| | NUI NA MOHO MA KE
KOHO BALOKA KUIKAWA Ahiki aku la i ka Poakahi iho nei,.
he eono ka nui o na moho i waiho
ae i ka lakou mau palapala noi ho-
lu moho, no ke pani ana i ka maka-
lua i hoohakahakaia iho, mamuli o
la make ana o Levi L. .Joseph, no
ke koho baloka kuikawa e malamaia
ana ma Maui.
Maiwaena mai o kela mau moho
eono, o ka waiho ana ae i ka la-
koa mau palapala noi, i ke kakau-
olelo o ke teritore, he elima mau
Repubalika, a he hookahi Demoka-
rata.
O na Repubalika i waiho mai i
ko lakou mau palapala noi holo mo-
ho no keia koho baloka kuikawa,
oia o Edgar Morton o Paia; Joseph
K. Clark o Kihei; Manase Makekau
o Molokai; Thomas Holstein o Wai-
kapu; ame David K. Kahookele. O
ka moho hoi ma ka aoao Demokara- ia oia o Joseph Ambros o Lahaina.
Ma ka hora umi-kumamalua o ka
po o ka Poalua iho nei, i paa ai
ka puka no ka waiho ana mai i na
palapala noi holo moho; a ma ka
Poaono, ia la 12 o Maraki nei, e
malamaia ai kela koho baloka kui-
kawa ma Maui. MAKEMAKE E HOOPAU I KE
KANAWAI LAWELAWE OIHANA Ma ka Poaono aku nei i hala, hookomo ae ai o Senatoa Judd , o Oahu nei he bila kanawai, e koi ana e hoopania ke kanawai e ku nei keia manawa; i hooholoia e ko kau ahaolelo o 1925, e papa ana i ka poe lawelawe oihana mai ko lakou lilo ana i mau luna oihana kulanakau-hale. Malalo o keia kanawai, i konoia ai o E. W. Quinn e waiho aku kona noho ana he hoa no ka papa lunakiai kulanakauhale, uo ko ku mu, he kanaka lawelawe oihana oia a oiai na papa ke kanawai i kekahi luna oihana o ke kulanakauhale, ma kona lilo ana, i mea komo pu aku ma ka noonoo a hooholo ana paha no ka uka ia aku o kekahi mau dala e ke kulanakuhale no na hana i la welawela, a e lawelaweia aku an paha, e ka hui i kuleana ai oia, pe la iho la o Quinn i waiho ai i ka oihana o ke aupuni. O ka Lunakiai E. E. Bodge pu kekahi i konoia aku e waiho i kona noho ana he hoa no ka papa luna kiai malalo iho la no o keia kaua wai hookahi; a ma keia kanawai no hoi i hookomoia ao ai he hoopii e ku-e ana i ka Lunakiai W. M Ahia; ua pili ole nae ka hewa i Ahia a hookuuia oia. No ka maalahi ame ka maalahi olo o ka hoopau ana aku i ko ka nawai e ku nei i keia manawa, h ninau ia na keia ahaolelo e noono ai, hookahi mea i hoomaopopoia, ia no ka lilo o kela kanawai i kumu e hiki ole ai na kanaka lawelawe oihana ke bolo i uau moho no ka papa o na lunakiai. Iloko o ka noonoo o kekahi ma hele nui o na makaainana o Hono lulu nei, aia iwaena o na kanaka lawelawe oihana e loaa ai ka po kupono maoli, i mau boa no ka pap o na lunakiai, a ina nei no ka hoo-pauia o keia kanawai, alaila e ma-laelae ana ke alahele no kekahi he-luna nui o kela poe e ku mai a imua, a lilo i mau moho, no keia mau kau koho baloka ae e hoea mai ana. IKEIA KA PELAPELA ME KE
KAPULUIA O NA KAHAWAI
AUAU O na wai auau i kamaaina mauka ae nei o Kapena, Waolani ame Pa-noa, ina nei no ka loaa o ka mana piha i ka papa ola malalo o ke ka-nawai, e hookapu i ka auauia o kela mau wahi, alaiala e kapu ana ia ma keia mua aku, elike me ia i kuka-kukaia ai ma ka halawai a ka papa ola o ka noho ana ae ma ka auwina la o ka Poakolu o ka pule aku nei i hala. Ma kela halawai a ka papa ola i waihoia ae ai ka hoike a S. S Tay, ka enekinia no ke kulana mae mae, e noho hana ana no keia papa; ma kela hoike, e hoakaka ana ia, he iwakalua ka nui o na wahi auau. ma