Ka Nupepa Kuokoa, Volume LXVI, Number 9, 3 March 1927 — Page 1

Page PDF (1.62 MB)

View this newspaper issue

Nupepa Kuokoa

KE KILOHANA POOKELA NO KA LAHUI HAWAII

Ka Nupepa Pookela o na
Nupepa Hawaii

Hoopukaia i na Ka kahiaka
Poaha Apau

BUKE LXVII—HELU 9 NUPEPA KUOKOA, HONOLULU. T. H. POAHA, MARAKI 3, 1927 NA HELU APAU, 6452

KU LAINA KA POE HOOKAA I KO LAKOU MAU AUHAU KAA

Kakali Okoa Kekahi Poe he Mau Hora ka Loi-
hi Mamua o ka Loaa Ana Mai o ko

Lakou Mau Laikini Kaa Hou

MAKE HE KAIKAMAHINE I

KA ULIA KAA OTOMOBILE

Pakele Mahunehune Mai ke Ola o Kekahi Poe

Kaikamahine e ae me ka Nui Nae o na

Poino i Loaa Ia Lakou


	Ma ka auwina la o ke Sabati aku nei i hala, i hooku 'i ae ai he kaa otomobile me ke kaa haki o ka hui kaa uwila, ma ka hui ana o na ala- nui Umi-kumamalima ame Pahoa, a o ka hopena o kela hooku 'i ana, o ia no ka make ana o kekahi kai- kamahine Kepani o elua makahiki maloko o ka Halema 'i Moiwahine a pakele mahunehune mai hoi ke ola o kekahi poe e ae he eono ka nui, me ke kukonukonu no nae o na poi- no i kau aku maluna o lakou. I kulike ai me ka moolelo i loaa mai, mahope iho o ka ninaninau ana aku o na Makai Carreira ame Bar- boza, e pili ana i ke ano o ka loaa ana o ka ulia poino; e holo ana ka ke kaa haki o ka hui kaa uwila ma ke alanui Pahoa, ma kahi ihona o ke alanui a e pii mai ana hoi ke kaa otomobile e hookeleia ana e Yamato , ma ke alanui Umi-kuma- malima, me na ohua oluna he poe kamalii wale no. Mamua o ka hoea ana i ke kihi o na alanui a elua, ua hooku'iia aku la ke kaa otomobile e ke kaa baki, a mamuli o ka ikaika loa o kela hooku'iia ana aku o ke kaa otomo- bile, ua kaualakoia aku la ia no na kapuai he kanakolu-kumamaono, a- hiki i ka hooku'i ana aku i ka pa pohaku; me ka aui o na poino loaa i ke kaa otomobile, e nui ai ke hana hou ia. E hookeleia ana ke kaa baki o ka nui kaa uwila e E. F. Hendrix, ua pakele oia mai ka loaa ana o pela hoi nae na ohua elua e kau pu kekahi poino maluna o kona kino, ana maluna o ke kaa baki, ma kela manawa o ka hooku'i ana. O ka inoa o ke kaikamahine Ke- pani i make, oia o Chiyoko Yoshita, a nona na makahiki he elima. Ua naha kona poo a ua haki pu ka papa auwae. He kaikamahine hou iho nona na	makahiki he umi-kumamakolu, a no- na hoi ka inoa o Yukiko Ueda, oia kokahi mea i kukonukonu loa na poino, ua naha kona poo, mo ka nui o na wahi e ae o kona kiao i eha, me ke kanalua o ke kauka o ka halema'i o na poino ulia, ao ka pa- ekana o kela kaikamahine. Rozo Yamata, ke kiakaa o ka oto- mobile, ua eha oia ma kona poo, pela hoi ma kona kino, aolo nae i kukonukonu Ioa, e make ai oia. He kaikamahine Kepani hou ae nona na makahiki he umi-kumama- lua, a nona hoi ka inoa o Yoshiko Yoshito, ma ka maka akau kona wa- hi i mokumoku, me ka poino pu o na meapaahana oloko o kona kino. Osiyo Yoshida, nona na makahiki eha, ma ka u-ha hema kona wahi i eha. Na kekahi poe o ka hoea ana ae ma kahi o kela ulia, me ko lakou mau kaa otomobile, i hoihoi mai i ka poe poino no ka Halema'i Moi- wahine. I ka manawa i pohala ae ai ke Kepani kiakaa nona ka otomobile o ka hooku 'iia ana, iaia maloko o ka Halema'i Moiwahine, ua hoike ae la oia, no kona koi ana i na kaikamahine Kepani elima, e kau maluna o kona kaa no ka hele holoholo ana. Mauka ae nei o Ka- lihi i loaa ai kela poe kaikamahine iaia, a holo aku la nowaho o Ka- hala, ahiki i ka huli hoi ana mal, ma ke alahele o Kaimuki. Ma ka olelo a na makai, ina i kauia ka hoailona ma. ka alanui Umi-kumamalima, no ke ku ana o ke kaa, aole e loaa kela poino, aole nae pela, aole he hoailona i kauia ma kela alanui, nolaila ua kuupau ke kiakaa otomobile, i ka holo o kona kaa, oiai he piina kela wahi o ke alanui, a e holo aua no hoi ke kaa baki me ka paukiki, ma ka iho- na o ke alanui Pahoa.


