Ka Nupepa Kuokoa, Volume LXVI, Number 7, 17 February 1927 — HE MOOLELO No FOLORA RIKEKONA A i Ole KE KOMOLIMA MARE POHIHIHI Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa. [ARTICLE]

HE MOOLELO No FOLORA RIKEKONA A i Ole KE KOMOLIMA MARE POHIHIHI

Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa.

E hoomaka iho ana e ua ia manawa, nolaila hele aku la a ; '.•»a ma kekahi aoao o ke alanui, no kona manao o kahi malu ia e pulu ole mai ai i ka ua, oiai ka makani ame ka ua ' eia ia aoao ka ikaika e pa mai ana. Aohe i liuliu iho kaalo ae la oia ma ka aoao 0 kekahi kaa ' lio oīai nae, aole oia i ike aku no ka paa 1 ka noe, ahiki i kona pil: loa ana aku. E ku ana ia mamua mai o kekahi hale, 1 e hana ana ke kalaiwa i ke kaulawaha o kekahi o na lio, a U leha ana ae iluna, ike mai la iaia. Hele iki aku !a oia he mau kapuai imua, a i ka loaa ana ae o kekahi noonoo iloko ona huli hou mai la ihope a hui me ke kanaka a nonoi aku la iaia e lawe pololei iaia ahiki i kekahi alanui kokoke loa aku kahi e loaa ai iaia kekahi kaa uwila e holo ana ahiki i ke Kuea St. James. Ua hooholo oia i kona manao e hele pololei ahiki i ka hale kahiko ana i noho ai mam.ua, a ina no ka loaa aku o Kalo Kini ame kaikamahine iaia malaila, alaila, e nuku aku ana oia 5a laua no ka manao ana e lawe aku i na pono apau mai :a:a aku, elike me kana mea i lohe ai. Ua aneane loa no hoi oia e hiki mai i kahi o ke kaa ia nianav.a lohe aku la oia i ka weheia ana mai o kekahi panipuka me ka ikaika ma kekahi aoao mai o ke alanui, a lohe pu aku la oia i ka leo o kekahi kanaka e kahea mai ana: 14 JEa, e ke kalahea o kela kaa, he kaa hoolimalima anei kena? E o!uolu oe e hele mai maanei no kekahi minuke, he makemake au e kamailio me oe!" I ko Monika lohe ana aku i kela leo lelele wa!e ae la no kona oili, no ka mea, o ka mea nona ka leo ana o ka lohe ana aku, no ke Kauka Pilina. Xo kona akahi no a hele ma kela wahi, a ua maopopo ole hoi ke alanui i kena mana\vs i !<.he ai i ka leo i kamaaina loa i kona pepeiao, hoomaka aku la oia e hele me ka awiwi loa imua, a o ka mea hilu, no kona maopopo ole i ke ano o ia wah\ ua kaapuni ae la kana hele ana ahiki i kona hoi hou ana ir.ai ahiki no ma ia wahi ana o ka hoomaka ana aku, no ka paa 00 hoi kekahi i ka noe aohe maopopo iaia o kahi kupono e nele aku ai, a o ia wahi ana i hoi mai a ku, mamua pono mai no īa o ka halenoho o ke Kauka Pilina. Mamuli o ke ano o ka leo ana 0 ka lohe ana i maopopo iho ai iaia ua ikeia kona holo mahuka ana, a i hoea mai ke kauka ma ia wahi no ka huli ana mai iaia, a no na kanaka malama kihapai, me he mea la o laua pu kekahi e hele ana e huli ma na alanui like ole nona, o kona ike ole aku nae, aka nae, oia ka 3« i maopopo loa iaia me ke kanalua ole. Heaha la kana mea e hana aku ai? Ua holo aku la oia imua i ka manawa a ke kanaka i kahea mai ai i ke kalaiwa, a i nei n:2nawa ua kōkoke loa mai la i ke kaa. Ina eīike me mamua iho ka paapu i ka noe aole la oia e ikeia mai. Aohe ana hana pono ia manawa o ke ku malie wale no, o noonooia mai kona holo aku ia manawa o ia ke kaikamahine mahuka i holo malu mai ai mai ka halema'i mai. "Aohe keia he kaalio hoolimalima, he kaa