Ka Nupepa Kuokoa, Volume LXVI, Number 9, 3 March 1927 — MA NA APANA E KOHOIA AI NA LUNAKIAI. [ARTICLE]

MA NA APANA E KOHOIA AI NA LUNAKIAI.

Ma ka hookomoia ana ae he bila iloko o ka aha senate e Senatoa Harold W. Rice o Maui, e hoololi ana i ke koho ana 1 na hoa o ka papa lunakiai o ke Kalana o Maui, ma na apana, o kela kekahi o na hana kupono loa, elike me ke ano o ke koho ana a ke Kalana o Kauai, i kona mau hoa no ka papa o na lnnakiai. Ma ka hoihoi ana na kela ame keia apana ponoi iho e kqho ? kona lunakiai' e kaa mau ana ka lunakiai i kohoia, malalo o ka maka'u ame ka hopohopo, no ka poe na lakou oia i koho o ia hoi, e lilo ana oia i mea makaala mau no ka pono o kona apana ame na makaainana e noho ana maloko olaila. Maloko o na lawelawe hana ana apau o ka papa o na lunakiai, e konoia ana na lunakiai apau, e kaana like i na hoolilo oke kalana, no ko lakou mau apana iho; e kaohiia ana na hana hoomaunauna wale i-ke dala no kekahi mau hana waiwai ole; no ka mea ke ku mau mai la na makaainana koho haloka mahope o ko lakou mau kua. a kuhikuhi mai i na mea a lakou 1 hoohemahema ai. He mea oiaio loa, ma ka hoihoi ana ae i na koho baloka o na kalana lehulehu o kakou ma ka manawa hookahi e malamaia ai o ke koho baloka teritore e hoemi loa ia mai ana na hoolilo koho baloka; a e hoomaalahiia ana no hoi na moho, ma ka lakou hooikaika ana no ko lakou kohoia mai e ka poe koho haloka, o ko lakou mau kalana iho. Pinepine ko kakou lohe, ma na haiolelo kalaiaina» i ke koi okoa mai no o na moho, ina e kohoia ana lakou a puka i poe kankanawai, alaila e hooikaika ana lakou e hoemiia mai ke ana auhau; ke ike nei nae kakou iloko o keia mau la kakaikahi wale no o ka ahaolelo e noho mai nei, o ka hoopii ukuhana> a o ka hoonui lilo, na mea mua loa i hookomoia ae ma kekahi mau hooponopono ahaolelo; e ili aku ai ke ko'iko'i maluna o na makaainana, ka uku ana i na auhau kiekie ma keia moa aku. r Me ka lilo no o ka auhau o elima dala, i huina. paakiki na kekahi poe o kakou e uku ae ai i na luna auhau, o ka oi loa akn, i ko na kuaaina poe> he .umi dala ka auhau i hookomoia ae iloko o ka hale o na lunamakaainana, ma kekahi bila kanawai la īloko o na la mua o keia kau o ka ahaolelo kuloko. Ina aole ke kanawai lole auau a Senatoa Desha e ku nei i keia manawa, ina ke mau nei no na haole i ka hele olohelohe ma na alamii aupuni, me kekahi lole loihi ole e uhi ana mawaho ae o ko lakou mau lole auau. Elike me ke ku mau ana 0 keia kanawai a Senatoa Desha> pela auanei ka loihi o ka hoopakeleia ana o ka inoa maemae o kakou na Hawaii, ka poe 1 loaa na manao hilahila, no ka lilo o na kino olohelohe, i mau mea makaikaiia e ka lehulehu. Ina no ka hoemi ana mai i na hoolilo o ke aupuni, o ka manao nui ia o ka makemake ana o ka Mea Hanohano Soares o ka apana eha, e hoopauia na lunakanawai apana o Ewa, Waianae, Waialua, Koolauloa ame Koolupoko, a ma Honolulu nei wale no e ku ai ka aha apana, elike me kana bila kanawai i hookomo ae ai iloko o ka hale o na lunamakaainana; alaila āole he hana oi aku o ka hoemi lilo mamua o ka hoopau ana i ke aupuni kulanakauhale a kalana o Honolulu nei; no ka mea ua oi pakele loa aku na hoolilo o ka hoohana ana i keia aupuni» mamua o ka manawa e kaa ana na ke teritore e makaala i na wahi apuni o Hawaii nei. He hanau no na amaama loko i ka hua ma ke kikina kapu o ka amaama, no keia kumu, e hookapu holookoa ia na amaama kai ame na amaama loko, iloko o kela kikina, i hoopulapulaia ai na amaama» elike me ka makemake o ke kanawai i hanaia ai e ka ahaolelo aku nei i hala. No ka hoemi ana mai i na ulia poino i na kaa otomobile, he mea pono i na makai, ke hakilo loa i na kaa i ka wa e hoea ai ma na huina alanui, ua ku-e maoli ia no ke kanawai ma kekahi mau wahi ena kiakaa; ina i hoomaopopoia he mea pono e hoemiia ka holo o ke kaa* ke hoea i na kihi alanui» ina aole e make ma'uwale ke kaikamahine Kepani, me ka ēha kukoiiukonu o kekahi poe kaikamahine e ae, ma ka ulia o ka auwina Ia Sabati iho nei> ma ka apana o Kaimuki.