a no ke kom<o ana ma kona hoolewa.