na kahawai a ekolu, a he ekolu wale no nae mau wahi auau akea i hoomaopopoia. O ka wai nana e hoolako ana i keia mau kahawai ekolu, maiuka loa mai ia o ke kuahiwi, eia nae kahe ana kela wai, ma na wahi hookaheia ae ai na wai ino a pela pela, he nui no hoi na opala maikai ole, ame na meaino o na loa, me ke kapono ole o kela wai e auauia. I wahi o kupono ai kela man ka hawai no ka auauia, elike me ka hoakaka ma ka hoike o ka waihoa ana ae imua o ka papa oia, e hoo-kaawaleia na mea pelapela apau ma ka holo ana ma keia mau kahawai. Ina nae no ka hookapuia o ka auau ana ma kela maa kahawai, ua manaoia, e hookapu pu ia ana ka auau ana maloko ae nei o ke awa oiai aia iloko o ke awa na wai peia-pela e kahe nei, a he nui no hoi na meaino, e kiolaia nei iloko o ke awa mai na moku lehulehu mai, a mai na wai ino no hoi ouka aku nei o ka aina maloko o na paipu liilii. Ua waihoia aku nae ka hana iloko o ka lima o ka Loio Kuhine Lymer, no ka nana ana i na kanawai e ku aei i keia manawa, ina ua loaa i ka papa ola ka mana e pani ai, alaila e hoea mai ana i ka wa e nookapu Ioa ia ai ka auau ana o ka lehulehu ma na kahawai i hoakakaia ae nei maluna. | HE HOAKAKA NO KA BILA KA-
NAWAI HELU 99, A KA MEA
HANOHANO O. P. SOARES, O
KA APANA 4. I na ewe o ke Kalana o Kakuihewa i loaa ka mana koho: — I ka malama o Okatoba o ka makahiki 926 i aui aku la, a i ka la koho wae o ua moho lunamakaainana o a Apana 4 ame na apana o ae a-puni o Hawaii aina, i waeia ae ai mailoko ae o na moho he nui, o O. P. Soares, a i ka la koho nui mai o a mahina o Novemaba, i oili pulelo loa mai ai ua pua la o Pokukala a lilo i kauwa hanohano nau, na'u a no na makaainana o neia mau kaiaulu. A oiai ka lehulehu e kakali hoomanawanui pauaho ole ana, no ka a e noho mai ai o ka ahaolelo kuoko, oiai hoi, ka lahui ua ike i na popilikia he nui mamuli o ka pii mau ae o na auhau waiwai, a pela aku, me ka hoonele pu ia he heluna nui o na kanaka i kahi hana, noho o iho la ka ahaolelo i ka la 16 o Feberuari o keia makahiki, a iwaena o na hoa hanohano o ka akoakoa ana ae iloko o na paia laahia o ka hale kaukanawai o kou aina, o O. P. Soares kekahi o na hoa paahana, au paha hoi i hoolei iho ai i ka lei o ka hanohano maluna o kona mau ki-poohiwi a hapai aku la iaia i ke kiekiena o ka piko o Kaala, ka ma-una kaulana o ke kulanakauhale poo o Hawaii lahui, no ka hana a hookomo ana mai i na kanawai nou ame a'u o maha ae ai, me ko kiai pu ana hoi i na pukaliu e hoolilo mai ai ia kakou, i kona mau haku i poe haawe mau i na puolo o ke kaumaha, aka, o ka mea hihiu i ikeia, ua oili mai la ma ka Nupepa Ka Hoku Hoolaha, (The Star Bulle-tin) o ka la 23 iho nei, he bila ka-nawai i ikeia a i hookomoia iloko o ka hale o na lunamakaainana, Bi-la Kanawai Helu 99, a o ka makau la o nei kanawai, oia no ka Mea Hanohano, O. P. Soares, a o kona wahi i hooliloia mai ai i kauwa na ka lehulehu, mai ka apana 4 mai uo ia o keia Kalana. Ma ka aoao, 3 ma ke kolamu 2 o ua nupepa la, ke olelo nei ke poo manao o ua kanawai uei: "E hoomakaukau ana no ka hoi hoi ana mai i na hana apau o na Aha Apana i Honolulu nei; ka hoo nohonoho ana i papa kiure no ka Aha Apana o Honolulu; e hoopau ana i na aha apana o Oahu nei ame ka hookohu ana i elua lunakanawai no ka Aha Hoomalu o Honolulu.'' Holo, i ka heluhelu ekahi.