keia no ko'u haku, a nona au e ku nei a kali o kona hoi mai; he hana pono ole| ka haalele ana iaia," i lohe mai ai oia i ke kalaiwa i ka pane ana aku i ke Kauka Pilina. .Me ka manao koa iloko ona o kona hoi hope mai la no ia ahiki i kahi o ka puka o ke kaa e hamama ana no, wehe malie aku la, a kokolo mai la a komo iloko, a lapee iho ,la maluna o ka papahele o ke kaa, i ka manawa a ke Kauka Pilina i kahea hou mai ai i ke kalaiwa i ka i ana mai: "Ea, aole anei oe i ike iho nei i kekahi kaikamahine me ka ioie makue i h«le mai nei ma keia alanui he mau minuke aku tsei mamua?" ike iho nei au," i pane aku ai ke kalaiwa kaa, he mau minuke eha a elima paha 1 hala aku nei ko'u ike ana, a me he mea la ma keia manawa, ua hala loa aku nei oia ma kekahi alanui, a manao au, ina no he mama kou i ke alualu, ! e loaa aku ana no oia ia oe." Upa ino mai la ke Kauka i ke pauipuka o kona hale a hoomaka aku la ka hele ana me ka mama me he mea la he mau eneu kekahi i hoopiliia ae nialalo o kona mau kapuai, a i ke hoi i huli ae ai ma kekahi alanui okoa, me kona hoohuoi ole, o ke kaikamahine a ke kanaka ana o ke kamailio pu ana mamua iho, aia oia iloko o kona kaa kahi i lapee ai me.ka haalulu, no ka piha i ka maka'u no kona loaa mai. Ia manawa koke no weheia mai ana ka puka o ka hale kahi o ke kaalio i holo aku ai a ku mamua a he keonimana elemakiile ka 1 oiii mai a pii mai la iluna o ke .kaa, ā ia Monika hoi e pupue wale ana no ma kekahi aōao o ke kaa me ka piha loa i ka maka'u. "E Uilama, e kalaiwa hou aku oe ia'u ihope ahiki i ke keena, me ka mama loa, no ka mea, he hana ka'u malaila ma ka hora umi-kumamalua ponoi, a mai hoohala oe 1 keia kauoha," i nui aku ai ka leo o ke keonimana. "Ua pono ia," pela ke kalaiwa 0 ka pane ana mai, i ka manawa o ke.keonimana o ke komo ana mai iloko o ke kaa, a pii ae la no hoi ke kahukaa no kona noho mamua o ke kaa. I ke keonimana elemakule i kau mai ai iluna o ke kaa, a i kona ike ana iho ia Monika i ka pupue .ma kuono, hooho ae la: %4 Ea, owai nei e pupue nei maanei ?" Ua ike iho la oia ia Monika. "O. e ke keonimana maikai," me ka huli ana ae a nana i ke kfconimana me na maka e hoike ae ana ua piha .oia i ka māka'u, a e haawj ae ana hoi iaia malalo o ka hoopakele ana a ka mea i malihini loa iaia. <a O ko'u pakele ana mai nei no ia mai ka mana mai o kekahi

kanaka ino, a kokoke loa au e loaa iaia, aka nae, na ka noe ame keia kaa ! huna ia'u. "Ua ninau mai nei oia 1 ko kahukaa ina ua ike oia ia'u i ka maalo ana ae a hoakaka mai nei iaia i ko'u mau ano a pau ame ko'u aahu e komo nei, a ua pane.aku ke kahukaa, ua ike oia ia'u i ka maalo ana ae, a me kona ike ole mai nae, o ko'u komo mai la no ia iloko o keia kaa, a pee iho nei, elike me ia au e ike mai la. "E ke keonimana lokomaikai, « noi aku ana au ia oe e ae mai ia'u e holo pu aku me oe a kaawale mai keia wahi aku, a i kou wa e ike ai ua niamao loa au, alaila hoolele iho oe ia'u ilalp a na'u hoi ia e hele aku e huli'i wahi no'u e pee ai." Ia manawa apau ana e kamailio mai ana i kona pilikia, ua hina aku la ke kanaka imua a kokoke loa iaia, i hiki ai iaia ke ike pono iho i kona helehelena, a oiai oia e nana iho ana, ke