	Oiai o ka Poakahi iho nei, ka la hope loa e uku ai i na laikini no na kaa otomobile no keia makahiki 1927, na konoia aku he mau hane- ri a na makaainana o keia kulana kauhale, e kakali, no kekahi mau hora iloko o ka laina, mamua o ka loaa ana mai o ko lakou mau lai- kini. Ua loaa he haawina a o kupono loa, i ka poe i kakali ahiki i ka la hope loa, alaila nele ae e kii i mau laikini hou no ko lakou mau kaa otomobile, no ka mea ua konoia aku lakou, e kakali iloko o ka lai- na, no ka manawa loihi, mamua o ka hoea ana aku imua o na kakau- olelo o ke keena puuku kulanakau- hale no ka hoopuka ana mai i na laikini kaa hou; oiai nae, ina i helo ae lakou, i na la aku nei i hala, aole lakou e konoia ana o kakali loihi elike me ia a lakou i ike ai ma kela Poakahi. Ma ka manawa i hemo ai ke kee- na o ka puuku kulanakauhale ma ke kakahiaka o kela Poakahi, mai ia manawa mai, ka piha hookeke o na kanaka, me ka hiki ole e pau ma ke kulaina ana maloko o ke keena, ahiki i ke kono okoa ia ana aku o ka lehulehu, e ku laina ma ke ala- nui kauaoao o ke alanui Alakea; a i kela ame keia manawa, e emi liilii mai ana ka loihi o ka laina, a ma ka hora ewalu o ka po ana iho, akahi no a loaa ka laikini o ka mea hope loa a loaa no hoi ka maha i na kakauolelo oloko o ke keena puuku. Mawaho ae o ka poe o ka hoea kino okoa ana ae no ke keena o ka puuku, e kii ai i laikini hou no ko lakou mau kaa, he 'nui ka poe i waiho ae i ka lakou mau palapala noi laikini, me ka lakou mau kikoo dala me na kakauolelo o kela kee- na ao ko lakou makemake ole, e kakali loihi no kekahi mau hora lehulehu.	Ua hiki ole e maopopo ka nui o ka poe i hoea ae no ka uku ana i ko lakou mau auhau kaa otomo- bile ma kela la pela hoi ka nui o na dala i ukuia ae, hookahi nae mea i hoomaopopoia, ma kahi o ka eono kaukani me eiwa haneri poe i uku ole i ko lakou mau auhau kaa ma kela Poakahi, a ehia la o kela he- luna i uku ae i ko lakou auhau, he ninau pohihihi ia, ma ke paniia ana o ke keena puuku ma kela la; aka e maopopo ana nae i ka wa e helu- ia aku ai mahope mai nei. I ka hoea ana ma ka hora eha o ka auwina la, ma kela la, ka ma- nawa e paa ai na keena oihana apau, ua hoaoia e pani i ka puka e komo ai iloko o ke keena puuku a me ka hana nui wale no i hiki ai ke pa niia, me ke koe okoa no o na kanaka iwaho, aka nae i ka manawa e hoo- kuuia mai ai ka mea i loaa kona laikini, o ka wa ia e komo aku ai he ekolu a he eha poe iloko. mamua o ka hiki ana e paniia mai ka puka. Ma ka hoakaka a ka Pauku Conk ling, aole keia o ka manawa mua loa i ikeia ai ka hookeke o na ka- naka, e hele ae ana e uku i ko lakou mau auhau kaa, aka i na makahiki no apau i kaahope aku nei. Oiai e nui ana ka manawa no ka uku ana i na auhau kaa otomobile mai ka la 3 mai nei o ka mahina o Ianuali, ua hoohemahema maoli ka nui o na ona kaa i ka hele ana ae e kii i mau laikini hou no ka mea i kekahi mau la, he kakaika- hi loa ka poe hele ae i ke keena o ka puuku, he ekolu i kekahi Ia, a he elima no hoi i kekahi; o ke kie- kie loa i ikeia no ka la hookahi, ma kahi o ke kanakolu. O ka poe aole i loaa na papa hua- helu hou uo ko lakou mau kaa, ina nei no ko lakou hooholo i na kaa me na helu kahiko, mai ka Poalua mai nei, e paa ana lakou i ka ho- puia, ke ikeia mai e na kanaka o ke aupuni.

