Ka Nupepa Kuokoa, Volume LXVI, Number 4, 27 January 1927 — HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo [ARTICLE]

HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo

<4 He nui loa ka manawa no ka hoolohe ana aku i kōu manao, aka i keia manawa, ke makemake nei au e hoihoi hou ia aku ke Kauna Rurika, e hoopaa maloko o kona keena paahao!" Kc onioni wale la no o Mira me ka manao e holo mai imua no ka puliki ana ia Rurika, ua papa mai la nae kona makuakane iaia ma ke kamailio ana iho i keia mau olelo, me ka leo liilii loa: z "E hoomanawanui e kuu kaikamahine, a mai h6io oe e hana aku i kekahi mea e hooiia ae ai ka huhu ame ka inaina o ka emepera, e hiki ole ai i ka mana o kekahi kino kanaka, ke hoomallelie aku iaia!" "Auhea oe e kuu emepera," i hoomaka mai ai o Rurika e kamailio, i ka manawa i paa aku ai na koa elua ma kona mau lima, "aole au e noi aku ana e aloha mai oe ia'u, aka o ka'u leo uwalo wale no, o ia kou kaupaona ana i na mea apau, ma ke ana o ke kaulike. E nana 1 kou puuwai ponoi iho, e ike no auanei oe, ina no paha o oe ma ko'u wahi, aōle no e nele ana hooko elike me ka'u i hana aku ai." Aole he pane ma ka aoao o ka Emepera Nikola no kela mau elelo, aka ike aku la nae o Rurika, i ka uahoa ma kona helelielena, a ike pu aku la no hoi oia i ka hehte ana iho o Mira iloko o na lima o kona makuakane, aole nae ia i lilo i kumu Rurika e kuwo ae ai, aka kulou iho la kona poo ilalo, me ka ae aku i na koa elua e lawe iaia e hoopaa maloko o ka halepiahao. I kela komo hou ana aku o Rurika maloko o ka halepaahao, a iaia hoi e noho hookahi ana, mahope iho o ka haalele ana mai o na koa iaia, me he mea la, he pouli pu wale no na mea apau iloko o kona noonoo, me ka maopopo ole o kahi e kau iktx ai kona manaolana no ka palekana, no ka mea ua kamaaina oia i ko Nikola ano, aole oia he emepera hiki ke hoololiloliia kona mau manaopaa. MOKUNA XXV. Ma kekahi la ae, e noho hookahi ana no ka Emepera Nikola maloko o ka rumi o kona hale ma Odesa,< me he mea la e kakali ana oia o ka hoea aku o kekahi kanaka, a no kona uluhua paha i ka hoea koke ole aku, ku ae la oia iluna, a noke iho la i ka holoholo, no kekahi manawa, a i puiwa oia 1 ka welieia ana mai o ka puka, a komo ana no o Ivana Mikaele iloko: "Elike me kau kauoha o ka hoouna ana ae nei, e hele mai au e ike ia oe, pela au i hooko mai ai i kela kauoha," i hoomaka mai ai o Ivana e hoakaka i ke kumu o kona hele ana mai « ike i ka Emepera Nikola. "Ua makemake i'o au e ike ia oe e Ivana, pela au 1 kauoha aku nei e hoea mai oe i keia kakahiaka," wahi a ka Emepera Nikola. me kona noho ana iho maluna o kekahi noho, a kauoha pu mai la no hoi ia Ivana, e noho iialo. "Ua hoohalaia kekahi manawa loihi e maua me ke Kauna Kalikini ma ke kamailio ana, maluna o na kumuhana like ole, ahiki i ko'u hooholo ana no ka'u mea e hana aku ai. "Ua maopopo loa ia'u, ua kaawale loa oe mai na ahewaia, bo na mea au i hana ole ai, oiai o Alekana e hoomalu ana i ke aupuni; aka mahope mai nae o kona manawa, he nui na mea « ahewaia ai oe." "Heaha ia mau mea a'u i hana ai, e hookauia mai ai na hewa ana nialuna o'u?" w O ka mua, o ia no kou wehe ana i ka puka o kuu halepaahao! Ma ka manawa mua loa a'u i ike aku ai 1 kela kaikamahine