Ka Nupepa Kuokoa, Volume LXVI, Number 9, 3 March 1927 — KAA HOU KA HELU EKAHI I KA MOHO A NA KOA [ARTICLE]

KAA HOU KA HELU EKAHI I KA MOHO A NA KOA

Maiwaena mai o ka nui o na kaikamahine, i komo ma ke kuai tikiki ana, no na hana hoikeiko a hoohauoli a ka Hui Malu Elks, o ka malamaia ana ae niawaho o Waikiki, no ka pulo a oi no ke alualu ana i ka makana helu ekahi, ua kaa ke eo o kela hana hookuku ia Miss Natalio Rcdmon, ka moho a ka oihana koa, me ka lilo ana ho kaa otomobile makana iaia. O keia iho la ka elua o ka manawa i aha'i ai keia kaikamahine i ka helu ekahi o na hana hookuku kuai tikiki; o ka nianawa mua loa, ma ka makahiki koke aku nei no i hala, a o keia iho la ka elua o ka manawa. O ka nui o na haloka i loaa i keia kaikamahine he 779,000; a ua kaa hoi ka helu 'elua ia Margaret Wong, ka moho a na Pake, 0 ka makana o loaa ana iaia, o ia ka holo makaikai ana i Kapalakiko a hoi mai maluna o ka mokuahi hou Malolo. O na baloka i loaa i keia kaikamahine he 514,000. Ua kaa no ika moho a na Pake ka helu elua, ma ka makahiki aku nei i hala, he kaikamahine okoa« nao ka mea iaia i lilo ai "ka makana, o Euniee Chin. Ua kaa ka helu ekolu ia Kaipo North, o Tca nui o na baloka i loaa iaia he 500,000, o Mililani Lucas aku mahope ona me na baloka he 385,000 a malalo aku kekahi poe e ae. Ma ka po o ka Poakahi iho nei, 1 hoea mai ai na hana hoikeike mo hoohauoli a ka Ahahui Elks mawaho ae nei o Waikiki i kona hopena, me ka hele a piha i na kanaka, a ma ka oleloia, o ka hoikeike a ka hui Malu Elks i keia makahiki o kekahi ia o na hoikeike oi loa o ke olioliiaia.