— Soares. Ola oe o ka Apana 4 i ko moho ola pu oe o ke kanaka Hawaii e noho hoekepue mai nei i kou ihi kapu, a ola pu o Hawaii Paeaina nei eu a kakaolelo. Ea, auhea oe o Oahu e, iaa ua biki ia oe ke ike i ka manao o keia kanawai, pela pu hoi. kona hopena e hoea mai ana maluna iho ou e k kanaka nole a hune o ka noho ana alaila e ala, a mai nanea ko alo ka huli iluna, e helu ai i na laho o ka hale, o pauhia loa, i ka nanea me Niolopua a i ke ala ana ae keia ua hala ka puulena i Hilo, hapapa hewa na lima i ko ko 'a i'a ole — kau hana! No'u iho, ke ike nei au iamua, a ke ike malaelae aku nei i ka hoho nu o ka moana kaluli, kai lipolipo kahi e hiki ole ai kahi auwae ke lana ae, ke piholo aku ialalo o ka papaku o ka moana kai kupikipiki-o mo ka mouo o kupee ana i o'u mau lima ame na wawae. A oiai no ka la e kau ana, e alu pu mai kakou i nei mahinaai, a e waele ae i na wahi launahele o ulu nei, i maemae ke kanu ana aku i na wahi pohuli mamua o ka hoea ana mai i ke kau hooilo a kulu iho o Hakoilani. Iloko no o ke kaa o ka hapanui o na mana koho ia kakou, i na Ha waii, ela ka, e koheoheo mai ana no keia Pukiki ame na wahi pua o Kiiia a hoolilo mai la ia oe ame a 'u pu na ewe o ka hina, i kuewa maluna iho o na papalina aloha o kou one hanau, ka aina i eha ai ka ili ou mau kupuna uo ka makee i na liko pua e mohala ae ana a o hookawowo iho ana hoi ma ko lakou mau ma-kalua. Ka, auhea oe, aole kakou i poino ia hai, aole hoi na ha'i i paku ia kakou a hoolilo mai i na kauaka Hawaii, i malihini a i mea pekupe ku me he popo la, aka, na kakou ponoi iho no ke kumu o poino nei ka nohona a o hooliloia mai nei i mea paani wale na na kanaka i ulu ae ai i lilo i mau kupa no ka aina, mamuli o ka lele ana mai o ko lakou mau makua mai na aina e mai a oiai kakou ka lahui e noho ana iloko o ka like ole, lilili, hookeekee holoholoolelo, hakuepa, kuamuamu ame na manao pono ole e ao iloko o ko kakou mau pahukani, no na kauaka i lona ka hoonaauao kupono ia ana, i ikeia ko lakou makaukau no ka hoouna ana aku i ka hale kaukanawai, hopu hewa a haawi aku la kakou i na hilinai huhewa aua, i na keiki a na lahui e, a hui aku la i ko-kua ia oe iho, a i ka hoea aua mui i ka manawa o ka pilikia mamuli o ke kuhihewa, ha paiia mal la ka hoomanao ana i na kokua i haawiia aku i ua mau kauwa lahui e nei, a o ka hopena he hoi i Kalalau, Kauai, kahi a kela kaeaea i holo aku ai, no ka hoopa kele ana iho iaia, mai ka mana mai o na lima o ke kanawai i hoo-kaawaleia no ka poe i loaa i na haawina o ka ehaeha. E, halihali mai la oloko o'u kahi moolelo o Pamano, a iaa he oiaio ko | ua make ana i kua io ponoi, alaila,
o keia no ko kumu o ko kokolo aua
mai o ke aa o kela anoano ahiki
mai nei ia kakou, a ina e huli aku a
naua me ka hoomanao ana i ka
moolelo o Keopulupulu, kela kuhi.
kuhipuuone kaulana o ko kakou
aina, ka laeula nana, i haawi i ka
aina i ke kai, mamuli no ka alualu
na koa o ke alii, iaia ame kana
keiki i aloha nui ai e pepehi, kekahi
kumu no keia o kakou i lilo ai, na
na lahui o ke kai mai, e noho mana
mai maluna o kakou, a o ka hopena
e ikeia nei a e ikeia aku ai, o ia
uo, ka hahai mau ana o na haawe
o ke kaniuhu ame ka pilihua o kahi
noonoo maluna iho o kakou, a ina
aolo kakou o hiki ana ke ike koke
i na puka lua-meki i keia mau la
no ka hoopakele ana iho ia kakou,
pehea ana ka pono o ka nee ana
aku o keia mua?