opio, e puliki ana ma ka a-i o ke Kauna Rurika; a i ka wa hoi i maopopo ai ia'u, o oe ka makuakane o kela kaikamahine, komo koke iho la no ka manao iloko o'u, o oe ka mea nana i hoopakele ia Rurika mailoko aku o ka halepaahao. "O e Mikaele, o keia kekahi kumuhana ano nui loa, nana 5 hoopilikia loa mai i kuu noonoo. Ina aole kela mea au i hana ai, ua makaukau loa au e hoihoi hou aku i kou mau wai\rai apau ame kou inoa hoohanohano. He mea liilii loa iloko 0 ko'u noonoo, ina paha ua pili ka hewa ole paha ka paahao, ua kaa mai nae oia malalo o ko'u mana, a o oe ka mea nana 1 kaili aku iaia niai kela mana aku o'u. "Heaha ka waiwai o ka lilo ana o kekahi mea i emepera, ina aole he mana iloko o kona mau lima? I hoike aku au ia oe ea, o kela kanaka paahao Polani a Rurika i hoopakele ai, a i lilo ai hoi ia hana, i kumu e noho paahao ai ke kauna opio, aia oia ke hoala hou mai la i na manao hoala kipi ma Polani; no laila e ike mai oe i ke kupono ole Joa o ka hoao ana mai o kekahi mea, e ku-e i ko'u mau makemake." Ma kela wahi o ke kamailio ana mai a ka Emepera Nikola, hoomaha iki iho la oia, me ka hamohamo ana ae o kekahi lima, maluna o kona lae, alaila hoomau hou mai la i kana kamailio ana. "Ua aloha aku au ia oe e Mikaele me he kaikaina ponoi loa la no'u mai ka makuahine hookahi mai; he manawa loihi ae nei nae kela i hala, i ko kaua manawa he mau kanaka opio, eia nae aole loa au i hoopoina no kela ano o kaua. Ke mau nei no kela aloha o'u ia oe, aole i loli ae, aka nae hookahi a'u mea hoike aku ia oe e kuu hoaloha, ua maopopo ia'u, aole kela manao makee iloko ou no kou emepera ame kou aupuni, elike me ke ano o na kanaka Rukini oiaio apau. I w Ua noonoo nui au i kou ano ame kau mau hana o na ma l ) luwa aku nei i hala, a hookahi a'u mea i ike, o ia no kou ma- j kemake nui, e kau aku ka hoopa'i maluna o Alekana Menikopa, ] aole, no kou makemake maoli e noho ma ke kapitala o Rusia, M "Aole au e lioole aku ana i ka pololei o kena mau mea au e namailio mai nei e kuu emepera." "Ina no paha e hoole mai ana oe, aole loa ia he kumu e loli ae ai ka'u mau mea mua i noonoo ai," wahi a ka Emepera j Nikola, me kona unuhi ana ae i kekahi leka loihi mailoko ae o ka pakeke o kona kuka, a pane hou mai Ja: 4< E lawe aku oe i keia leka, aia maloko olaila ka'u mea i hoo* holo ai; ua hiki no ia oe ke hele aku e ike i ke Kauna Kalikini, a nana e hoakaka mai ia oe, i na mea au i maopopo ole ai: j nolaila o ke aloha no kou e Mikaele; a e ike iho ana no oe, aole i nele ka manao aloha iloko o'u no ka ho.i-kanaka. lawa keia hui kamailio ana o kaua, ua hoea mai la kuu kakauolelo, he hana nui ka maua e lawelawe aku ana." Haawi aku la o Ivana Mikaele i kona aloha i ka Kmepera Nikola, nie kona hele ana mai no kahi r> ka puka. n nunmia' nae o kona oili ana aku iwnlm. nānn -*V't la na naka o ka emepera, aole he uana mui o Nikuia iaia, n'.a t: t huli

