Ka Nupepa Kuokoa, Volume LXVI, Number 9, 3 March 1927 — Nuhou Kuloko [ARTICLE]

Nuhou Kuloko

Ma ka Poakahi iho nei, ka la ho-1 pe loa e uku ae ai i na auhau leaa I otomobile, ua hele a hookeke maoli | ke keena o ka puuku kulanakau-! hale i na kanaka me ke ku ana o kekahi poe iloko o ka laina no kekahi mau hora loihi, mamua o ka loaa ana mai o ko lakou mau laikini kaa hou. Ma ka Poalua iho nei, i piha ai i ka Kev. H. H. Parker, na makahiki he kanaiwa-kumamakolu; ua hanauia oia ma ka Paeaina Makuika, ma ka la 1 o Maraki oka 1834, He oma'ima'i kona e waiho mai nei i keia manawa. Ma keia po e holo aku ai na hoa 0 ka aha senate do Maui, no ka nana ana i kekahi mau wahi o kela mokupuni, i makemakeia ai na bila haawina, a hala loa aku no Molokai e nana ai i na aina hoopulapula, a ma ke kakahiaka o keia Poakahi, e ku hou mai ai no Honolulu nei. He ewalu mau bila o ka hale o na lunamakaainana, i hooholoia nia ka heluhelu elua ana, ma ka Poakahi iho n ei. 1 Ma ke koho ana ana hoa o ka hale ho iwakalua-kumamaha i ka eha ma ka aoao ku-e, i pepehiia ai ka bila a Ashford, o koi ana e hoopauia ke kanawai lole auau a "Senatoa Desha. Ma kalii o ke kanalima kaukani (lala, i ohiia no na auhau kaa otomobile ma ka Poakahi iho nei, ka la liope e ukuia aj. o na auhau, a he umi hoi kaukani dala i ohiia ma ka Poalua ae, e ke keena o ka puuku kulanakauhale. I kulike ai me na mea i hoomaopopoia he kanakolu-kumamaha ka nui o na ulia kaa otomobile iloko aku nei o ka mahina o Febcruari, a he ekolu poe i make mamuli mai o kela mau ulia. Ma ka halawai a ka papa o na lunakiai o ke kulanakauhale a kalana o Honolulu nei, o ka malamaia ana ae ma ka po o ka Poalua aku la i hala, i hooholo ai kela papa, aolo e ae i ka manao o ka Loio Kulanakauhale Davis e hooponopono i ka hihia o Russell V. Roberts ma ka hoopau wale ana i na kumu hoopii e ku-e ana iaia, ke uku ae o Roberts i na dala i pokole iaia oloko o ka oihana wai o ke kulanakauhale. Ma ka Poaono o keia pule ae, o ia ka la 12 o keia mahina, e malamaia ai ke koho baloka kuikawa ma Maui, no ka hoopiha ana i ka makalua i hoohakaliakaia iho, mamuli o ka make ana o ka Lunamakaainana Levi L. Joseph. Oiai e holo ana no ke kinai ana i kekahi ahi ma kahi kokoke i ke Kula McKinley, ma ka auwina la 0 ka Poalua iho nei, i hooku'i ai ke kaa kinaiahi o Makiki, me kekahi kaa otomobile, o ka hopena i ikeia, o ia no ka elia loa ana o kekahi o na kanaka kinaiahi, a hoihoiia oia no ka Halema'i MoiWahine mo ka loaa ole o kekahi poino 1 ko kiakaa o ke kaa otomobile. No ka hoao ana o kekahi- Pilipino e hoopoino aku i kekahi wahino Pilipino makai ae nei o Iwilei, ma ke kakahiaka o ka Poalua aku la i hala, i houia ae ai kela Pilipino i ka pahi a make loa e ka wahine i makemakeia ai e hoopoino; me ka ae okoa ana ae o kela wahine, oia ponoi ka mea nana i pepehi i ka mea hoopilikia, no ke kupale ana iaia iho.