Ka Nupepa Kuokoa, Volume LXVI, Number 4, 27 January 1927 — KE NEE LA NO KA POE HOOPULAPULA O MOLOKAI IMUA [ARTICLE]

KE NEE LA NO KA POE HOOPULAPULA O MOLOKAI IMUA

O ke kulana o ka poe hoopulapula e noho mai la ma ko lakou mau aina hookuonoono ma Molokai, elike me ka hoakaka a Kiaaina Wallce R. Farrington, mahope o kona huli hoi ana mai no keia kulanakauhale, aia ia ke nee mau la imua, ma ke kulana holomua. Iloko o keia manawa a Kiaaina Farrington o ka holo makaikai ana aku nei ia Molokai, ua ike aku oia i kekahi mau loli, e hanaia mai la ma na aina hoopulapula; o ia ke komo ana o kekahi poe, ma ka hana kanu halakahiki, aka no kekahi poe, aia no lakou, ma na hana e ae, e laa ke kanu ana i kekahi mau meakanu, no ke kuai ana ma na makeke, a ke hanai mai la no hoi kekahi poe i ka pnaa ame ka moa. Ma kela huakai a ke kiaaina no ua aina hoopulapula ma Molokai, ua ukali pu aku o Mrs. Farrington, pela me ka Elele Lahui Houston ame Mrs. Houston, Mr. amo Mrs. J. F. Woods, Mr. ame Mrs. George P. Cooke, J. F. Woolley, R. M. Duncan ame Akaiko Akana. O Kiaaina Farrington ame ka Elele Lahui Houston, ka i holo loa aku no Kalaupapa, me ka nana ana i na home ame na halema'i, a ua malama pu ia no hoi kekahi halawai makaainana malaila. Ojai na malihini ma Kaunakakai, ua hookipaia lakou ma kekahi paina laua i hoomakaukauia no lakou.