Ka Nupepa Kuokoa, Volume LXVI, Number 4, 27 January 1927 — HE MOOLELO No FOLORA RIKEKONA A i Ole KE KOMOLIMA MARE POHIHIHI Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa. [ARTICLE]

HE MOOLELO No FOLORA RIKEKONA A i Ole KE KOMOLIMA MARE POHIHIHI

Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa.

Ua hikiwawē loa ka loaa o ka ike ia Ineka, lie kaikamahine aapo loa oia ma na haawina i a'oia mai iaia, me ka nana ole aku i kela kulana naaupo ona nia kona manawa i haalele aku ai i kona home ponoi, ua hikiwawe loa ka makaukau i loaa iaia 4 ua kaulike no hoi me Monika ma na haawina apau i a oia mai iaia, aole ma na haawina wale. aka ma na hana ke kahi i a'oia mai ia laua oia hoi ka humuhumu ame na hana e ae 1 kupono na na kaikamahine e hana. Ma keia manawa o kela mno hoomaopopo ole o Kafo IHn? ma kana mau mea a pau e hana ai me ka noonoo nui ole e hoonui aku i kona waiwai a e imi hoi i kulana oi ae, ua pau ia,' a he ano hou kona; ua ikeia kona hooikaika mau i ka hana me ke akenui o ka noonoo e lilo oia i kanaka ulakolako i ke kahi la e hiki mai ana. Ua ikeia ma keia manawa kona makaala nie ka malama pono i na hana a pau a kona hakuhana, me he mea la, ua ike iho paha oia a ua hoomaikai hoi i kona kona hoahanau, no kana mau hana maikai i hana mai ai nona ame kana keiki, a ua ike pu ia ma keia manawa kona hoike mau ani ae i kona ano oluolu i kona haku hana. Mamuli o kona hoomau ana i keia mau ano maikai ona ua pii liilii ae oia mahope mai ahiki i kona lilo ana hē kanaka i hiki ke hilinaia e Mr. Kini, no ia kumu ua hookiekieia ae oia niai ke kulana he kanaka paaua a i ke kulana luna maluna o na kanaka hana; aole no i pau malaiia, ua hookiekie hou ia ae oia ahiki i kona lilo ana he luna hoohana no ka lut eli gula, a no ka ike o kona haku i keia mau ano hoopono a hilinaiia ona, a ua lilo hoi he kanaka kupono nana e malama i na hana a pau, haalele iho la o Mr. Kini i ka hana eli gula malalo o ka Kalo Kini hookele ana, a holo aku la i ka Hikina no kekahi mau pule eono no ka huli a kukakuka pu ana me ka poe kuai gula. Me keia ano iho la ka nee ana o na hana me ka maikai a hala na makahiki ehiku, a ua hiki aku la hoi o Ineka i ka p1« ha ana o kona mau niakahiki i ka umi-kumamaiwa, a ia Monika 1 ka umi-kumamahiku pakahi, nolaila noonoo iho la o Mr. Kini, he mea pono e hoonohoia aku laua maloko o kekalii kula nui nohopaa no ka hoomahuahua ana ae i ko laua ike, a no ka hookupono ana hoi ia laua no kekahi mau kulana kiekie ma ia mua aku. Iloko o kekahi huakai a Mr. Kini i holo ai i Los Angeles, kipa aku la oia i kekahi halekula i kaulana o na kaiamahine, a mahope o kona kuka ana me ke kumupoo o ia kula, alaila hooponopono iho la oia i na mea apau e pono ai laua no ka hoi ana aku ia kula a no ka hoopau pono ana aku hoi i ka laua mau haawina anie ko laua a'oia ana, a e kapa mau ana oiā i keia mau kaikamahine nana ponoi, oiai nae, hookahi no ana, a na ka hoahanau ona kekahi. laia i hooholo ai no ka hoihoi ana aku i keia mau kaikamahine i ke kula kaikamahine ma Los Angeles aohe kanalua iloko ona no ko Kalo Kini ae mai i keia hooponopono ana ana, oiai, aole oia e koiia aku ana e uku mai i hookahi keneka no ka ukukula o Ineka, no ia kumu aohe oia 1 ui aku i ko Kalo Kini ae mai i keia hooponopono ana ana, no ia kumu aohe oia i ui aku i ko Kalo Kini manao, no ka pono a pono paha o keia manao ana ona e hoihoi aku ia Ineka i ke kula. I kekahi la hoike aku la oia i kana mea i hana ai no na kaikamahine ia Kalo Kini mahope o kona hoi ana mai, a ua apono mai la o Kalo Kini e loaa ana ka naauao i kana kaikamahine a e hookuponoia ana oia no kona ola ana o ia mua aku, eia nae, no kekahi manawa loihi ka ulu mau ana o kekahi noonoo lapuwale iloko o Kalo Kini, oia hoi, e oi aku ana ka naauao e loaa ana i kana kaikamahine a e hapaiia ae ana oia a 01 ae ke