Ka Nupepa Kuokoa, Volume LXVI, Number 4, 27 January 1927 — EKOLU POE KEIKI I HOOKOLOKOLOIA NO KA WAWAHIHALE [ARTICLE]

EKOLU POE KEIKI I HOOKOLOKOLOIA NO KA WAWAHIHALE

Ma ke kakahiaka o ka Poaono aku nei i hala, imua o ka aha a ka Lunakanawai Kaapuni i hoea mai ai i ka hopena o ka hihia o kekahi poe keiki ekolu, o ka hoopiiia ana ae no ka hewa wawahihale, me ka hoopaaia ana he elua o kela mau keiki maloko o ka halepāahao, a hoihoiia hoi ko lakou kolu, nol'oko o ka home o na keiki nawaliwali o ka noonoo.

0 ka inoa o kela poe keiki ekolu, oia o MoseB Kuhaulua, Manuel Branro ame Augusto Pereira, a o ko lakou hewa o ka hopuia ana, a i hoea ao ai imua o ka aha kaapuni, no ka hookolokoloia mai, o ia ka wawahihale; he elima mau wahi i ko ; moia e kela poe keiki ma ke ano aihue. Ma ka hoomaopopoia ana o kela mau keiki a ekolu, he *mau haumana lakou no ke kula hoopololei ma Wai alee. Ma ka nanaia ana o ke kulana 0 kela mau keiki, e na kauka o ka home o na keiki eepa ma Waimano, |ua ikeia o ke ano o ke keiki i ka paia o Branco kona inoa, he keiki oia me kona noonoo, me he mea la 1 he umi-kumamalua wale no ona mau makahiki ke kahiko, oiai nae he •iwakalua makahiki kona kahiko. No A. Pereira hoi, he keiki oia 0 Iwakalua-kumamakahi makahiki, eia nae, ma ka nana ana a na kauka 1 kona kulana, ua ikeia, <o kena noonoo, he noonoo o kekahi keiki o ehiku wale no makahiki ke kahiko, Mamuli o ko lakou ae ana no ko laleou pili i ka hewa, i hoounaia ai o Moies Kuhaulau ame Branco e noho maloko o ka halepaāhao, no ka manawa aole e emi iho i na makahiki ekolu, a aole hoi e oi aku mamua o na makahiki he iwakalua, a no A. Pereira, ua hoounaia oia no ka home o.na keiki nawaliwali o ko lakou noonoo.