He kii keia e hoike ana i kekahi hapa o ka poe i ku laina me ke kakali ana no na hora lehulehu o k aloaa mai o ko lakou
mau laikini kaa hou ma ka Poakahi iho nei.

PANE O CHARLES S. DAVIS

I NA NOI KUMU DIMARA

Hoikeia na Inoa o na Hoike i ke Akea ma na

Hana Ninaninau a ke Kiure Kiekie no

na Hana Ki-pe Piliwaiwai

Houia Kekahi
Pilipino i ka
Pahi a Make

Na Kekahi Wahine i Hana i
Kela Karaima no ka Li-
manui o ka Pilipino

AE OIA NO KONA HANA
ANA I KE KARAIMA

Haawipio Kela Wahine Iaia

Iho Imua o ka Oihana

Makai ma Kela la

No ko kupale ana iaia iho, mai ka hoopilikia amo ka hoopoino ana aku a kekahi Pilipino o ka hoea ana aku no kona rumi, ma ke kakahiaka o ka Poalua iho nei, i hou ae ai he wahine Pilipino, nona ka inoa o Mrs. Ceferina Superal i kekahi Pilipino o Coenelio Tamlong me ka pahi a make loa, me ka ae okoa ana ae o kela wahine, oia maoli no ka mea nana i hookau aku i ka make maluna o kela Pilipino kane.

I kulike ai me ka moolelo pokole e pili ana i ka make ana o ka Pilipino, ua hoea aku o Tamlong no ka hale o ka wahine Pilipino. ma ka hapalua o ka hora eono o kela kakahiaka, me ka manao e hoopoino ma ke ano hoohaumia i kela wahine, mahope iho keia o ka hala ana aku o ke kane a kela wahine no kana hana.

No ke kupale ana iaia iho, mai ka manao kolohe mai o Tamlong, ua ku-e mai la kela wahine i ka manao epa o kela Pilipino, me ko laua noke ana i ke aumeume, ahiki i ka holo okoa ana aku o ka wahine Pilipino noloko o ka halekuke, e kii ai i kekahi pahi.

Aole no i lilo ka holo ana aku o kela wahine e kii i pahi, i kumu e hoopau ai ka Pilipino kolohe i kana hana hoopilikia, aka ua hoomau mai la no oia i ke aumeume ana i ka wahine, a no ka hele loa o kela hana a laua i ka nui, ua hiki ole i kela wahine, ke alo ae, mai kona hou ana aku i ka mea kolohe i ka pahi.

Mahope iho o kona hookau ana aku i ka make maluna o ka Pilipino kolohe, o ia ka houia ana o ka pahi ma ka opu, i haawipio okoa ae ai kela wahine iaia iho imua o ka oihana makai, ma kela kakahiaka no, a hoounaia na makai no kahi i hanaia ai ke karaima pepehikanaka, a na loaa aku ka Pilipino make e waiho mai ana iluna o ka papahele, maloko o ka rumi i aumeume ai oia me ka wahine ana i makemake ai e hoopoino, mamuli o kona mau manao lapuwale.

