Ka Nupepa Kuokoa, Volume LXVI, Number 9, 3 March 1927 — Houia Kekahi Pilipino i ka Pahi a Make Na Kekahi Wahine i Hana i Kela Karaima no ka Limanui o ka Pilipino AE OIA NO KONA HANA ANA I KE KARAIMA Haawipio Kela Wahine laia Iho Imua o ka Oihana Makai ma Kela la [ARTICLE]

Houia Kekahi Pilipino i ka Pahi a Make

Na Kekahi Wahine i Hana i Kela Karaima no ka Limanui o ka Pilipino

AE OIA NO KONA HANA ANA I KE KARAIMA

Haawipio Kela Wahine laia Iho Imua o ka Oihana Makai ma Kela la

No ko kupale ana iaia iho, mai ka hoopilikia amo ka hoopoino ana aku a kekahi Pilipino o ka hoea ana aku no kona rumi, ma ke kakahiaka o ka Poalua iho nei, i hou ae ai he wahine Pilipino, nona ka inoa o Mrs. Ceferina Superal i kekahi Pilipino o Coenelio Tamlong me ka pahi a make loa, me ka ae okoa ana ae O kela wahine, oia maoli no ka mea nana i hookau aku i ka make maluna o kela Pilipino kane. I kulike ai me ka moolelo pokolo e pili alia i ka make ana o ka Pilipino, ua hoea aku o Tamlong no ka hale o ka wahine Pilipino, ma ka hapalua o ka hora eono o kela kakahiaka, me ka manao e hoopoino ma ke ano hoohaumia i kela wahine, mahope iho keia o ka hala ana aku o ke kane a kela wahine no kana hana. No ke kupale aiia iaia iho, mai ka manao kolohe mai o Tamlong, ua ku-e mai la kela wahine i ka manao epa o kela Pilipino, me ko laua noke ana i ke aumeume, ahiki i ka holo okoa ana aku o ka wahine Pilipino noloko o ka halekuke, o kii ai i kekahi palii. Aole no i lilo ka holo ana aku o kela wahine e kii i pahi, i kumu e hoopau ai ka Pilipino kolohe i kana hana lioopilikia, aka ua hoomau mai la no oia i ke aumeume ana i ka wahine, a no ka hele loa o kela hana a laua i ka nui, ua hiki ole i kela wahine, ke alo ae, mai kona hou ana aku i ka mea kolohe i ka pahi. Mahope iho o kona hookau ana aku i ka make maluna o ka Pilipino kolohe, o ia ka houia ana o ka pahi ma ka opu, i haawipio okoa ae ai kela wahino iaia iho imua o ka oihana makai, ina kela kakahiaka no, a hoounaia na makai no kahi i hanala ai ke karaima pepe* hikanaka, a ua loaa aku ka Pilipino make e waiho mai ana iluna o ka papahele, malōko o ka rumi i aumeume ai oia me ka wahine ana i makemake ai 6 hoopoino, mainuli o kona mau manao lapuwale.

Ma ka hoakaka a kela wahine imua o na kanaka o ke aupuni, aole ka kela o ka manawa mua loa * Tamlong, i hoao ai e hoopilikia aku iaia, aka ma ka Poalima aku nei i hala, ua t hoea aku no ua Pilipino nei, noloko o kona rami, me kela manao kolohe o hoopoino aku iaia, aka i ka manawa, nae i hoike'ike mai ai i kwa manao ku-e, ua

hoomaka aku la ua Pllipino nei e ka hoao hou ole aku e hoopilikia, a o keia iho la ka' elua o ka mnnawa o ua Pilipino nei i hoea aku ai, a o ka mako nae ka hopena i kau mai malana ona. TJa laweia ae ke kino o ka Pilipino make, no kahi waiho kino o ke aupuni, no ke kahaia ana, a ma keia la e noho ae ai ke kiare koronelo, no ka ninaninau pono ana, i na ike aparu e pili ana i ka hoea ana mai o kela hopena maluna o ka mea i make.