kiekie maluna ona, a i ka manawa e pau ai o kona noho ana ma ke kula a hoi mai ana a noho me ia, a e uana mai ana °ia iaia na maka konakona no ka lako ole o kona noho ana i na mea nani, oiai ua maa o Ineka i ka noho ma ka home nani a ua maa hoi i ka aahu i na lole nani, a i ka ai i na meaai maikai, he mau mea nae i hiki ole iaia ke hoolako aku iaia. O kekahi mea hoouluhua i kona noonoo oia kona noh° ai 'e 5 kopa hoahanau no na hoolilo apau ana i auamo ai no kana kaikamahine, a ua lilo keia i mau mea hookaumaha i kona noonoo, a ua loaa iho la iaia keia manao ohumu, pehea la i haawi mai ai na lani i ka pomaikai ame ka hanohano nui maluna o kona hoahanau, oiai hoi, nona iho iloko o ka hapanui o kona mau la o ke ola ana, ua wiliU oia a paa malalo o na kapuai hao o ka hune. Mamuli o keia mau mea hoouluhua e ulu mau ana iloko o kona noonoo ua hoala hou ia mai la na manao lili U o k o D na 0 ka wa kamalii a ua ulu mau aku ahiki i ka nohoalii ana o ka inaina ame ka manaoio iloko ona no kona hoahanau aloha iaia, alaila hoolala iho la i kekahi hana i mea e make ai k o na hakuhana aoke kanaka lokomaikai hoi i hana mai i mea poiio ai kana kaikamahine, me keia manao e loaa ka pomaika! no kana kaikamahine no Ineka, elike me ka iini o kona ma kuahine e lilo oia I wahine naauao a waiwai ma ia mua aku " 0 keia na manao lapuwale 1 hanau iloko o Kalo Kini ahiki 1 ke 00 ana a e ikeia ana ka hua o i a manao ma keia nee aku o ka moolelo. 1 ka hoi ana aku 0 Monika ame Ineka i ke kula aohe i liuliu

loa ma iahope iho, uā lilo laua he mau mea punahele loa i j na.kumu mamuli o kp laua hplpmua ma ka laua mau haawina, ka mikiala ma na hana o ka halekula e liaawiia mai ai ia laua a. pela hoi me kekahi mau ano maikai lehulehu a na kumukula 1 ike mai ai no laua. Ua makemakeia o Monika e ka poe i like ko lakou mau ma-| ®ao me kona no ka oluolu ame ke akahi kona aloha me ke menemene i na hoa-kanaka me ka makaukau e haawi aku i na kokua i ka poe iloko o ka Pilikia. >i> Ineka hoi, he like kona ano me he liona wahine la i kekahi poe, no kona aaka a haakei, he kulana kona i like me na kane, a ma na hana hooikaika kino a ma na paani like ole ma ia mau mea kona makemake mau, a o kona puu nui loa i lilo ai i mea ahewa loa na na kumukula, o ia kona uhaai ma na meaai no ka hoonoonoo ana aku i ka puu o ka poe e pipili mau mai ana iaia. A oiai nae e hoHee mau aku ana no oia i kona ano oluolu a. lokomaikai ia Monika, eia nae, me ka nana ole ae ia mau ano maikai ona, aia no iloko ona kela ano lapuwale o kona makuakane, a me ka malu loa i huna ai i kona hoowahawaha a hoino i ke kaikamahine ui a Mr. Kini no ka mea ua hoohanini mai na lani i kana hoopomaikai a nui maluna ona mamuli o kona makuakane; ua ikaika loa ka manao lili iloko o kona naau, a e ulu mau ae ana keia manao iaia o ka lilo mai o na iraiwai o Mr. Kini iaia kona iini, i loaa ole ai ia Monika kekahi kulana kiekie kuokoa nona iho. Lapuwale keia kaikamahine. Iloko o ka halekula a laua i noho like aku ai ua manaoio loa ka poe apau i ke mai ia laua he mua a he muli, no ke kumu aole o Mr. Kini i ae e hoikeia aku o Ineka he kaikamahine ia i haawiia mai malalo o kana malama ana; ua loaa ka manao i kekahi poe o Ineka ka Mr Kini punahele no ka mea oia ka mea oi ae o ka nani o kona mau aahu mamua o ko Monika oiai nae o na dala i haawiia aku ia laua mau hoolilo maloko o lee kula he likf no, aka nae, o na aahu o Monika he mau lole emi wale no o ke kumukuai. Mamuli o keia i manao ai kekahi poe e lilo like ana keia mau kaikamahine i mau hooilina no na waiwai apau o Mr. Kini ke make aku oia, nolaila, ma ia ano i malamaia mai ai laua me ka maikai loa. Aia iwaena ona kanaka e hana ana malalo oMr. Kini he kanaka Mekiko opio he kanaka hana ma ke ano he kakauolelo pilikino no Mr. Kini; he kupunakane kona i kaulana he Kanikela Sepania, a