Ka Nupepa Kuokoa, Volume LXVI, Number 4, 27 January 1927 — HOOPANEEIA KA HOLO ANA MAI O KA MALALO ILOKO O MEI AHIKE I AUKAKE [ARTICLE]

HOOPANEEIA KA HOLO ANA MAI O KA MALALO ILOKO O MEI AHIKE I AUKAKE

0 ka mokuahi nui ka Malolo e kapiiiia mai la i nei manawa no ka hui mokuahi Matson ma ka pa kapilimoku Cramp ma Piladelphia, aole ia e makaukau ana no ka holo ana mai ahiki i ka mahina o Aukake, eliko me. na hoakaka a ka poe i hoi mai nei mai ka Hikina Loa mai o ka hoike ana ae.

Ma ka lakou hoakaka ua haule hope loa me ke ulolohi ka hana ana ia moku e pau koke ai na hemahema o ia moku, a ua hoike ae ka na luna nui o ka pa kapilimoku aole e hiki ana ia moku ke holo mai ma ka māhina o Mei ma kana kelepa mua Joa no.ka pau oie o na hemahema a no ia kumu ua hoopaneeia ahiki i ka mahina o Aukake.

Ma ka uiia ana* aku nae o na akena Cāstle & Codke maanei o ka laina mokuahi Matson -ma ka* mea e pili ana i lono i hoikeia mai e ka poe i hoi mai nei mai ka hikina loa mai no ka hoopaneeia ana o ka manawa o ka Malolo e holo mai ai ua hoike ae lakou aohe a lakou mea i maopopo no ia mea, o na hooponopono ame na hoomakaukau ana no ka hooholoia mai o ia moku iloko o ka mahina o Mei o ia mau ka nee imua.