Ka Nupepa Kuokoa, Volume LXVI, Number 9, 3 March 1927 — Nuhou Kuwaho [ARTICLE]

Nuhou Kuwaho

LINOOLN, N.eb., Feb. 25—H!e mokulele ka i hoounaia aku i ka lewa mai ke kahua aku ō ka oihana kaua aina maanei i keia la no ka hoo-pa-hu ana mai ka lewa ilio i ka hau maloko o ka muliwai Elkhom a ua lilo ia hau i kumu hu o ka wai mahai o ka muliwai a halanaia ke kaona o Waterloo e ka wai. No ka lilo o ka wai halana i kumu hoopilikia nui i na aina ame na hale o ka mea wale no o pakele ai oia ka nahaha o ka hau.

GBNEVA, Feb. 25—Ua hoikeia aku e Sepania i keia la i ka Aliahui o na lahui aole ia e komo pu aku ana iloko o ka ahakuka hoemi lilo a ka ahahui. Ua hookahahaia na luna nui o ka ahahui no keia hoiko a Sepania, no ka mea oiaio ua hoiko mua mai la o Sepania i ka paa o kona manao no kona hookaawale iaia iho mai ka ahahui aku, o ia mau no nae kona manao o komo pu mai iloko o ka ahaolelo kukakuka lioopau i ko kapili ana i na mokukaua.

WAKINEKONA, Fcb. 25—Ua aponoia e ke senate i keia la mo ke ku-o ole ka hookaawale ana o halo i ka huina o $450,000 no ka hoomaka. ana o kapili i ekolu maa mokukaua holomama. Ina no ke aponoia mai o ka bila e hoomaka koko aku ana ke kapili ana i na mokukaua ma ka 1& 1 o lulai.

SHANGHAI, Feb. 26—0 ke kulanakauhale o Sunkiang ko ki no ka palekana o Shanghai no elua manawa ka lilo ana i kekahi aoao a i kekahi aoao iloko o na hora he 24 i hala, a i nei manawa ua hoikeia mai ua lilo aku ia kulanakauhale iloko o na lima o na koa o ka akau inalalo o ke alakai ana a ke Kenerala Chang Chung Chang. Iloko o ia manawa no he kaua hahana ka i hooukaia mawaena o na koa Cantonese ame na koa i waeia a Chang Tso-Lin ke hoomauia mai ]a ma Sunkiang no ka hooikaika ana e kaili mai ia kulanakauhale mai ka mana hoomalu mai a na koa o ka akau i kaawale ke alanui no na Cantoncse e kai mai ai no Shanghai. Ua like ke kahua e noho ana o na koa a na lahui e me kekahi kahua kana i lako me na mea kaua.