| | loa ma iahope iho, ua lilo laua he mau mea punahele loa i na kumu mamuli o ko laua holomua ma ka laua mau haawina, ka mikiala ma na hana o ka halekula e haawiia mai ai ia laua a pela hoi me kekahi mau ano maikai lehulehu a na kumukula i ike mai ai no laua. Ua makemakeia o Monika e ka poe i like ko lakou mau manao me kona no ka oluolu ame ke akahi kona aloha me ke menemene i na hoa-kanaka me ka makaukau e haawi aku i na kokua i ka poe iloko o ka Pilikia. No Ineka hoi, he like kona ano me he liona wahine la i kekahi poe, no kona aaka a haakei, he kulana kona i like me na kane, a ma na hana hooikaika kino a ma na paani like ole ma ia mau mea kona makemake mau, a o kona puu nui Ioa i lilo ai i mea ahewa loa na na kumukula, o ia kona uhaai ma na meaai no ka hoonoonoo ana aku i ka puu oka poe e pipili mau mai ana iaia. A oiai nae e hoike mau aku ana no oia i kona ano oluolu a lokomaikai ia Monika, eia nae, me ka nana ole ae ia mau ano maikai ona, aia no iloko ona kela ano lapuwale o kona makuakane, a me ka malu loa i huna ai i kona hoowahawaha a hoino i ke kaikamahine ui a Mr. Kini no ka mea ua hoohanini mai na lani i kana hoopomaikai a nui maluna ona mamuli o kona makuakane; ua ikaika loa ka manao lili iloko o kona naau, a e ulu mau ae ana keia manao iaia o ka lilo mai o na waiwai o Mr. Kini iaia kona iini, i loaa ole ai ia Monika kekahi kulana kiekie kuokoa nona iho. Lapuwale keia kaikamahine. Iloko o ka halekula a laua i noho like aku ai ua manaoio loa ka poe apau i ke mai ia laua he mua a he muli, no ke kumu aole o Mr. Kini i ae e hoikeia aku o Ineka he kaikamahine ia i haawiia mai malalo o kana malama ana; ua loaa ka manao i kekahi poe o Ineka ka Mr Kini punahele no ka mea oia ka mea oi ae o ka nani o kona mau aahu mamua o ko Monika oiai nae o na dala i haawiia aku ia laua mau hoolilo maloko o ke kula he like no, aka nae, o na aahu o Monika he mau lole emi wale no o ke kumukuai. Mamuli o keia i manao ai kekahi poe e lilo like ana keia mau kaikamahine i mau hooilina no na waiwai apau o Mr. Kini ke make aku oia, nolaila, ma ia ano i malamaia mai ai laua me ka maikai loa. Aia iwaena o na kanaka e hana ana malalo o Mr. Kini he kanaka Mekiko opio he kanaka hana ma ke ano he kakauolelo pilikino no Mr. Kini; he kupunakane kona i kaulana he Kanikela Sepania, a mamuli o ka halawai mau ana o ia ohana me na pilikia he nui ua emi loa mai ko lakou kulana ulakolako a i ke kulana hune maoli. Mahope o ko ia ohana auwana ana mai kekahi wahi a i kekahi me ka manaolana poho wale e loaa ae kekahi ano kulana maikai, ua hiki mai la lakou i ka manawa hope loa i na kauhale o na kanaka hana a Mr. Kini, elike me ia i hoike mua ia ia ae nei ma kekahi wahi o na mokuna i hala. Ma keia wahi a lakou i noho ai i halawai hou ai lakou me ka pilikia, oia hoi make aku la ka makuakane, a koe iho la ka makuahine ame ke keiki, a i kekahi la hui aku la o Mr. Kini me keia ohana ilihune i aneane loa e make i ka pololi. Ua hoihoi aku Ia oia ia laua iloko o kona hale, a mahope o ke ola ana o ka ma'i o ka makuahine, ua hoolimalima aku la iaia i wahine malama hale, a ma ia wahi no hoi i pii liilii ae ai ke keiki ahiki i kona lilo ana he kakauolelo pilikino na Mr. Kini ke kanaka