Ma ka hoakaka a kela wahine imua o na kanaka o ke aupuni, aole ka kela o ka manawa mua loa a Tamlong, i hoao ai e hoopilikia aku iaia, aka ma ka Poalima aku nei i hala, ua hoea aku no ua Pilipino nei, noloko o kona rumi, me kela manao kolohe no o hoopoino aku iaia, aka i ka manawa nae i hoikeike mai ai i kona manao ku-e, ua

E Holo Aku Ana na Hoa o ka Aha Senate no Maui

Makemake na Senatoa e Ike i

na Hana i Noiia Mai

ai na Haawina

E HALA ANA HE MAU LA
MA KEIA HUAKAIHELE

E holo pu Ana Kela Mau Se-

natoa e Nana i na Aina

Hoopulapula

Ma ka hora eiwa o keia po Poaha e haalele iho ai na hoa o ka aha senate malalo o ka hooponopono ana a ke komite wae o na senatoa o Maui, i noho lunahoomalu ia e Se-natoa Harold W. Rice, e hoohalaia ai he mau la ma ka nana ana i kekahi mau hana ma Maui, alaila holo loa aku no Molokai, e hoea hou mai ai kela mau senatoa no Honolulu nei, ma ka Mauna Kea o ke kakahiaka o keia Poakahi ae.

I kulike ai me ka papa hoonohonoho, no na hana a kela komite, e holo nei no Maui ame Molokai, e kau ana na hoa o ke senate maluna o ka mokuahi Manoa, e haalele iho ai ia Honolulu nei, ma ka hora eiwa o keia po Poaha, a ku aku no Kahului, ma ka hora eono, o ke kakahiaka o keia Poalima. .

Mahope o ka aina kakahiaka maluna o ka mokuahi Manoa, e hoohalaia ai kekahi manawa, ma ka nana ana i ka uwapo o Kahului, e komo pu ana ka uwapo hou e kukuluia nei.

No ke koena aku o kela Poalima, e hoohalaia ana, ma ka pii ana nouka o Olinda, me ka nana ana i na eka aina he kanawalu malaila, no na ululaau i hookoeia, a mailaila aku no Kula. E nana ana na senatoa i ka halema'i ma Kula, pela me na aina aupuni malaila, a ma ka hapalua o ka hora umi-kumamalua o ke awakea o kela la, e hookipaia ae ai na malihini ma kekahi paina ma ka home o Senatoa Harold W. Rice.

Mahope o ka pau ana o ka paina awakea, e holo ai na senatoa no Wailuku, no ka nana ana i na keena oihana malaila, a hoaumoe ma Maui, ma kela po.

Ma ka hora eono o ke kakahiaka ana ae o ka Poaono, e haalele iho ai na malihini ia Mala, Lahaina, no Kamalo, Molokai e hoea aku ai no kela mokupuni mawaena o ka hora eiwa ame ka hora umi o kela kaka-aka no, a holo aku na malihini no ka aoao komohana o ka Moku o Hina.

E hookipaia ana na malihini naa ka aina awakea ma kahi hana ha-lakahiki o Libby, a mahope aku o kela manawa, e holo mai ai no ka nana ana i na aina hoopulapula.

Ma ke ahiahi ana iho o kela Poaono, ma ka home o ka Hon. Geo. P. Cooke ka paina ahiahi, a ma ka hora ekahi o ka wanaao, e kau ai maluna o ka mokuahi, Mauna Kea, no ka huli hoi ana mai i Honolulu nei.