E ao ana no anei oe e ka lahui
e, o mau, a e pili keia haawina me kakou i keia mau la amo ka kakou mau leialoha e ulu, a e pii ae ana ma ko kakou mau meheu i ka manawa a kela ame keia kino ola, o hooko ai, i ka olelo a ka Buke Nui, a ka-kou e paulele nei e i ana; "He ma-hu ke ola o ke kanaka i pu-a ae a emi aku, a e hoopoina loa i na olelo aloha a walohia a ke alii lokomaikai e i nei; "Ua mau ko ea o ka aina i ka pono." Aole anei e hiki no hoi ia Hawaii Lahui, e imi aku i ka lakiku ame ka loniku e holo palekana ai ka moku e kuekaa ana i pono, no na pua i oili a i omamaka ae me ka hiehie nui, mailoko ae o kou mau kuono laahia a kapukapu? Ua nele loa anei kakou i na kumu laau opiopio i ulu maikai ae iloko o ko kakou mau waena, i loaa ka ike i ka pono ame ka hewa, no ka noii ana aku i na alahele e olu a e maalahi ai, keia nohona mauleule ana? Ke manao ia nei au, aole! "E hana i ko ke kino, o i kau ka la, a e hana i ko ka uhane, o i kau ke ea." ARCHIE E. KAHELE. PIHA, I KA REV H. H.
PARKER KE KANAIWA-
KUMAMAKOLU MAKAHIKI Ma ka Poalua iho nei, i piha ai na makahiki he kanaiwa-kumama-kolu i ka Rev . H. H. Parker, a he kulana nawaliwali kona e waiho mai nei i kela manawa ma ka home o kana kaikamahine hanauna, Mrs. Mary Wilcox. Ua hanauia ka Rev. H. H. Parker ma ka Paeaina Marquesas i ka makahiki 1834, a no na makahiki he kanalima-kumamalima, i uoho ai oia he kahu uo ka ekalesia o Kawaiahao, a ma ka la 27 o ka mahina o Ianuali o ka 1918, i waiho aku ai oia i ka noho kahu ana no kela ekalesia. Maloko o ke kula alii o Kahehuna a ma Punahou oia i hoonaauaoia ai, a mamua o kona lawe ana ae i ka oihana kahunapule, ua noho mua oia he kumukula ma Lahainaluna, mai ka makahiki 1860 mai a i ka maka-hiki 1861. Ma ka makahiki 1863 i hoonohoia ai oia i kahu no Kawaiahao, a ma ia kulana oia i paa ai, ahiki wale no i kona waiho ana aku i kela ekalesia ma ka manawa i hoike ae nei maluna. Mai ka makahiki 1878 mai ahiki i ka 1891, oia ka lunahooponopono o ka Nupepa Kuokoa, aka mamua aku o kela manawa, ua noho lunahooponopono no oia no kekahi nupepa Hawaii e ae, ma ka inoa ka Lahui Hawaii. MAKE MAMULI O KA MO 'A O KE KINO I KE AHI Maloko o ka Halema 'i Moiwahi-
ne, ma ka hapalua a oi o ka hora
elua, o ka wanaao o ke Sabati iho
nei, a ao ae ka Poakahi, i make ai
he wahine opio nona ka inoa o Mrs.
Lydia Marks, a nona hoi na maka-
hiki he iwakalua-kumamalua wale
no, mamuli o ka mo 'a o kona kino
i ko ahi.
I kulike ai me ka moolelo o ka
loaa ana o kela wahine opio i ka
ulia poino, e kuke ana ka oia me
ke kapuahi aila mahu, ma kona ho-
me ma ke alanui Waimanu, ma ka
po o ke Sabati nei, a iloko o kona
nanea, i hanini mai ai he omole aila
a pulu kona lole e komo ana, na
kana kaikamahine o ekolu wale no
makahiki, i hana a hanini ka omole
aila.
Me kona lole i pulu i ka aila, ua
hoomaka ao la ke ahi e a, ma ke.
kahi ano ulia, a iloko o na sekona
helu wale no, ua puni ae la kela
wahine i ke ahi.
No ko kinai ana nae i ke ahi, ua
holo aku la o Mrs. Marks noloko o
ka rumi moe, me ka hoea koke ana
mai o George Marks kana kane no-
loko o ka rumi a komo pu mai la
ma ke kinai ana i ke ahi, ahiki
i ka pio ana, eia nae ua bele ke
kino o kela wahine a mo 'a, me ka
nui o na ehaeha i loaa iaia.