i hana aku i ka maikai nona, a o ke kanaka opio hoi ana i hoohanohano aku ai, elike me ko kona makuahine, a oi aku mamua o kekahi hoakanaka. O Auguseto Kasetadi ka inoa o keia kanaka opio, a ma ka manawa o keia moolelo i kakauia ai, he iwakalua-kumamakolu ona makahiki ia manawa, a he ohua hoi maloko o ko Mr. Kini home, a o kekahi lala hoi o kona ohana no na makahiki aneane i ka ewalu. He kanaka opio eleu, mikimiki a naauao oia, a he keonimana oiaio ma kona mau ano a pau, aole mawaho wale no, aka, maloko pu o kona naau no ka mea, he akahai, he haahaa a he oluolu i na mea apau, oiai nae, ua nele oia i ka hoonaauao maikaiia iloko o kona mau la opio, a ua hooikaika no nae hoi kona makuahine elike me ka hiki iaia ke hana nona, ma o ke kula ana aku iaia elike me ka ike i loaa iaia, aka nae, mahope o ka aeia ana o ke kanaka opio e heluhelu oia i na buke ana e makemake ai maloko o ke keena waiho buke a Mn Kini, ua haawi nui ke kanaka opio i ka hapanui o kona manawa kaawale ma ka heluhelu ana i na buke, me ka hooikaika mau ma na haawina e hoomahuahuaia aku ai kona ike, a ua ikeia kona holomua loa mahope mai. Ma ka manawa i hoihoiia ae ai o Kasetadi ame kona makuahine e Mr. Kini i kona home aneane eiwa makahiki o Monika Kini ia manawa, mai kela manawa mai i lilo ai ia kaikamahine i mea makemake nui ia e Kasetadi ame kona makuahine, a ua pii mahuahua mau aku keia aloha iloko o laua no Monika i ke kula o na kaikamahine ma Los Angeles. Ma keia manawa ua nui ke aloha ame ka makemake iloko o ke kanaka opio no ke kaikamahine a kona haku, me ka hoaaia ae la o na manao kuko o ke koko Paniolo iloko ona e lilo o Monika i wahine nana i kekahi la e hiki mai ana. Eia nae, ia manawa hookahi noonoo iho la oia no ke kanaka lokomaikai i malama mai ai iaia me he keiki ponoi la nana, no ia kumu uumi wale no iho la no oia i ke aloha e poe maloko, aohe mea i ike mai ia manao ona oia wale no. Me Ineka hoi he launa no oia me ka nana mau aku iaia he hoaloha, no kona oluolu a launa mau me ke kamailio mau me ia, a he makaukau no hoi oia no na hana hoohauoli i kona manawa e noiia aku ai, aole nae ma ke ano e ikeia aku ai e lilo ana oia i ipo aloha na ke kanaka opio i kekahi la, a he hoike mau ae no oia i kona ano hoihoi ole ke oi loa aku ka ke kanakaopio hana mamua o ke kupono. Me ia iho la ko lakou noho ana a hala kekahi manawa, ke mau la no ka holomua ame ka pii mau aku o ka waiwai o ka ona o na lua eli gula; ia manawa like ke hoomau la no hoi ka lunahoohana ana, a o kona hoahanau hoi, i kana hoolaia ana no ka hoopoino ana iaia ahiki i ka manawa hope loa, ka la hoi a Mr. Kini i moeuhane mua ole ai, a i loaa ole ai he hoohuoi ke hoolala mai la ka kona hoahanau i kekahi hana nona e make ai, a ua make io oia. O keia no ke kumu o Pamano i make ai, aole i ka mea e aku, i kona io ponoi no, ka mea nana i hoolaia i ko Pamano kumu e make ai. MOKUNA XV.