aku la kona alo i kahi e, me he mea la, aia na hoomanao ana iluko ona, 110 na hana ku-e a Ivana iaia ame kona mana. Ma ke kakahiaka nui o kekahi la ae, o ke ala ana mai no ia o ke Kauna Rurika mai kona hiamoe mai, komo aku la ka lunapaahao iloko o kona keena, a iaia i ike aku ai ua ala ke kauna opio, oili hou mai la oia iwaho me ke kamailio ana aku i kekahi mea okoa, a i ka weheia ana ae o ka puka a hamama, komo ana no o Ivana Mikaele iloko. I kela ike ana mai a ke Kauna Rurika i ke komo ana aku 0 Ivana iloko, a hoomaopopo pu mai la no hoi i ke ano hoihoi ma kona helehelena, holo koke mai la oia e hui pu me ia, me ka paa ana mai ma kona lima, a pane mai la: "O e Jvana, heaha ka hana nui i hoea kakahiaka nui mai ai oe no ka halepaahao nei?" "I hoea mai nei au no, ka hookuu laelae ana ae ia oe mailoko aku nei o ka halepaahao!" I ka lohe ana no o ke Kauna Rurika i kela mau olelo, aole ana mea hou ae e pane mai ai, aka kulou iho la kona poo ilalo a haawi ae la i ka hoomaikai i ke Akua, maloko o kona naau, no. keia pomaikai nui i kau mai maluna ona, a oiai, aole ana mea hou ae e kakali iho ai, ke paa la no oia i na lima o Ivana, a hemo like mai la laua iwaho, me ke kuikuilima pu ana o kekahi me kekahi. Ia laua mawaho o ka puka o ka halepaahao, i haawi hope aku ai o Rurika i kona aloha i ke kanaka kiai, a hele aku la laua no ke alanui akea, a oiai aia laua ke hele la ma kahi kanaka ole, ninau aku Ia o Rurika ia Ivana, ina paha he mea hiki iaia ka hele ana aku e hui pu me ka emepera, ua hoole mai la o Ivana, ma ka pana ana ae: "Aole a kaua hele ana aku e ike i ka emepera; a mai kamai--1 lio kaua no ia mea ma keia wahi, aka e hoomau aku no kaua i ka hele ana imua," o ko laua hele aku la no ia, no kahi nae i maopopo ole ia Rurika. No ka hapaha liora paha kela helewawae ana aku o laua, hoea aku la laua no kekahi hale, aia hoi maloko o ka rumi hookipa nui, e noho ana o Mira, a o ia ka Ivana o ke kamailio ana ae i ke Kauna Rurika: ! "E komo oe noloko o ka rumi hooikpa i keia manawa, aole j au mea i koe e hopohopo ai, no ka mea o oe wale no ka mea i kuleana iaia," me kona kuhikuhi ana aku i kahi a Mira e noho mai ana. Me ka nianao hoomaikai kiekie iloko ona, no ka loaa ana o ka hauoli piha i kona uhane, komo aku la o Rurika, me kona kukuli ana iho imua o ke alo o Mira, eia nae, ua haule pu iho Ia no na kuli o Mira iluna o ka papahele a ia wa i apo aku ai na lima o Rurika a hoopili mai la ia Mira imua o kona umauma me ka hooho ana ae: "Ua maopopo no ia'u, e hoea mai ana i ka manawa e poha mai ai ka la o ka maluhia ame ka maha, a ke manaoio loa nei au, ua paneia mai ka'u mau leo pule e ke Akua." "Aole o'u kanalua iki no ia mea," i pane mai ai no hoi o Mira, me ka hiolo makawalu ana o na waimaka ma kona mau papalina. "Ua kokua i'o mai ke Akua la kaua, a ua hoauhee aku Oia i na ao hakumakuma o ke kaumaha mai ia kaua ae; nolaila e hoonani kaua i ko kaua hoopakele e kuu Fiodoa. He mea oiaio loa, me na opio e kukuli like la iluna o ka papahele, aia iloko o laua pakahi na manao hoomaikai kui'o i ke Akua, a i hooiaio 110 kela manao hoomaikai a mahalo i ko laua Akua, haawi like ae la laua i kekahi mau huaolelo pule, oiai hoi o Ivana e ku mai ana a nana i kana mau keiki, me ka hiki I ke kaohi aku i kona mau waimaka o ke aloha. , I ka noho pono ana ae o na opio maluna o ko laua mau noho,, a i ke auhee ana aku hoi o na hiohiona hikimua o ke kaumaha | mai ia laua aku, 0 ka mea mua loa a Rurika o ka ninau ana mai ia Mira, o ia no ke ano o kona pakele ana mai Konakinopela mai, ke kulanakauhale o Tureke, no ka