hoōmaopopo iho la oia iloko ona he kaikamahine o Monika na kekahi ohana kiekie a maikai ma ke ano o kana olelo ame ka helehelena pu, he lede oia. "E kuu-keiki," 1 pane iho ai ke kanaka me ka oluolu loa, "ku ae iluna a e hoi mai maanei e noho ai, alaila hoike mai ia'u i kou moolelo, a e hoomaopopo mai no hoi oe i keia, aole au e hookuu aku ana ia oe e hele ahiki i ko'u ike ana he ia nou e palekana ai." laia no e kamailio iho ana, hopu iho la i ka lima o Monika a hapai ae la ā hoonoho iho la iaia ma kona aoao, a ua lilo hoi keia hana aloha ana, me ka oluolu o koila leo, i mau mea mahalo nui nana, a no ka hiki ole iaia ke uumi iho i kona hoomaikai, helelei'iho la kona mau waimaka, a ke lohe 'iho la hoi ke kanaka i kona ha'uha'u uwe, me ka ike pu iho i ka haalulu 0 kona kino. Ua maopopo i ke kanaka ka nui o kona kaumaha nolaila, aole oia i kamailio iho iaia a hala kekahi mau minuke, no kō- ! na manao o ka waiho malie ana iaia e hoomama i kona kaumaha ma ka uwe ana o ia wale no ka mea e loaa koke ai iaia ka maha 0 ka noonoo mamua hoi o ka noke ana iho i ke mailio. A liala kekahi mau minuke ia Monika ma' ia hookahe ana i kona mau waimaka alaila i ae la: "E, ke keonimana, e noi aku ana au ia oe, e kala mai ia'u, iloko o ka manav/a a'u i ike ai ua nele au i kekahi niea nana e kokua mai ia'u, eia nae, ua hoike inai oe i kou oluoīu ame | kou lokōmaikai ia'u, a ua lilo kau hana maikai i mea hoopiha i ko'u uhane i ke aloha, a ua hiki ole hoi ia'u ke uumi iho i ko'u mau waimaka." Alaila, hoakaka ae la oia, i kona moolelo ma ke ano pokole, mai ka manawa mai o kona loaa ana i ka ma'i ahiki i kona hoihoiia ana aku e hoopaa maloko o ka halema'i a ke Kauka Pilina, a nō kekahi manawa loihi kona hoopaahaoia ana maloko olaila, a iloko o ia manawa ana e noho ana maloko o ka halema'i e hoolala mau ana 110 oia no kona holo mahuka aku i kekahi la, a ma ia la wale no i holopono ai kana holo mahuka ana mai. Ua hoolohe iho la ke kanaka i kana moolelo mai ka inua a ka hope me ke piha o kona naau i ka huhu no ka mea i hanaia no Monika. "Ua lohe mahui no au i kekahi mea e pili ana me kela Kauka Pilina mamua, eia nae, aole au i haa\Vi i ko'u noonoo nui maluna o ia mau mea a'u i lohe ai nona, ua manao au malia he mau olelo hapala wale aku no paha ia iaia, elike no hoi me kekahi poe i manaoinoia, e hakuepa wale ia ana no na olelo hoino nonā. 1 "Eia nae, e ka lede opio, ke hooiaio aku nei au imua ou, mahope o ko'u lohe pono ana aku la i kau. moolelo mai ka mua a i ka hope, e lilo ana ia i'hana na'u ka nana ana ame ka ninaninau pono ana aku i kana mau hana ponō ole, mahope iho 0 ka loaa ana ia'u o kekahi manawa kupono loa e haawi aku ai i ko f u noonoo ame ko'u manawa 110 ia hana. "He loio au, a o Akiholo Kikane ko'u inoa. Ua lohe aku la 6e i ko'u inoā, nolaila e oluolu oe e hoike mai i ko'u." "O Monika Kini ko'u inoa oiaio, a eia nae, aia ahiki ia'u! ke noho aku mālalo o ka hoomalu ana a kekahi mea kupono a'u e hilinai aku ai, a e kokua mai ana hoi ia'u no ka hoopii ana i kela kauka no ka hewa ana i hana mai ai ia'u, ke manao nei au e ikeia niai au ma kekahi inoa e ae. "O kuu inoa waena o Helena, a o ka inoa o kuu makuahine