Ka Nupepa Kuokoa, Volume LXVI, Number 4, 27 January 1927 — KE PII HOU AE NEI KE KUMUKUAI O NA AINA [ARTICLE]

KE PII HOU AE NEI KE KUMUKUAI O NA AINA

Ma ke kuai kudala o ka maiamaia ana ma ko awakea o ka Poaono aku nei i hala, no kekahi mau apana aina mawaho ae nei o Kapumihou, no ka kula o Kapunahou, ua ikeia ka pipii maoli o ke kumukuai o kekahi mau apana, a ma ka averika ana i. ke kumukuai o ke kapuai kuea, no kekahi apana . i lilo ma kela la, ua hiki aku ma kahi o Jta hookahi dala me kanakolu keneka ke kiimukuai a ke kapuai kuea. 0 ka hui ,kudala James Morgan & Co., ka hui nana i kuai kela mau apana aina ma ke kudala, a mai ka hoomaka e kudala ma ka j hapalua o ka hora ekahi o ka auwina la, ahiki i ka hora elima o ke ahiahi, ua nui maoii. ke ohohia o na mea apau ma kela kudala. ( Ma kekahi mau apana aina, aole he nui o ka poe koho, nolaila ua oluolu no na kumukuai o kela mau apana, aka ma kekahi mau, apana nae, ua nui ka poe koho, a ma ia ano i pii loa ai ke kumukuai. 0 na apana i nui ai ka poe koho, ua hiki aku ma kahi o ka elua a i ka ekolu kaukani dala ka oi ae i kohoia, mamua o ke kumukuai haahaa i kauia no kela mau apana, a no kekahi mua apana no hoi, ua lilo elike no me ko lakou mau kumukuai i kauia ai i kinohi, he kakaikahi wale no nae o kela mau apana. mai o kela mau • apana aina lehulehu o ke kudlaia ana, he elima wale no mau apana i koo, aole i lilo, o ke kumu, no ka poe ole na lakou e koho i kela mau apana. - — !