mea tla hoopohihihi loa ia aku ko Rurika manao no ka hoea ana aku o Mira, i ka manawa ana i moeuhane mua ole ai, elike me ia a kaua | e ka makamaka heluhelu i ike ae nei. i "Ma kela manawa au i haalele ae ai ia'u, maloko o kou rumi, j a hala aku la 6e no ka hale o ke kanaka Greek, no ka imi ana i hale kupono no'u e noho ai, ua lohe aku la au i kekahi mau, leo hauwalaau, ma ka hale inalalo, a iloko o na mea e kamai-j lioia ana, ua lohe aku 1a au i ka hoopukaia ana ae o kou inoa. "I wahi e maopopo pono ai ia'u ke ano o na mea e kamailioia ana e ka poe mawaho, hoopili aku la au i ko'u pepeiao ma kahi o ka puka-ki a lohe aku la au, i ka olelo ana ae o ka ona nona kela hale, aole ana mati ku-e ana aku i ke komo anaj mai o kela poe kanaka iloko o ka rumi; a lohe pu aku la au ma ke ano o na mea e kamailioia ana, he makai kekahi iwaena 0 kela poe kanaka. "No ko'u manao loa, e hele mai ana kela poe kanaka e hopu ia'u, a hoihoi hou aku ia'u imua o Selima, ua holo aku la au no kahi o ka puka aniani, i ko lakou manawa i pii mai ai ma ke alapii, no ka hale maluna. Me ka hoohakalia ole iho, uu ae la au i ka puka aniani iluna, a oili aku la iwaho, a o kahi o ka laki, e ulu ana kekahi laauhihi, a ma na ka nunui o kela laauhihi, i iho malie mai ai au ahiki i ka hoea ana no ka honua paa. "He wahi alanui ololi ke moe ana mahope o ka hale a hoea no ka halelio, ma kela alanui au i hele aku ai, ahiki i ko'u hoea j ana i ka halelio, a malaila ko'u wahi i pee ai, ahiki i ke ao j ana ae ma kekahi la mai. | "Ke noonoo nui loa la au, i ke ano e paa hou ole māi ai au 1 ka hopuia, a ma kela kakahiaka, ua hoea mai la he keiki opio, no ka hanai ana i na lio, nolaila hooholo iho la au, e hoikeike; ia'u iho imua ona, nolaila me kela Inanaopaa, i hele aku ai au a hui pu me ka opio, a haawi aku la iaia 1 kekahi apana dala gula, me ko'u papa loa ana aku iaia, aole e kumakaia ia'u. "I-laawi hou aku la au iaia i kekahi apana dala gul?i, no ke kuai ana i paalole o ke keikikane, a ua haawi i'o mai la kela, opio i ke kokua ana no ko'u pakele, no ka mea iaia i nalo aku : ai, a oili hou mai, ua lawe mai la oia i kekahi paalole, i kupono loa ia'u. "Nikiikii ae la au i ko'u mau lauoho a paa i kahi hookahi, me ke kau ana ae i ka o ko'u haalele aku la no ia i ka halelio, a hookokoke mai la no kahi o ka hale hookipa. "Mamuli o na hooia ana mai a ke keiki opio, aole e hiki i kekahi mea ke ike mai, he kaikamahine au i komo i ka lole o ke keikikane, nolaila ua aa loa mai la o'u manao, me ka hele ana aku e ninau i ka ona o ka hale hookipa e pili ana nou, a.loaa mai la ka ike ia'u mai iaia mai, ua laweia oe e kekahi makai ame na luina Rukini. "Loaa koke iho la no ia u na manao hoohuoi, ua laweia aku oe a hookau maluna o kekahi moku, nolaila haalele awiwi aku la au i ka hale hookipa a iho mai la no ka uwapo, a o ka mea a'u i ike. o ia no kekahi moku, e holo ana i ka moana, a na ■kekahi lnina ("rreck i hoike ia'u, iuka mai o ka aina, ka >•. ;in!m« •' n Kukini. ma ka po mainua aku. ''La lua ia'u, oe nialuna o kela moku, nolaila ka-

