Ka Nupepa Kuokoa, Volume LXVI, Number 9, 3 March 1927 — E HOOLOLIIA KO KAKOU KANAWAI WAE MOHO E PONO AI. [ARTICLE]

E HOOLOLIIA KO KAKOU KANAWAI WAE MOHO E PONO AI.

Wa lea Poaono aku nei i hala, i hookomoia ae ai iloko o ko Keakou ahaolelo e noho mai nei, he bila kanawai, e hoololi ana 5 ko kakou kanawai koho baloka e ku nei i keia manawa, a keia pepa e manaoio nei, he mea pono loa e hoopauia keia kanawai. no ke kumu, ua wehe hamama ae ia i ka ipuka no na hana epa me ke kolohe, ma ka aoao o na loea kalaiaina, elike rae ia a kakou i ike mau ai, ma na hopena o na kau koho baloka wae moho apau. O ka wae ana i na moho, no ke alualu ana 1 na kulana oiJiana kohoia e ka lehulehu, he hana ia i ili aku maluna o ko kakou mau aoao kalaiaina; no keia kumu i kaheaia ai na ahaelele, mainua aku o ka hooholoia ana o ke kanawai wae moho, no ka akoakoa ana ae o na elele o kela ame keia aoao kalaiaina iho, a wae i ka lakou mau moho. Ua ike kakou i na hopena i oili ae ma kela ano o ka wae ana j na moho maloko o na ahaelele, o ia no ka lawelaweia ana o na hana e lanakila ai na moho a kekahi poe kakaikahi wale no i makemake ai; a no ke kaulike ole o kela ano o ka wae ana, pela i kaa ai na ka lehulehu ka wae ana i na moho> elike me ko kakou kanawai e ku nei i keia wa; ua oi aku nae keia o ke ino, no ka mea, ua wehe hamama ia ae ka ipuka no na liana epa me ke kolohe ma ka aoao o na mana koho, a ma kahi o ke koho pololei ana aku o na Repubalika i ka lakou mau moho, ua lele aku la lakou» a kolio i na moho o ka aoao Demokarata, pela no hoi na Demokarata e lele mai ai e koho i na moho Repubalika. . No na kumu maopopo loa a kakou i ike ai, i lawelawe mau īa e ko kakou poe loea kalaiaina; a e na moho no hoi e alualu ana e loaa ka waeia mai no na kulana oihāna a lakou e ake aku ana e lilo i mau moho, he mea kupono loa i na hoa oloKo o keia kau ahaolelo, ke hooholo i kekahi hoololi i ke kanawai wae moho e ku nei i keia manawa. No ka. wae wale ana no i na moho> na kela ame keia aoao kalaiaina pakahi, ka makemake nui o keia hoololi ana i ke kanawai; a ma ke koho baloka laula aku, ua hiki i kela ame keia mana koho baloka, ke koho i kana moho i makemake a?, me ka hoohaiki ole ia o ke ano o kana koho ana, elike no me ia a kakou e ike nei> ma na koho baloka kuloko o kakou.