— Ke Karaima a ka Mea Kumakaia. Ma kekahi kakahiaka, aneane ekolu makahiki ame hapa mai ko Monika ame Ineka ma ka manawa i hoi aku ai i ke kula | ma Los Angeles, kalaiwa aku la o Auguseto, no ka mea, o ia kona inoa maa mau e heaia ana ia manawa, ia Mr. Kini i ka hale kaaahi, no ka holo ana aku o Mr. Kini no kekahi kulanakauhale okoa aku. "E hoi mai ana au ma ke awakea, e Auguseto," wahi a Mi. Kini o ka i ana ae i ke kanaka opio, i ko laua manawa i hiki aku ai i ka hale hoolulu kaaahi," a holo pololei aku no no kahi o na lua eli gula, a ilaila oe e kii ae ai ia'u, elike me kau hana mau i na wa aku nei i hala," pela hou ke keonimana o ka olelo ana ae ia Auguseto kana kakauolelo pilikino a o kona kahu kaa no hoi ma kana mau wahi apau e hele ai. "Ua pono ia," i pane ae ai ke kanaka opio. He hana maa mau na Auguseto ka lawe ana i kona haku Haluna o ke kaalio i kahi o na lua eli gula no ka nana ana aku a Mr. Kini i ka hana a kona mau kanaka maloko o na lua eli gula, a i kekahi manawa ma na wahi e ae no a Mn Kini e makemake ai e hele, a i ko laua manawa maluna o ke kaalio ia wa o Mr. Kini e haawi aku ai i kana kauoha i ke kanaka opio, kahi e lohe ole ia mai ai e kekahi poe. Mahope iho o ko Mr Kini lele ana iho, hoohuli ae la o Auguseto i na lio a hoi hou aku la i ka hale a i kana mau hana hoi ma ka hale e kakali mai la o kona hoi aku. Ma ka hora ahiahi i maa mau iaia no ke kii ana aku i kona haku no ka hoihoi ana mai i ka hale holo aku la oia no kahi o na lua maina, a i ka hiki ana aku mamua mai o ke keenahana, nakii iho la i na lio a paa; aole no i mamao loa ia wahi mai ka puka mai o na lua gula. I kona komo ana aku iloko o ke keenahana ninau aku la oia i ke kupakako ihea Ia o Mr. Kini e hiki ai ke loaa aku iaia. Ua hoole mai la ke kupakako aohe oia i maopopo, no ka mea ua lehulehu kana mau manawa o ka hele ana iwaho a hoi mai ma kela auwina la, aka nae, he hora paha a oi kona ike hope ana ia Mr. Kini. "Aia ka paha oia iloko o ka lua maine, no ka mea ihea aku auanei oia e hele aku ai?" i olelo aku ai o Auguseto. "Pela paha, aole hiki ia'u ke hooiaio aku aia oia ilaila" i pane mai ai ke kupakako. No ka pono ole loa iho la o ko Auguseto noonoo no ka nalowale o kona haku, oili aku la oia mawaho o ka lanai, a no kekahi mau manawa lehulehu kona holoholo ana me ka ulu- ku mau o kona noonoo me he mea la e olelo okoa iho ana kekahi leo iaia e hele oia e huli iloko o ka lua maine. O na la pokopoko ia o ke kau, a ke hookokoke mau mai la hoi na eheu o ka po; mawaho ae o ia ke ike aku la oia i ka hakumakuma mai o ke ao a e ua mai ana paha, a ua piha oia i ke pihoihoi ia manawa me ke akenui e hoi koke aku i ka hale mamua o ka haule ana mai o ka ua, a mamua hoi o ka uhi ana mai o na eheu o ka po e hiki pono ole ai ke ike iho i ke alanui no ka pouli. Me keia manao uluku e hana ala iloko ona, wehe ae la oia i kana uwaki a nana iho la, he elima minuke i hala ae o ka hora eono; ia manawa ike aku la oia i na kanaka hana e oili mai ana mailoko mai o ka lua maine, o Kalo Kini, ko lakou luna, mamua loa. 'Ua ike anei oe ia Mr. Kini?" i ninau koke aku ai ua o Auguseto iaia. "Ae, ua ike au iloko ae nei oia o ka lua aneane ekolu hapaha hora i hala aku nei, a iaia i hiki. ae nei haawi ae nei i ke kauoha i na kanaka hana e hoomaka ka eli ana ma ka aoao hema ma ke kakahiaka nui o ka la apopo," pela o Kalo Kini, ke ke kanaka kumakaia lokoino, aloha ole i ka mea nana i hoowaiwai aku iaia o ka pane ana mai me ka hoihoi, i manao ole ia aku ai aohe kekahi manaoio iloko ona no Mn Kini, ka haku a o ka