	Imua o ka uha kaapuni, ma ka Poakahi iho nei, i waiho ae ai ka Loio Kulanakauhale C. S. Davis, i kana pane, no na kumu dimara, ma ka aoao o na loio o ka poe i hoopiiia no na hana ki-pe ame ka piliwaiwai, oia ke Kapena Makaikiu John K. Kellett, ka Makai Nui David K. Trask, Henry Awa Wong ame kekahi poe Pake e ae he umikumamahiku ka nui. Ma kela pane a ka Loio Kalana Davis, e hoike pu ana ia, i na inoa o na hoike apau, i hoea ae imua o ke kiure kiekie ma ka manawa e hooloheia ana na hana ki-pe pili i ka piliwaiwai; mamuli keia o ke kumu dimara i waihoia ae e na loio o ka poe i hoopiiia, no ka puni wale ana o na kiure i ka oleloike a Mrs. Elizabeth Wong, oiai nae ma ka mea oiaio, elike me ia a Davis o ka waiho ana ae ma kana pane, he nui na hoike e ae i ninaninauia mua o kela kiure, a o keia iho ko lakou mau inoa: Yuen Ching, Fong Sing, Mrs. Hen-ry Awa Wong, Yuen Chan, Sam Ako, Yuen Tong, Charles Lake, Walter Larsen Louis Branco, David Hao,	John Hardin, Jr. Mrs Minnie Pa.- loney Frank Paloney, Ho Fat, Cle- ment Hiram, Mark Robinson, Jero - me Smiddy, S. Funai ame Tanimura Joshe. Mawaho ae o kela pane a ka Loio Davis, ua waiho pu ao oia he olelo hoohiki mai ia Edward K. C. Yap mai, kekahi hoa o ke kiure kiekie, e hoakaka ana, no ka pololei o ka mahele ana a Anthony Y. Seto, mai ka olelo Pake ae, a i ka olelo Beri- tania; oiai nae ma kekahi o na kumu dimara a na loio o ka poe i hoopiiia, aole he pololei o ka lilo ana o Seto i mea nana e mahele i ka olelo a na hoike Pake. O ke koena ae o na pane a ka Loio Kulanakauhale Davis, ua pili ia no ka hoea ana ae o J. W. Brin- ing, he kakauolelo no ka aha, imua o ke kiure kiekie, e ku-e ana i ke kumu dimara a na loio o ka aoao pale, pela hoi me kana pane, e pili ana ia Mrs. Elizabeth Wong. Ua manaoia, ma kekahi manawa o keia pule, e haawi ae ai ka aha i la no na loio ma ka aoao o ka poe i hoopiiia, e pane ai, i ua kumu pale no na dimara, i hookomoia ae e ka Loio Kulanakauhale Davis.

LILO KA UKUHANA O CONK-
LING I HAKA NUI E NOO-
NOOIA AI.

Ma kekahi manawa ae nei i hala, ua waiho ae ka Puuku D. L. Conk-ling i kana koi imua o ka papa o na lunakiai o ke aupuni kulanakau-hale a kalana o Honolulu nei, no ka ukuia aku iaia, o kona ukuhana o $6800, no na mahina i kapaeia ai oia mai ke kulana puuku aku; ua waihoia aku nae kela koi imua o ka Loio Kulanakauhale C. S. Davis, a ua hoouna mai oia i kana pane, me ka waihoia ana ae o kela pane, i ko komite waiwai o ka papa, no ka noonoo ana mai i ka mea pono a hana aku ai.

Ma ka pane a ka Loio Kulanakauhale Davis o ka hoouna ana ae i ka papa o na lunakiai, e hoakaka ana ia, no ka hoole ana o kona keena e waiho ao i kekahi koi, i na bona o ka Puuku Conkling no ke pani ana i ka huina o na dala i pokole, iloko o ka waihona puuku o ke kulanakauhale.

Ma ka manao nae o ka Lunakiai John Hughes, kekahi lala o ke komite waiwai o ka papa, he kana kupono loa, ka ae aua aku e ukuia ka huina o $6800, i ka Puuku Conk-ling, elike me kana i koi mai ai, no ke kumu ua hoopau wale ia aa kumu hoopii kue apau e pili ana iaia, no ka pokole ana o ka huina o ewalu kaukani dala, nolaiala aole he hewa iki i pili ia Conkling a ua kuleana oia e koi mai i kona uku-hana no na mahina i kapaeia ai oia mai ka oihana puuku ne.

Ma ka manao hoakaka hoi o ka Lunakiai A. L. Castle, ka lunahoomalu o ke komite waiwai, hookahi wale no ninau nui, e pono e noonooia e kela komite o ia no ke kupono ole e ukuia aku ka ukuhana o Conk-ling elike me kana i koi mai ai, me ka nana ole, no kona pili i ka hewa a hewa ole paha.

