Ka Nupepa Kuokoa, Volume LXVI, Number 9, 3 March 1927 — MAKEMAKE E HOOPAUIA NA LUNAKANAWAI O NA APANA KUAAINA [ARTICLE]

MAKEMAKE E HOOPAUIA NA LUNAKANAWAI O NA APANA KUAAINA

Ma ka Poakolu o ka pule aku nei i hala, i hookomo ae ai ka Mea Hanohano O. P. Soares, he bila kanawai iloko o ka hale o na lunamakaainana, e koi ana e hoopau loa ia na lunakanawai apana o Ewa, Waianae, Waialua, Koolauloa, Koolaupoko amo Wahīawa. £ hoakaka pu ana maloko o kela bila kanawai, no ka hoihoi ana mai i ka aha apana ma Honolulu nei wale no e malamaia ai; a i elua mau lunakanawai na laua e hoolohe mau i na hihia i kela ame keia manawa. Ina nei no ka holo o keia bila e lilo i kanawai, e kau aku ana ke ko'iko'i maluna o ko na kuaaina poe, ka auamo ana i na hoolilo nunui, o ka holo ana mai i keia kulanakauhale, ma- na manawa e loaa ai he mau hihia ia lakou; a e hooneleia aku ana hoi kekahi poe e paa mai nei i na kulana wai apana, i na kulana oihana a lakou e noho mai nei.