ona hoi o ka lua maine. "Mahea oia i hele aku ai mahope iho o kela manawa?" i ninau hou aku ai o Auguseto, oiai no kona mau maka e haka pono aku ana i ko Kalo Kini helehelena; no ka mea me ia ike aku no ona i ko Kalo Kini hoihoi, eia nae, ke hoohuoi la olo ko ona no ka haikea anoe loa o kona helehelena ia manawa kela ano o ka poe hana hewa mahope o ka hana ana. No Mr. Kini; ka ona o na lua maine, he hilinai piha oia maluna o Kalo Kini, kona hoahanau, a o ke kanaka hoi ana hookiekie ae ai i luna maluna o na kanaka hana, aka no Auguseto iho, aole ona hilinai ia Kalo Kini, ua loaa mau ka noo noo iloko ona he kanaka hoopalaimaka oia, a no ia kumu hilinai ole ai oia maluna ona. "Aohe hiki ia'u ke pane aku, e ke keiki," pela ua o Kalo k Kini o ka pane ana mai, "ma ka manawa hope loa a'u i ike aku ai iaia e kamailio pu ana oia me Toma Jenekini," wahi a ka Kalo Kini pane hoopahemahema, a kaha koke aku la no hele me ka awiwi loa no kahi o kona hale e ku mai ana. Hele aku la o Auguseto a loaa o Toma Jenekini a paa aku la iaia, i kona manawa e aneane aku ana e huli a hele ma kekahi alanui okoa. "E Toma, e oluolu hoi oe e ku iki iho, he makemake au e kamailio pu me oe no kekahi manawa," a-i ko Toma ku ana iho hele aku la a hui me ia a ninau aku la no Mr. Kini. "Hoakaka mai la o Toma Jenekini iaia he manawa pokole wale no kona o ke kamailio pu ana me Mr. Kini, o kana me wale no o ka ninau ana mai no kana keiki ma'i no ka mahina a oi,- a ia pau ana no huli aku la no oia hele no ka aoao hema o ka lua, kahi a lakou e hana aku ana ma ke kakahiaka o kekahi la mai." Hoi hou mai la o Auguseto noluna o ka lanai o ke keenahana a malaila oia i noho ai no ka hapaha hora no ke kakali ana no ka hoi mai o kona haku, a no ka nui loa o kona uluhua me ka hiki hou ole iho la iaia ke hoomanawanui no kekahi manawa hou aku, ku ae la iluna a holoholo iho la. Ma kela manawa aneane e pau loa aku na kanaka hana i ka hoi no ko lakou mau hale no ka mea, he hora ia no ka aina ahiahi o ka poe hana, nolaila ua makemake na kanaka apau e hiki koke aku i ka hale oiai ko lakou aiha ahiahi e kakali mai ana no lakou. Ke hoomau la no ke kanaka opio i ka holoholo me ka namunamu ana iho, "ma ka aoao hema o ka lua," a haikea ano e wale ae la no kona helehelena a puana malie ae la, "O, e Marie Saneta, e hoopakele oe iaia!" Ua maopopo iaia he elua alanui a i ole mau luapao e holo aku ahiki i ka aoao hema o ka lua; hookahi o ia mau luapao e holo aku ana ahiki i ka aoao hema o ka lua; hookahi o ia mau luapao ua haalele loa ia no ka makauia aohe palekana malaila, he manawa wale no e hiolo mai ai, a o ka lua o ka luapao he wahi hou ia i eliia aku ai aole i loihi loa ka weheia ana. Ke noonoo la oia, ina ua hele o Mr. Kihi ma ka luapao hou i wehe koke ia ai a ua hoi mai ma kalii o ka luapao i haaleleia no kona manao o ke alahele pokole ia hona e hoi mai ai, malia ua halawai oia me kekahi ulia a oia ke kumu o kona hoi koke ole ana mai. Ua pololei keia manao ana ona pela no ka mea oia maoli no ka mea oiaio. | Aohe mea malaila ii manawa ana e noi ae ai e iho pu me ia iloko o ka lua maine no ka mea, ua pau loa aku na kanaka hana i ka hoi; o kekahi kumu, aohe ona makemake e hoalaia aku kekahi mea e