Ua kulike ka manao o ka Lunakiai Pacheco me ko Castle, o ia hoi ka noonoo ana o ke komite waiwai, maluna wale no o ko kupono ame ko kupono ole i ka papa o aa lunakiai, ka uku ana aku, i ka ukuhana o na mahina i kapaeia ai o Conk-ling mai ka oihana puuku aku.

Mawaho ae o kela ninau, o kekahi mea nui a kela komile e noonoo ai, ina paha he mea pono, e pani aka o Conkling, i ka huina pokole e ewalu kaukani dala i ke kulanakau-hale; he huina dala i nalowale iloko o kona wa e nohe puuku ana, a i ala mai ai hoi na kumu hoopii hoahewa e ku-e ana iaia.

LOAA KE KAPENA HOU

KO KE KEENA MAKAIKIU

No ka lawe ana ae i ke kulana i hoohakahakaia iho mamuli o ke kapaeia ana o ke Kapena Makaikiu John R. Kellett, mai ka oihana makaikiu aku o ka oihana makai

o Honolulu nei, ma o na kumu hoo -
pii la e ku-e ana iaia ame kekahi
poo e ae he umikumamaiwa ka nui,
no ko lakou komo ana iloko o na
hana ki-pe, no ka piliwaiwai, i hoi-
ke ae ai ka Makai Nui David L.
Desha ma ka Poalima iho nei, no
kona hookohu aku ia Michael Morse

i kapena makaikiu no ka manawa,
a e kaa aku na hooponopono ana o
na hana apau o ke keena makaikiu
malalo ona.

O na hooponopono ana i na hana oloko o ke keena makaikiu mamua aku nei, e laa ka mahelehele ana i na hana a na makaikiu, ma na uwaki, ua hoike hou ae ka Makai Nui Desha, no ka holopono ole o kela hana.

No ka Lukanela Makaikiu Ed-ward Ross hoi, e hoonohoia ae ana oia ma kekahi kulana okoa, a o John N. Mclneosh ke lawe ae ana i ke kulana lukanela makaikiu malalo o ke Kapena Makaikiu Morse.

Aole he mau kumu hoohalahala i loaa i ka Makai Nui Desha e ku-e ana i ka Lukanela Makaikiu Ross, aka nae, ma kona manaoio, no ka pono o ke keena makaikiu, he mea maikai no, ke kaawale ana aku o Ross ma kekahi kulana hana okoa; a e kaa aku ka hoohana ana i kela keena, malalo o ka poe hou.

O ka Hope Makai Nui Charles H. Baker, ka mea i hoonohoia aku ma ke poo o ke keena makaikiu, i ka wa i kapaeia aka ai o Kellett, mai ka hana aku o kela keena, a mamuli o ka nui loa o na hana i kau aku maluna o Baker, pela i hooholo ai ka Makai Nui Desha, e hoololi elike ae la me ia maluna.