mamua 0 kona mare ana i ke kane o Poka, nolaila ke makemake nei au e kapaia mai au o Helena Poka." "Malia he inoa kupono ia i kou manao, aka, e noonoo kaua no ia inoa no ke kupono a kupono ole, 110 ka mea, 110'u iiio,. aohe o'u makemake i ka inoa kapakapa. E hoakaka hou mai oe no kekahi mea e pili ana i ko hōahanau, a ma ke ano hea 1 kailiku ae ai oia a kaa aku malalo ona ka hoomalu ana. i kou mau waiwai." Alaila hoakaka aku la o Monika i ka mea e pili ana i ko laua pili ana a pela hoi me ko Ineka ola ana i ka manawa mamua aku, a pela hoi ke koi ikaika ana mai o Kālo Kin'i iaia e kakau aku i kona inoa maluna 0 kekāhi mau apana pepa, e hoolilo aku ana iaia i kahu malama waiwai nona, me ka haawi pu ana iaia i ka mana e lilo ai oiā i lunāhooponopono 110 kona mau waiwai. "Ea, c Miss Kini, ke ike aku la au ma ke ano o kau moolelo 0 ka hoakaka ana mai la, he mea pono e loaa kekahi mea uana e .hoopakele ia oe ame kou niau waiwai, a i ole pela, e oi loa aku:ana kou kōmo iloko o ka pilikia mamua o ko keia pilikia ou .i pakele mai la mai ka hālema'i mai. "E ae ana anei oe e lawe aku au ia oe i ko'u,hale a imua hoi • 0 ka'u wahine, a malāila oe e noho ai ahiki i ka maopopo ana ia'u o kou'mool'elo ame na mea apau e pili ana i kou waiwai, 1 hiki ai ia'u ke huli aku i ka mea pono e hana aku ai nou? "E loaa ana ia oe ka malama maikai loa ia malaila e kanii uhu ole iho ai oe, a no ka mea, he mau'mea makemake like ■ maua i ka poe opio; no ka maua mau keiki la ea, ua pau loa [ lakou i ka mare kane.a mare wahine, a ua kaawale no hoi inai . ia maua aku, a ua mehameha ko maua alo." Nana ae la o Monika iluna me ka helehelena hoihoi a piha ma- , halo no keia lokōmaikai kiekie a kona kokoolua o ka hoike mai . la nona, nolaila aole hana pono e ae .ma kona aoao, o ka haai wi wale ae no i kana hoomaikai, a i ae la: "Lokomaikai a oluolu maoli oe ia'u i like loa me ka ko'u ■< makuakāne ponoi e hana mai ai no'u," pela o Monika o ka pane 1 ana ae me ka haalulu o kona leo," nolaila aohe a'u pane e ae ma ko'u aoao o ka haawi wale aku no i ka'u hoomaikai. a eia i e lilo-ana.ia i mea na'u e noonoo nui ai." Aka iki iho la ke keonimana . Ia mau minuke pokole wale • no ua liIo'loa.t» Monika i mea nui nana, no ke kumu, he kaikamahine o Mōnika. i hanaia mai me kekahi hana hewa loa, a : he mea ponō.nana ka nana ana no kona pono. "Ua ike iho au he hana pono ma ko maua aoao ka pulama l ana mai ia oe ā nana aku hoi i kou mau pono, aka, ina e ike ana oe i ka ehaeha o kou noonoo no leou noho pu me maua e i lilo ai ia i aie nou nau no ia e noonoo, eia nae ka'u e hoike

aku ia oe, ina e holopono ana ka'u hana ana imua o ke kana-! wai e hoi mai ai kou mau waiwai apau me oe, ia manawa oe e uku'mai ai i ko'u uku, elike no me ka ppe e ae na lakou ka hihia i lawelaweia ai mamua." ''No ia uku ke hauoli loa.nei au i ka liaawi aku, mahope iho 0 ka holopono ana o kau hana imua o ka aha a hoi hou mai ko'u mau waiwai apau me a'u, a ia manawa, e hoike aku ai au ia oe, e hookaawaleia aku ana ke kaumaha mai ko'u naau aku no ka loaa ana he hoaloha i maopopo mua ole. "E Mr. Sidane, he kanaka hiki no anei ko kahukaa ke hilinaiia? Ua niaopopo ia'u