hoopihoihoiia aku ai ka noonoo o na kanaka, nolaila iho aku la oia me ka awiwi loa oia wale no, a ke kau mau Ia nae ka weli maluna ona. I kona hiki ana aku i ka puka o ka lua maine nana ae la oia ma o a maanei no kekahi kukui, a i ka loaa ana ho-a ae la oiai nae ke haalulu wale la no kona mau lima ia manawa, alaila hoomaka aku la ka iho ana ilalo o ka luapao ma ka aoao hema. I kona iho ana aku a ma kahi o kanakolu paha i-a malalo o ka lua, hoea aku la oia ma kahi i mana ai ka luapao. Hookahi o ia lua ana e ike aku ana oia ka lua hou i eliia ai a ua paa oluna ae o ia luapao i ke kooia me ka paa loa e hiolo ole iho ai, a o kekahi, ma kana hoomaopopo aku, oia ka lua pao kahiko, a ke ike aku la no oia o na kualaau i kooia ai iluna ae o ka lua ua popopo, a o kekahi mau kua ana e ike aku ana ua hi-o, a ua hoomaka na pohaku ame ka lepo e helelei mai. "Heaha la hoi kela leo a'u o ka lohe ana aku la?" wahi ana iaia iho. Ku iki iho la e hoolono, a oiai oia, e ku ana ke naka wale la no kona io i ka ua mea o ka piha i ka maka'u, no ka mea, ua maopopo loa iaia kona lohe ana aku i kekahi leo me he mea la he kanaka aia iloko o kekahi pilikia koikoi loa. Uumi. iho la oia i kona maka'u a hoomaka aku la ka nee ana imua malalo aku o na kualaau i hi-o a i aneane loa e hina iho, me kona nana ole iho la no kona poino, a elua paha minuke ma ia hope iho halawai mai la me kona mau maka kekahi nanaina nana i hoehaeha me ka walania loa i kona. uhane, a hooho ae la oia i kekahi leo i piha loa me ke pihoihoi: "O, e Mr. Kini! Mr. Kini! O oe anei kena?" i nui aku ai kona leo me ka hiki pono ole iaia ke kamailio aku, no kona piha loa iho la i ke kaumaha. He leo ha kana o ka lohe ana aku i ka pane ana mai, a ike koke iho la no oia o kona hoaloha a o kona mea hoi nana i hoopakele a i hoopomaikai mai iaia ka mea nona ia leo, a e waiho mai ana malalo o na pohaku ame ka lepo maluna iho o kekahi hapa o kona kino. Nihi aku la kana hele ana imua no kona manao ina e hele awiwi aku ana e hiolo hou mai ana paha auanei ka lepo ame na pohaku a hookahi kona paa ana me kona haku, ahiki i koia kokoke loa ana aku i kahi e waiho ana o ke kino o Mr. Kini aneane loa e kanu ola ia, a ike pono aku la i kona helehelena ame kona kulana pilikia ia manawa. "Auwe no ka hoi ko. make e!" i kahea iho ai oia i ka ona o ka maina e waiho oni ole ae ana, me ka haalulu o kona leo, me kona manao ua hala paha ka manawa kupono no kona ha-ku e ike mai ai iaia, a eia nae, i kona lohe ana iho i kona leo, hauoli ae la oia no ka mea aole oia i make. "Ae, e Auguseto, owau no keia, a ke hauoli nei au i kou huli ana mai la ia'u. O oe wale mai la no anei?" i ninau mai ai o Mr. Kini me ka leo nawali. "Ae; owau wale no," i pane aku ai ke kanaka opio. ''Ua eha anei oe me ke kukonukonu Ioa?" "Ae, he eha ko'u e make aku ana, no ka mea ua haki kuu iwikuamoo, aohe o'u manaolana i koe no ke ola aku a hala kekahi mau minuke hou." "O, kaumaha maoli ka! E holo ae au e kii i kekahi poe no ka hele ana mai e hapai aku ia oe malia, he hana hiki no hoi kekahi e hanaia i mea nou e pakele ae ai mai kena eha mai," pela o Auguseto o ke noi ana iho. "Aole mai kii aku oe, no ka mea aohe o'u wahi i koe, e make mua ana au mamua o ka hiki