kali iho la au o ka loaa he moku e holo ana no Odesa nei, o kahi no hoi o ka laki, he ekolu la o kela kakali ana, o ko'u kau mai la no ia maluna o kekahi moku, a hoea mai la no keia wahi, me ka nui no nae o ko'u nauki loa, i kau a mea o ka lohi. "la'u nae o ka hoea ana mai no keia wahi, lohe iho la au, aia oe me ka emepera. Aole i maopopo iki ia'u, pehta la i loaa mai ai ka manao koa a maka'u ole ia'u, aka hooholo iho la au, he mea pono e loaa oe ia'u. Mamuli o ka ninaninau ana, i hoikeiā mai ai ia'u ka hale e noho ana o ka emepera, a aia oe maloko o kela hale, nolaila me ko'u nana ole ae no na pilikia mamua o ko'u alahēle, ua hele pololei aku la au no kela hale. lakou, ina au i hoopepe, aole nae pela, ua holo maoli mai au i ka hoea ana i kahi o ka puka, a i kuu ike ana mai ia oe e noho ana; aohe mea hou ae a'u e noonoo ae, o ka hoea wale aku no imua o kou alo, a no ke koena aku o na mea i koe, ua ike oe e Fiodoa ia mea." "O na mea i.hala aku la, ua hala ia, aole a kakou noono6 hou ana no ia mea," i pane ae ai o Ivana. "Ua palekana kakou apau mailoko mai o na pilikia ame na poino, a ke waiho mai nei imua o ko kakou mau alo na manaolāna he nui. Ua aloha au i kou makuakane e Rurika, a ua aloha no hoi au au ia oe, a ke lana nei kuu manao, ao!e he mea nana e hookaawale hou ia kakou ma keia mua aku, wa ka honua nei." "O ka'u leo pule mau ia imua o ko kakou hoopakele ma keia hope aku/ wahi a Rurika me ka manao kuio. "He nani ia, ua hoea mai la i ka manawa kupono loa a ka kou e kamailio ai no kakou iho, nolaila, he mea pono ia'u ke hoike aku imua ou e Rurika i ka manao o ka Emepera Nikola, a o ia no keia: "Aia iloko o ka Emepera Nikola ka puuwai i like aku ka paakiki me ko ka hao kila, aka nae i kekahi manawa e loaa ana no iaia ka mano oluolu ole nae ia o kona ano mau. Ua huikala mai oia ia kaua a elua, aka ua hoole loa mai oia i ka haawi ana mai i ko kaua mau waiwai ame ko kaua mau inoa hanohano. Aole ona makemake i na kaukaualii i keehi iho i kona mau makemake, a i ku-e hoi i kana mau kauoha, e noho aku imua ona aole nae oia i piha me ka uahoa, ma na mea apau. "No ko'u mau waiwai apau, ua lawe aku oia no ka noho kalaunu; aka nae ua haawi mai oia ia'u i ekolu hanen kaukani dala; a ua kaili aku oia i kou mau waiwai apau, me ka haawi ole mai i kekahi pomaikai ia' oe. "Mai lilo nae kou hooneleia ana mai la e ka Emepera Nikola i kumu e hookaumahaia ai kou manao, no ka mea ua lawa loa na dala i haawiia mai ia'u, 110 kakou e noho aku ai iloko oka lako ame ka hanohano. Ua hiki ia kakou ke noho maloko nei o Rusia ke makemake kakou, a i ole noho paha ma kekahi mau wahi okoa aku." "Pehea kau mea i manao ai> no keia kumuhana hope au i hoike mai la?" i ninau mai ai o Rurika, mahope iho o ka hala ana o kekahi mau minuke o kona noonoo ana. "Ua hooholo mua au i ko'u manao, o ia no ka haalele ana iho ia Rusia nei." "Ua kulike loa ko'u manao me kou e Ivana; aka ihea kakou e hele aku ai?" "Hookahi wale no aupuni ma ka honua nei e lOaa ai ia kakou ka noho lanakiia ana elike me ia a ko kakou uhane i iini nui ai, oiano o Anienka. Iluna ona kahoaka kalaiaina o keia aupuni o Rusia nei, hookahi wale 110 a'u mea e ike aku nei, 0 ia na hana hoopilikia me ke kipi, a maluna ae o keia maU mea a elua', ka hana hookahekoko. "E lilo no 1 niea no'u e hauoli ai, ke ku ana aku 4 paio no ka noho lanakila ana o kuu lahui kanaka, aka nae ke ike aku nei au