	WAIHOIA AE HE HOOHALAHA- LA KU-E NO KEKAHI LIMA- HANA Ma ka halawai a ka papa ola, i malama ae ai ma ka auwina la o ka Poakalu o ka pule aku nei i hala, i waihoia ae ai he palapala hoopii imua o kela papa e Kauka Alonzo B. Eekerdt, ke poo o ka halema'i o ke territore ma Kaneohe, he pala- pala hoopii hoi, i kakauinoaia e ka poe apau e noho bana ana maloko o keia halema'i, e koi ana e hoo- pauia o Sam Fong Wai, mai kona noho hana ana ma kela halema 'i. O kekahi o na kumu hoohalahala e ku-e ana i kela limahana, o ia no kona lohi Ioa ke hele ae i ka hana, a i kekahi manawa e hoea ae ana oia ae ke kahi 'ohi 'o i ka waiona. Aole o kela wale ae la no ka pili- kia i ikeia no keia limahana, aka e Uwe pu ae ana oia i kekahi wahine me ia, a ua haawiia aku na meaai o ka halema'i iaia, me ka noho pu ana o kela wahine maloko o ka hale- ma 'i oiai o Sam Fong Wai e noho hana ana mai ka hora eha aku o ka auwina la ahiki i ke aumoe, a ma- waho ae olaila, o kekahi kumu hoo- halahala, o ia no ka hoeha o kela limahana i na ma'i. Ua hoea kino ae o Sam Fong Wai imua o kela halawai a ka papa ola, me kona hoole ana, i ka pololei o ka hapanui, o na kumu hoohalahala o kue aaa iaia, a i ka makaukau ana e hookuu kela halawai, i haawiia aku ai ke kauoha ia Kauka Frede- rick E. Trotter, ka peresidena o ka papa ola, e hoopau aku oia i kela limahana, mai kona noho hana hou ana mai no ka halema 'i o Kaneohe, ke hooiaioia na kumu hoohalahala e na hoike. KUPALEIA KE KANAWAI LO- LE AUAU A SENATOA DESHA O ke kanawai e ku nei i keia manawa, i ikeia ke kanawai lole auau a Senatoa Desha, e hookapu ana i ka hele olohelohe ana o ka poe auau ma na alanui, me kekahi lole kupono e uhi ana maluna o ko lakou nau kino mawaho ae o ka lole auau, ahiki i ke kuli, ua kupa- leia ia e ke komite hookolokolo olo- ke o ka hale o na lunamakaainana, ma ka Poaha aku nei i hala, ma ka manawa a kela komite i waiho ae ai i kana hoike, e kauoha ana 9 waihoia ka bila a ka Mea Hano- hano H. K. Ashord ma ka papa, o ia hoi ka bila e koi ana e hoopauia ie kanawai lole auau.	Ma ka hoike a ka hapanui o ke komite, e hoakaka ana ia, no ka loaa ole o kekahi mau kumu kupono e hoopauia ai ke kanawai o ku nei i keia manawa, o ka ka hapanui o na hoa o kela komite i ike ai, o ia no ka oili ana mai o na hopena mai- kai a mahaloia, mamuli o keia ka- nawai; a ua pau ka ikeia ana o ka poe auaukai, e hele ana me ko lakou mau lole auau ma na alanui; o na lala o ke komite i kakau i i ko lakou mau inoa ma kela hoike, oia o So- ares, Lyman, Silva, Stillman, G. P. Cooke ame Viveiros, a o H. K. Ash- ford wale no ka mea iloko o kela komite, ma ka aoao ku-e. MAKEMAKE I HOOKAHI WA E KOHO BALOKA AI Iloko o ka aha senate ma ka Po- aha o ka pule aku nei i hala i hoo-. komo ae ai o Senatoa Harold W. Rice o Maui, he elua mau bila, o ia na bila 40 ame 41 o ke senate, e hoololi ana i ka manawa e koho baloka ia ai na luna oihana o na kalana o Kauai, Maui ame Hawaii. Ma ka bila 40, e koi ana ia, no ka hoololi ana i ke kanawai e ku nei i keia manawa, no ka wa e ma- lamaia ai na koho baloka, o na ka- lana o Kauai, Maui ame Hawaii; e hoihoi mai ana a i hookahi ma- nawa e malamaia ai me ke koha baloka o na hoa oloko o ka ahaolelo, ame ka elele lahui i Wakinekona, o ia hoi iloko o ka mahina o No- vemaba o ka makahiki 1928. Hookahi kumu nui o ka make- make ana o Senatoa Harold W. Rice e hoololi i ka manawa e malamaia ai ke koho baloka, no ka hoemi ana mai no ia i na hoolilo, aole elike me keia manawa e ku nei, ua papalua iho na hoolilo o ka ma- lama ana i ke koho baloka, ma ka hookaawale ana i ka manawa e ko- hoia ai na luna oihana o na kalana, a kaawale hoi ke koho baloka, no na hoa oloko o ka ahaolelo. Maloko o ka elua o na bila, ua pili wale no ia i ke kalana o Maui, o ia hoi, e koi ana e hoomahuahua- ia ae na hoa o ka papa lunakiai, mai ka elima ae a i ka ehiku; a o ko la- kou kohoia ana, ma na apana, aole hoi ma ke ano holo laula, elike me ko keia manawa. Na kela ame keia apana e koho i kana lunakiai, iho, elike me ko ke kalana o Kauai, a o ka luna- hoomalu wale no o ka papa, ka mea holo laula.