Ua hoihoi awiwi ia aku o Mrs.
Marks noloko o ka halema 'i o na
poino ulia, a mailaila aku i hoihoi
loa ia ai noloko o ka Halema 'i Moi-
wahine, aka nae ua lilo na hooika-
ika ana a na kauka e hoopakele ae
i kona ola, i mea poho wale, oiai
ua haalele mai oia i keia ola ana,
ma ka wanaao no o kela Sabati. No ka loaa ole o kahi kaawale
o ka nupepa i keia pule, i hoopanee-
ia ai ka hoopuka ana aku i kekahi
mau palapala i hounaia mai e na
makamaka a no keia pule ae. | NA HANA O KA AHAOLELO
(Mai Ka Aoao Ekahi Mai) ma na mokupuni apau o keia teri-tore.— Brown. B. S. 35— E hookupono ana i na keiki i hanauia— Brown. B. S. 36— E kau ana i ka haawina kuikawa no ko kula no ka manawa e hoomaka ana mai Ianuali 1928 aku a pau i Dekemaba 31, 1929.— C. A. Rice. B. S. 37— E kau ana i ka waihona laula no na kula no ka manawa o hoomaka ana mai Ianuali, 1, 1928 aku ahiki i Dekemaba 31, 1929.— C. A. Rice. B. S. 38— E hoopau ana i ka mokuna 230 o na Kanawai Hooponopono Hou ia e pili ana i na hoopa 'i kiekie ame haahaa.— C. A. Rice. B. S. 39— E hookaawale ana i uku hoomau o $350 o ka mahina no Hen-ry Smith no koaa wa ola.— McIner-ny. Na Olelo Hooholo O. H. Hui (Joint) 1—E noi ana o apono mai ka ahaolelo lahui i ka hana pelepele ma Hawaii nei— Aki. O. H. Helu (Con.) 1— E hoamana ana i ke Kiaaina e kono aku ia Senatoa Hiram Bingham ame ka Lu-namakaainana John Q. Tilson e hai-olelo imua o ka ahaolelo i ko laua Wa e hoea mai ai no Hawaii nei.— Judd. KA HALE. La Hana 6— Feb. 23. B. H. 85— E kukala ana no ka holomua o ke Kanawai Hoopulapula; A e noi ana l ko kakauolelo o ke keena kalaiaina e hoopaholaia aku ka hana hoopulapula ma na mokupuni apau o keia teritore.— G. P. Cooke. B. H. 86— E wehe ana i ka aina ma ke kihi o na alanui Kalihi ame Kaumualii i paka no ka lehulehu, mauka ae nei o Kalihi.— Akana. B. H. 87— E noi noa i auhau paku 'i no ke kokua ana i ka Home o ka Makua Louis, me ka Home o na Kaikamahine o ka Puali Hoola ma Hilo.—Ewaliko. B. H. 88-— E koi ana i auhau pa-ku'i no ka hoonee ana aku i ka home i kukuluia maluna o ke kahua o ka Halema 'i Memoriala ma Hilo a i na aina ma Piihonua.— Ewaliko. B, H. 89— E pili ana i ka hooliloana i na dala o ka lehulehu.— Silva. B. H. 90— E hoakaka ana no ka hookuuia o na keiki i hoopaaia ma loko o na kula hoopololei.— Lyman. B, H. 91—E pili ana i ke kikina kapu o na manu ame ke dia.— Lyman. B. H. 92— E pili ana i na uku laikini no na hana hoikeike akea. — Smith. B. H. 93—E hookaawale ana i $10,000 no kekahi alanui ma ke Camp Helu 6 he alanui e moe ana no ka ilina ma na aina hookuonoo-no o Waiakea.— Pedro. B. H. 94— E hoopau ana i ke ko misina i'a ame holoholona e hoihoi ana i ka mana i ke komisina ulu-laau ame mahiai. — Anderson. B. H. 95 — E hookaawale ana i $12,000 no ke alanui ma Poipu, Ko-loa, Kauai.— Viveiros. B. H. 96— E pili ana i na olelo hooholo o ka aha kakau, no ka ukuia ma ka piha ana he umi ma-kahiki,— Ahuna. B. H. 98— E pili ana i ke kuai i ka waiwai paa no ka uku ana i ka auhau.— Akana. B. H. 99— E pahola ana i ka ma-na o ka aha apana o Honolulu nei ahiki i na apana kuaaina, e hoopau ana i na luna kanawai apana o Ewa, Waianae, Waialua, Koolau-loa, Koolaupoko ame Wahiawa.