mamuli o ka halawai mau ana o ia ohana me na pilikia he nui ua emi loa mai ko lakou kulana ulakolako * i ke kulana hune . maoli. Mahope o ko ia ohana auwana ana mai kekahi wahi a i kekahi me ka manaolana poho wale e loaa ae kekahi ano kulana maikai, ua hiki mai la lakou i ka manawa liope loa i na kauhale o na kanaka hana a Mr. Kini, elike me ia i hoike mua ia ae nei ma kekahi wahi o na mokuna i hala. Ma keia wahi a lakou i noho ai i halawai hou ai lakou me ka pilikia, oia hoi make aku la ka makuakane, a koe iho la ka makuahine ame ke keiki, a i kekahi la hui aku la o Mr. Kini me fcteia ohana ilihune i aneane loa e make i ka pololi. Ua hoihoi aku la oia ia laua iloko o kona hale, a mahope e ke ola ana o ka ma'i o ka makuahine, ua hoolimalima aku la iaīa i wahine malama hale, a ma ia wahi 110 hoi i pii liilii ae ai ke keiki ahiki i kona lilo ana he kakauolelo piiikino na Mr. Kini ke kanaka i hana aku i ka maikai nona, a o ke kanaka opio hoi ana i hoohanohano aku ai, elike-me ko kona makuahine, a oi aku mamua o kekahi hoakanaka. O Auguseto Kasetadi ka inoa o keia kanaka opio, a ma ka manawa o keia moolelo i kakauia ai, he iwakalua-kumamakolu ona makahiki ia manawa, a he ohua hoi maloko o ko Mr. Kini home, a o kekahi lala hoi o kona ohana no na makahiki aneane i ka ewalu. He kanaka opio eleu, mikimiki a' naauao oia, a he keonimana oiaio ma kona mau anp a pau, aole mawaho wale no, aka, maloko pu o kona naau no ka mea, he akahai, he haahaa a he oluolu i na mea apau, oiai nae, ua nele oia i ka hoonaauao maikaiia iloko o kona mau la opio, a ua hooikaika no nae hoi kona makuahine elike me ka hiki iaia ke hana nona, ma o ke kula ana aku iaia elike me ka ike i loaa iaia, aka nae, mahope 0 ka aeia ana o ke kanaka opio e heluhelu oia i na buke ana e makemake ai maloko o ke keena waiho buke a Mr. Kini, ua haawi nui ke kanaka opio i ka hapanui o kona manawa kaawale ma ka heluhelu ana i na buke, me ka hooikaika mau ma na haawina e hoomahuahuaia aku ai kona ike, a ua ikeia kona holemua loa mahope mai. Ma ka manawa i hoihoiia ae ai o Kasetadi ame kona makuanine e Mr. Kini i kona home aneane eiwa makahiki o Monika Kini ia manawa, mai kela manawa mai i lilo ai ia kaikamahine i mea makemake nui ia e Ksetadi ame kona makuahine, a ua pii mahuahua mau aku keia aloha iloko o laua no Monika 1 ke kula o na kaikamahine ma Los Angeles. Ma keia manawa ua nui ke aloha ame ka makemake iloko o ke kanaka opio no ke kaikamahine a kona haku, me ka hoaaia ae la o na manao kuko o ke koko Paniolp ilpkp ona e lilo o Monika i wahine nana i kekahi la e hiki mai ana. Eia nae, ia manawa hookahi noonoō iho la oia no ke kanaka lokomaikai i malama mai ai iaia me he keiki ponoi la nana, rio ia kumu uumi wale no iho la no oia i ke aloha e pee maloko, aohe mea i ike mai ia manao ona oia wale no. Me Ineka hoi he launa no oia me ka nana mau aku iaia he hoaloha, no kona oluoiu a launa mau me ke kamailio mau me ia, a he makaukau no hoi oia no na hana hoohauoli i kona manawa e noiia aku ai, aole nae ma ke ano e ikeia aku ai e lilo ana oia i ipo aloha na ke kanaka opio i kekahi la, a he hoike mau ae no oia i kona ano hoihoi ole ke oi loa aku ka ke kanakaopio hana mamua o ke kupono. Me ia iho la ko lakou noho ana a hala kekahi manawa, ke mau la no ka holomua ame ka pii mau aku o ka waiwai o ka ona o na lua eli gula; ia manawa like ke hoomau la no hoi ka lunahoohana ana, a o kona hoahanau hoi, i kana hoolala ana no ka hoopoino ana iaia ahiki i ka manawa hope loa, ka la hoi a Mr. Kini i moeuhane mua ole ai, a i loaa ole ai he hoohuoi ke hoolala mai la ka kona hoahanau i kekahi hana nona e make ai, a ua make io oia. O keia no ke kumu o Pamano i make ai, aole i ka mea e aku, i kona io ponoi no, ka mea nana i hoolala 1 ko Pamano kumu e make ai.

MOKUNA XV.—Ke Karaima aka Mea Kumakaia.