e haawi mai ana ke Kauka Pilina 1 kekahi uku makana kiekie i mea no'u e loāa ai, a ina e ike mai ana ko kahukaa ia'u a hoomaopopo iho owau no ke kaikamahine ana i ike mai ai, i kuu wa i haalele ai i ke kaalio, e loaa iho ana ka manao kuko iloko ona no kelā uku makana e haawiia māi ai, a e hoike aku ana oia ia'u, o ko'u loaa no ia, a ehia ka hoi mea aloha owau, i ka hoihoi hou ia aleu e hoopaa maloko o kela halema'i kohu halepaahao," i pane ae ai o. Mo* nika. "Ua maopopo ia'u aole i ike maopopo mai ko kahu' kaa i kuu helehelena, aka nae, no keia lole a'u e - komo nei, manao au. aole oia e poina ana." "O ia ninau no hoi ka'u o ka ninau ana iho la ia u iho, pela ke keonimana o' ka pane ana mai. "Ua ike au a ua hoomaopopo i ko Uilama hoopono me kona hoolohe mai mua mai ahiki i keia la, eia nae, aohe i loihi ae nei kona noho ana e haiia me a'u, nolaila, he mea pono no ka makaala mua ana me ka papa loa aku iaia aole e hoike i kahi mea e pili ana nou, oia no 'ka hana maikai a palekana loa. <4 Ke kokoke loa aku nei kaua i kuu keenahana i nei manawa, a i ka'wa-e ku iho ai o ke kaa, ea, ia wa au e kiei aku ai iwaho o kē kaa ma ka puka aniani, i ka wa e lilo ai ke kahukaa i ke kamailio me a'u, o kou manawa ia e oili aku ai iwaho ma r kekahi puka ma ka aoao o ke kaa e hiki ole ai iaia ke ike mai ia oe, a holo aku oe a kaa ma kela aoao o ke alanui a komo aku iloko o ka halekuai buke, a malaila oe e ku ai, ahiki i-kuu kauoha ana aku ia Uilama, ke kahukaa, e hoi i ka hale, alaila hele aku au a loaa oe." Wehe mai la oia i ka puka a hemo no Monika e oili aku ai iaia no e kamailio mai ana, me ke noi pu ana aku ia Monika e paa mai no i ke panipuka ahiki i ke ku ana iho o ke kaa. Aohe i liuliu loa, ku iho la ke kaa maniua o kekahi halepohaku nui, a mamua' o ko ke kahukaa lele ana iho ilalo mai kona noho iho, no ka paa ana i ka puka no kona haku, kiei mua aku la o Mr. Sidane iwaho ma ka puka aniani a kahea aku la iaia. Ua lilo keia i mea koi aku i ke kahukaa e kiei mai ma ka aoao o ke kāa ma kahi a Mr. Sidane e kiei aku ana, ma ia hana ana i hiki ai ia Monika ke oili aku iwaho me ka palauiimo loa, a no ka oni ole o ke kaa ia wa ana i oili aku ai aohe i loaa iki i ke kahukaa he hoohuoi nona he ohua e ae hoi kekahi maloko 0 ke kaa mawaho ae o kona haku. He mau kaina wawae liilii wale no ia a Monika o ka holo ana aku a ku ana maloko o ka halekuai buke, elike me ia a Mr. Sidane i kuhikuhi aku ai iaia. I ka maopopo ana i ke keonimana aohe i ike ke kahukaa ia Monika, oili mai la oia iwaho mai ke kaa mai a lele iho la ilalo, a ku iki iho la no ka haawi ana aku i ke kauoha ana i poina ai aole i hoike ae i ke kahukaa, a i ka hala ana aku o ke kaa, hele aku la a komo iloko o ka hālekuai buke. Mtf hana \\>o la i pakele ai o Monika i kā ikeia mai e ke kahukaa, a ma ia ano hana iho la no hoi i.hiki ai ia Monika ke hele pu aku me ka Loio Sidane ahiki i kona hale. Hakalia no i ke kaalio a nalowale aku, o ko Mr. Sidane hele ae la no ia a hui me Monika maloko o ka halekuai buke, a loaa aku la o Monika iaia e heluhelu ana i kekāhi buke Magazine no ke kiiai ana iho. Me kekahi minoaka o ka hauoli oia i haawi mai ai ia Mr : . Sidane i ka hoea ana aku, a no Mr. Sidane'nae, he inaina ke nu ana iloko oua no kona noonoo ana iho no ka Kalo Kini hana ino a pakaha i hana ai maluna o ke kaikamahine nona ka helehelena ui ana e ike aku ana. Alakai aku la oia iaia ahiki i ka halekaa kokoke loa mai a kokua aku ma ka hoopii ana aku iluna o ke kaa, a he minuke ma ia hope iho ua laweia aku la laua me ka hikiwawe loa ahiki 1 ke alanui Kovenoa mauka loa kahi o ka hale nani o Mr. Sidane e ku ana. MOKUNA XVIII.—MALOKO O ROMA. tie hapalua hora ma ia hope iho ku iho la ke kaalio mamua 'māi. o ka puka o ka halenoho nani o Mr. Sidane. I ko laua lele ana iho ilalo, lawe aku la o Mr. Sidane i/kana malihini aloko o kekahi rumi hookipa, a hoonoho iho la mā'luna o kekahi noho mamua mai o kekahi kapuahi hoopumehana e a ana ke ahi lanahu, a noi iho la e hookuu aku iaia no kekahi mau minuke no ka hele ana aku e huli i kana wahine, no ka lawe .ana mai a hoolauna ia Monika. Aneane he hapalua hora kona nalowale ana aku, i leona hoi rana mai me kē!fehi makuahine i emi liilii iho kona opiopio mamua ona, a nona hoi ka inoa ana o ka hoolauna ana mai ia Monika a Mrs. Sidane. Ua haawi mai la oia i kekahi hookipa oluolu loa ia Monika a hoomau mai la no hoi i kana kamailio ana e hiki ole ai e loaa i manawa no Monika e kamailio aku ai, ahiki i ka hoike ana . mai o ke kuene no ka makaukau o na meaai no ka aina ahiahi, . a ia manawa lakou apau i hele aku ai no ka rumiaina, a ia , manawa i laha ae ai mawaena 'o na kauwa he kaikamahine opio ui ka ko lakou haku o ka hoihoi ana mai i ka hale, nona ka » inoa o Miss Helena Poka a ua kohoia mai hoi ko lakou haku i kahu hanai nona. "Ma kela auwina la no, mamuli o ka hoakaka a kana kane, i laweia aku la o Monika e Mrs. Sidāne i kekahi haie hoolimalima i hoolakoia me na lako liale apau o ka papa ekahi ma ke alanui Rigena, a malaila o Monika i noi aku ai e hoolakoia i mai oia e ka haku o ia hale me na aahu apau ana e makemake • ai, o ke ano maikai loa e loaa ana maloko o ia wahi. Ua hoahewa no o Monika iaia iho, no keia maū.hoolilo nui l hewahewa, e nemaia mai ai paha oia e kekahi poe i ke kaikā- : mahine uhauha, eia nae, he mau mea kupono wale no ia nona : elike me ka olelo a ka ona nona ka hale a he mau mea no hoi . ia i hoolakoia mai i kupono me ko Mr. Sidarie makemake a i ikeia mai ai oia hē kāikamahine hanai na Mr. Sidane, a mamuā ! o ka hiki ana mai o ke ahiahi, he elua mau pahulole i piha me ■ na lole like ole i laweia mai a i makaia mawaho o ka pahu i '"H. P.", a hapaiia mai la iloko o ko Monika mau mmi. laia maloko o kela hale ua ike iho oia iaia me he manu kei nere la i paa mau iloko o ka hale manu a i ka hemo aria mai kā halemanu tnai ua like oia me kekahi mea lanakila? No kēia loli hikiwawe loa i loaa iho la ia Monika ua hikiwawe loa ka ulu ae o kona kino i ka mohaha mai t a ikeia aku la no hoi ka

