Ka Nupepa Kuokoa, Volume LXVI, Number 4, 27 January 1927 — EKOLU MAU HOOPII KOI POHO I HOOKOMOIA AE I KA AHA KAAPUNI [ARTICLE]

EKOLU MAU HOOPII KOI POHO I HOOKOMOIA AE I KA AHA KAAPUNI

Ma ka Poaono o ka pule aku la i hala he ekolu mau hoopii koi poho i hookomoia ae i ka aha kaapuni a ka Lunakanawai Crlaty, elike me ia e ikeia ana malalo nei a no ia mau hoopii hoi ka huina nui o na koi i hiki aku i ke $49,548.36. 0 ka hoopii mua na Victor Dias e kue ana i ka hui kaa uwiia, Ho* nolulu Bapid Tranait Company., no i ka hookui ana o ke kaa uwila me kekahi kaa otomobile ma ka la 24 o Okatoba ; i hala, a e koi ana $8212.60 ke poho. Na Haruichi Murakami he hoopii koi poho e koi ana ia Manuel M. Calhau no kekahi ulia kaa otomobile a i lilo ai ia hookui ana i kumu no Sayoko, he kaikamahine eono mahina, e make ai ma ka hookuina o na aianui ma Pawaa ma ka la 5 o Malaki i hala i ka huina $20,436.50. Na Tomiko Murakami, ka wahino a Haruichi Murakami e kue ana ia Calhau ma ia manawa like o ka ulia ana, no na eha i loaa iaia he $20,899.80." Ma kela Poaono pu aku la i hooloheia ai ke noi a Taro Yamashiro, ke Kepani i hoopaiia ai e ka aha hoomalu a ka Lunakanawai Ilarry Steiner o Honolulu ma kekahi manawa aku nei i hala e uku ae i $300 no kona hahahi ana i ke kanawai hookapu waiona, a ua hoohalahala ae o Yamashiro i ka olelo hooholo a ka aha hoomaiu imua o ka aha kaapuni. Ma ka Yamashiro hoohalahala o ka hookomo ana ae i ka aha kaapuni ua koikoi loa ka $300 i kauia mai ai maluna ona a ua noi ae e hooemiia mai kona hoopai. Ma kana hoakaka imua o ka Lunakanawai kaapuni Cristy o kana hana wale no o ia ka hoolako ana ae i kekahi kanaka me ka lanahu, a iaia ē lawe ae ana maluna o ke kaa i kahi o ka lama e puhiia ai i paa ai oia i ka hopuia ma ke ano oia ke kanaka puhi lama, oiai nae, ma ka mea oiaio he okoa ka mea puhi lama. Aohe hana pono e ae a ka aoao hoopii e hana ai o ka ae wale ae no i ke noi a Yamashiro, nolaila ua okiia ka hoopai a ka aha hoomalu i kau mai ai o $300 a ua hoopaiia mai o Yama!shiro e ka Lunakanawai Cristy $150.