M* kekahi kikihiaka, aneane ekolu mikahiki ame hapa mai

ma Los Angeles, kalaiwa aku la ,o Auguseto, no ka mea, o ia kona inoa maa mau e heaia ana ia manawa, ia Mr. Kini i ka hale kaaahi, no ka holo ana aku o Mr. Kini no kekahi kulanakauhale okoa aku. "E hoi mai ana au ma ke awakea, e Auguseto," wahi a Mr. Kini o ka i ana ae i'ke kanaka opio, i kō laua manawa i hiki aku ai i ka hale hoolulu kaaahi," a holo pololei aku no no kahi o na lua eli gula, a ilaila oe e kii ae ai ia'u, elike me kau hana mau i na wa aku nei i hala," pela'hou ke/keonimana o ka olelo ana ae ia Auguseto kana kakauolelo pilikino a o kona kahu kaa no hoi ma kana mau wahi apau e hele ai. "Ua pono ia," i pane ae ai ke kanaka opio. He hana maa mau na Auguseto ka lawe ana i kona haku maluna o ke kaalio i kahi o na lua eli guU no ka nana ana aku a.Mr. Kini i ka hana a kona mau kanaka malokō o na lua eli gula, a i kekahi manawa ma na wahi e ae no a Mr. Kini e makemake ai e hele, a i ko laua manawa maluna o ke kaaHo ia wa o Mr. Kini e haawi aku ai i kana kauoha i ke kanaka opio, kahi e lohe ole ia mai ai e kekahi poe. Mahope iho o ko M.r Kini lele ana iho, hoohuli ae la o Auguseto i na lio a hoi hou aku la i ka hale a i kana mau hana hoi ma ka hale e kakali mai la o kona hoi aku. Ma ka hora ahiahi i maa mau iaia no ke kii ana aku i kona haku no ka hoihoi ana mai i ka hale holo aku la oia no kahi 0 na lua maina, a i ka hiki ana aku mamua mai o ke keenahana, nakii iho la i na lio a paa; aole no i mamao loa ia wahi mai ka puka mai o na lua gula. I kona komo ana aku iloko o 'ke keenahana ninau aku la oia i ke kupakako ihea la o Mr. Kini e hiki ai ke loaa aku iaia. Ua hoōle mai la ke kupakako aohe oia i maopopo, no ka mea ua lehulehu kana mau manawa o ka hele ana iwaho a hoi mai ma kela auwina la, aka nae, he hora paha a oi kona ike hope ana ia Mr. Kini. "Aia ka paha oia iloko o ka lua maine, no ka mea ihea aku auanei oia e hele aku ai?" i olelo aku ai o Auguseto. "Pela paha, aole hiki ia'u ke hooiaio aku aia oia ilail,a" i pane mai ai ke kupakako. No ka pono ole loa iho la o ko Auguseto noonoo no ka nalowale o kona haku, oili aku la oia mawaho o ka lanai, a no kekahi mau manawa lehulehu kona holoholo ana me ka uluku mau o kona noonoo me he mea la e. olelo ,okoa iho ana kekahi leo iaia e hele oia e huli iloko o ka lua maine. O na la pokopoko ia o ke kau, a ke hookokoke mau mai la hoi na eheu o ka po; mawaho ae o ia ke ike aku la oia i ka hakumakuma mai o ke ao a e ua mai ana paha, a ua piha oia 1 ke pihoihoi ia manawa me ke akenui e hoi koke aku i ka hale mamua o ka haule ana mai o ka ua, a mamua hoi o ka uhi ana mai o na eheu o ka po e hiki pono ole ai ke ike iho i ke alanui no ka pouli. Me keia manao uluku e hana ala iloko ona, wehe ae la oia i kana uwaki a nana iho la, he elima minuke i hala ae o ka hora eono; ia manawa ike aku la oia i na kanaka hana e oili mai ana mailoko mai o ka lua maine, o. Kalo Kini, ko lakou luna, mamua loa. *Ua ike anei oe ia Mr. Kinir" i ninau-koke aku ai ua o Auguseto iaia. "Ae, ua ike au iloko ae nei oia o ka lua aneane ekolu hapaha hora i hala aku nei, a iaia i hiki ae nei haawi ae nei i ke kauoha i na kanaka hana e hooinaka ka eli ana ma ka aoao hema ma ke kakahiaka nui o ka la apopo," pela o Kalo Kini, ke ke kanaka kumakaia lokoino, aloha ole i ka mea nana i hoowaiwai aku iaia o ka pane ana mai me ka hoihoi, i manao ole ia aku ai aohe kekahi manaoio iloko ona no Mr. Kini, ka haku a o ka ona hoi o ka lua maine. "Mahea oia i hele aku ai mahope iho o kela manawa?" i ninau hou aku ai o Auguseto, oiai n.o kona mau maka e haka pono aku ana i ko Kalo Kini helehelena; no ka mea me ia ike aku 110 ona i ko Kalo Kini hoihoi, eia nae, ke hoohuoi la oloko ona no ka haikea anoe loa o kona helehelena ia manawa, kela ano o ka poe hana hewa mahope o ka hana ana. No Mr. Kini, ka ona 0 na lua maine, he hilinai piha oia maluna o Kalo Kini, kona