Ka Nupepa Kuokoa, Volume LXVI, Number 4, 27 January 1927 — KE KAPENA MAKAIKIU KELLETT. [ARTICLE]

KE KAPENA MAKAIKIU KELLETT.

' * kekahi o na ninau nui a ko'iko'i. i lilo ai i hana ma ka aoao ) ka Loio Kulanakauhalo Davis, ka Makai Nui Desha, ka Meia Arnold ame na hoa o ka papa o na lunakiai o ke aupuni kulanakauhale, e noonoo ai ma na halawai kukakuka i malamaia no na nianawa lehnlehu, o ia no na mea e pili ana i ke kupono ame ke kupono ole e hoomauia aku ke Kapena Makaikiu Kellett ame ke Kakiana Makaikiu. Ross. ma ko laua kulana oihana pakahi iloko o ka oihana makai. Ma ka hoomaopopo ana i ka manao ano nui i hoakakaia ae >v,a kela mau halawai. e kekahi mau luna oihana hou, aia ka makemake iloko o lakou. e hoopauia aku kela mau kanaka mai ko laua noho hou ana iho iloko oke keena makaikiu; a e hooponopono hou ia ke ano o ka lawelawe ana aku i na hana o kela keena. Ma ka mea oiaio i ka nana aku. o ka Makai Nui, ka mea kuleana e hoopau ai i kela niau kanaka, a e hoomau aku ai paha ia laua ma ko laua mau kulana pakahi, ina aole laua i kaa malalo o na rula hooponopono o ke komisina niakai ka mea i kuleana e hoopau ia laua, alaila me na kumu kupono wale no, ame na hoike oiaio loa hoi, e ku-e ana ia laua, e kaawale aku ai keia mau kanaka mai tei oihana niakai aku. O kela manao e hoopau aku i keia mau poo o ka oihana makaikiu, ina ia ua hookahuaia, maniuli o kekahi mau kumu kupono, alaila ke manao nei keia pepa, he mea maikai, e hoikeia ae ia mau kumu i ke akea, a i ole e waihoia aku paha imua o ke kiure kiekie, iy) ka huli ame ka noii pono ana mai i na mea oiaio, i hanaia e keia mau kanaka o'ke aupuni; a ina ua hiki ole e loaa na kumu ku-e, alaila e hoomauia aku laua iloko o ka oihana makai, koe walē no paha malalo o ka aoao kalaiaina. He mea maikai e loaa i ka Makai Nui Desha, ka niana iioōhana holookoa i ka oihana makai, ma \& hoonoho ana ae i kana poe i manao ai ; pela e hooiia ae ai ke kupono anie ka maikai iloko o ka oihana; no ka mea ua lioonoho aku ka hapanui o na mana koho baloka iaia ma kela kulana. me ko lakou manaoio, e hooiia ae ke kulana maikai a maluhia o keia kulanakauhale, a e holoiia ae hoi, kekahi mau hana hakihaki kanawai, e pahola nei ma kekahi mau wahi o Honolulu nei. No ke Kapena Makaikiu Kellett, ma ka huli ana i na hihia karaima pohihihi loa, elike me ia a ko Honolulu nei poe i ike ai, i na makahiki o kona paa ana i kela kulana oihana, aole a lakou mea e ae e kamailio ai nona, o ka niahalo wale no, no ka nui o kona ike ame ke akamai, i ka hookolo ana mahope oka tneheū oka poe hakihaki kanawai; ke ku mai nei kana mau hana i lawelawe ai, he kiahoomanao nona, a he mea hoi no na Hawaii e mahaloia ai ma ona la. He kokua nui ke Kapena Makaikiu Kellett no ka oihana.makai o Honolulu nei, ma ka hookolo ana mahope o ka poe hana kraraima; a ina aia he mau kumu ku-e a he mau hoohalahala ana paha no kona hoomau hou ia aku ma ke poo o ke keena makaikiu, alaila e hoikeia ae ia mau kumu imua o ke akea e fH3no ai, a aole e hookau mua ia aku na hoahewa ana maluna ona, ahiki i ka hooiaio maoli ia ana, no kona kupono ole e hoomau hou ia aku ka noho makaikiu arta. He mea liilii loa i keia pepa, ka ninau e pili ana i ka mea e lawe ana i ke kulana kapena no na makaikiu, hookahi nae mea a keia pepa e minamina nui nei, he hana pohihihi, ka.hoopiha ana ae 1 ka makalua o ke Kapena Makaikiu Kellett koe wale 110, ahe kanaka i kamaaina i na hana o ka oihana hooko; a i noho makaikiu no na makahiki lehulehu. ma ia ano paha e loaa ai kekahi mea kupono.