Ka Nupepa Kuokoa, Volume LXVI, Number 4, 27 January 1927 — HOOPAU LOA IA KA MANAOLANA NO KA-MOKU LAWE AILA PELEKANE [ARTICLE]

HOOPAU LOA IA KA MANAOLANA NO KA-MOKU LAWE AILA PELEKANE

0 na manaolana apau no ka mokuahi lawe aila Pelekane Toco i haaiele aku ai i ke awa o Lqs Angeleß iloko o ka mahina o Novemaba i hala no lapana ua hoopauia mahope o ka hala ana o elua mahina me ko ku ole aku i lapana. Ua nalowale ia moku maloko © kekahi wahi o ka moana Paikipika, me he mea la ma kahi kokoke mai i na Kai o Hawaii, pela ka manaoia. Ua haalele aku ka mokuahi Toco me 37 mau kanaka maluna ona ma ka la 24 o Novemaba i hala, malaio o ka hoomalu ana a ke Kapena George Walker, me ka ukali pu ia mai e kana wahine o ka mare ana ma kekahi manawa kokoke mamūa aku, a e lawe ana he aila kana ukana na kekahi hui a na Kepani ma lapana. Ma K&hi Kokoke Mai I Hawaii Nei Ma kekahi mau lono mp ka uwea kelekalapa i hoikeia ae mai lapana mai, ma kahi kokoke mai ka i na kai o Hawaii ia moku ma na la hope o ka mahina o Dekemaba. Ia manawa ua hui iā moku me na moku e ae ma na uweaolelo, a mai ia manawa mai, elike me ka hoakaka a kekahi lono o ka la 5 o lanoari, aohe i iohe hou ia kekahi mea e pili ana no ia moku, he moku ia i hoolialimaia e ka hui Mitsubushi o lapana, a e lawe ana he 600 tona aila maluna ona. Ua loaa ia moku i ka ino maloko 0 ka Moana Pakipika he ino i ikeia ka loaa mau maluna o ia moana 1 keia manawa o ka makahiki, a i ! ole ua a-1a paha e ke ahi i hoomaka ae e a maluna o ia moku a pahu | na luk aila a nahaha ia moku a piholo i ka moana.