hoahanau, a o*ke kanaka hoi ana i hookiekie ae ai i lun* maluna o na kanaka hana, aka no Auguseto iho, aole ona hilinai ia Kalo Kini, ua loaa mau ka noonoo iloko ona he kanaka hoopalaimaka oia, a no ia kumu i hilinai ole ai oia maluna ona. "Aohe hiki ia'u ke pane aku, e ke keiki," pela ua o Kalo kKini o ka pane ana mai, "ma ka manawa hope loa a'u i ike aku ai iaia e kamailio pu ana oia me Toma Jenekini," wahi a ka Kalo Kini pane hoopahemahema, a kaha koke aku la no hele me ka awiwi loa no kahi o kona hale e ku mai ana. Hele aku la o Auguseto a loaa o Toma Jenekini a paa aku la iaia, i kona manawa e aneane aku ana e huli a liele ma kekahi alanui okoa. "E Toma, e oluolu hoi oe e ku iki iho, he makemake au e kamailio pu me oe no kekahi manawa," a i ko Toma ku ana iho liele aku la a hui me ia a ninau aku la no Mr. Kini. "Hoakaka mai la o Toma Jenekini iaia lie manawa pokole wale no kona o ke kamailio pu ana me Mr. Kini, o kana mea wale no o ka ninau ana mai no kana keiki nia'i no ka mahina a oi," a ia pau ana no huli aku la no oia hele no ka aoao hema 0 ka lua, kahi a lakou e hana aku ana ma ke kakahiaka o kekahi la mai." . , , Hoi hou mai la o Auguseto noluna 0 ka lanai o ke keenahaiia a malaila oia i noho ai no ka hapaha hora no ke kakali ana no ka hoi mai o kona haku, a no ka nui loa o kona uluhua me ka hiki hou ole iho la iaia ke hoomanawanui no kekahi manawa hou aku, ku ae la iluna a holoholo iho la. Ma kela manawa aneane e pau loa aku na kanakā hana i ka hoi no ko lakou mau hale no ka mea, he hora ia no ka aina ahiahi o ka poe hana, nolaila ua makemake na kanaka apau e hiki koke aku i ka hale oiai ko lakou aina ahiahi e kakali mai ana no lakou. / Ke hoomau la no ke kanaka opio i ka holoholo me ka namunamu ana iho, "ma ka aoao hema o ka lua," a haikea ano e wale ae la no kona helehelena a puana malie ae la, "O, e Mane Saneta, e hoopakele oe iaia!" Ua maopopo iaia he elua alanui a i ole mau luapao e holo aku ahiki i ka aoao hema o ka lua;'hookahi o ia mau luapao e holo aku ana ahiki i ka aoao hema o ka lūa; hookahi 0 ia mau luapao ua haalele loa ia no ka makauia aohe palekana malaila, he manawa wale no e hiolo mai ai, a o ka lua o ka luapao he wahi hou ia i eliia aku ai aole i loiHi loa, ka weheia ana. j Ke noonoo la oia, ina ua hele o Mr. Kiiii ma ka luapao hou 1 wehe koke ia'ai a ua hoi ma kalii o ka luapao i haaleleia no kona manao o ke alahele pokole ia nona'e hoi mai ai, malia ua halawai oia me kekahi ulia a oia ke kumu o kona hoi koke mai. Ua pololei keia manao ana ona pela no ka ,rnea oia maoli no ka rr;ea oiaio.

Aohe mea malaila ia) manawa ana e noi ae āi e iho pu me ia iloko o ka lua maine no ka mea, ua pau loa aku na kanaka hana i ka hoi; o kekahi kumu, aohe ona makemake e hoalaia aku kekahi mea e hoopihothoiia aku ai ka noonoo o na kanaka, nolaila iho aku la oia tne ka awiwi loa oia wale no, a ke kau mau Ia nae ka weli maluna ona. I kona hiki ana aku i ka puka o ka lua maine nana ae la oia ma o a maanei no kekahi kukui, a i ka loaa ana ho-a ae la oiai nae ke haalulu wale la no kona mau lima ia manawa, alaila hoomaka aku la ka iho ana ilalo o ka luapao ma ka aoao hema. I kona iho ana aku a ma kahi o kanakolu paha i-a malalo o ka lua, hoea aku.la oia ma kahi i mana ai ka luapao. Hookāhi o ia lua ana e ike aku ana oia ka lua hou i eliia ai a ua paa ae o ia luapao i ke kpoia me ka paa loa e hiolo ole iho ai, a o kekahi, ma kana hoomaopopo* aku, oia ka lua pao kahiko, a ke ike aku la no oia o na kualaau i kooia ai iluna ae o ka lua ua popopo, a o kua ana c ike aku ana ua hi-o, a ua hoomaka na pohaku ame ka lepo e helelei mai, "Heaha la hoi kela leo a'u o ka lohe ana aku la?" wahi ana iaia iho. Ku iki iho la e hoolono, a oiai oia, e ku ana ke naka wale la no kona io i ka ua mea o ka piha i ka maka'u, no ka mea, ua maopopo loa iaia kona lohe ana aku i kekahi leo me he mea la he kanaka aia iloko o kekahi