lamalama mai o kona helehelena, maikai ma? la kona noonoo» a hoōmaka mai la no hoi e loaa ka ikaika i ke kino, a he holoholona i loaa ke ola hou kana ike iaia iho. No kona miu makua hanai hoi, Mr. ame Mrs. Sidane, ua hoopihaia aku ko lāua mau naau me ka hauoli no ku loaa āna o ka laua kaikamahine hanai, he oliua hoonani hou no kr» hofiie, a he hoolehulehu ana aku no hoi i ko laua alo i mehaii»» ha no ka wa .loihi. I na manawa kaawale o Mr. Sidane. e ninaninau mau mai ana oia ia Monika e pili ana i ka moolelo o kona ohana, a C loaa mau aku ana no hoi iaia 1 kelL ame keia manaAva. me kona kakau mau i na mea ano nui ana e ike ana, eia nae, ma kā mea e pili ana i ko Mr. Kini pili ana ia Kalo Kini, he lillii loa ka ike i loaa aku iaia, no ka maopopo ole ia Monika o ko laua pili. Eia nae ma ia wahi ua olelo aku o Monika i ua o Sidane, o Auguseto, ke kakauolelo pilikino a kona makuakane oia paha ka mea i maōpopo, oiai oia ka mea pili mau me Mr. Kirti, kon* makuakane,; a,ole e nele ana kona maopopo i kekahi mea e pili ana i ko laua pili ana kekahi i kekahi, a no ke kumukula 0 ke kula kaikamahine ma Los Angeles, oia ka mea nana hooiaio miai he kaikamahine oia na Mr. Kini i make, a o kona hooilina wale no hoi, no ka mea he elua ona mau kii i pa'iia i kona manawa e noho ana maloko o ke kula a i hoounaia mai • ia Mr. Kini mai ka halekula mai. Alaila, olelo mai la o Mr. Sidane iaia e kakau mai *na oia. 1 leka ia Auguseto a i ke kumukula o ke kula o Los Angeles, i kekahi manawa kaawale e loaa ana iaia, a noi pu mai la ia. Monika e hoopoina loa oia i kona mau manao kaumaha apau/ a e hoohauoli oia iaia iho, elike me ka hiki iaia, oiai oia e iipi a e hana mai ana ma na ano apau no kona pono. fto ka mahina ko Monika noho ana maloko o ka hale a Mr. Sidane i hoonoho aku ai iaia, me ka loaa ole o kekahi mau mea hookaumaha mai i kona noonoo, o ka hauoli ame ka malie wale no o kona noonoo kana mea i ike, a iloko o ia manawa ua maikai loa mai la kona ola kino, mohaha mai la kona helehelena, ula mai la no hōi kona mau papalina e hoike mai ana i kona wahine ui, me.ka nui o kona mau hoaloha, a hc kaikamaliine hanai wale iho la no kona oleloia na na Sidane. Mahope mai, ma kekahi kakahiaka, olelo aku la o Mr. Sidane iaia aohe nui loa o kana hana a e hala ana he mau la, a nia ia ahiahi iho e kakau ana oia i na leka ana i olelo aku ai iaia, ina oia e kokua mai ana iaia ma kekahi mau mea. Eia nae, aole i hookoia keia manao ona, no ka mea, ma ke ahiahi loa ana iho o kela auwina la, hoihoiia mai ana ke kino make o Akibcilo Sidane, ua loaa oia i ka ma'i 1010, a ua hoopau koke ia'.kana hana ma keia ao. Mamuli dja ia make koke ana mai la'o Mr. Sidane me ka ike ole ae Mfa ehaeha, i hooneleia ai ke kaikamahine i hooma-auia-o ka hoaloha ana i hilinai ai. No Mrs. Sidane hoi, ua ku a ma'i oia mamuli o keia puupuu ikaika loa i ike mua ole ia, a 110 kekahi mau pule lehulehu ma ■' ia hope mai, i ka nana aku iaia, me he mea la. e ukali koke aku ana 110 oia mahope o kaha kane. Ma keia manawa i lilo ai o Monika i mea hoomama mau aku i ka noonoo o Mrs. Sidane, ka maikai i hanaia mai ai iaia. Ua haawi aku oia i koni manawa ame kona noonoo apan maluna o ka mea pilikia a i hoomokuinokuahuaia hoi ka noonoo mea aloha i haalele koke mai iaia: ua pili mau aku o Monika ma ka aoao o ka moe o ka wahine ma'i mc ka nianaka ole; kikaikahi loa kona haalele i ka aoao o kā moe o ka mea ma'i, a no ko Monika makaala loa, me ke kokua mau aku i ka wahine