— Soares. B. H. 100— E pili ana i ka uka o na lunahooponopono waiwai na kahu malama, ame kekahi poe e ae.— Soares. B. H. 101— E noi ana i haawina o $547.92, no ka uku hou ana ae ia John Enos—Soares. B. H. 102— E pili ana i ke ola o ka wahine ame ke keiki i haaleleia. — Soares. O. H. (joint) 1— E hookaawale ana i $50,000 no ke kukulu ana i elua mau kii keleawe no Kalanianaole ma Honolulu nei ame Kauai. O H. (joint) 2— E koi ana e uku-ia aku ia M. B. Bairos ka mahele o kona ukuhana i hookiekieia ae mai ka 1925 a 1927.— Soares. KE SENATE La Hana 7— Feb. 24. B. S. 40— E hoololi ana i ka pauku 1608 e pili ana i ka manawa koho baloka o na kalana o Kauai, Maui ame Hawaii,— H. Rice. B. S. 41— E hoololi aoa i ka pau-ku 1587 e pili ana kela i ka heluna o na lunakiai o ke kalana o Maui no ko lakou kohoia ma na apana.— H. W. Rice. B. S. 42— E hoololi ana i ka pauku 110 no ka hoololi ana i ka inoa o ke kula a 'o kumu a e kapaia ke kula kiekie no na kumukula. — Akina. B. S. 43— E hoakaka ana no na ukuhoomau o kekahi poe ehiku. — Brown. B. S. 44— E hoamana ana e hoo-pukaia na bona e ke teritore.— C. A. Rice. B. S. 45— E hoakaka ana no ka hana ana aku i alanui mai ke poo aku o ke alanui Piikoi a i ki Kiekiena o Makiki.— Chillingworth. Na Olelo Hooholo O S. 6— E hoololi ana i na laoa o kekahi mau komite.—Judd. | O. S.7—E koi ana e hookomoia
he itamu iloko o ka bila haawina
o ka papa ola no kekahi kauka
ma ka halema 'i o Kalihi.— Brown.
O S . 8— E paku 'i aku ana i elua
hou mau inoa me ka papainoa o ka
poe i loaa na ukuhoomau no ke ku-
lanakauhale a kalana o Honolulu
nei,— Brown.
O S. 9— E kau ana i ka ukuhana
o na kakauolelo ame na limahana
o ke senate.— Chillingworth.
O. S. 10— E pili ana i ka hoopono-
pono ana i ka moolelo o ka aha
senate. — Chillingworth.
O S. 11— E hoakaka ana no ke
kahea ana i na koho no ke pa 'i
ana i ka moolelo o ke senate.—
Chillingworth.
KA HALE.
La Hana. 7— Feb. 24.
Na Bila i Hookomoia ae.
B. H. 103— E kauoha ana i ke
kulanakauhale a kalana o Honolulu e uku i kekahi mau ukuhoomau. — Anderson. B..H.104— E koi ana i ke kulanakauhale a kalana o Honolulu e uku ae i ke koi a ka halekuai o Tong Leong.— Anderson. B. H. 105— E koi ana i ke kula-nakauhale a kalana o Honolulu e uku ae i ke koi a Robert K. Quin.— Anderson. B. H. 106— E koi ana i haawina o $100,000 no ke camp no ka hale paahao ma Kalihi, na meahana me ke kuai ana i ka pono alahele no na paahao,— Lyman. B. H. 107—E hookau ana i na li-mahana apau maloko o ka oihana makai malalo o ka hoikeia,— Lyman. B. H. 108— E hoololi ana i ka ma-nawa o ke koho baloka, no na luna oihana o na kalana o Kauai, Maui ame Hawaii, iloko o ka mahina o Novemaba, elike me ke koho baloka o na hoa o ka Ahaolelo.— Bareallino. B. H. 109— E pili ana keia i ka papa hoaio dala.— Gomes. B. H. 110— E koi ana i ke teritore o uku ae ia Rhoads i $52,00— Pas- choal. B. H. 111— E pili ana keia i ka waihona ukuhoomau no na makai, na kanaka kinaiahi ame na hoa o ka bana puhiohe,— Silva. B. H. 112— E pili ana i ka waiho ana ae i na palapala noi holo moho. —Silva. B. H. 113— E pili ana i ka hewa hoeha.