pilikia koikoi loa. Uumi.iho la oia i kona maka'u a hoomaka aku la ka nee ana imua malalo aku o na kualaau i hi-o a i aneane loa e hina iho, me kona nana ole iho la .no kona poino, a elua paha minuke ma ia hope iho halawai mai la me kona mau maka kekahi nanaina nana i hoehaeha me ka walania loa i kona. uhane, a hooho ae la oia i kekahi leo i piha loa me ke pihoihoi : "O, e Mr. Kini! Mr. Kini! O oe anei kena?" i nui aku ai kona leo me ka hiki pono ole iaia ke kamailio aku, no kona piha ioa iho la i ke kaumaha. He leo ha kana o ka lohe ana aku i ka pane ana mai, a ike koke iho la no oia o kona hoaloha a o kona mea hoi nana i hoopakele a i hoopomaikai mai iaia ka mea nona ia leo, a e waiho mai ana malalo o na pohaku ame ka lepo maluna iho o kekahi hapa o kona kino. Nihi aku la kana hele ana imua no kona manao ina e.hele awiwi aku ana e hiolo hou mai ana paha auanei ka lepo ame na pohaku a hookahi kona paa ana me kona haku, ahiki i kona kokoke loa ana aku i kahi e waiho ana o ke kino o Mr. Kini aneane loa e kanu ola ia, a ike pono aku la i kona helehelena ame kona kulana pilikia ia manawa. "Auwe no ka hoi ko. make e!" i kahea iho ai oia 1 ka ona 0 ka maina e waiho oni ole ae ana, me ka haalulu o kona leo, me kona manao ua hala paha ka manawa kupono no kona haku e ike mai ai iaia, a eia nae, i kona lolie ana iho i kona leo, hauoli ae la oia no ka mea aole: oia i make. "Ae, e Auguseto, owau no keia, a ke hauoli nei au i kou'huli ana mai la ia'u. O oe wale mai la no anei?" i ninau mai ai o Mr. Kini me ka leo nawali. "Ae; owau wale no," i pane aku ai ke kanaka opio. ''Ua eha anei oc me ke kukonukonu Ioa?" "Ae, he eha ko'u e make aku ana, no ka mea ua haki kuu iwikuamoo, aohe o'u manaolana i koe no ke ola aku a hala kekahi mau minuke hou." /'O, kaumaha maoli ka! E holo ac au e kii i kekahi poe no ka hele ana mai e hapai aku ia oe malia, he hana hiki 110 hoi kekahi e hanaia i mea nou e pakele ae ai mai kena eha mai," pela o Auguseto o ke noi ana iho. "Aole mai kii aku oe, no ka mea aohe o'u wahi i koe, e niake mua ana au mamua o ka hiki ana mai o ia poe, a mamua hoi o ka hiki ana e lawe aku ia'u iwaho mai keia wahi aku," i pane mai ai o Mr. Kini me kahi leo nawali loa a he hiki no nae i ke kanaka opio ke lohe pono iho. "Aohe no he koikoi loa o ko'u pilikia koe wale no keia paa loa o kuu umauma i na pohaku ame ka Iepo; no keia mau mea ke ike nei au he mea hoopau manawa a waiwai ole wale no ka hoao ana e lawe aku ia'u me ke ola mailoko aku o keia wahi." " "E ae mai oe e hoao au no ka hoopakele ana ae ia oei noi hou iho ai o Auguseto me ke kuio o kona manao, a ia manawa lalau iho la i ka lima o ka mea i hiki ole ke kokua iaia iho, a ia paa ana iho o ka lima o ke kanaka poino, ike koke iho la no o Auguseto ua huihui, ke ano o ka mea e make aku ana. "Ke hoike hoi; aku nei au ia oe he hana waiwai a hoopau manawa wale no ia au e hana aku ai, no ka mea ke ike nei au no'u iho ma na minuke wale no ko'u ola e heluia nei a pau ae,"-M r ahi a ke kanaka e make aku ana o ka pane ana mai. "E Auguseto, e hoolohe mai oiai ko'u mau minuke liope loa e koe ana me a'u a e hiki ana hoi ia'u ke kamailio aku ia oe; he mea ano nui ka'u e kamailio aku ana ia oe, a ke ike nei no hoi au e hoolohe niai ana no oe a e hiki ana no ia'u ke hilinai aku maluna ou." "Heaha ia mea nui au i makemake ai, e hoike mai, no ka panai.ana aku anei i ka ino maluna o ka mea i hoopoino mai 1 kou ola?" "Ae," i pane mai ai ke kanaka e make aku ana; ke hoomanao la no oe i kau mea i hoike mua mai ai ia'u e makaala loa au no'u iho no na hana a kela kanaka hoopalaimaka a he ino nae maloko o kona naau?" "Ae, ke hoomanao nei no au. Ua ike mua au he kanaka ino o Kalo Kini, ko hoahanau, aole i pau kona hoorfiauhala ia oe. no ia kumu au i hoike aku ai ia oe e makaala loa oe nou iho, no ka mea aole i pau kona hoomaau ia oe, a e hana mai ana oia i kekalii hana hoopoino i kou ola i