ana mai o ia poe, a mamua hoi o ka hiki ana e lawe aku ia'u iwaho mai keia wahi aku," i pane mai ai o Mr. Kini me kahi leo nawali loa a he hiki no nae i ke kanaka opio ke lohe pono iho. "Aohe no he koikoi loa o ko'u pilikia koe wale no keia paa loa o kuu umauma. i na pohaku ame ka lepo; no keia mau mea ke ike aei au he mea hoopau manawa a waiwai ole wale no ka hoao ana e lawe aku ia'u me ke oia mailoko aku o keia wahi." "E ae mai oe e hoao au no ka hoopakele ana ae ia oe," i noi hou iho ai o Auguseto me ke kuio o kona manao, a ia manawa lalau iho la i ka lima o ka mea i hiki ole ke kokua iaia iho, a ia paa ana iho o ka lima o ke kanaka poino, ike koke iho la no o Auguseto ua huihui, ke ano o ka mea e make aku ana. "Ke hoike hou aku nei au ia oe he hana waiwai a hoopau manawa wale no ia au e hana aku ai, no ka mea ke ike nei au no'u iho ma na minuke wale no ko'u ola e heluia nei a pau ae," wahi a ke kanaka e make aku ana o ka pane ana mai. "E Auguseto, e hoolohe mai oiai ko'u mau minuke hope loa e koe ana me a'u a e hiki ana hoi ia'u ke kamailio aku ia oe; he mea ano nui ka'u e kamailio aku ana ia oe, a ke ike nei no hoi au e hoolohe mai ana no oe a e hiki ana no ia'u ke hilinai aku maluna ou." "Heaha ia mea nui au i makemake ai, e hoike mai, no ka panai. ana aku anei i ka ino maluna o ka mea i hoopoino mai i kou ola?" "Ae," i pane mai ai ke kanaka e make aku ana; ke hoomanao la no oe i kau mea i hoike mua mai ai ia'u e makaala loa au no'u iho no na hana a kela kanaka hoopalaimaka a he ino nae maloko o kona naau ?" "Ae, ke hoomanao nei no au. Ua ike mua au he kanaka ino o Kalo Kini, ko hoahanau, aole i pau kona hoomauhala ia oe. no ia kumu au i hoike aku ai ia oe e makaala loa oe nou iho, no ka mea aole i pau kona hoomaau ia oe, a e hana mai ana oia i kekahi hana hoopoino i kou ola i kekahi la. Nana anei keia hana i poino iho nei oe?" "Ae, nana, a ke ike nei au i ko'u hewa oia ko'u hoolohe ole ana i kau ao, no ka mea, aole au i manao e lilo ana oia i hoahanau hoopalaimaka mahope hoi o ko'u haawi ana aku i na kokua a pau iaia, a pela hoi ka'u mau hana maikai i hana aku ai no ka pono o Ineka, kana kaikamahine, " i pane mai ai ka ona maina, me ka nawaliwali loa o kona leo, a me ka hoomanawanui wale no oia e kamailio mai ana, no kona makemake e pau pono mai kana mau mea i makemake ai e kamailio mai mamua o ka lele loa ana ae o kona aho. "Ua hakilo loa au ia Kalo Kini iloko o ka makahiki i hala, a i keia la i ike ai au i kona hoolaia aha i kekahi hana no'u e poino ai, aohe nae au i maopopo no ia mea ana e hana mai ana, eia ka maloko o keia luamaine oia e haaa mai ai i ko'u mea e poino ai. "Ua manao paha oia e hele ana au a po keia la i kekahi kulanakauhale okoa aku, elike me ia a'u i holo aku ai i keia kakahiaka a aole au e hele mai ana ianei, aka nae, ua hoi koke mai no au, elike me ia a'u i kamailio aku ai ia oe, ke hoi mai au e holo mai ana au ianei, a ianei oe e kii mai ai ia'u, a ua halawai au me ia he alo a he alo ma ka waha o ka lua maine nei. "I ko maua manawa i halawai ai ua ike aku au i kona puiwa | me ka piha ona i ke kahaha no ko'u hoi koke ana mai, a i kuu manawa i ninau aku ai iaia ina aole he hana mauna i ke ola ka lua pao kahiko, ua pane mai la oia me ka haalulu o kona kino i ka'u ike aku, aole oia i manaoio i ka mea i oleloia he mea poino no ke ola ka hele ana malalo o ka luapao kahiko. 