ma'i ua lilo oia i mea alohaia e Mrs. Sidanc me he mea la he kaikamahinē- ponoi nana. No ka elua mahina a oi kela ma'i ana o Mrs. Sidane me ka hiki ole iaia ke kokua iaia iho, a iaia i lana ae ai mai kela ma'i mai, ua hele e kona helehelena, hohoma kona mau papalina a kuku na iwi ona papalina, me ka poopoo o # na niaka, ahe wahine na\valiwāli loa oia me ka wiwi pu, i loli loa mai kona ano mau ae. I ka hiki ana iaia ke holoholo iwaho, kauoha mai la kona kauka iaia e holo i Italia e hoolanalana ai, me ke kauoha pu e hoi mai ke ike oia i ka ikaika loa o ka wela e hiki ole ai iaia ke hoomanawanui, a ua ae aku la ka wahine ma'i, me ka olelo pu ana aku nae, he ae no oia e hele, ke ukali pu nae o Monika iaia. No kekahi mau pule ko laua noho ana ma Napela, maloko 0 kekahi hale nani e huli pono aku ana i ke Kaikuono o Napela, me na ululaau alani, i lemi ame oliva e hoopuni ma? ana 1 ka hale a lakou i noho ai, a o ka luapele Vesvio, me kona uwahi e puka mau ae ana i ka lewa i ka po ame ke ao mauka loa aku e kiekie mai ana, me ke kai uliuli no hoi o ka mōana e waiho mai ana mamiia aku o laua; malaila lakou i noho ai me ka maluhia, a ua lilo hoi ia mau mea nani a lakou e ike aku ana he mau mea hoomama mai i na naau luuluu a kaumaha. . Ma keia wahi a lakou i noho ai ua ikeia ka hikiwawe loa o ka maikai o ko Mrs. Sidane ola kino, a ma ka aneane i ka hapalua like o ka mahina o lanuari, hooholo iho la oia e holo i Roma, no ka hoololi ana i ka lakou wahi e noho ai, a malaila e noho ai a.pau ka hoikeike nui e malamaia ana maloko o ia kulanakauhale. He mea ku no i ke aloha., wahi a ua o ]\lrs. Sidane i noonoo iho ai, ka hoomamao loa ia o kekahi kaikamahine opiopio a ui, elike me Monika mai kahi mai e malamaia ai na anaina hoohauoli, a e hoopaa mau ia oia me kekahi wahine i hoehaehaia ka noon'oo no kana kane, nolaila hooholo iho la oia no ka auamo i kona mau ehaeha apau, a e hooikaika ae oia iaia ilio i hiki ai iaia ke holo i Roma„ke kulanakauliale atia i ki-pa mau mai ai no na manawa lehulehu mamua aku. a o kahi nana e hoohauoli mai i ka noonoo me na mea nani like ole a ka maka e ike aku ai. I kulike me keia hooholo ana, he mau la kakaikahi ma is hope iho, maloko o kekahi hāle nani maluna o ka Puu Pinikiana lākou i noho āi ma'Roma, ho ka mea, mai ia wahi māi e hiki ai iā lakou ke holo aku e makaikai i na wahi kaulana lehulehu, a o kahi no hoi ia e hiki ai ia lakou ke ike pono ak« i ka halepule St. Peterō, ame kekalii mau wahi ano nui a kaulana o ke kulanakauhale o Roma. Ma kekahi auwina \a, ia Monika ame ka wahine kauwa i hoi mai ai mai ka hale "hōikeike 'māi' 6 na mea kahiko, kaālo ae la laua ma k«|cahi aoao o kekahi mau keonimana e kau aha maluna o na lio.. o ko laua oili ana mai no ia mai ka Piō nūi mai'i kapaia'ka. Pio Lanakila o Tito, a i'ka ike ana mai o kekahi o na keonimana ia Monika wehe ae la oia \ kona papale a kunou mai la, a ua haohao o l\lonika no kekahi mana\\-t no ke kunou ana mai oia Weonimana iaia, me ka ninau ana'iho iloko ona, owai la kela keonimāna, a ua ike paha oia iai* ma , mua aole paha; malia ua kuhihewa ia iaia i kekahi o na kaikamahme opio* ana i ike ai mamua. (Aole i pau.)