kekahi la. Nana anei keia hana i poino iho nei oe?" , "Ae, nana, a kfe ike nei au i ko'u hewa oia ko'u hoolohe ole ana i kau ao, no.ka mea, aole au i manao e lilo ana oia i hoahanau hoopalaimaka mahope hoi o ko'u haawi ana aku i na kokua a pau iaia, a pela hoi ka'u mau hana maikai i hana aku ai no ka pono o Ineka, kana kaikamahine, " i pane mai ai ka ona maina, me ka nawaliwali loa o kona leo, a me ka hoomanawanui wale no oia e kamailio mai ana, no kona makemake e pau pono mai kana mau mea i makemake ai e kamailio mai mamua o ka lele loa ana ae o kona aho. "Ua hakilo loa au ia Kalo Kini iloko o ka makahiki i hala, a i keia la i ike ai au i kona hoolala aha i kekahi hana no'u e poino ai, aohe nae au i maopopo no ia mea ana e hana mai ana, eia ka maloko o keia luamaine oia e hana mai ai i ko'u mea e poino ai. " "Ua manao paha oia e hele ana au a po keia la i kekahi kulanakauhale okoa aku, elike me ia a'u i holo aku ai i keia kakahiaka a aole au e hele mai ana ianei, aka nae, ua hoi koke mai no au, elike me ia a'u i. kamailio aku ai ia oe, ke hoi mai au .e holo mai ana aū ianei, a ianei oe e kii mai ai ia'u, a ua halawai au me ia he alo a he alo ma ka waha o ka lua maine nei. "I ko maua i halj\vai ua ike aku au i kona puiwa

me ka piha ona i ke kahaha no ko'u hoi koke ana mai, a i kuu manawa i ninau aku ai iaia ina aole he hana mauna i ke ola ka lua pao kahiko, ua pane mai la oia me ka haalulu ō kona kino i ka'u ike aku, aole oia i manaoio i ka mea i oleloia he mea poino no ke ola ka hele ana malalo o ka luapao kahiko. 'Ua maopopo ia'u he hana kolohe kana i hoolala ai i mea no'u e poino ai, aohe nae hoi au i manao maloko o ka lua nei kana wahi i manao ai i lua kupapau no'u, aohe no hoi au i hoike aku ma ko'u helehelena e manao iho ai oia i ke kupanaha o ko'u hiki ana mai maanei. "Ma keia auwina Ia iho la ua komo ia e a'u na wahi a pau oloko o ka lua nei dike me ka'u hana mau mamua aku, a mamua iki iho o ka manawa e pau ai ka hana komo mai nei au ma keia wahi no ka nana ana heaha la ka Kalo Kini mea 0 ka hana ana maanei. I nei manawa, e Auguseto, ke hoike ak'u nei au ia oe i ka meahuna ana i hana ai me ka malu. Aia ma kela wahi poopoo mao o keia loapao kekahi eke huluhulu ua piha i na hunahuna a puupuu gula, oia ka Kalo Kini mea ka malū ana i mea e loaa ai iaia ka waiwai. ua maohmnkwg naoio loa oia e nalo ana, eia nae. ua ike mai nei au." "He mau puupuu gula, a ua piha kekahi eke ia mau mea!" 1 hooho malie ae ai o Auguseto. "O, ke kanaka kumakaia aihue!" ' Ae; oia kana mea i hana ai. Ko kekahi manawa loihi 1 hala ua maopopo ia'u eia, he awai gula maanei, a o ka loihi o ka waiho ana o ke guia maanei, ma keia wahi, ma ko'u manao aole hookahi kanaka i hoohuoi he mea kekahi o keia ano ma keia wihi, aka nae, ōia ka mea oiaio, i kekahi la aku nei ua loaa ia u kekahi ahua gula paakiki i kuu manawa e huli ana ma kela poo o ka lua ma o, a eia iho a mahope i ike ai au e moe hou aku ana ka ke alawai o na puupuu gula ma kekahi alahele okoa a komo loa aku iloko o ka aina o kekahi kanaka okoa, a ua manao hoi au la ma kekahi pule aku e hele ai au e kuai ia wahi poino e iho la. ' I ka nana aku me he mea la ua ike o Kalo Kini i kela wahi, me ka malu loa. Ua kanuia eia kana eke i piha me na puupuu koke ana aku nei no ia, a ia'u i hele mai nei no ka puka- ana aku iwaho, a ua aneane no hoi e puka mai, manao iho la au he halulu kapuai wawae kokoke mai ia'u ka'u o ka lohe ana. "Ia manawa i lele mai ai au imua, a ia manawa like no ho? he poha ana o ke kipikua ka'u o ka lohe ana ae, mai ka lima mai o kekahi mea a u 1 ike ole aku ai, ua hiliia ae i na kualaau popopo. Iloko o ka manawa pokole. o na laau a pau i kooia ae ai ia luna o kaupoku o ka lua ua haalulu ae la a hiolo mai la, a hiolo pu mai la-ka lepo ame'na pohaku. Hookahi o na kualaau nui i pa pono mai i kuu kua me ka ikaika loa. o ko'u maule iho nei no ia no kekahi mau minuke peja ko u