'Ua maopopo ia'u he hana kolohe kana i hoolala ai i mea no'u e poino ai, aohe nae hoi au i manao maloko o ka lua nei kana wahi i manao ai i lua kupapau no'u, aohe no hoi au i hoike aku ma ko'u helehelena e manao iho ai oia i ke kupanaha o ko'u hiki ana mai maanei. "Ma keia auwina la iho la ua komo ia e a'u na wahi a pau oloko o ka lua nei elike me ka'u hana mau mamua aku, a mamua iki iho o ka manawa e pau ai ka hana koino mai nei au ma keia wahi no ka nana ana heaha la ka Kalo Kini mea o ka hana ana maanei. I nei manawa, e Auguseto, ke hoike aku nei au ia oe i ka meahuna ana i hana ai me ka malu. Aia ma kela wahi poopoo mao o keia loapao kekahi eke huluhulu ua piha i na hunahuna a puupuu gula, oia ka Kalo Kini mea ka malu ana i mea e loaa ai iaia ka waiwai. ua maohmnkwg naoio loa oia e nalo ana, eia nae. ua ike mai nei au." "He mau puupuu gula, a ua piha kekahi eke ia mau mea!" i hooho malie ae ai o Auguseto. "O, ke kanaka kumakaia aihue!" "Ae; oia kana mea i hana ai. No kekahi manawa loihi i hala ua maopopo ia'u eia, he awai gula maanei, a o ka loihi o ka waiho ana o ke gula maanei, ma keia wahi ma ko'u manao aole hookahi kanaka i hoohuoi he mea kekahi o keia ano ma keia wahi, aka nae, oia ka mea oiaio, i kekahi la aku nei ua loaa ia'u kekahi ahua gula paakiki i kuu manawa e huli ana ma kela poo o ka lua ma o, a eia iho a mahope i ike ai au e moe hou aku ana ka ke alawai o na puupuu gula ma ke-kahi alahele okoa a komo loa aku iloko o ka aina o kekahi kanaka okoa, a ua manao hoi au la ma kekahi pule aku e hele ai au e kuai ia wahi poino e iho la. "I ka nana aku me he mea la ua ike o Kalo Kini i kela wahi, me ka malu loa. Ua kanuia eia kana eke i piha me na puupuu koke ana aku nei no ia, a ia'u i hele mai nei no ka puka ana aku iwaho, a ua aneane no hoi e puka mai, manao iho U au he halulu kapuai wawae kokoke mai ia'u ka'u o ka lohe ana. "Ia manawa i lele mai ai au imua, a ia manawa like no hoi he poha ana o ke kipikua ka'u o ka lohe ana ae, mai ka lima mai o kekahi mea a'u i ike ole aku ai, ua hiliia ae i na kualaau popopo. Iloko o ka manawa pokole, o na laau a pau i kooia ae ai ia luna o kaupoku o ka lua ua haalulu ae la a hiolo mai Ia, a hiolo pu mai la ka lepo ame na pohaku. "Hookahi o na kualaau nui i pa pono mai i kuu kua me ka ikaika loa. o ko'u maule iho nei no ia no kekahi mau minuke pela ko'u koho iho. I kuu manawa i pohala ae ai ua loloia ko'u kino holookoa e hiki ole ai ke oni ae, aole hiki i kuu mau lima ke oni ae, a ua ike pu iho la no hoi ua hakiia kuu iwikuamoo, elike me keia au e ike mai la. "Nolaila. e Auguseto, manao anei oe e hiki ana no ia oe ka nee mai imua a kokoke loa mai ia'u ? Eia he palapala waiwai ano nui hoi iloko o ka pakeke o kuu a'u i makemakekw ai ia oe e lawe aku a e malama loa o loaa auanei i kekahi mea a ke noi aku nei au ia oe e hoohiki mai oe no kou malama loa ia palapala." "E hoao au," i pane aku ai ke kanaka opio. Hoopaa iho la oia i ke kukui a lamalama ana iloko o ke one alaila, kokolo aku la me ke akahele loa ahiki i kona kokoke