— Stillman. B. H. 114— E pili ana i ka hoeha me ka manao e limanui. — Stillman. B. H. 115— E koi ana e hoihoi hou ia aku ia Frank E. Howes he $23.85 no ka auhau i ukuia me ka pololei ole.— Stillman. B. H. 116— E koi ana i ukuhoomau o $12 o ka mahina no Robert Waipa Parker.— Holt. B. H. 117— E koi ana o hoihoi hou ia aku ia Douglas, na dala he -215.39 i uku hewa ia no ka auhau. — Vi tousek. B. H. 118— E koi ana i ka puuku o ke teritore e waiho ae i hoike o elua makahiki i ka ahaolelo.— Vi-tousek. ' B. H. 119— E pili ana keia i ka hoopilikia me ka manaoio.— Vitou-sek. B. H. 120— E pili ana i kekahi mau mea pili i na moolelo kahiko a mau mea waiwai nui paha.— Vi-tousek. B. H. 121— E pili ana i ke aupuni kulanakauhale a kalana.— Holt. B. H. 122— E pili ana i ka auhau o na kau otomoblle.— G. P. Cooke. B. H. 123— E koi ana i ka papa o na lunakiai o ke kulanakauhale a kalana o Honolulu nei, e hooma-huahua ae i ka ukuhana o na kanaka kinaiahi ame na makai i umi pa-keneka.— Chillingworth. B. H. 124— E hookaawale ana i $3000 no ka uku o kekahi mea a 'o i na hana hooikaika kino, no ke Kula McKinley.— Chillingworth. B. H. 125— E hoolilo ana i na makai nui ame na hope makai nui o na kalana lehulehu, i mau akena nana i'a.— Chillingworth. B. H. 126— E pili ana keia i ka hooponopono ana, no ka lawai'a ana ma na kai o Hawaii nei— Chilling-worth. B. H. 127 — E koi ana i ke aupuni kulanakauhale e kuai i kekahi aina mauka ae nei o Kalihi-kai i paka no ka lehulehu.— Chillingworth. B. H. 128— E pili ana keia i na ula.— Chillingworth. B. H. 129 — E hookumu ana i keena no kekahi loio no ka lehulehu.— Soares. B. H. 130— E hoomahuahua ana i ka huina o na dala loaa makahiki e hookuuia mai ka auhau aku, o ia hoi mai ka $2000 ae a i ka $3000.— Ashford. B. H. 131— E koi ana i ukuhoo-mau o $7.' no ka mahina e haawiia Mrs. C. McGurn no kona wa e ola ana. — Robinson. KE SENATE La Hana 8— Feb. 25. B. S. 46— E hoololi ana i ka pauku 312 e pili ana l ka oihana hoo-naauao. — Akina. B. S. 74— E hookaawale ana i ka huina o $25,000, no na hoolilo o na hoa o ka ahaolelo lahui ame kekuhi mau malihini hanohano e ae e holo makaikai mai ana i Hawaii nei ma keia mua aku. — Desha. B. S. 48— E hoololi ana i ka pau-ku 1504 e pili ana i na uku e hoo-paaia e na makai.— Mossman. B. S. 48— E hoololi ana i ka pauku 2555, e pili ana keia i na uku i koiia ai ma ke kanawai e hoopaa-ia.—Mossman. | B. S. 50— E hoolaula ana i na manao o ko Kanawai 261 e pili ana i na ukuhoomau.— C. A. Rice. B. S. 51— E hoamana ana a e kau-oha ana i ke kulanakauhale a ka-lana o Honolulu, e uku hou ae i na kahu malama waiwai o James Camp-bell i kekahi hapa o na dala auhau i ukuia e kela kahu malama waiwai.— C. A. Rice. B. S. 52— E koi ana e hookaa-waleia i haawina kuikawa no na mea pili i na ululaau.— Na ke Ko-mite Mahiai me Ululaau. B. S. 53— E koi ana i haawina hou no ka Halema'! Mahelona o Kauai. —C. A. Rice. Na Olelo Hooholo. O S. 12— E noi ana i ka ahaolelo
lahui, e hana mai i kekahi mau hoo-
loliloli i ke kanawai hoopulapula.— Judd. Olelo Hooholo Hui O. B. (con) 2— E hoamana ana i
ka akena o ka waihona federala e
hoolimalima i kakauolelo no ke ko-
kua ana iaia no ka uku o ekolu
haneri dala no ke kau.— Chilling-
worth.