koho iho. I kuu manawa i pohala ae ai ua loloia ko'U kino liolookoa e hiki ole ai ke oni ae, aole hiki i kuu mau lima ke oni ae, a ua ike pu iho la no hoi ua hakiia kuu iwikuamoo, elike me keia au e ike mai la. "Nolaila, e Auguseto, manao anei oe e hiki ana no ia oe ka nee mai imua a kokoke lōa mai ia'u ? Eia he palapala waiwai ano nui hoi iloko o ka paekke o kuu a'u i makemakekw ai ia oe e lawe aku a e malama loa, o loaa auanei i kekahi mea, a ke noi aku nei au ia oe e hoohiki mai oe no kou malama loa ia paiapala." * "E hoao au," i pane aku ai ke kanaka opio. Hoopaa iho 1a oia i ke kukui a lamalama ana iloko o ke one alaila, kokolo aku la me ke akahele loa ahiki i kona kokoke ana aku ma ka aoao o kona hoaloha. gula iloko o ke one, 110 ia malaila i nei manawa. O ko'u ike He hana mauna ola no ia ana i hana ai, aka, e aho nae hoi kona hoao ana e mauna aku i kona ola mmua hoi o ka hoole ana aku i ke noi a kona hoalolia. Me ke akahele loa oia i wehewelie ae ai i na pohaku me ke kope ana i ke ahua lepo e kau ana maluna o ke kino o Kini ahiki i ka loaa ana iho 0 ka pakeke iāia, a he minuke ma ia hope iho ua loaa mai Ia ka palapala iloko o kōna lima. "E, auhea oe, e Auguseto, ua loaa aku la ia oe, nolaila me ka wikiwiki loa oe e emi aku ai ihope a kaawale mai keia wahi aku o ka pilikia,' i pane ma ai ke kanaka e make aku ana, me ke ailiili wale no o kona hanu ana, "E hookaawale koke aku oe ia oe iho mai keia wahi aku, elike me ka hikiwawe e loaa ana ia oe, a na'u e hoakaka aku ia oe no kau mea e hana aku āi." Emi hope wale mai la no o Auguseto a kaawale iki mai kahi mai o na kualaau i hiolo a kulu iho la oiai kona mau waimaka e hiolo aiia ia manawa. "O kau hana mua loa oia no ka huna ana i kena palapala ma kahi e nalowale loa ai a mai noho oe a kamailio aku i kekahi mea no kena palapala aia me oe ke ninauia mai oe. He pālapala hooia kena he mau haneri mahele iloko o ka hui alahao kaaahi maloko o Mekiko ma ko Moniea inoa. I kuu wa e make ai a pau na hana e pili ana no ko'u hoolewa, makemake au ia oe e hele me ka malu loa me ka ike ole *mai o kekahi mea ia oe i kuu luahuna ma kekahi po, i ka manawa e maopopo ai ia oe aohe mea hookahi i ike a e hakilo mai ana paha i kou hele ana, a hapai ae i ke pani unihihapa manoanoa iwaenakonu o ke kapuahi, a e loaa iho ana ia oe malaila kekahi mau palapala waiwai nui.' "O ia mau palapala a me keia palapala hooia lala o ia mau palapala a pau kau e lawe pu aku ai ahiki i Los Angeles a hoahu aku ia mau palapala apau maloko o na pahuhao, o ka nako ma ka inoa o Monika. Ke maopopo mai la anei ke?a mau mea apau a'u i hoakaka aku la ia oe?" i ninau mai ai ka ona o ka lua maine. "Ae, k'e maopopo aku la ia'u kau mau mea a pau i hoakaka mai la, i pane aku ai no hoi ke kanaka opio me ka naau kaumaha. "Ae, pono. 'Aia mawaēna o kela mau palapala ka manio a'u .i kakau ai no kuu manao lana e kuai i kela aina, kahi a'u 1 manaoio loa ai aia malaila ke gula, a eia nae, aote hiki ke eli aku no ka mea, no Mr. Hodina aku ia aina, he aina i eliia a haaleleia, a oia wahi ua manao au e hiki ana no e lilo mai ia'u ma ke kuai me na dala liilii loa. "Aole hiki ia'u ke hoike aku me ka maopopo loa ia oe ua nui loa kahi o kela aina o Hodina e hiki ai e loaa aku ke gula aka'nae, ina o kahi waiwai loa ia, a o ke kanaka e lilo ai ia wahi a e hana aku ana, oia aku ana kekahi kanaka waiwai nui ma nei mua aku. "He oiaio oia hana a'u i manao ai aole ia h emea no Monika e pono ai, e Augusfcto, ina aole oe e hana aku ana i kekahi mea e waiwai ai nou iho, nolaila eia wale n oka'u kauoha iā oe e hana aku oe, a ke ae aku nei au ia oe e hana aku. n "O, me ka mahalo a nui ia oe, e kuu haku," pela ke kanaka opio o ka pane āna ae me ka manao pihoihoi, me ka hoomaop6pō ole aku nae no ia hana ia manawa, no ka mea, ua piha loa oia i ke kaumaha īio kona hoaloha a ua kapae loa ae oia i kana noonoo ana maluna o na mea e ae. (Aole i p»u )