	Na Hana o ka Ahaolelo KA MOOLELO O KE SENATE La Hana 3; Feb. 18. B. S. 17.— E hoololi ana i ka Pauku 2296, o na E. L. o Hawaii o ka 1925, e pili ana i ka lunakana- wai apana ame kona manawa e pau ai a i ole hoopauia, a e hoakaka ana e noho oia ma a kulana no na makahiki eha a i ka manawa e loaa ai ke pani alaila pau a i ole ahiki i ka hoopauia ana aku e ka luna- kanawai kiekie. — Mossman. B. S. 18.— E hoakaka ana no na ukuhoomau o Samuel K. Kaeo ame Henry K Holi ma ke $75 pakahi no ka mahina, e hoomaka ana ma ka mahina o Aperila, 1927.— Aki. B. S. 19.— E hoakaka ana no na ukuhoomau no Mrs. George Kaupiko ame Mrs. William E. Werner ma ka $25 no ka mahina, e hoomaka ana ma ka mahina o Iulai 1927 a e komo pu ana me ka mahina o Iune, 1928. B. S. 20 — No ka hookumu ana i waihona dala kuikawa a e ikeia ka waihona hookoe i ka ululaau, a e hooakaka ana no na hoolilo no ia hana. — H. W. Rice. S. B. 21.-Nu ka hoololi a hoopau loa ana i kekahi mau hana i hoa- kakaia e na E. L. o Hawaii o ka 1925, e pili ana i ka oihana mahiai ame Ululaau.— H. W. Rice. B. S. 22,— No ka hoamana ana i ke komisina o na aina aupuni e hoolilo ao ia Joseph Paiko Jr. i ka hapa	mauka o ka aina o Kuliouou I no ka uku ana aku i kana koi no ia aina. — Brown. B. S. 23.— E pili ana i na ukuhana o na lunakanawai apana ame kekahi mau kakauolelo maloko o ke Kalana o Maui. — Tavares. B. S. 24.— E hoakaka ana no ke- kahi ukuhoomau no Geo. J . Wessel, a e kauoha ana i ke kulanakauhale a kalana o Honolulu e uku ae i $100 no ka mahina, e hoomaka ana ma ka mahina o Iulai, 1927. B. S. 25. — He kanawai no ka uku hou ana ae i ka National Construc- tion Company no ka huina dala i hoolaweia mai kona ukuhana mua mai iloko o ka manawa e hooko ana i ka aelike hana me ka papa o na komisina o na awapae no ko kukulu ana i na Uwapo 8, 9, 10, maloko o Honolulu nona ka huina $4732.85. — McInerny. B. S. 26. — E Loamana a e kuhi- kuhi ana i ka papa o na lunakaiai o Honolulu e hookaawale ae i $8,272.- 60 no ka uku hou ana ae ia C. J. McCarthy no na dala ana i hookaa mua ai no na ukuhana uo na keena- wai ame sua o Honolulu.— Brown. Holo ma ka heluhelu ekolu ana ka B. S. 1 a hoounaia mai i ka hale a holo i ka hale ma ka heluhelu ekahi ana. La Haiia 6, Feb. 23. B. S. 34— E kukala ana no ka holomua o ka hana hoopulapula. i ka lahui Hawaii, e koi ana i ke kakauolelo o ke koena kalaiaina o Amerika e apono mai i ka pahola ana aku o ke kanawai hoopulapula (E Nana Ma Ka Aoao ELUA)

hoomaka aku la ua Pilipino nei e holo, me ka hoao hou ole aku e hoopilikia, a o keia iho la ka elua o ka manawa o ua Pilipino nei i hoea aku ai, a o ka mako nae ka hopena i kau mai maluna ona.

Ua laweia ae ke kino o ka Pilipino make, no kahi waiho kino o ke aupuni, no ke kahaia ana, a ma keia la e noho ae ai ke kiure ko-ronelo, no ka ninaninau pono ana, i na ike apau e pili ana i ka hoea ana mai o kela hopena maluna o ka mea i make.