ana aku ma ka aoao o kona hoaloha. gula iloko o ke one, no ia malaila i nei manawa. O ko'u ike He hana mauna ola no ia ana i hana ai, aka, e aho nae hoi kona hoao ana e mauna aku i kona ola nunua hoi o ka hoole ana aku i ke noi a kona hoaloha. Me ke akahele loa oia i wehewehe ae ai i na pohaku me ke kope ana i ke ahua lepo e kau ana maluna o ke kino o Mr. Kini ahiki i ka loaa ana iho o ka pakeke iaia, a he minuke ma ia hope iho ua loaa mai la ka palapala iloko o kona lima. "E, auhea oe, e Auguseto, ua loaa aku la ia oe, nolaila me ka wikiwiki loa oe e emi aku ai ihope a kaawale mai keia wahi aku o ka pilikia," i pane ma ai ke kanaka e make aku ana, me ke ailiili wale no o kona hanu ana. "E hookaawale koke aku oe ia oe iho mai keia wahi aku, elike me ka hikiwawe e loaa ana ia oe, a na'u e hoakaka aku ia oe no kau mea e hana aku ai." Emi hope wale mai la no o Auguseto a kaawale iki mai kahi mai o na kualaau i hiolo a kulu iho la oiai kona mau waimaka e hiolo ana ia manawa. "O kau hana mua loa oia no ka huna ana i kena palapala ma kahi e nalowale loa ai a mai noho oe a kamailio aku i kekahi mea no kena palapala aia me oe ke ninauia mai oe. He palapala hooia kena he mau haneri mahele iloko o ka hui alahao kaaahi maloko o Mekiko ma ko Monica inoa. I kuu wa e make ai a pau na hana e pili ana no ko'u hoolewa, makemake au ia oe e hele me ka malu loa me ka ike ole mai o kekahi mea ia oe i kuu luahuna ma kekahi po, i ka manawa e maopopo ai ia oe aohe mea hookahi i ike a e hakilo mai ana paha i kou hele ana, a hapai ae i ke pani unihihapa manoanoa iwaenakonu o ke kapuahi, a e loaa iho ana ia oe malaila kekahi mau palapala waiwai nui. "O ia mau palapala a me keia palapala hooia lala o ia mau palapala a pau kau e lawe pu aku ai ahiki i Los Angeles a hoahu aku ia mau palapala apau maloko o na pahuhao, o ka banako ma ka inoa o Monika. Ke maopopo mai la anei keia mau mea apau a'u i hoakaka aku la ia oe?" i ninau mai ai ka ona o ka lua maine. "Ae, ke maopopo aku la ia'u kau mau mea a pau i hoakaka mai la, i pane aku ai no hoi ke kanaka opio me ka naau kaumaha. "Ae, pono. Aia mawaena o kela mau palapala ka manao a'u i kakau ai no kuu manao ana e kuai i kela aina, kahi a'u i manaoio loa ai aia malaila ke gula, a eia nae, aole hiki ke eli aku no ka mea, no Mr. Hodina aku ia aina, he aina i eliia a haaleleia, a oia wahi ua manao au e hiki ana no e lilo mai ia'u ma ke kuai me na dala liilii loa. "Aole hiki ia'u ke hoike aku me ka maopopo loa ia oe ua nui loa kahi o kela aina o Hodina e hiki ai e loaa aku ke gula aka nae, ina o kahi waiwai loa ia, a o ke kanaka e lilo ai ia wahi a e hana aku ana, oia aku ana kekahi kanaka waiwai nui ma nei mua aku. "He oiaio oia hana a'u i manao ai aole ia he mea no Monika e pono ai, e Auguseto, ina aole oe e hana aku ana I kekahi mea e waiwai ai nou iho, nolaila eia wale no ka'u kauoha ia oe e hana aku oe, a ke ae aku nei au ia oe e hana aku." "O, me ka mahalo a nui ia oe, e kuu haku," pela ke kanaka opio o ka pane ana ae me ka manao pihoihoi, me ka hoomaopopo ole aku nae no ia hana ia manawa, no ka mea, ua piha loa pia i ke kaumaha no kona hoaloha a ua kapae loa ae oia i kana noonoo ana maluna o na mea e ae. (Aole i pau) | |