iamua, aole he aupuni hookaumaha e ae i na kanaka, aka o Rusia no ia, ma keia ano, aole e hiki ia'u ke kaua ku-e aku i kuu aupuni ame kona hae, no ka mea maluna o kona lepo laahia, i haakohi mai ai ko'u makuahine ia'u, a ike mua ae i ka malamalama o ka la. "E hele kakou e Rurika, no kela aina 0 ka maha ame ka maluhia, a mai hoomaha i ka kakou huakai hele, ahiki i ko kakou hehi ana maluna 0 ka lepo 0 kela aina, kahi i kukuluia ai ka lamaku o ka lanakila, kela pono pookela loa i kukuniia aku iloko o ka puuwai o kela ame keia kanaka a wahine hoopono. Heaha kau pane e kuu keiki?" "Ua hoopa mai la oe i ka iini hookahi iloko o kuu puuwai, nolaila aohe a*u mea e ae e pane aku ai, o ka haawi wald aku no i ko'u ae," i pane ae ai o Rurika, me ka hopu ana aku i ka lima o Ivana, ma ke ano he hoailona no kona piha I ka olioli. "Pehea hoi oe e Mira, ihea kau wahi i makemake ai, ilaila kakou e hoi aku ai e noho?" "No kou noi ana mai la e kuu makuakane i ko'u manao ea, hookahi no a'u pane, ma kahi e loaa ai ia oe ame Fiodoa he home no kakou e noho ai, malaila au e hoi aku ai a noho, e hoolilo ana i kela home, me he paredaiso la no'u ma ka honua ... • ,* nei. "Ina pela aohe a kakou mea hou aku e kamailio ai, o ka haalele wale iho no i keia wahi elike me ka hikiwawe e loaa aria ia kakou. Ua huli hoi aku nei o Nikola no ke kapitala, a ua lawe pu aku oia i ke Kauna Kalikini me ia, aole e lilo ana ko kakou nalowaie ana mai Rusia mai, i kumu e hookaumahaia ai kona noonoo; aka nae o ke Akua hookahi wale no ka Mea 1 ike, ua kaawale aku he elua mau uhane hoopono, a he elua mau kanaka puuwai koa mai kona aupuni aku he elua mau kanaka puuwai koa mai kona aupuni aku. "E hoea mai ana ka manawa ma keia mua aku e konoia mai ai o Nikola o Rusia, he mea pono e loaa iaia na kanaka me na puuwai oiaio, i mau hoa kukakuka nona; no keia manawa nae, me he mea la, ua nana maoli iho no oia iaia, ma ke ano, oia hookahi wale, no ke kanaka mana nui ma kona aupuni, he manao kuhihewa nae kela. No kona lilo ana i emepera, a no kana mau mea i hana ai, a e hana aku ai paha, aole o'u wahi manao inaina iaia." He mau mahina lehulehu mahope mai, aole he mau mea 1 lohe hou ia no ke Kauna Rurika ame Ivana Mikaele, aka nae i ka hoea anā mai o ke kau wela, ua hoea aku la ka makuakane ame ka laua mau keiki no ke awawa o Ohio, a maloko o kela awawa i kuai aku ai o Ivana 1 home no lakou e noho ai. Ua kaawale aku kela inoa kaukaualii mai iaia aku ke Keikialii Mikaele Basilo, a iaia i lilo aku ai i makaainana Amerika, kakau aku la oia 1 kona inoa o Ivana Mikaele. Ma kapa o kekahi muliwai nui, i ku ai ka home kilakila o Ivana ame kana mau keiki, malaila o Rurika ame Mira i hoohala ai i ko laua mau la ma ke ano tie hookahi laua ma ka berita mare, he hookahi ma na hana ame ko laua ola ana, e hoohauoli ana hoi ia lai;a iho, me na pono ame na pomaikai, 0 ka noho kuokoa ana, ka haawina pookela 1 loaa i na makaainana Amerika apau, a i ka mea kakau moolelo t haalele aku ai i na opio, iloko o na la mua o ko laua noho hauoli ana, aole 1 hoopomaikai mai na lani i ko laua kihapai kino, ka momi makamae a ko laua mau puuwai pakahi 1 iini aku ai e hoopuniia ko laua mau alo, e na pulapula o ke au hooulu lahui. (KA HOPENA.)