O. S. 3— E koi ana i ka peresi-
dena o ke senate ame ka lunahoo-
malu o ka hale, e kono aku i ke
Kakauolelo o ke Keena Kalaiaina
Hubert Weeks e haawi mai i ke-
kahi haiolelo imua o na hoa o ka
ahaolelo ke hoea mai oia i Hawaii
nei.— Judd.
Na Palapala Hoopii.
P. S. 1— E noi ana i haawina no
ke kuai ana i ka aina no ka hoo-
nui ana aku i ke. kahua o ke kula
o Kauluwela.— Waihoia i ke komite
wae o Oahu.
Ka Puunaue Ana i na Bila.
B. S. 40. I kekahi komite nona
na lala o na senatoa i huiia o Kau-
ai, Maui ame Hawaii.
B. S. 42 i ke komite, hoonaauao.
B. S. 43, 44 ame 45 i ke komile
o na loaa ame na hoolilo.
B. S. 1 ame 15 i ke komite hoo-
kolokolo. KA HALE La Hana 8-Feb 25, B. H. 132— E hookaawale ana i haawina o $10,000 no ka halii ana i ke alanui o Kauiki, Kawaihau, Kauai me ke ili.— Gomes. B. H. 133— E pili ana i ka pono o ke kane mare.— Viveiros. B. H. 134— E hookapu ana i ka mare hou o na mea i hookaawaleia ma ke oki mare, iloko o ka makahi-hiki hookahi, mahope o ke kaawale ana.— Viveiros. B. H. 135— E hookaawale ana i kekahi mau haawina kupono, no na ma'i ma Kalaupapa, Molokai.— G. P. Cooke. B. H. 136— E hookaawale ana i mau halema'i ma na mokupuni lehulehu no na ma'i lepera. — Sniffen. B. H. 137— E pili ana i na uku o na hooko kauoha, na lunahoopono-pono waiwai, na kahu ame na kahu malama waiwai,— Ashford. B. H. 138— E pili ana i ka hoololi ana i na aina aupuni.— Ewaliko. B. H. 139— E pili ana keia i na laikini kuai waiwai,— Ewaliko. B. H. 140 — I ukuhoomau o hookahi haneri no ka mahina no Dan Namahoe no kona manawa o ola ana.— Ewaliko. B. H. 141— E hookaawale ana i uku no na kano i hookaawaleia ma ka mare.— Silva. B. H. 142— E hookaawale ana i $150.000 no ke kuai ana aku i kekahi mau kahua hou no na kula ma Oahu nei.— Akana. B. H. 143— E koi na i ka papa i elua mau halawai kumau o ka lunakiai kulanakauhale e malama ia i ka mahina,— Anderson. B. H. 144— E pili ana i ka lawaia ana i ka opelu.— Pedro. B. H. 145— E hoihoi ana i $1132.50 i kahi hoomalu o na holoholona.— Petrie. B. H. 140— E koi ana i $30.000 no ka hana hou ana i ka palekai ma Kailua Kona, Hawaii.— Muller. B. H. 147 — E hooponopono ana i ka lawai'a ana ma na kai o Hawaii nei. — Pedro. PAKELE KE OLA O KEKA-
HI OPIO MA KA APUA Ma ka auwina la o ka Poaha aku nei i hala, i pakele mahunehune mai ai ke ola o kekahi keiki opio o William Howell ka inoa, o ia ka haule ana mai. o kekahi pohaku nui, a pa pono ma kona poo, he pohaku i lele iluna o ka lewa, i ka wa i hoopa-huia ai ke alanui, e hanaia nei ma Manoa. Iloko o ke kulana kupilikii, i hoi-hoiia ai kela opio no ka Halema 'i Moiwahine, a ma na mea i hoikeia ae ma ka po ana iho o kela la, aia he manaolana nui loa, ao ka palekana o ke ola o kela opio. E paani ana kela opio, me ke-kahi mau haumana e ae o ke kula o Punahou, ma ko kahua o ke kula a iloko o ko lakou nanea, ua haule mai la ka pohaku mailuna mai o ka lewa a pa ma ko poo o kela ke iki, me ka puka ana o ke poo i kela pohaku, a eha pu hoi kona he-lehelena. Ma ka oleloia, he nui ka na kumu hoohalahala i waihoia ao e ko Manoa poe, no ko ano o ka hoohanaia aua o kela alanui, o ia hoi, ke ano o ka hoopahupahuia aua o na pohaku; aole nae he maliuia aku o kela mau hoohalahala, a o keia iho ia ka hopena i ikeia. | |